HOHIA 13
13
Na hupu botangu rukuna na hukungu nduma Ihirailu
1Àmangu patembi-ya na kabihu Epuraïmu hi lupa da-mangàdatu da kabihu hawiangu, jàka ningu pareta welingu la kabihu nuna. Na nyuna nawunda njala na kabihu Epuraïmu rukuna ba na-lumungu Mbaàlu, tuna nuduka napa nyuna na-molungu. 2Lundu nàhu wunda-mada-nyapa njala da tau Epuraïmu; da-pandoi kahala hada àmahu bara – na kahala hada pa-kakatu kanandingu tau pinu tana dàngu na pa-pandoi lima tau pinu tana hàla hi dalumu-nya. Dapanii, “Wotu-njawa kameti maraku yiada da kahala hada!” wàda. Pa-hangàtaru wànguya, na tau ba na-puduku kahala hada hapi! 3Rukuna nuna napa da-munangu da tau nuda hama tuna hambongu jàka ndia hamburungu la lodu mbaru. Hama tuna kalatu rembi la ngia pawari puruhu uhu nggàndumu-ha pa-hawuru ngàndi ngilu dàngu hama tuna kawuu maluhu welingu la hola.
4Napanii i MIRI, “Nyungga yia MIRI Alami, na mairu ngàndikai paluhu welingu la Mehiru. Nda ningua hili hau Alami hinggilu-nggu Nyungga. Mbulungu Nyunggama-a ma-pahàla-kai nyimi. 5La tana katukuru la maràda telangu, Nyunggama mamangga-nggai nyimi. 6Tàka ba ninggaika la tana mahàmu, bai mbihu dàngu ba hoda-mika, ngamba-minyaka hi maromba-ngga Nyungga.
7Rukuna nuna napa hama tuna hinga ba ku-kaluluku-nggai nyimi. Napa hama tuna mahangu kadutulu ba ku-pandapu-nggai la ànda. 8Napa Nyungga ku-kaluluku-nggai hama tuna mbaruangu, ma-mbulangu anana. Napa kuba - bàriku-kai. Hama tuna hinga napa kuhoba-kai la pangia-mi, dàngu hama tuna banda bohu napa kuhi - hirakai.
9Napa ku-pakabu-kai, ha banjaru Ihirailu! Ka nggamu-aka ma-ngalangu pandula-kai? 10Ikarai hanganji dàngu liku uru, ka nggihaka nàhu nyuda mbuu ndàbada? Da-ngalangu ihu nyuda pa-pahàla-ya na rayatu-mi? 11Wàngu hàngganggu ba kuwua-nggai hanganji dàngu wàngu kaburaü-nggu ba kuyila beliha,” wàna.
12Napanii i MIRI, “Da njipu njalana na Ihirailu pambàda tulihu-haka, dàngu pa-pahàmu-ya nu na pa-tulihu. 13Ninguma rehi peku làti paluri na Ihirailu, tàka ba kanjupu ndubaya nda natuu-anya linguna na rehi peku nuna. Beri hama tuna ana raraya nyuna matoma rehi dedina tàka nda nabihu-a paluhu welingu la kambu inana. 14Nda jia pamara-anggunya yiana na banjaru welingu la kawaha parai mameti. Ha meti wewaru-nyawa na kanyaki-mu! Pahàra-nyawa na paràma-mu na ma-pakabu! Nda kuaï-ayapa yiana na banjaru. 15Jiapa-kai ka na-mbokaru hama tuna rumba ma-kamboka-ya na Ihirailu, na nyuna ba tuna napa ku-pangàndi-nya ngilu timiru mambana welingu la maràda telangu. Napa nuna na ngilu na-pamihi-ha mbuu ndàba da matawai dàngu da humuru, hi da-munangu ndàba da ma-pawilingu.
Currently Selected:
HOHIA 13: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
HOHIA 13
13
Na hupu botangu rukuna na hukungu nduma Ihirailu
1Àmangu patembi-ya na kabihu Epuraïmu hi lupa da-mangàdatu da kabihu hawiangu, jàka ningu pareta welingu la kabihu nuna. Na nyuna nawunda njala na kabihu Epuraïmu rukuna ba na-lumungu Mbaàlu, tuna nuduka napa nyuna na-molungu. 2Lundu nàhu wunda-mada-nyapa njala da tau Epuraïmu; da-pandoi kahala hada àmahu bara – na kahala hada pa-kakatu kanandingu tau pinu tana dàngu na pa-pandoi lima tau pinu tana hàla hi dalumu-nya. Dapanii, “Wotu-njawa kameti maraku yiada da kahala hada!” wàda. Pa-hangàtaru wànguya, na tau ba na-puduku kahala hada hapi! 3Rukuna nuna napa da-munangu da tau nuda hama tuna hambongu jàka ndia hamburungu la lodu mbaru. Hama tuna kalatu rembi la ngia pawari puruhu uhu nggàndumu-ha pa-hawuru ngàndi ngilu dàngu hama tuna kawuu maluhu welingu la hola.
4Napanii i MIRI, “Nyungga yia MIRI Alami, na mairu ngàndikai paluhu welingu la Mehiru. Nda ningua hili hau Alami hinggilu-nggu Nyungga. Mbulungu Nyunggama-a ma-pahàla-kai nyimi. 5La tana katukuru la maràda telangu, Nyunggama mamangga-nggai nyimi. 6Tàka ba ninggaika la tana mahàmu, bai mbihu dàngu ba hoda-mika, ngamba-minyaka hi maromba-ngga Nyungga.
7Rukuna nuna napa hama tuna hinga ba ku-kaluluku-nggai nyimi. Napa hama tuna mahangu kadutulu ba ku-pandapu-nggai la ànda. 8Napa Nyungga ku-kaluluku-nggai hama tuna mbaruangu, ma-mbulangu anana. Napa kuba - bàriku-kai. Hama tuna hinga napa kuhoba-kai la pangia-mi, dàngu hama tuna banda bohu napa kuhi - hirakai.
9Napa ku-pakabu-kai, ha banjaru Ihirailu! Ka nggamu-aka ma-ngalangu pandula-kai? 10Ikarai hanganji dàngu liku uru, ka nggihaka nàhu nyuda mbuu ndàbada? Da-ngalangu ihu nyuda pa-pahàla-ya na rayatu-mi? 11Wàngu hàngganggu ba kuwua-nggai hanganji dàngu wàngu kaburaü-nggu ba kuyila beliha,” wàna.
12Napanii i MIRI, “Da njipu njalana na Ihirailu pambàda tulihu-haka, dàngu pa-pahàmu-ya nu na pa-tulihu. 13Ninguma rehi peku làti paluri na Ihirailu, tàka ba kanjupu ndubaya nda natuu-anya linguna na rehi peku nuna. Beri hama tuna ana raraya nyuna matoma rehi dedina tàka nda nabihu-a paluhu welingu la kambu inana. 14Nda jia pamara-anggunya yiana na banjaru welingu la kawaha parai mameti. Ha meti wewaru-nyawa na kanyaki-mu! Pahàra-nyawa na paràma-mu na ma-pakabu! Nda kuaï-ayapa yiana na banjaru. 15Jiapa-kai ka na-mbokaru hama tuna rumba ma-kamboka-ya na Ihirailu, na nyuna ba tuna napa ku-pangàndi-nya ngilu timiru mambana welingu la maràda telangu. Napa nuna na ngilu na-pamihi-ha mbuu ndàba da matawai dàngu da humuru, hi da-munangu ndàba da ma-pawilingu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)