IMBARANI 3
3
I Miri Yehu narihi bokulu-pa welingu lai Muha
1Angu dedi, angunda patau Karitu pambàda paau-mbuna i Ala! Màla pangàda hàmu-manya bàdi rukuna yiana i Yehu! Na-palewa paihiku-nya Nyuna paraïna i Ala panjadi Ratu Bokulu la anggama payàpa-nda. 2Na-tuturu-ma duna lai Ala na mambàda pindiya la paràma nuna hama tuna i Muha àmangu ba na-tuturu pa-palaku-ya na paràma-na la Uma Ala. 3Tàka i Yehu duna na-paràkangu-ma pa-ngalangu tembi maraku ma-parihingu welingu lai Muha. Nadu na tau na mawulu uma ba parihi tembiya welingu la uma nuna. 4Deningu-na nimbihu-da da uma ba ninguma mawulu-ha, tàka na mawulu-ya mbuu ndàbana, jiaya i Ala duna. 5I Muha na-tuturu-ma duna ba ma-lumungu-ya daa la Umana i Ala dàngu la pa-patàka-nya na papaniina i Ala la rehi na manàmu-nya. 6Tàka i Karitu duna na-tuturu ba Anaya, na makata-nya na Umana i Ala. Nyuta-maka yia Umana i Ala, jàka pa-daingu ringgitu-nda dàngu pa-daingu màndungu-na la etinda la pangala-nya na pamonu-nda.
Na hangahu-na na banjaru-na i Ala
7Jia ba tuna nu, hama tuna na papanii-na na Ngahuna i Ala,
“La lodu nàhu, jàkai ronguya na wai liina i Ala,
8àmbi malihu-du hama tuda da boku la mangilu-mi,
ba da-katadaku lai Ala, hi dakama-nya i Ala la maràda wara.
9‘Lai nu dakama-ngga paraï da boku la mangilu-mi, dàngu dakaka-ka,’ wàna i Ala,
‘jiapa ka mbàda ngita-danja da pawunda-nggu ba patu kambulu ndauna mandaina,’ wàna.
10Jia-duyaka hi kuhàngga-nja, hi kupanii,
‘Naingu-mana ba nda da-tuturu,
dàngu nda dabihu pa-karadaku-nja da hupu liinggu,’ hi wànggu.
11Kumbeni hi ku-harangu,
‘Nda jia ngalangu-ada patama la tana nuna
la pa-hangahu dàngga Nyungga,’ wànggu,” wàna.
12Oi angu dedi, manggangu ka àmbu ningu haàtu lai nyimi ma-akatu etina dàngu manda pawai, hi na-kandulingu ba namaraunya i Ala maluri! 13Jia ba tuna, ka àmbu ningu haàtu lai nyimi pa-panyonga ma-akatu hi na-ndubaku-ya i Ala, màtawa kai maràngga panaungu dàngga angumi nimbihu lodu ba talànga luri-ndapa la rehi nàhu, nu, “na Lodu Nàhu” ba wàna la Huratu Matua. 14Nyuta mbuu ndàbanda angu pajàrungu-na i Karitu-ta, mili àru nyuna takata undunya na ma-màndungu la etinda piti welingu la pakiri-na lundu hupu njàpuna.
15Yiana-ya na pa-tulihu la Huratu Matua,
“Jàkai ronguya na wai liina i Ala la lodu nàhu,
àmbi malihu-du, hama tuda da boku la mangilu-mi,
ba da-katadaku lai Ala,” wàna.
16Màla, nggamu-haka wàmi da marongu-ya na wai liina i Ala hi katadaku biada-nyai lai Nyuna? Hi jia ndàba-maha da tau da pairu ngàndina i Muha welingu la Mehiru, wàngguka? 17Dàngu ka nggamu-haka da pambenina i Ala la patu kambulu ndaungu mandaina? Jiaha da matuu manjala, hi dameti hadaparu la maràda telangu, wàngguka? 18Ba tuna yia na harangu-na i Ala, “Nda jia ngalangu-ada patama la tana nuna la pa-hangahu dàngga Nyungga,” wàna – ka nggamu-haka duda da palaana i Ala? Jiaha da tau da ma-katadaku lai Ala, wàngguka? 19Nu pidunda-nyaka nàhu, hi nda da-ngalangu patama, ba ruku nda pawaida lai Ala.
Currently Selected:
IMBARANI 3: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
IMBARANI 3
3
I Miri Yehu narihi bokulu-pa welingu lai Muha
1Angu dedi, angunda patau Karitu pambàda paau-mbuna i Ala! Màla pangàda hàmu-manya bàdi rukuna yiana i Yehu! Na-palewa paihiku-nya Nyuna paraïna i Ala panjadi Ratu Bokulu la anggama payàpa-nda. 2Na-tuturu-ma duna lai Ala na mambàda pindiya la paràma nuna hama tuna i Muha àmangu ba na-tuturu pa-palaku-ya na paràma-na la Uma Ala. 3Tàka i Yehu duna na-paràkangu-ma pa-ngalangu tembi maraku ma-parihingu welingu lai Muha. Nadu na tau na mawulu uma ba parihi tembiya welingu la uma nuna. 4Deningu-na nimbihu-da da uma ba ninguma mawulu-ha, tàka na mawulu-ya mbuu ndàbana, jiaya i Ala duna. 5I Muha na-tuturu-ma duna ba ma-lumungu-ya daa la Umana i Ala dàngu la pa-patàka-nya na papaniina i Ala la rehi na manàmu-nya. 6Tàka i Karitu duna na-tuturu ba Anaya, na makata-nya na Umana i Ala. Nyuta-maka yia Umana i Ala, jàka pa-daingu ringgitu-nda dàngu pa-daingu màndungu-na la etinda la pangala-nya na pamonu-nda.
Na hangahu-na na banjaru-na i Ala
7Jia ba tuna nu, hama tuna na papanii-na na Ngahuna i Ala,
“La lodu nàhu, jàkai ronguya na wai liina i Ala,
8àmbi malihu-du hama tuda da boku la mangilu-mi,
ba da-katadaku lai Ala, hi dakama-nya i Ala la maràda wara.
9‘Lai nu dakama-ngga paraï da boku la mangilu-mi, dàngu dakaka-ka,’ wàna i Ala,
‘jiapa ka mbàda ngita-danja da pawunda-nggu ba patu kambulu ndauna mandaina,’ wàna.
10Jia-duyaka hi kuhàngga-nja, hi kupanii,
‘Naingu-mana ba nda da-tuturu,
dàngu nda dabihu pa-karadaku-nja da hupu liinggu,’ hi wànggu.
11Kumbeni hi ku-harangu,
‘Nda jia ngalangu-ada patama la tana nuna
la pa-hangahu dàngga Nyungga,’ wànggu,” wàna.
12Oi angu dedi, manggangu ka àmbu ningu haàtu lai nyimi ma-akatu etina dàngu manda pawai, hi na-kandulingu ba namaraunya i Ala maluri! 13Jia ba tuna, ka àmbu ningu haàtu lai nyimi pa-panyonga ma-akatu hi na-ndubaku-ya i Ala, màtawa kai maràngga panaungu dàngga angumi nimbihu lodu ba talànga luri-ndapa la rehi nàhu, nu, “na Lodu Nàhu” ba wàna la Huratu Matua. 14Nyuta mbuu ndàbanda angu pajàrungu-na i Karitu-ta, mili àru nyuna takata undunya na ma-màndungu la etinda piti welingu la pakiri-na lundu hupu njàpuna.
15Yiana-ya na pa-tulihu la Huratu Matua,
“Jàkai ronguya na wai liina i Ala la lodu nàhu,
àmbi malihu-du, hama tuda da boku la mangilu-mi,
ba da-katadaku lai Ala,” wàna.
16Màla, nggamu-haka wàmi da marongu-ya na wai liina i Ala hi katadaku biada-nyai lai Nyuna? Hi jia ndàba-maha da tau da pairu ngàndina i Muha welingu la Mehiru, wàngguka? 17Dàngu ka nggamu-haka da pambenina i Ala la patu kambulu ndaungu mandaina? Jiaha da matuu manjala, hi dameti hadaparu la maràda telangu, wàngguka? 18Ba tuna yia na harangu-na i Ala, “Nda jia ngalangu-ada patama la tana nuna la pa-hangahu dàngga Nyungga,” wàna – ka nggamu-haka duda da palaana i Ala? Jiaha da tau da ma-katadaku lai Ala, wàngguka? 19Nu pidunda-nyaka nàhu, hi nda da-ngalangu patama, ba ruku nda pawaida lai Ala.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)