IMBARANI 11
11
Na pawai
1Na pawai ba wànda jiaya na-màndungu langatàka-na la eti jàka nggàraha da pa-monungu, nu jia-duyaka ba mbàda ninjaka la lima da kawuku-da da panda ngita wàngu mata. 2Rukuna ba dapawai da tau la handàka-na hi nambuha-nja paraïna i Ala.
3Rukuna ba tapawai, hi tapinya ba na puluna i Ala na ma-padika-nya na pa-nggubulu awangu; jia ba tuna, nggàraha da pangita-nda, dedida welingu la panda ngita.
4Rukuna ba napawai hi nangàndi kameti maraku lai Ala i Hambilu, nu na kameti maraku na marihi-nya na kameti maraku-na i Kaïngu. Rukuna na pawaina nuna hi nanggepiya i Hambilu paraïna i Ala ba tau hàmuya, nadu ba na-lohangu ba nanggepi-ha da pawotu-na paraïna i Ala. I Hambilu duna mbàda meti-naka, tàka rukuna na pawaina hi re - reu bia-napa lundu nàhu.
5Rukuna ba napawai, hi nda nameti i Henuku, na nyuna pa-padita-ya hi karia-nya lai Ala. Nda ningua tau mahunggu-ya, maa ba mbàda padita-nanyaka duna paraïna i Ala. Pa-tulihu-mayaka daa la Huratu Matua ba ndedipa pa-padita-ya i Henuku, nali-maya na etina i Ala. 6Jàka nda ningu pawai, nda ningua haàtu tau ma-ngalangu paliya na etina i Ala. Nadu na tau na ma-hangiri-ya i Ala nawai-maya bàdi ba ninya i Ala, dàngu ba nawua-nya wundana na tau na mahimbuya Nyuna.
7Ruku pawaina hi napanii-nya i Nuhu paraïna i Ala rukuda da madedi la lodu malamiri, da pandedi ngitana. I Nuhu nakaradaku-nya i Ala hi na-pandoi-ya na kapalu la pa-pamara wànya nyuna dàngu na kuru umana. Nu hi hukunya na pinu tana, tàka i Nuhu duna tau hàmuya wànanya paraïna i Ala rukuna na pawaina.
8Ruku pawaina, na-karadaku lai Ala i Ambarahàmu ba napaau-nya hi na-palewa-ya palaku la hau pangia na paràndi-nanya paraïna i Ala. Ka laku-nanyaka nyuna i Ambarahàmu dàngu nda pinanya na ngia pa-hanggangu-na. 9Wàngu pawaina, namandapu nyuna i Ambarahàmu la tana paràndi-nanya paraïna i Ala ba tau tàkaya. Ka ngiangu-nanyaka lai nu i Ambarahàmu la uma tera. Tumbuda i Ihàku dàngu i Yakupu, da maangu ndumanya na paràndi-na i Ala. 10Nadu ba patia-ma-nanya duna i Ambarahàmu na paraingu na maningu lata màndungu, na pa-pakaka hahana dàngu na pa-pahada-na i Ala.
11Ruku pawaina, hi na-ngalangu bia kawukuna lai Hara nyuna i Ambarahàmu, jiapa ka nda mbàda làpahu-nakadu na kaweda-na i Ambarahàmu, tàka i Hara duna ba tau mbutaya. Na-màndungu-ma la etina i Ambarahàmu#Ruku pawaina, ... mbutaya. Na-màndungu-ma la etina i Ambarahàmu; la lawiti ndai da manda pirada: Ruku pawaina tàka hi peku pa-anakedangu-na i Hara. Jiapa ka mbàda làpahu-na na kaweda-na la pa-paana. Tàka i Hara duna ... ba na-patutu-nya na paràndi-na i Ala. 12Jiapa-kadu la rehi nuna ba hama tuna tau mambàda metiya i Ambarahàmu, na nyuna nangala pahau dangu bia ana umbuku-na, da panda taü padiha – hama tuna na danguda da kandunu la awangu dàngu wara la hingi tehiku.
13Nyuda nu mbuu ndàbada daingu pawai-mada hi lundu dameti. Nda dangala-anjapa da paràndi-na i Ala, tàka dangita dàngu danggepi marau-aya. Jia ba tuna nu ka pajia-duda-nyaka ba tau tàkaha dàngu ba tau tama-aha yia la pinu tana. 14Da tau da mapanii tuda nu ba paita loha-danya ba himbu-danya tana na manjadi tana wikida napa. 15Nda jia-aya na tana na pambàda tu kajia-da na pa-pangàda mànuda. Nadu jàka tuna nu, mbàda peku-daka làti pa-kabeli la tana ngia paweli-da. 16Tàka ita-ndanyaka, ba rinjudanya na hau tana na marihi hàmu, nu na tana na maninya la awangu. Jia-duyaka hi nda na-makia i Ala, Ala-manya jàka wàdanya, maa ba mbàda payema-du-nanjaka hau paraingu ndumada nyuda.
17Ruku pawai-mbuna, i Ambarahàmu hi nawotu-ya i Ihàku ba natuya kameti marakuna ba jiaya nakama-nanya paraïna i Ala. Lai Ambarahàmu-maka na ngia paparàndinguna i Ala, na nyuna ba tuna na màjangu bia i Ambarahàmu pawua-ya na ana mangu didingu-na. 18Mbàda panii-naka i Ala lai Ambarahàmu, “Lai Ihàku yiana-maka na ngia pa-ngalangu-mu ana umbuku-mu na paràndi-nggunggau,” ba wànanya. 19Na-màndungu-ma duna la etina i Ambarahàmu ba namàka-ma duna i Ala la pa-pahada belinya i Ihàku welingu la meti – jia ba tuna nu, i Ambarahàmu mbàda ngala beli-nanyaka i Ihàku welingu la meti peku wàndambu.
20Ruku pawaina, i Ihàku hi napeka-nja mahàmu i Yakupu dàngu i Ehaü ndumana na lodu na manàmu-nya.
21Ruku pawaina, ba ndedipa nameti i Yakupu, hi napeka màra haàtu-nja mahàmu da anana i Yuhupu – hi na-hamaya-nya i Ala ba na-panyuka la pingina na tokungu-na.
22Ruku pawaina, i Yuhupu – ba mareni meti-ama-naka – hi napanii-ya na luhuda da tau Ihirailu welingu la Mehiru, hi napamuanja jàka nggiki-danya bàdi napa na metina.
23Ruku pawaida, da inana da amana ba nadedi-ka i Muha hi dawini katailu mbua wulanya paraï da ina amana. Ba daita-ya paràka miningu-na dàngu nda damangàdatu-anya na hupu liina na hanganji.
24Ruku pawaina, ba na-matua-ka i Muha nda nabihu-a ka tikiya ba anana na anana kawini i Piraüngu-ya. 25Narihi mbuhangu-pa la papàda dànya mayila na banjaru-na i Ala welingu la papàda-nya na luri hàmu nu na luri la njala na manda pira-a mandaina. 26I Muha napàda-nya la etina ba kanjupu rihi pawilingu-mayapa duna la pangala-nya na pawawa-ya lumuna na Hanganji Ma-pamànangu panjanji-na i Ala welingu la pangala ndàbanja da banda tana Mehiru, maa ba monu-mananya duna i Muha na wundana la lodu malamiri.
27Ruku pawaina, i Muha hi na-dunjaku-nya na tana Mehiru dàngu nda mangàdatu-nanya na hànggana na hanganji. Ka laku hanggangu-nanyaka i Muha la ngia palaku-na ba hama jiangu ita bia-nanya i Ala na panda ngita. 28Ruku pawaina i Muha, hi nakata-nya na uku Paha hi na-wuangu pareta ka perinja wai ria da pindu uma tau Ihirailu ka àmbu na-pameti-ha da kawunga anada paraï papalewa-na i Ala na matanggu butuhu kayeku tau.
29Ruku pawaida da tau Ihirailu, hi peku pala-danya na Tehiku Rara, ba hama tuna mali la mamara biaha, tàka da tau Mehiru da ma-kamangu-mbu la papala da-mumuhu.
30Rukuna na pawai, da tau Ihirailu da-nyungguru-ha da kangeli paraingu Yeriku ba dahàla-ka pa-winggiru kapihu mbua lodunya. 31Ruku pawai-mbuna i Rahàpu, na kawini pahunda, hi nda namohu karia bianja da tau da ma-ndubaku-ya i Ala; ba nanggepi mangu hàmu-dunjaka da tau Ihirailu da ma-kapilitu tana.
32Nu ba tuna, peku panii pa-ngalangu-manggu, tàka nanjàpu-nggaka rehi. Nadu ba ndedi kutiki-aha i Nggindiungu, i Mbaràku, i Himuhungu, i Yeputa, i Ndautu, i Hamuilu lupa da wunangu-ka. 33Ruku pawaida, hi mbàda pakàku-daha da pa-hanganji. Dawundaya na matànji, hi dangala-nya na paràndi-na i Ala. Dawunggu-nja da ngaru hinga, 34dapàda epi ma-kandulangu, da-pahàla welingu la tanju-nanja hapanda. Da manda màka, hi dalua-ya la pamàka; nyuda da-kaborangu la pabera, hi da-beraha da pamba banjaru tau hangàdangu. 35Ruku pawaida, da kawini dangala belinja da taudaka da mameti.
Ningumbu ma-pajàmangu wikida ka pa-mayila-ha lundu meti, nda dabihu-a ka pahàla-ha, ba da-mbuhangu ningupa la pa-paluri beliha la hili hau luri na marihi hàmu. 36Ningu pa-payudi, papalu, patungu nggili bàhi, dàngu pa-panànggangu, la uma kapàtangu. 37Pa-pinjalungu watuha lundu dameti, ningu pa-rondangu, dàngu ningu pa-pameti wàngu hapanda. Da-njadangu dàngu paki manula mbimbi jàka ndia manula kamàmbi; ba dàngu milada, pa-pamayila dàngu pa-pajàra-ha. 38Na pinu tana yiana nda ràka pangia-adanya. Da-njadangu la maràda telangu dàngu la tandula - tandula, da-ngiangu la liangu dàngu la rowaku.
39Nda uku bokulu-ya na mànangu na pangala-da da tau mbuu ndàbada nuda rukuna na pawaida! Jiapa-kai ba tuna nda dangala-anya na paràndi-na i Ala, 40nadu ba ningu pa-pakaka-na duna i Ala na marihi hàmu ndumanda nyuta. Nu na pa-pakaka-na, jia ba da-karia-nda nyuta-a hi pekuda la panda ningu nyurangu.
Currently Selected:
IMBARANI 11: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
IMBARANI 11
11
Na pawai
1Na pawai ba wànda jiaya na-màndungu langatàka-na la eti jàka nggàraha da pa-monungu, nu jia-duyaka ba mbàda ninjaka la lima da kawuku-da da panda ngita wàngu mata. 2Rukuna ba dapawai da tau la handàka-na hi nambuha-nja paraïna i Ala.
3Rukuna ba tapawai, hi tapinya ba na puluna i Ala na ma-padika-nya na pa-nggubulu awangu; jia ba tuna, nggàraha da pangita-nda, dedida welingu la panda ngita.
4Rukuna ba napawai hi nangàndi kameti maraku lai Ala i Hambilu, nu na kameti maraku na marihi-nya na kameti maraku-na i Kaïngu. Rukuna na pawaina nuna hi nanggepiya i Hambilu paraïna i Ala ba tau hàmuya, nadu ba na-lohangu ba nanggepi-ha da pawotu-na paraïna i Ala. I Hambilu duna mbàda meti-naka, tàka rukuna na pawaina hi re - reu bia-napa lundu nàhu.
5Rukuna ba napawai, hi nda nameti i Henuku, na nyuna pa-padita-ya hi karia-nya lai Ala. Nda ningua tau mahunggu-ya, maa ba mbàda padita-nanyaka duna paraïna i Ala. Pa-tulihu-mayaka daa la Huratu Matua ba ndedipa pa-padita-ya i Henuku, nali-maya na etina i Ala. 6Jàka nda ningu pawai, nda ningua haàtu tau ma-ngalangu paliya na etina i Ala. Nadu na tau na ma-hangiri-ya i Ala nawai-maya bàdi ba ninya i Ala, dàngu ba nawua-nya wundana na tau na mahimbuya Nyuna.
7Ruku pawaina hi napanii-nya i Nuhu paraïna i Ala rukuda da madedi la lodu malamiri, da pandedi ngitana. I Nuhu nakaradaku-nya i Ala hi na-pandoi-ya na kapalu la pa-pamara wànya nyuna dàngu na kuru umana. Nu hi hukunya na pinu tana, tàka i Nuhu duna tau hàmuya wànanya paraïna i Ala rukuna na pawaina.
8Ruku pawaina, na-karadaku lai Ala i Ambarahàmu ba napaau-nya hi na-palewa-ya palaku la hau pangia na paràndi-nanya paraïna i Ala. Ka laku-nanyaka nyuna i Ambarahàmu dàngu nda pinanya na ngia pa-hanggangu-na. 9Wàngu pawaina, namandapu nyuna i Ambarahàmu la tana paràndi-nanya paraïna i Ala ba tau tàkaya. Ka ngiangu-nanyaka lai nu i Ambarahàmu la uma tera. Tumbuda i Ihàku dàngu i Yakupu, da maangu ndumanya na paràndi-na i Ala. 10Nadu ba patia-ma-nanya duna i Ambarahàmu na paraingu na maningu lata màndungu, na pa-pakaka hahana dàngu na pa-pahada-na i Ala.
11Ruku pawaina, hi na-ngalangu bia kawukuna lai Hara nyuna i Ambarahàmu, jiapa ka nda mbàda làpahu-nakadu na kaweda-na i Ambarahàmu, tàka i Hara duna ba tau mbutaya. Na-màndungu-ma la etina i Ambarahàmu#Ruku pawaina, ... mbutaya. Na-màndungu-ma la etina i Ambarahàmu; la lawiti ndai da manda pirada: Ruku pawaina tàka hi peku pa-anakedangu-na i Hara. Jiapa ka mbàda làpahu-na na kaweda-na la pa-paana. Tàka i Hara duna ... ba na-patutu-nya na paràndi-na i Ala. 12Jiapa-kadu la rehi nuna ba hama tuna tau mambàda metiya i Ambarahàmu, na nyuna nangala pahau dangu bia ana umbuku-na, da panda taü padiha – hama tuna na danguda da kandunu la awangu dàngu wara la hingi tehiku.
13Nyuda nu mbuu ndàbada daingu pawai-mada hi lundu dameti. Nda dangala-anjapa da paràndi-na i Ala, tàka dangita dàngu danggepi marau-aya. Jia ba tuna nu ka pajia-duda-nyaka ba tau tàkaha dàngu ba tau tama-aha yia la pinu tana. 14Da tau da mapanii tuda nu ba paita loha-danya ba himbu-danya tana na manjadi tana wikida napa. 15Nda jia-aya na tana na pambàda tu kajia-da na pa-pangàda mànuda. Nadu jàka tuna nu, mbàda peku-daka làti pa-kabeli la tana ngia paweli-da. 16Tàka ita-ndanyaka, ba rinjudanya na hau tana na marihi hàmu, nu na tana na maninya la awangu. Jia-duyaka hi nda na-makia i Ala, Ala-manya jàka wàdanya, maa ba mbàda payema-du-nanjaka hau paraingu ndumada nyuda.
17Ruku pawai-mbuna, i Ambarahàmu hi nawotu-ya i Ihàku ba natuya kameti marakuna ba jiaya nakama-nanya paraïna i Ala. Lai Ambarahàmu-maka na ngia paparàndinguna i Ala, na nyuna ba tuna na màjangu bia i Ambarahàmu pawua-ya na ana mangu didingu-na. 18Mbàda panii-naka i Ala lai Ambarahàmu, “Lai Ihàku yiana-maka na ngia pa-ngalangu-mu ana umbuku-mu na paràndi-nggunggau,” ba wànanya. 19Na-màndungu-ma duna la etina i Ambarahàmu ba namàka-ma duna i Ala la pa-pahada belinya i Ihàku welingu la meti – jia ba tuna nu, i Ambarahàmu mbàda ngala beli-nanyaka i Ihàku welingu la meti peku wàndambu.
20Ruku pawaina, i Ihàku hi napeka-nja mahàmu i Yakupu dàngu i Ehaü ndumana na lodu na manàmu-nya.
21Ruku pawaina, ba ndedipa nameti i Yakupu, hi napeka màra haàtu-nja mahàmu da anana i Yuhupu – hi na-hamaya-nya i Ala ba na-panyuka la pingina na tokungu-na.
22Ruku pawaina, i Yuhupu – ba mareni meti-ama-naka – hi napanii-ya na luhuda da tau Ihirailu welingu la Mehiru, hi napamuanja jàka nggiki-danya bàdi napa na metina.
23Ruku pawaida, da inana da amana ba nadedi-ka i Muha hi dawini katailu mbua wulanya paraï da ina amana. Ba daita-ya paràka miningu-na dàngu nda damangàdatu-anya na hupu liina na hanganji.
24Ruku pawaina, ba na-matua-ka i Muha nda nabihu-a ka tikiya ba anana na anana kawini i Piraüngu-ya. 25Narihi mbuhangu-pa la papàda dànya mayila na banjaru-na i Ala welingu la papàda-nya na luri hàmu nu na luri la njala na manda pira-a mandaina. 26I Muha napàda-nya la etina ba kanjupu rihi pawilingu-mayapa duna la pangala-nya na pawawa-ya lumuna na Hanganji Ma-pamànangu panjanji-na i Ala welingu la pangala ndàbanja da banda tana Mehiru, maa ba monu-mananya duna i Muha na wundana la lodu malamiri.
27Ruku pawaina, i Muha hi na-dunjaku-nya na tana Mehiru dàngu nda mangàdatu-nanya na hànggana na hanganji. Ka laku hanggangu-nanyaka i Muha la ngia palaku-na ba hama jiangu ita bia-nanya i Ala na panda ngita. 28Ruku pawaina i Muha, hi nakata-nya na uku Paha hi na-wuangu pareta ka perinja wai ria da pindu uma tau Ihirailu ka àmbu na-pameti-ha da kawunga anada paraï papalewa-na i Ala na matanggu butuhu kayeku tau.
29Ruku pawaida da tau Ihirailu, hi peku pala-danya na Tehiku Rara, ba hama tuna mali la mamara biaha, tàka da tau Mehiru da ma-kamangu-mbu la papala da-mumuhu.
30Rukuna na pawai, da tau Ihirailu da-nyungguru-ha da kangeli paraingu Yeriku ba dahàla-ka pa-winggiru kapihu mbua lodunya. 31Ruku pawai-mbuna i Rahàpu, na kawini pahunda, hi nda namohu karia bianja da tau da ma-ndubaku-ya i Ala; ba nanggepi mangu hàmu-dunjaka da tau Ihirailu da ma-kapilitu tana.
32Nu ba tuna, peku panii pa-ngalangu-manggu, tàka nanjàpu-nggaka rehi. Nadu ba ndedi kutiki-aha i Nggindiungu, i Mbaràku, i Himuhungu, i Yeputa, i Ndautu, i Hamuilu lupa da wunangu-ka. 33Ruku pawaida, hi mbàda pakàku-daha da pa-hanganji. Dawundaya na matànji, hi dangala-nya na paràndi-na i Ala. Dawunggu-nja da ngaru hinga, 34dapàda epi ma-kandulangu, da-pahàla welingu la tanju-nanja hapanda. Da manda màka, hi dalua-ya la pamàka; nyuda da-kaborangu la pabera, hi da-beraha da pamba banjaru tau hangàdangu. 35Ruku pawaida, da kawini dangala belinja da taudaka da mameti.
Ningumbu ma-pajàmangu wikida ka pa-mayila-ha lundu meti, nda dabihu-a ka pahàla-ha, ba da-mbuhangu ningupa la pa-paluri beliha la hili hau luri na marihi hàmu. 36Ningu pa-payudi, papalu, patungu nggili bàhi, dàngu pa-panànggangu, la uma kapàtangu. 37Pa-pinjalungu watuha lundu dameti, ningu pa-rondangu, dàngu ningu pa-pameti wàngu hapanda. Da-njadangu dàngu paki manula mbimbi jàka ndia manula kamàmbi; ba dàngu milada, pa-pamayila dàngu pa-pajàra-ha. 38Na pinu tana yiana nda ràka pangia-adanya. Da-njadangu la maràda telangu dàngu la tandula - tandula, da-ngiangu la liangu dàngu la rowaku.
39Nda uku bokulu-ya na mànangu na pangala-da da tau mbuu ndàbada nuda rukuna na pawaida! Jiapa-kai ba tuna nda dangala-anya na paràndi-na i Ala, 40nadu ba ningu pa-pakaka-na duna i Ala na marihi hàmu ndumanda nyuta. Nu na pa-pakaka-na, jia ba da-karia-nda nyuta-a hi pekuda la panda ningu nyurangu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)