YAHAKIALU 9
9
Ba hukunya na Yeruhali
1Tunaka nu kurongu ba nawara i Ala, “Maiwa nàmu ha dimi tau ma-paloku-ya nahuku-nggunya yiana na paraingu. Ngàndi-hawa da madàka-mi,” wàna. 2Hi jia hàndaka wudaku wàda bia da tau manomu welingu la hambeli pindu bokulu Umana i MIRI mbara dia, nimbihu-da dangàndi madàka. Karia-da nyuda ninya na tau mapaki tera linangu na mangàndi pa-tulihu wàngu. Nyuda datama hi da-ndolaku la lihi ngia pawotu maraku welingu lai parunggu.
3Hàla na-handaraku ma-kalilangu na tanda ba ninya na Ala Ihirailu, na-handaraku welingu la patau awa - patau awangu,#patau awa - patau awangu, tàngaru-ya la 1:5. hi na-lelingu la pindu tama Umana i MIRI welingu la pangia-na na ma-wungangu. Ka paau-nanyaka na tau mapaki tera linangu nuna paraïna i MIRI, 4“Lakuwa la mbuu ndàba kabihu-na na paraingu tunyawa tanda la kaba mata nimbihu-na na tau ma-hawina dàngu ma-handuka-nya rukuna mbuu ndàba da pawunda pa-mayitangu da pawunda la paraingu nuna,” wàna.
5Kurongu-ya i Ala ba napanii-nja da tau hawiangu, “Ndàkiya nyuna la mbuu ndàba kabihu-na na paraingu dàngu pameti-ya nimbihu-na na tau dàngu nda pa-aïngu. 6Pameti ndàbaha da mini kawini ma-kaweda bidi tau, tau matua dàngu anakeda. Na nyuna àmbu haàtu-du pa-jonggaru-mi da maningu tandangu la kaba matada. Pakiri weli yiahungu-wa, welingu la Umanggu yiana,” wànanja. Ka pakiri-danyaka na wai ngabada ba dawàngu pa-pameti-ha da liku uru Ihirailu da ma-ndolaku la Umana i Miri.
7I Ala napanii-nja, “Pa-iraku-yawa yiana na Umanggu! Pinu wànjawa mameti da talora-na. Pakiringu-wa!” wànanja. Ka pakiringu-danyaka pa-pameti-ha da tau la paraingu.#Pakiringu-wa!” wànanja. Ka pakiringu ... paraingu, jàka ndia: Nggàra ula-mipa! Màla pakiringu-wa pa-pameti-ha da tau la paraingu.
8Ba talànga pangalangu-na nu na hambàli, ningga lai nu didi-aka. Ku-marubuku hi kuwara, “MIRI Hupu Majangga, tuna numaka nu nahàngga-munya na Yeruhali hi lupa umbuhangu pa-pameti ndàbaya na tau na mani-inyapa yia la Ihirailu?” wànggu.
9Nahema i Ala, “Da tau Ihirailu dàngu Yahunda mbàda wunda-daka njala ma-kanjupu bokulu. Da-pameti tau la mbuu ndàba ngia pa-ngiangu, dàngu da-pairaku wànya akatu na Yeruhali. Nyuda dapanii, Nyungga MIRI, mbàda dunjaku-nggunyaka yiana na tana hi nda peku ita-ngguha da pawunda-da. 10Nyungga, nda jia mila-anggunja eti nyuda. Napa kuwunda-nja nyuda jàka nggàraya na pawunda-da la tau hawiangu,” wàna.
11Tunaka-nu beli-nanyaka nuna na tau mapaki tera linangu hi na-patàkangu lai MIRI, “Mbuu ndàba da pareta-mu MIRI mbàda hàrangu-daka,” wàna.
Currently Selected:
YAHAKIALU 9: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
YAHAKIALU 9
9
Ba hukunya na Yeruhali
1Tunaka nu kurongu ba nawara i Ala, “Maiwa nàmu ha dimi tau ma-paloku-ya nahuku-nggunya yiana na paraingu. Ngàndi-hawa da madàka-mi,” wàna. 2Hi jia hàndaka wudaku wàda bia da tau manomu welingu la hambeli pindu bokulu Umana i MIRI mbara dia, nimbihu-da dangàndi madàka. Karia-da nyuda ninya na tau mapaki tera linangu na mangàndi pa-tulihu wàngu. Nyuda datama hi da-ndolaku la lihi ngia pawotu maraku welingu lai parunggu.
3Hàla na-handaraku ma-kalilangu na tanda ba ninya na Ala Ihirailu, na-handaraku welingu la patau awa - patau awangu,#patau awa - patau awangu, tàngaru-ya la 1:5. hi na-lelingu la pindu tama Umana i MIRI welingu la pangia-na na ma-wungangu. Ka paau-nanyaka na tau mapaki tera linangu nuna paraïna i MIRI, 4“Lakuwa la mbuu ndàba kabihu-na na paraingu tunyawa tanda la kaba mata nimbihu-na na tau ma-hawina dàngu ma-handuka-nya rukuna mbuu ndàba da pawunda pa-mayitangu da pawunda la paraingu nuna,” wàna.
5Kurongu-ya i Ala ba napanii-nja da tau hawiangu, “Ndàkiya nyuna la mbuu ndàba kabihu-na na paraingu dàngu pameti-ya nimbihu-na na tau dàngu nda pa-aïngu. 6Pameti ndàbaha da mini kawini ma-kaweda bidi tau, tau matua dàngu anakeda. Na nyuna àmbu haàtu-du pa-jonggaru-mi da maningu tandangu la kaba matada. Pakiri weli yiahungu-wa, welingu la Umanggu yiana,” wànanja. Ka pakiri-danyaka na wai ngabada ba dawàngu pa-pameti-ha da liku uru Ihirailu da ma-ndolaku la Umana i Miri.
7I Ala napanii-nja, “Pa-iraku-yawa yiana na Umanggu! Pinu wànjawa mameti da talora-na. Pakiringu-wa!” wànanja. Ka pakiringu-danyaka pa-pameti-ha da tau la paraingu.#Pakiringu-wa!” wànanja. Ka pakiringu ... paraingu, jàka ndia: Nggàra ula-mipa! Màla pakiringu-wa pa-pameti-ha da tau la paraingu.
8Ba talànga pangalangu-na nu na hambàli, ningga lai nu didi-aka. Ku-marubuku hi kuwara, “MIRI Hupu Majangga, tuna numaka nu nahàngga-munya na Yeruhali hi lupa umbuhangu pa-pameti ndàbaya na tau na mani-inyapa yia la Ihirailu?” wànggu.
9Nahema i Ala, “Da tau Ihirailu dàngu Yahunda mbàda wunda-daka njala ma-kanjupu bokulu. Da-pameti tau la mbuu ndàba ngia pa-ngiangu, dàngu da-pairaku wànya akatu na Yeruhali. Nyuda dapanii, Nyungga MIRI, mbàda dunjaku-nggunyaka yiana na tana hi nda peku ita-ngguha da pawunda-da. 10Nyungga, nda jia mila-anggunja eti nyuda. Napa kuwunda-nja nyuda jàka nggàraya na pawunda-da la tau hawiangu,” wàna.
11Tunaka-nu beli-nanyaka nuna na tau mapaki tera linangu hi na-patàkangu lai MIRI, “Mbuu ndàba da pareta-mu MIRI mbàda hàrangu-daka,” wàna.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)