YAHAKIALU 4
4
I Yahakialu na-paihi-ya na-nggupulu-ya na Yeruhali
1Napanii i Ala, “Ha dumu tau nda payatangu, pitiwa hau watu rara, bànjalu-ya la hanggamu dàngu huratu-ya la pinuna na hadana na parai Yeruhali. 2Hàla kau nggàmbaru-ya na nggupulu-ya nuna na paraingu, dàngu da londa, da kabundu tana, da kanguhuru uma tera dàngu da pa-njularu wàngu la winggiru kangeli-na. 3Pitiwa tobu bàhi dàngu pangera wànyawa la dindi bàhi, bànjalu-ya nuna na tobungu la padeni paduangu-na, nyumu dàngu na parai Yeruhali. Hàlaka nu hanggangu-wa la paraingu beri hama tuna nyumu-maka ma-nggupulu-ya. Nuna nu ninu maü-yaka nduma banjaru Ihirailu.
4-5Hàla katuda halinggi-wa la kalai tàka Nyungga#Talànga wanguna na-njenjangu ningu-mapa ba tuna yia na ihina: Nyungga; Imbarani: nyumu. ku-pabuku-nya na njala banjaru Ihirailu lai nyumu. 390 lodu mandaina bau katuda tumu nu dàngu bau pàdangu mayila ruku njalada nyuda. Hau lodu bau katuda tumu nu na-paninu maünya na hau ndaungu hukungu-na na banjaru Ihirailu. 6Hàlaka nu, katuda halinggi-wa la kawana dàngu pàda-nyawa na hukungu ruku njalana na Yahunda patu kambulu lodu mandaina, hau lodu na paninu maünya na hau ndaungu na hukungu-da nyuda.
7Tàngaru-yawa na-nggupulu-ya na Yeruhali. Pangaku-nyawa na kawudu limamu la paraingu nuna dàngu patàka-nyawa na lii langunggu rukuna na hukungu-da nyuda. 8Napa Nyungga kuhondu-kau hi nda peku pambelingu-mu welingu la kalai hanggangu la kawana jàka ndia welingu la kawana hanggangu la kalai hi lundu njàpuna na nggupulu-ya.
9Nàhu pitiwa uhu nggàndumu, kamànggihu, kambii rara, kapapangu, kamaili dàngu uhu nggàndumu mirihu. Pakoru ndàbanja nuda dàngu pandoiwa roti. Nuna-duyaka na pangamu la ngala 390 lodu bau katuda halinggi la kalai. 10Nuna na roti lupangu ubiwaya hi lupangu nimbihu lodu 230 nggaràmu-a pangamu. Parihi welingu lai nu màtangu. 11Wai pa-unungu-mbu ningu dirana, dàmbu kaha-a hau lodu. 12Padukulu-wa epi wàngu tai tau pa-pamutungu wàngu. Handara-nya na rotimu la epi nuna dàngu kau nganya nuna na roti la hangga mbuu ndàba na tau,” wànangga.
13Napanii i MIRI, “Tuna nuduka napa na tau Ihirailu ba nangangu pangangu pahiri-na na kalaratu-na i Muha,#pangangu pahiri-na na kalaratu-na i Muha; na-hiringu panganja da pangangu da ma-iraku ba wàda. Tàngaru-ya la Part. 11. la rehi wàru-nggunja la tana tau,” wànangga.
14Tàka hi kuhema nyungga, “Ai inai MIRI Hupu Majangga! Piti welingu ba anakeda-ka lundu nàhu, ndedima duku ku-pairaku wikinggu la pangangu meti banda jàka ndia tàdi ngangu banda bohu. Ndedima duku kungangu pangangu matama la kaloka pangangu manda hida,” wànggunya.
15Napanii i Ala, “Hàmukai duna hiluna na tai tau, pekuna kau tunu wànya tai hapi na rotimu,” wànangga.
16Hàla hi nahili panii, “Ha dumu tau nda payatangu, napa ku-pamolu-nja da pangangu parima hahangu wàngu la Yeruhali. Wàngu mangginggitu eti dàngu nggidiku etida da-padira-nya na pangangu pangada dàngu na wai paunu-da da tau. 17Napa dambota monungu ba nanjàpu-nja roti dàngu wai, tàka la hupu njàpuna dameti ruku njalada,” wànangga.
Currently Selected:
YAHAKIALU 4: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
YAHAKIALU 4
4
I Yahakialu na-paihi-ya na-nggupulu-ya na Yeruhali
1Napanii i Ala, “Ha dumu tau nda payatangu, pitiwa hau watu rara, bànjalu-ya la hanggamu dàngu huratu-ya la pinuna na hadana na parai Yeruhali. 2Hàla kau nggàmbaru-ya na nggupulu-ya nuna na paraingu, dàngu da londa, da kabundu tana, da kanguhuru uma tera dàngu da pa-njularu wàngu la winggiru kangeli-na. 3Pitiwa tobu bàhi dàngu pangera wànyawa la dindi bàhi, bànjalu-ya nuna na tobungu la padeni paduangu-na, nyumu dàngu na parai Yeruhali. Hàlaka nu hanggangu-wa la paraingu beri hama tuna nyumu-maka ma-nggupulu-ya. Nuna nu ninu maü-yaka nduma banjaru Ihirailu.
4-5Hàla katuda halinggi-wa la kalai tàka Nyungga#Talànga wanguna na-njenjangu ningu-mapa ba tuna yia na ihina: Nyungga; Imbarani: nyumu. ku-pabuku-nya na njala banjaru Ihirailu lai nyumu. 390 lodu mandaina bau katuda tumu nu dàngu bau pàdangu mayila ruku njalada nyuda. Hau lodu bau katuda tumu nu na-paninu maünya na hau ndaungu hukungu-na na banjaru Ihirailu. 6Hàlaka nu, katuda halinggi-wa la kawana dàngu pàda-nyawa na hukungu ruku njalana na Yahunda patu kambulu lodu mandaina, hau lodu na paninu maünya na hau ndaungu na hukungu-da nyuda.
7Tàngaru-yawa na-nggupulu-ya na Yeruhali. Pangaku-nyawa na kawudu limamu la paraingu nuna dàngu patàka-nyawa na lii langunggu rukuna na hukungu-da nyuda. 8Napa Nyungga kuhondu-kau hi nda peku pambelingu-mu welingu la kalai hanggangu la kawana jàka ndia welingu la kawana hanggangu la kalai hi lundu njàpuna na nggupulu-ya.
9Nàhu pitiwa uhu nggàndumu, kamànggihu, kambii rara, kapapangu, kamaili dàngu uhu nggàndumu mirihu. Pakoru ndàbanja nuda dàngu pandoiwa roti. Nuna-duyaka na pangamu la ngala 390 lodu bau katuda halinggi la kalai. 10Nuna na roti lupangu ubiwaya hi lupangu nimbihu lodu 230 nggaràmu-a pangamu. Parihi welingu lai nu màtangu. 11Wai pa-unungu-mbu ningu dirana, dàmbu kaha-a hau lodu. 12Padukulu-wa epi wàngu tai tau pa-pamutungu wàngu. Handara-nya na rotimu la epi nuna dàngu kau nganya nuna na roti la hangga mbuu ndàba na tau,” wànangga.
13Napanii i MIRI, “Tuna nuduka napa na tau Ihirailu ba nangangu pangangu pahiri-na na kalaratu-na i Muha,#pangangu pahiri-na na kalaratu-na i Muha; na-hiringu panganja da pangangu da ma-iraku ba wàda. Tàngaru-ya la Part. 11. la rehi wàru-nggunja la tana tau,” wànangga.
14Tàka hi kuhema nyungga, “Ai inai MIRI Hupu Majangga! Piti welingu ba anakeda-ka lundu nàhu, ndedima duku ku-pairaku wikinggu la pangangu meti banda jàka ndia tàdi ngangu banda bohu. Ndedima duku kungangu pangangu matama la kaloka pangangu manda hida,” wànggunya.
15Napanii i Ala, “Hàmukai duna hiluna na tai tau, pekuna kau tunu wànya tai hapi na rotimu,” wànangga.
16Hàla hi nahili panii, “Ha dumu tau nda payatangu, napa ku-pamolu-nja da pangangu parima hahangu wàngu la Yeruhali. Wàngu mangginggitu eti dàngu nggidiku etida da-padira-nya na pangangu pangada dàngu na wai paunu-da da tau. 17Napa dambota monungu ba nanjàpu-nja roti dàngu wai, tàka la hupu njàpuna dameti ruku njalada,” wànangga.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)