YAHAKIALU 37
37
Na lolangu rii kawudu màdu
1Kupàda-nya na mbihana i MIRI, tàka na Ngahuna na-karia-ngga papuru la lolangu mambinu wàngu rii kawudu. 2Nalonda-ka i MIRI pawi - winggiru-nya nuna na lolangu, hi kuita-ha da rii kawudu ma-taneparu la nggubulu-na nuna na lolangu da madira danguha dàngu dira màduha. 3Na-paàra-ngga nyungga i MIRI, “Ha dumu tau nda payatangu, peku luri belida yiada da rii kawudu?” wànangga.
Kuhema nyungga, “MIRI Hupu Majangga, mbulungu Nyumua dumu mapinya,” wànggunya.
4Hàla hi na-paràha-ngga i MIRI pa-patàka-nya na lii languna la rii kawudu màdu nuda, 5“Nyungga MIRI Hupu Majangga ku-hapui-nggai kayeku daa lai nyimi ka peku luri belimi. 6Kutunggai kalotu dàngu tolumi hi ku-kamburu wànggai manula-mi. Napa kuwua-nggai kayeku hi peku luri belimi. Ka pi-dimi-nggaka ba MIRI-ka Nyungga,” wàmunja, wànangga.
7Hàla nyungga Yahakialu kupanii-nja nuda da rii kawudu nunjuya na hupu liina i MIRI. Tàka ba talànga paniinggu nu, kurongu ma-kabi - biriku, ba pa-kiringu-danyaka nuda da rii kawudu pa-papuingu dua wikida. 8Ba talànga hamata-ngguha nu, pa-kiringu-danyaka paningu kalotu dàngu toluda nuda da rii kawudu, hàla hi ningu manula-mbuda, tàka na nyuna ndedi da-kayeku-a nuda da ihida.
9I Ala napanii-ngga nyungga, “Ha dumu tau nda payatangu, panii-nyawa na ngilu.#ngilu; jàka ndia ngahu. Na lawiti kareuku nuna la hilu Imbarani: ngilu jàka ndia ngahu, jàka ndia kayeku. Pekanya, Nyungga, MIRI Hupu Majangga ba wua-nggunya pareta nyuna ka na-pamaingu welingu la nggi - nggini, ka hapuinja kayeku daa la ihida yiada da mameti ka lupa daluri beli,” wànangga.
10Ka panii-nggunyaka nunjuya na hupu liina i MIRI, tàka na ngilu hi nahapui-nja kayeku daa la ihida nuda da mameti, hi daluri dàngu hi da-ndolaku. Nggubulu-da dira danguha, ràkangu tomada ka tuha hau pajuru bokulu tanatara.
11Napanii-ngga nyungga i Ala, “Ha dumu tau nda payatangu, yiada da rii kawudu da-paninu maünya na banjaru Ihirailu. Dahali ura milada ba damàdu nyuda, ba nda nggàra pa-monungu dàngu ba nda na-habola na rehida nyuda na manàmu-nya. 12Jia ba tuna manyura-wa la banjaru-nggu na Ihirailu, napa ba bunggahu-ngguha Nyungga, MIRI Hupu Majangga da retida nyuda. Napa ku-paluhu-ha nyuda welingu lai nu hi ku-pabeli-nja la tana Ihirailu. 13Ba kuwunda-haka nuda mbuu ndàbada, napa napingga banjaru-nggu ba MIRI-ka Nyungga. 14Napa kuhapui-nja kayeku daa lai nyuda ka paluri-ha nyuda hi ku-pamanggawa-nja pa-ngiangu la tana wikida. Ka pi-danggaka ba MIRI-ka Nyungga. Nyungga yia MIRI mambàda panii dàngu ba jiangu-ma duku ku-pahàra-nya,” wàna.
Na Yahunda dàngu na Ihirailu da hili njadi hau pa-hanganji
15Nahili paniingga nyungga i MIRI, 16“Ha dumu tau nda payatangu, piti hapungu tokungu dàngu tulihu-ya la tokungu, ‘Pa-hanganji Yahunda’ wàmunya. Hàla piti hili hau tokungu, tulihu-ya nu la tokungu, ‘Pa-hanganji Ihirailu’ wàmunya. 17Hàlaka nu da dua mbungu tokungu nuda uyopulu pahàmu-manja lupa da-papohungu da hu - hupuda hi hapungu tokungu-ya. 18Jàka na-paàra-nya na ihina paraïna banjaru-mu, 19paniinja, napa Nyungga, MIRI Hupu Majangga kupiti-ya na tokungu ninu maüna na Ihirailu hi ku-papohu-nya dàngu na tokungu ninu maüna na Yahunda. Nuda da dua mbungu tokungu ku-panjadi-ha hapungu tokungu hi ku-kitanya la limanggu.
20Kitanja nu da dua mbungu tokungu kau paita-nja la banjaru nuna. 21Hàla panii-njawa nyuda, Nyungga, MIRI Hupu Majangga kupiti-ya napa nggubulu-na na banjaru-nggu welingu la ta - tana la ngia palaku-da. Napa ku-pauhi-nja hi ku-karia belinja la tana wikida. 22Napa ku-panjadi-ha nyuda hau banjaru la tana nuna, la ma-palindingu la Ihirailu. Napa na-pareta-ha haàtu hanganji dàngu hi nda dahili kawita-apa panjadi dua banjaru jàka ndia dua mbungu pareta. 23Nda dahili pairaku-apa wikida wàngu wundada manjala dàngu hamayangu-da marapu - marapu pa-mayitangu. Napa ku-pahàla-ha nyuda welingu la mbuu ndàba pawunda ma-njàrangu ma-pawiti-nya na kaleka-da lai Nyungga. Napa ku-payaha-nja nyuda; napa nyuda banjaru-ngguha, tàka hi da-Alangga Nyungga. 24-25Napa pa-pambulungu-ha nyuda la lima haàtu hanganji hama tuna i Hanganji Ndautu na ma-pareta lundu nu - nu. Wàngu tuturu-da napa danunju-ha da Ukunggu. Napa nyuda dàngu ana umbuku-da dangia-nya nuna na tana lundu nu - nu, na tana pawua-nggunya i Yakupu hi dangia-nya boku la mangilu-da. 26Napa kutura hau pa-njanjingu dàngu nyuda na ma-pamàndu-nya na mambiru-da lundu nu - nu. Napa ku-pakanyuru-ha dàngu kubonja-ya na danguda. Napa ku-pahada-nya na Umanggu na ma-padaingu lundu nu - nu lai nu la tanada nyuda. 27Napa Nyungga ku-ndàdiku angunja nyuda, hi da-Alangga Nyungga tàka nyuda hi banjaru-ngguha. 28Jàka ninyaka na Umanggu la padua-da nyuda lundu nu - nu, ka pi-danggaka banjaru hawiangu ba Nyungga, MIRI, mambàda pindiya na Ihirailu panjadi banjaru wikinggu,” wàna.
Currently Selected:
YAHAKIALU 37: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
YAHAKIALU 37
37
Na lolangu rii kawudu màdu
1Kupàda-nya na mbihana i MIRI, tàka na Ngahuna na-karia-ngga papuru la lolangu mambinu wàngu rii kawudu. 2Nalonda-ka i MIRI pawi - winggiru-nya nuna na lolangu, hi kuita-ha da rii kawudu ma-taneparu la nggubulu-na nuna na lolangu da madira danguha dàngu dira màduha. 3Na-paàra-ngga nyungga i MIRI, “Ha dumu tau nda payatangu, peku luri belida yiada da rii kawudu?” wànangga.
Kuhema nyungga, “MIRI Hupu Majangga, mbulungu Nyumua dumu mapinya,” wànggunya.
4Hàla hi na-paràha-ngga i MIRI pa-patàka-nya na lii languna la rii kawudu màdu nuda, 5“Nyungga MIRI Hupu Majangga ku-hapui-nggai kayeku daa lai nyimi ka peku luri belimi. 6Kutunggai kalotu dàngu tolumi hi ku-kamburu wànggai manula-mi. Napa kuwua-nggai kayeku hi peku luri belimi. Ka pi-dimi-nggaka ba MIRI-ka Nyungga,” wàmunja, wànangga.
7Hàla nyungga Yahakialu kupanii-nja nuda da rii kawudu nunjuya na hupu liina i MIRI. Tàka ba talànga paniinggu nu, kurongu ma-kabi - biriku, ba pa-kiringu-danyaka nuda da rii kawudu pa-papuingu dua wikida. 8Ba talànga hamata-ngguha nu, pa-kiringu-danyaka paningu kalotu dàngu toluda nuda da rii kawudu, hàla hi ningu manula-mbuda, tàka na nyuna ndedi da-kayeku-a nuda da ihida.
9I Ala napanii-ngga nyungga, “Ha dumu tau nda payatangu, panii-nyawa na ngilu.#ngilu; jàka ndia ngahu. Na lawiti kareuku nuna la hilu Imbarani: ngilu jàka ndia ngahu, jàka ndia kayeku. Pekanya, Nyungga, MIRI Hupu Majangga ba wua-nggunya pareta nyuna ka na-pamaingu welingu la nggi - nggini, ka hapuinja kayeku daa la ihida yiada da mameti ka lupa daluri beli,” wànangga.
10Ka panii-nggunyaka nunjuya na hupu liina i MIRI, tàka na ngilu hi nahapui-nja kayeku daa la ihida nuda da mameti, hi daluri dàngu hi da-ndolaku. Nggubulu-da dira danguha, ràkangu tomada ka tuha hau pajuru bokulu tanatara.
11Napanii-ngga nyungga i Ala, “Ha dumu tau nda payatangu, yiada da rii kawudu da-paninu maünya na banjaru Ihirailu. Dahali ura milada ba damàdu nyuda, ba nda nggàra pa-monungu dàngu ba nda na-habola na rehida nyuda na manàmu-nya. 12Jia ba tuna manyura-wa la banjaru-nggu na Ihirailu, napa ba bunggahu-ngguha Nyungga, MIRI Hupu Majangga da retida nyuda. Napa ku-paluhu-ha nyuda welingu lai nu hi ku-pabeli-nja la tana Ihirailu. 13Ba kuwunda-haka nuda mbuu ndàbada, napa napingga banjaru-nggu ba MIRI-ka Nyungga. 14Napa kuhapui-nja kayeku daa lai nyuda ka paluri-ha nyuda hi ku-pamanggawa-nja pa-ngiangu la tana wikida. Ka pi-danggaka ba MIRI-ka Nyungga. Nyungga yia MIRI mambàda panii dàngu ba jiangu-ma duku ku-pahàra-nya,” wàna.
Na Yahunda dàngu na Ihirailu da hili njadi hau pa-hanganji
15Nahili paniingga nyungga i MIRI, 16“Ha dumu tau nda payatangu, piti hapungu tokungu dàngu tulihu-ya la tokungu, ‘Pa-hanganji Yahunda’ wàmunya. Hàla piti hili hau tokungu, tulihu-ya nu la tokungu, ‘Pa-hanganji Ihirailu’ wàmunya. 17Hàlaka nu da dua mbungu tokungu nuda uyopulu pahàmu-manja lupa da-papohungu da hu - hupuda hi hapungu tokungu-ya. 18Jàka na-paàra-nya na ihina paraïna banjaru-mu, 19paniinja, napa Nyungga, MIRI Hupu Majangga kupiti-ya na tokungu ninu maüna na Ihirailu hi ku-papohu-nya dàngu na tokungu ninu maüna na Yahunda. Nuda da dua mbungu tokungu ku-panjadi-ha hapungu tokungu hi ku-kitanya la limanggu.
20Kitanja nu da dua mbungu tokungu kau paita-nja la banjaru nuna. 21Hàla panii-njawa nyuda, Nyungga, MIRI Hupu Majangga kupiti-ya napa nggubulu-na na banjaru-nggu welingu la ta - tana la ngia palaku-da. Napa ku-pauhi-nja hi ku-karia belinja la tana wikida. 22Napa ku-panjadi-ha nyuda hau banjaru la tana nuna, la ma-palindingu la Ihirailu. Napa na-pareta-ha haàtu hanganji dàngu hi nda dahili kawita-apa panjadi dua banjaru jàka ndia dua mbungu pareta. 23Nda dahili pairaku-apa wikida wàngu wundada manjala dàngu hamayangu-da marapu - marapu pa-mayitangu. Napa ku-pahàla-ha nyuda welingu la mbuu ndàba pawunda ma-njàrangu ma-pawiti-nya na kaleka-da lai Nyungga. Napa ku-payaha-nja nyuda; napa nyuda banjaru-ngguha, tàka hi da-Alangga Nyungga. 24-25Napa pa-pambulungu-ha nyuda la lima haàtu hanganji hama tuna i Hanganji Ndautu na ma-pareta lundu nu - nu. Wàngu tuturu-da napa danunju-ha da Ukunggu. Napa nyuda dàngu ana umbuku-da dangia-nya nuna na tana lundu nu - nu, na tana pawua-nggunya i Yakupu hi dangia-nya boku la mangilu-da. 26Napa kutura hau pa-njanjingu dàngu nyuda na ma-pamàndu-nya na mambiru-da lundu nu - nu. Napa ku-pakanyuru-ha dàngu kubonja-ya na danguda. Napa ku-pahada-nya na Umanggu na ma-padaingu lundu nu - nu lai nu la tanada nyuda. 27Napa Nyungga ku-ndàdiku angunja nyuda, hi da-Alangga Nyungga tàka nyuda hi banjaru-ngguha. 28Jàka ninyaka na Umanggu la padua-da nyuda lundu nu - nu, ka pi-danggaka banjaru hawiangu ba Nyungga, MIRI, mambàda pindiya na Ihirailu panjadi banjaru wikinggu,” wàna.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)