YAHAKIALU 27
27
Na ludu taningu ndumana na Tiruhu
1-3Napanii-ngga i MIRI Hupu Majangga, “Ha dumu tau nda payatangu, ludu-nyawa yiana na ludu taningu ndumana na Tiruhu, na paraingu hingi tehiku na madangga dànja da mangia-nja mbuu ndàba da hingi tehiku:
Ha dumu Tiruhu, upanii wàngu ngànjangu-mu,
‘Na manandangu-nggu nda ningu langatàka nyurana!’ wàmu.
4Nyumu dumu beri uma-munya na tehiku lerangu.
Patura-kau beri hama tuna kapalu manandangu.
5Da dindingu-mu ai arahu welingu la Palindi Herumungu-ha
da tandai lirumu ai kajiu welingu la Limbanongu-ha.
6Da buhimu pa-pandoi-ha
welingu la pingi ai bokulu la Mbahàngu.
Na ndekumu pa-pandoi welingu la ai kajiu-ya,
ma-welingu la nuha Hipuru,
da pa-mananda wàna nggedi pawilingu pa-pawandalungu-ha.
7Da lirumu dàngu na patanda wànggau tera linangu
patinu Mehiru-ha pa-pahikungu ma-pabetingu-ha.
Kanjupu manipihu-ya na tera maümu,
tera rara atu welingu la Hipuru.
8Da mini buhimu ma-welingu la Hindungu dàngu la Àruwàtu-ha.
Da tau kapalu-mu kataru wai ma-manyàmungu-ha.
9Da tukangu ai maràma la kapalu
mini pandoi welingu la Nggembàlu-ha.
Welingu la hau tana - hau tana damai da kapalu
pa-pahama-nya na danggangu.
10Da panjuri welingu la Perihia la Lindia dàngu la Limbia datama la tanatara-mu. Da-tiwalu-nja da temingu dàngu da nggubi wajada la kangeli paraingu-mu. Mbàda pa-mbapangu-daka nyuda pa-pakàku-ha da muhu hi na-bonjangu na-kawulangu-mu. 11Da panjuri welingu la Àruwàtu dadai la dindi - dindi watumu; da lewatu-mu dadaiha paraï tau Nggamàtu. Da temingu-da pa-tiwalu pa-wandalungu-ha la dindi watumu. Nyudaka da mapinu-ya na manandangu-mu.
12Udangganja da padangga-mu da ma-bundungu la Hapanyulu, tàka hiu kei wilida àmahu bara, bàhi, tambura bara dàngu tambura mitingu. 13Udanggangu la Yunani, la Tumbàlu, dàngu la Mehiku, tàka hiu kei wilida welingu lai nyuda ata dàngu ngga - nggàra ma-welingu la parunggu. 14Da malanja-mu upanjepa-nja la njara kareta, njara kaliti dàngu mbanggalu welingu la Mbetunggàrama. 15Da ma-ngiangu la Ronduhu#Na hau pa-haleli ndai: Ronduhu; Imbarani: Ndendàngu. dadangga daa-mbunggau nyumu tàka da ma-ngiangu la hingi tehiku dakei wànja nggedingu dàngu ai mitingu da padangga-mu. 16Da tau danggangu welingu la Hiria dakeiha da padangga-mu dàngu da ihi paraïmu da madangu. Da-mbayaru wàngu watu mata tawuru hàmurutu, tera rara atu, tera pa-hikungu, linangu manipihu, watu mata tawuru welingu la watu pungguru dàngu watu parara njalimangu. 17Na Yahunda dàngu na Ihirailu danjepa-ha da malanja padangga-mu wàngu uhu nggàndumu, manggaluangu, mina haitungu dàngu rungu mbii kati.#Na hilu Imbarani-na dàmbuda da lawiti kareuku da ma-bonjangu da manda lohangu jàka nggàra wàda. 18-19Da ma-ngiangu la Ndamàhiku dakeiha da padangga-mu dàngu da ihi paraï-mu hi da-mbayaru wàngu angguru welingu la Helumbungu, wulu mbimbi welingu la Haharu, bàhi patuku dàngu rungu mambii kati.#Na hilu Imbarani-na tailuda da lawiti kareuku da ma-bonjangu da manda lohangu jàka nggàra wàda. 20Da ma-ngiangu la Ndendàngu da-mbayaru wànja tera hela da malanja-mu. 21-22Da tau Arapu dàngu da ma-kawaha la Kendàru dakei wànja ana mbimbi, mbimbi bumbu dàngu kamàmbi da malanja-mu. Da tau danggangu welingu la Heimba dàngu la Raema watu mata tawuru, àmahu rara dàngu rungu mambii kati mahàmu halawàla pakei wànja da padangga-mu. 23Da parai Haràngu, Kani, Endingu, da tau danggangu welingu la Heimba, da paraingu la Ahuru dàngu Kilimàtu, mbuu ndàbada dadangga dànggau nyumu. 24Da-danggangu paki ma-borakungu nyuda lai nyumu, tera rara atu, tera pa-hikungu, topu lata wihi ma-pabeti - pabetingu dàngu ma - màtu liku màndungu. 25Da padangga-mu pangàndi wànja kapalu pa-jurungu ma-kanjupu bokulu.
Beri kapalu mambotu ngàndikau nyumu,
kapalu mapala tehiku lerangu.
26Da mabuhi dangàndi-kau la padua kuru nduu.
Na-nàhaku-kau ngilu timiru ma-kaborangu.
27Mbuu ndàba da pa-danggangu da ngàndimu,
mbuu ndàba da mini tehiku dàngu da tau kapalu-mu,
mbuu ndàba da tukangu ai dàngu da tau danggangu-mu,
nimbihu-da da panjuri nu la kapalu,
mbuu ndàbada nyuda damohu da-tandaningu
la rehi tambulu-mu nyumu.
28Da mini tehiku-mu da-kaladaku paraï pa-mangàdatu
da kanjaïku-da nalàngi la hingi - hingi tehiku.
29Nàhu pa-màtangu-yaka nuna na kapalu,
mbuu ndàba da mini tehiku-mu da heiha la mara.
30Dahii ba da-pangàda-nya na ura dedimu,
dahii walangu dàngu da padudurungu pamila eti.
Datunja kumburu tana da katiku-da
hi da-nggilungu la aü tanda handuka.
31Lumumu nyumu da-kikiru pabulu katiku-da,
da-kalambungu karungu ba kanjupu handuka-ha.
Dahii pamila eti
da-padudurungu pangàda-nya na ura dedimu.
32Hàla hi da-ludungu
hau ludu taningu,
‘Ou Tiruhu, nggamu menjamu?
Ou Tiruhu, nàhu pàdi wàmuka la tehiku.
33Bau pala-ipa tehiku lerangu
bau pukangu wàngu ngàndimu,
upatoma-ya na ma-kalana-nja da banjaru;
upawulu-ha da maràmba-mbu.
34Nàhu tandaningu-munyaka,
hiu kabu kati wara.
Nggubulu-da da tau kapalu-mu dàngu mbuu ndàba da ngàndimu
damohu karia-nggau nyumu la padua kuru nduu,’ wàna.
35Mbuu ndàba da tau ma-ngiangu la hingi tehiku nda - ndàndada ba darongu-ya na ura dedimu. Da maràmba-da dira mangàdatu-mbuha, na haringgingu hamangu-da na-lohangu la matada. 36Mohu molungu-munyaka lundu nu - nu. Da tau danggangu la nggubulu pinu tana da-kanggupuku paraï pa-mangàdatu pa-hunggungu ura dedi matungu nu, wàmu,” wànangga.
Currently Selected:
YAHAKIALU 27: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
YAHAKIALU 27
27
Na ludu taningu ndumana na Tiruhu
1-3Napanii-ngga i MIRI Hupu Majangga, “Ha dumu tau nda payatangu, ludu-nyawa yiana na ludu taningu ndumana na Tiruhu, na paraingu hingi tehiku na madangga dànja da mangia-nja mbuu ndàba da hingi tehiku:
Ha dumu Tiruhu, upanii wàngu ngànjangu-mu,
‘Na manandangu-nggu nda ningu langatàka nyurana!’ wàmu.
4Nyumu dumu beri uma-munya na tehiku lerangu.
Patura-kau beri hama tuna kapalu manandangu.
5Da dindingu-mu ai arahu welingu la Palindi Herumungu-ha
da tandai lirumu ai kajiu welingu la Limbanongu-ha.
6Da buhimu pa-pandoi-ha
welingu la pingi ai bokulu la Mbahàngu.
Na ndekumu pa-pandoi welingu la ai kajiu-ya,
ma-welingu la nuha Hipuru,
da pa-mananda wàna nggedi pawilingu pa-pawandalungu-ha.
7Da lirumu dàngu na patanda wànggau tera linangu
patinu Mehiru-ha pa-pahikungu ma-pabetingu-ha.
Kanjupu manipihu-ya na tera maümu,
tera rara atu welingu la Hipuru.
8Da mini buhimu ma-welingu la Hindungu dàngu la Àruwàtu-ha.
Da tau kapalu-mu kataru wai ma-manyàmungu-ha.
9Da tukangu ai maràma la kapalu
mini pandoi welingu la Nggembàlu-ha.
Welingu la hau tana - hau tana damai da kapalu
pa-pahama-nya na danggangu.
10Da panjuri welingu la Perihia la Lindia dàngu la Limbia datama la tanatara-mu. Da-tiwalu-nja da temingu dàngu da nggubi wajada la kangeli paraingu-mu. Mbàda pa-mbapangu-daka nyuda pa-pakàku-ha da muhu hi na-bonjangu na-kawulangu-mu. 11Da panjuri welingu la Àruwàtu dadai la dindi - dindi watumu; da lewatu-mu dadaiha paraï tau Nggamàtu. Da temingu-da pa-tiwalu pa-wandalungu-ha la dindi watumu. Nyudaka da mapinu-ya na manandangu-mu.
12Udangganja da padangga-mu da ma-bundungu la Hapanyulu, tàka hiu kei wilida àmahu bara, bàhi, tambura bara dàngu tambura mitingu. 13Udanggangu la Yunani, la Tumbàlu, dàngu la Mehiku, tàka hiu kei wilida welingu lai nyuda ata dàngu ngga - nggàra ma-welingu la parunggu. 14Da malanja-mu upanjepa-nja la njara kareta, njara kaliti dàngu mbanggalu welingu la Mbetunggàrama. 15Da ma-ngiangu la Ronduhu#Na hau pa-haleli ndai: Ronduhu; Imbarani: Ndendàngu. dadangga daa-mbunggau nyumu tàka da ma-ngiangu la hingi tehiku dakei wànja nggedingu dàngu ai mitingu da padangga-mu. 16Da tau danggangu welingu la Hiria dakeiha da padangga-mu dàngu da ihi paraïmu da madangu. Da-mbayaru wàngu watu mata tawuru hàmurutu, tera rara atu, tera pa-hikungu, linangu manipihu, watu mata tawuru welingu la watu pungguru dàngu watu parara njalimangu. 17Na Yahunda dàngu na Ihirailu danjepa-ha da malanja padangga-mu wàngu uhu nggàndumu, manggaluangu, mina haitungu dàngu rungu mbii kati.#Na hilu Imbarani-na dàmbuda da lawiti kareuku da ma-bonjangu da manda lohangu jàka nggàra wàda. 18-19Da ma-ngiangu la Ndamàhiku dakeiha da padangga-mu dàngu da ihi paraï-mu hi da-mbayaru wàngu angguru welingu la Helumbungu, wulu mbimbi welingu la Haharu, bàhi patuku dàngu rungu mambii kati.#Na hilu Imbarani-na tailuda da lawiti kareuku da ma-bonjangu da manda lohangu jàka nggàra wàda. 20Da ma-ngiangu la Ndendàngu da-mbayaru wànja tera hela da malanja-mu. 21-22Da tau Arapu dàngu da ma-kawaha la Kendàru dakei wànja ana mbimbi, mbimbi bumbu dàngu kamàmbi da malanja-mu. Da tau danggangu welingu la Heimba dàngu la Raema watu mata tawuru, àmahu rara dàngu rungu mambii kati mahàmu halawàla pakei wànja da padangga-mu. 23Da parai Haràngu, Kani, Endingu, da tau danggangu welingu la Heimba, da paraingu la Ahuru dàngu Kilimàtu, mbuu ndàbada dadangga dànggau nyumu. 24Da-danggangu paki ma-borakungu nyuda lai nyumu, tera rara atu, tera pa-hikungu, topu lata wihi ma-pabeti - pabetingu dàngu ma - màtu liku màndungu. 25Da padangga-mu pangàndi wànja kapalu pa-jurungu ma-kanjupu bokulu.
Beri kapalu mambotu ngàndikau nyumu,
kapalu mapala tehiku lerangu.
26Da mabuhi dangàndi-kau la padua kuru nduu.
Na-nàhaku-kau ngilu timiru ma-kaborangu.
27Mbuu ndàba da pa-danggangu da ngàndimu,
mbuu ndàba da mini tehiku dàngu da tau kapalu-mu,
mbuu ndàba da tukangu ai dàngu da tau danggangu-mu,
nimbihu-da da panjuri nu la kapalu,
mbuu ndàbada nyuda damohu da-tandaningu
la rehi tambulu-mu nyumu.
28Da mini tehiku-mu da-kaladaku paraï pa-mangàdatu
da kanjaïku-da nalàngi la hingi - hingi tehiku.
29Nàhu pa-màtangu-yaka nuna na kapalu,
mbuu ndàba da mini tehiku-mu da heiha la mara.
30Dahii ba da-pangàda-nya na ura dedimu,
dahii walangu dàngu da padudurungu pamila eti.
Datunja kumburu tana da katiku-da
hi da-nggilungu la aü tanda handuka.
31Lumumu nyumu da-kikiru pabulu katiku-da,
da-kalambungu karungu ba kanjupu handuka-ha.
Dahii pamila eti
da-padudurungu pangàda-nya na ura dedimu.
32Hàla hi da-ludungu
hau ludu taningu,
‘Ou Tiruhu, nggamu menjamu?
Ou Tiruhu, nàhu pàdi wàmuka la tehiku.
33Bau pala-ipa tehiku lerangu
bau pukangu wàngu ngàndimu,
upatoma-ya na ma-kalana-nja da banjaru;
upawulu-ha da maràmba-mbu.
34Nàhu tandaningu-munyaka,
hiu kabu kati wara.
Nggubulu-da da tau kapalu-mu dàngu mbuu ndàba da ngàndimu
damohu karia-nggau nyumu la padua kuru nduu,’ wàna.
35Mbuu ndàba da tau ma-ngiangu la hingi tehiku nda - ndàndada ba darongu-ya na ura dedimu. Da maràmba-da dira mangàdatu-mbuha, na haringgingu hamangu-da na-lohangu la matada. 36Mohu molungu-munyaka lundu nu - nu. Da tau danggangu la nggubulu pinu tana da-kanggupuku paraï pa-mangàdatu pa-hunggungu ura dedi matungu nu, wàmu,” wànangga.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)