YAHAKIALU 17
17
Na pangerangu ruku na pingi angguru dàngu da mbaku tehiku
1I MIRI napanii-ngga nyungga, 2“Ha dumu tau nda payatangu, pekanja pangerangu da tau Ihirailu, 3na pa-patàkangu lai nyuda ba wànggu Nyungga, MIRI Hupu Majangga: Ninya na heu mbaku tehiku ma-kanjupu bokulu, ma-manandangu wulu ihina dàngu ma-mbàlaru ma-kapingatu ruu kàpana. Na-hawuru hangganya na Palindi Limbanongu, napata kapuka hareti pingi kajiu, 4hi nangàndi-ya dàngu hi na-banjalu-ya la parai danggangu ma-kapitilu tauna. 5Hàlaka nu hi napiti hareti ana matumbu welingu la tana Ihirailu, hi na-pamula-ya la woka ma-kamboka na manda ana njàpunya wai.#Na lawiti Imbarani-na ningu lawiti kareuku ma-bonjangu na manda lohangu jàka nggàra wàna. 6Na ana matumbu nuna nanjadi-ya pingi angguru matumbu kendaru dàngu na ma-nggailaru làmbatu-na. Da kahanga-na da-hangga tubanya nuna na mbaku tehiku, tàka da amuna da-tanjiku màndungu la tana. Nuna na pingi angguru dira marumbingu-ya.
7Nu ninya na hili heu mbaku tehiku ma-kanjupu bokulu; da-mbàlaru da ruu kàpana dàngu datimbi da wulu ihina. Hàla nuna na pingi angguru na-pahangga tubanja da amuna dàngu da kahanga-na la mbaku tehiku bidi nuna dàngu monungu-na màta nuna na mbaku tehiku ka nawua-nya wai marihi dangu welingu la maninya nu la woka.#Hàla nuna na pingi ... nu la woka; jàka ndia: Hàla nuna na pingi angguru na-tebuku-ya na woka ngia patumbu-na hi na-pahangga tubanja da amuna dàngu da kahanga-na la mbaku bidi dàngu monungu-na ka nawua-nya wai paraïna nu na mbaku. 8Tàka duna làti nuna na pingi angguru pambàda pamula la tana ma-kamboka-mayaka dàngu ma-kanjupu dangu waina, hi peku marumbingu na rauna, maràjingu na wuana, hi nanjadi pingi angguru mahàmu.
9Ka paàrangu-nggunyaka Nyungga, MIRI Hupu Majangga: Na-ngalangu ihu paluri dàngu pa-kadutuhu nuna na pingi angguru? Nda nabuta mangu amu-anya ihu paraïna mbaku na ma-wungangu, hi na-ràmbitu-ha da wuana, napata-ha da kahanga-na hi namàta-nya pa-malaï? Nda nggàra ihi wàngua parii tau dangu jàka ndia banjaru ma-kaborangu la pabuta mangu amunya nuna na pingi angguru. 10Deningu-mana ba mbàda tanjiku màndungu-na, tàka na-ngalangu ihu patumbu pangalangu dàngu pa-kadutuhu? Ka nda na-malaï-a ihu paraï ngilu timiru? Ka nda namàdu-a ihu napa la ngia pa-pamula-ya?” wàna.
Na lii kaloka rukuna na pangerangu
11I MIRI napanii-ngga, 12“Paàra-nja nuda da ma-patula ngganggangu, jàka dapinya na ihina na pangerangu. Pekanja ba nàmu-nyaka na maràmba Mbambilu la Yeruhali, pa-dundilu-ya la Mbambilu na maràmba Yahunda dàngu da ama bokulu paraingu. 13Hàla hi napindi haàtu welingu la wàla wuana na maràmba Yahunda, natura pa-njanjingu dàngu nyuna, hi na-paràha-nya pa-harangu la pa-tuturu-nya nyuna. Nuna na maràmba Mbambilu na-tanawa-nja da ma-pangora - pangora, 14ka àmbu nahili hadangu beli na pa-hanganji Yahunda, dàngu ka pa-undungu wànanya ba panunju-ya na pa-njanjingu. 15Tàka na maràmba Yahunda na-patula ngganggangu dàngu na-paràhangu papalewa-na la Mehiru ka ngalangu njara dàngu tanatara dangu. Na-hàrangu ihu na pawuku-na? Pa-màtangu-ya ihu ka naluhu? Nda jia màtangu-ana pa-hukungu jàka na-hinggilu-nya na pa-njanjingu!
16Kuhara wànya na wikinggu Nyungga, Ala Maluri, MIRI Hupu Majangga, napa nameti-ya la Mbambilu na maràmba Yahunda, rukuna ba mbàda hinggilu-nanyaka na harangu-na dàngu ba mbàda pangga-nanyaka na pa-njanjingu-na dàngu na maràmba Mbambilu na mambàda pa-mandapu-ya nyuna la kanjaka pareta. 17Jiapa na pamba tanatara Mehiru na ma-wirungu, nda na-duluku-a pandula-ya nyuna welingu la njungu-nanya tau Mbambilu da mawulu kabundu tana dàngu ba dawàngu paàki londa ka nadangu na tau pa-pameti-da. 18Rukuna ba mbàda pangga-nanyaka na harangu dàngu na pa-njanjingu-na, nda jia ngalangu-ana pa-paluhu wikina.
19Kuhara wànya na wikinggu Nyungga, Ala Maluri, MIRI Hupu Majangga, napa kuhuku-nya na maràmba Yahunda ba mbàda pangga-nanyaka na pa-njanjingu-da dàngu na maràmba Mbambilu, làti ba mbàda harawa-pàku-nanya na tamunggu Nyungga la pa-padeni-nya. 20Napa kunduha-nya jala ka yàpaya. Napa kungàndi-ya la Mbambilu hi kuhuku-nya lai nu, ba nda na-tuturu lai Nyungga. 21Da tanatara-na da madira hàmuha napa dameti la pa-hànjalungu. Tàka da mapeku la paluhu napa da pai - ihangu la nggi - nggini. Ka pi-nanyaka banjaru-nggu, ba Nyungga yia MIRI mambàda panii,” wàna.
I Ala nanjanji-ya na pa-monungu wàngu
22Yiana-yaka na papanii-na i MIRI Hupu Majangga,
“Welingu la pingi kajiu jangga, napa kupata kapuka-na
hi kuhàpi hapungu kahanga kanguraku-na;
ku-pamula-ya nuna na kahanga la palindi ma-kahuluku la karumangu.
23La palindi madira jangga la Ihirailu ku-kanditiku-nya.
Lai nu napa na-kalunga, hi natuu wuana,
hi nanjadi-ya pingi kajiu manggoji.
Ma - màtu ma-hawurungu napa dawulu hibuda lai nu
hi da-pamaü la lumbu maüna.
24Mbuu ndàba da pingi ai la tana napa dapinya
ba MIRI-ka Nyungga.
Da pingi ai jangga kupunggu-ha;
tàka da pingi ai kendaru ku-pakahulaku-ha hi da-kahuluku.
Da pingi ai katombuhu ku-pamarokutu-ha;
tàka da pingi ai màdu ku-pakalunga-ha hi da-hanggebaru.
Nyungga yia, MIRI mambàda panii, mbuu ndàba da papanii-nggu jiangu-ma da-hàrangu,” wàna.
Currently Selected:
YAHAKIALU 17: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
YAHAKIALU 17
17
Na pangerangu ruku na pingi angguru dàngu da mbaku tehiku
1I MIRI napanii-ngga nyungga, 2“Ha dumu tau nda payatangu, pekanja pangerangu da tau Ihirailu, 3na pa-patàkangu lai nyuda ba wànggu Nyungga, MIRI Hupu Majangga: Ninya na heu mbaku tehiku ma-kanjupu bokulu, ma-manandangu wulu ihina dàngu ma-mbàlaru ma-kapingatu ruu kàpana. Na-hawuru hangganya na Palindi Limbanongu, napata kapuka hareti pingi kajiu, 4hi nangàndi-ya dàngu hi na-banjalu-ya la parai danggangu ma-kapitilu tauna. 5Hàlaka nu hi napiti hareti ana matumbu welingu la tana Ihirailu, hi na-pamula-ya la woka ma-kamboka na manda ana njàpunya wai.#Na lawiti Imbarani-na ningu lawiti kareuku ma-bonjangu na manda lohangu jàka nggàra wàna. 6Na ana matumbu nuna nanjadi-ya pingi angguru matumbu kendaru dàngu na ma-nggailaru làmbatu-na. Da kahanga-na da-hangga tubanya nuna na mbaku tehiku, tàka da amuna da-tanjiku màndungu la tana. Nuna na pingi angguru dira marumbingu-ya.
7Nu ninya na hili heu mbaku tehiku ma-kanjupu bokulu; da-mbàlaru da ruu kàpana dàngu datimbi da wulu ihina. Hàla nuna na pingi angguru na-pahangga tubanja da amuna dàngu da kahanga-na la mbaku tehiku bidi nuna dàngu monungu-na màta nuna na mbaku tehiku ka nawua-nya wai marihi dangu welingu la maninya nu la woka.#Hàla nuna na pingi ... nu la woka; jàka ndia: Hàla nuna na pingi angguru na-tebuku-ya na woka ngia patumbu-na hi na-pahangga tubanja da amuna dàngu da kahanga-na la mbaku bidi dàngu monungu-na ka nawua-nya wai paraïna nu na mbaku. 8Tàka duna làti nuna na pingi angguru pambàda pamula la tana ma-kamboka-mayaka dàngu ma-kanjupu dangu waina, hi peku marumbingu na rauna, maràjingu na wuana, hi nanjadi pingi angguru mahàmu.
9Ka paàrangu-nggunyaka Nyungga, MIRI Hupu Majangga: Na-ngalangu ihu paluri dàngu pa-kadutuhu nuna na pingi angguru? Nda nabuta mangu amu-anya ihu paraïna mbaku na ma-wungangu, hi na-ràmbitu-ha da wuana, napata-ha da kahanga-na hi namàta-nya pa-malaï? Nda nggàra ihi wàngua parii tau dangu jàka ndia banjaru ma-kaborangu la pabuta mangu amunya nuna na pingi angguru. 10Deningu-mana ba mbàda tanjiku màndungu-na, tàka na-ngalangu ihu patumbu pangalangu dàngu pa-kadutuhu? Ka nda na-malaï-a ihu paraï ngilu timiru? Ka nda namàdu-a ihu napa la ngia pa-pamula-ya?” wàna.
Na lii kaloka rukuna na pangerangu
11I MIRI napanii-ngga, 12“Paàra-nja nuda da ma-patula ngganggangu, jàka dapinya na ihina na pangerangu. Pekanja ba nàmu-nyaka na maràmba Mbambilu la Yeruhali, pa-dundilu-ya la Mbambilu na maràmba Yahunda dàngu da ama bokulu paraingu. 13Hàla hi napindi haàtu welingu la wàla wuana na maràmba Yahunda, natura pa-njanjingu dàngu nyuna, hi na-paràha-nya pa-harangu la pa-tuturu-nya nyuna. Nuna na maràmba Mbambilu na-tanawa-nja da ma-pangora - pangora, 14ka àmbu nahili hadangu beli na pa-hanganji Yahunda, dàngu ka pa-undungu wànanya ba panunju-ya na pa-njanjingu. 15Tàka na maràmba Yahunda na-patula ngganggangu dàngu na-paràhangu papalewa-na la Mehiru ka ngalangu njara dàngu tanatara dangu. Na-hàrangu ihu na pawuku-na? Pa-màtangu-ya ihu ka naluhu? Nda jia màtangu-ana pa-hukungu jàka na-hinggilu-nya na pa-njanjingu!
16Kuhara wànya na wikinggu Nyungga, Ala Maluri, MIRI Hupu Majangga, napa nameti-ya la Mbambilu na maràmba Yahunda, rukuna ba mbàda hinggilu-nanyaka na harangu-na dàngu ba mbàda pangga-nanyaka na pa-njanjingu-na dàngu na maràmba Mbambilu na mambàda pa-mandapu-ya nyuna la kanjaka pareta. 17Jiapa na pamba tanatara Mehiru na ma-wirungu, nda na-duluku-a pandula-ya nyuna welingu la njungu-nanya tau Mbambilu da mawulu kabundu tana dàngu ba dawàngu paàki londa ka nadangu na tau pa-pameti-da. 18Rukuna ba mbàda pangga-nanyaka na harangu dàngu na pa-njanjingu-na, nda jia ngalangu-ana pa-paluhu wikina.
19Kuhara wànya na wikinggu Nyungga, Ala Maluri, MIRI Hupu Majangga, napa kuhuku-nya na maràmba Yahunda ba mbàda pangga-nanyaka na pa-njanjingu-da dàngu na maràmba Mbambilu, làti ba mbàda harawa-pàku-nanya na tamunggu Nyungga la pa-padeni-nya. 20Napa kunduha-nya jala ka yàpaya. Napa kungàndi-ya la Mbambilu hi kuhuku-nya lai nu, ba nda na-tuturu lai Nyungga. 21Da tanatara-na da madira hàmuha napa dameti la pa-hànjalungu. Tàka da mapeku la paluhu napa da pai - ihangu la nggi - nggini. Ka pi-nanyaka banjaru-nggu, ba Nyungga yia MIRI mambàda panii,” wàna.
I Ala nanjanji-ya na pa-monungu wàngu
22Yiana-yaka na papanii-na i MIRI Hupu Majangga,
“Welingu la pingi kajiu jangga, napa kupata kapuka-na
hi kuhàpi hapungu kahanga kanguraku-na;
ku-pamula-ya nuna na kahanga la palindi ma-kahuluku la karumangu.
23La palindi madira jangga la Ihirailu ku-kanditiku-nya.
Lai nu napa na-kalunga, hi natuu wuana,
hi nanjadi-ya pingi kajiu manggoji.
Ma - màtu ma-hawurungu napa dawulu hibuda lai nu
hi da-pamaü la lumbu maüna.
24Mbuu ndàba da pingi ai la tana napa dapinya
ba MIRI-ka Nyungga.
Da pingi ai jangga kupunggu-ha;
tàka da pingi ai kendaru ku-pakahulaku-ha hi da-kahuluku.
Da pingi ai katombuhu ku-pamarokutu-ha;
tàka da pingi ai màdu ku-pakalunga-ha hi da-hanggebaru.
Nyungga yia, MIRI mambàda panii, mbuu ndàba da papanii-nggu jiangu-ma da-hàrangu,” wàna.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)