YAHAKIALU 11
11
Ba hukunya na Yeruhali
1Hàla hi nadanda-ngga paraï Ngahuna i Ala hi na-ngàndika la pindu bokulu Umana i MIRI la pahunga lodu. Lai nu kuita-ha da tau ba dua kambulu limada, la hongada nyuda ninja tau madua-ha da ngora banjaru, jiaha Yaahanya anana i Anjuru dàngu i Pelaha anana i Mbanaya.
2I Ala napanii-ngga, “Ha dumu tau nda payatangu, yiada yia jia-haka da tau da ma-kàkatu-ya na akatu la paraingu yiana dàngu da ma-wuangu lii panaungu ma-panjàrangu. 3-4Jia ba tuna patàka-nyawa na lii langunggu rukuna na hukungu ndumada nyuda, ha dumu tau nda payatangu. Nadu ba dapanii, ‘Nda namandai-apa napa ba ta-pahada belinja#Nda namandai-apa ... belinja; jàka ndia: nda ta-pahadangu-a uma ma-pajujukungu. yiada da uma. Yiana na paraingu wurungu-ya tàka nyuta tolungu-ta daa la wurungu. Napa nyuta ta-mambiru welingu la pa-hanyàru-na na epi ba naopa-nda paraïna yiana na wurungu,’ ” wàda.
5Tunaka nu na Ngahuna i MIRI na-lumburu-ngga hi na-paràha-ngga i MIRI papanii-nya na banjaru Ihirailu, “Ha dimi banjaru Ihirailu, kupinya jàka nggàraya na papanii-mi dàngu na pa-kàkatu-mi. 6Kanjupu danguya na tau pambàda pameti-mi, hi lupa nambinu-nja mameti da ànda la paraingu.
7Jia ba tuna, Nyungga yia, MIRI Hupu Majangga, kupanii-nggai nyimi: Deningu-na, na paraingu yiana ba wurungu-ya, na nyuna na tolungu ihina nda nyimia, tàka metida da tau pambàda pameti-mi nyimiha duna! Tàka nyimi napa kuwàngga paluhu-kai welingu la paraingu yiana! 8Imangàdatungu hapanda? Napa ku-patàka-nggai tau mangàndi hapanda pa-kaluluku-nggai nyimi. 9Napa kuluhu ngàndikai welingu la paraingu hi kuwua-kai la tau hangàdangu. Mbàda rata-nggunggaika nyimi hukungu meti. 10Napa nyimi imeti la pabera la paraingu wikimi, ka pi-dimi-nggaka ba MIRI-ka Nyungga. 11Ba tuna, nda jia mambiru-ami la paraingu yiana, nda hama tuna na tolungu la hau wurungu. Napa kukeha-nggai dàngu kuhuku-nggai la nggi biakai na ngia paninggai la tana Ihirailu. 12Ka pidimi-nggaka ba MIRI-ka Nyungga dàngu kuhuku-nggai nyimi rukuna ba mbàda pangga-miha da kalaratu-nggu dàngu bai pahalela-ha da pareta-nggu bai wàngu pakiku-nja da ukuda da banjaru la winggiru-mi,” wànggunja.
13Ba talànga panii-ngguha nuda hi jia tawàlahu biana i Pelaha hi nameti. Ka marubuku-nggunyaka hi kuwara, “Ai inai MIRI Hupu Majangga! Ka pameti ndàbaya yiana na Ihirailu pa-manjabii wàmu-maka?” wànggu.
Na njanjina i Ala la tau tanawangu
14Nahili paniingga nyungga i MIRI, 15“Ha dumu tau nda payatangu, nyumu dàngu da angumu la tanawangu dapanii-kai paraï da ma-mandapu la Yeruhali. ‘Da tau tanawangu lalu marauda welingu la Yeruhali ka lumunya i MIRI. Na tana Ihirailu mbàda wua-nanyaka paraïna i MIRI lai nyuta,’ wàda.
16Jia ba tuna patàka-nyawa yiana na lii langunggu la angu tanawangu-mu, Nyunggama ma-karia maraunja la honga ba - banjaru dàngu ma-patanyala-nja la tana nuda. Na nyuna ba tuna ba lai nuha, kudidi karaha-maha.
17Nyungga, MIRI Hupu Majangga ku-paloha-nya ba jianguma napa ku-pauhi-nja welingu la ta - tana ngia pa-tanyalangu-da, hàla hi kuwua beli-njaya na tana Ihirailu lai nyuda. 18Jàka dabeli napa dawàru ndàbanja da marapu iraku da pa-mayitangu da pambàda hungguda. 19Napa kuwua-nja eti bidi dàngu kanandingu bidi. Da etida nyuda da ma-pakalatu watungu napa kupiti-ha hi ku-pahilu-nja eti ma-karadaku lai Nyungga. 20Ka karadaku-danjaka napa da kalaratu-nggu hi wàngu tuturu-da ba danunju-ha mbuu ndàba da hupu liinggu. Napa nyuda banjaru-ngguha tàka Nyungga Ala-dangga. 21Na nyuna da tau ma-mbuhangu pa-marubuku-nja da marapu iraku pa-mayitangu napa kuhuku-nja rukuna na hurida na ma-akatu,” wàna. Tuna nu na paniina i MIRI Hupu Majangga.
I Ala na-dunjaku-nya na Yeruhali
22Ka hawurungu-danyaka nuda da tau awangu maningu ruu kàpangu dàngu kikungu-madanya nuda da ndutungu. Na handaraku, ma-kalilangu na tanda ba ninya i Ala Ihirailu nimanya lai nyuda. 23Hàlaka nu na handaraku ma-kalilangu na-yilangu-ya welingu la Yeruhali hi na-lelingu la palindi la pahunga lodu welingu la paraingu nuna. 24Nu la harii mata, nadanda-ngga Ngahuna i Ala hi na-pabeli-ngga la tau da ma-tanawangu la Mbambilu. Hàlaka nu ka màda-nanyaka nuna na harii mata. 25Hàla hi kupeka-ya la tau tanawangu mbuu ndàba da pa-paita-nangga Nyungga i MIRI.
Currently Selected:
YAHAKIALU 11: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
YAHAKIALU 11
11
Ba hukunya na Yeruhali
1Hàla hi nadanda-ngga paraï Ngahuna i Ala hi na-ngàndika la pindu bokulu Umana i MIRI la pahunga lodu. Lai nu kuita-ha da tau ba dua kambulu limada, la hongada nyuda ninja tau madua-ha da ngora banjaru, jiaha Yaahanya anana i Anjuru dàngu i Pelaha anana i Mbanaya.
2I Ala napanii-ngga, “Ha dumu tau nda payatangu, yiada yia jia-haka da tau da ma-kàkatu-ya na akatu la paraingu yiana dàngu da ma-wuangu lii panaungu ma-panjàrangu. 3-4Jia ba tuna patàka-nyawa na lii langunggu rukuna na hukungu ndumada nyuda, ha dumu tau nda payatangu. Nadu ba dapanii, ‘Nda namandai-apa napa ba ta-pahada belinja#Nda namandai-apa ... belinja; jàka ndia: nda ta-pahadangu-a uma ma-pajujukungu. yiada da uma. Yiana na paraingu wurungu-ya tàka nyuta tolungu-ta daa la wurungu. Napa nyuta ta-mambiru welingu la pa-hanyàru-na na epi ba naopa-nda paraïna yiana na wurungu,’ ” wàda.
5Tunaka nu na Ngahuna i MIRI na-lumburu-ngga hi na-paràha-ngga i MIRI papanii-nya na banjaru Ihirailu, “Ha dimi banjaru Ihirailu, kupinya jàka nggàraya na papanii-mi dàngu na pa-kàkatu-mi. 6Kanjupu danguya na tau pambàda pameti-mi, hi lupa nambinu-nja mameti da ànda la paraingu.
7Jia ba tuna, Nyungga yia, MIRI Hupu Majangga, kupanii-nggai nyimi: Deningu-na, na paraingu yiana ba wurungu-ya, na nyuna na tolungu ihina nda nyimia, tàka metida da tau pambàda pameti-mi nyimiha duna! Tàka nyimi napa kuwàngga paluhu-kai welingu la paraingu yiana! 8Imangàdatungu hapanda? Napa ku-patàka-nggai tau mangàndi hapanda pa-kaluluku-nggai nyimi. 9Napa kuluhu ngàndikai welingu la paraingu hi kuwua-kai la tau hangàdangu. Mbàda rata-nggunggaika nyimi hukungu meti. 10Napa nyimi imeti la pabera la paraingu wikimi, ka pi-dimi-nggaka ba MIRI-ka Nyungga. 11Ba tuna, nda jia mambiru-ami la paraingu yiana, nda hama tuna na tolungu la hau wurungu. Napa kukeha-nggai dàngu kuhuku-nggai la nggi biakai na ngia paninggai la tana Ihirailu. 12Ka pidimi-nggaka ba MIRI-ka Nyungga dàngu kuhuku-nggai nyimi rukuna ba mbàda pangga-miha da kalaratu-nggu dàngu bai pahalela-ha da pareta-nggu bai wàngu pakiku-nja da ukuda da banjaru la winggiru-mi,” wànggunja.
13Ba talànga panii-ngguha nuda hi jia tawàlahu biana i Pelaha hi nameti. Ka marubuku-nggunyaka hi kuwara, “Ai inai MIRI Hupu Majangga! Ka pameti ndàbaya yiana na Ihirailu pa-manjabii wàmu-maka?” wànggu.
Na njanjina i Ala la tau tanawangu
14Nahili paniingga nyungga i MIRI, 15“Ha dumu tau nda payatangu, nyumu dàngu da angumu la tanawangu dapanii-kai paraï da ma-mandapu la Yeruhali. ‘Da tau tanawangu lalu marauda welingu la Yeruhali ka lumunya i MIRI. Na tana Ihirailu mbàda wua-nanyaka paraïna i MIRI lai nyuta,’ wàda.
16Jia ba tuna patàka-nyawa yiana na lii langunggu la angu tanawangu-mu, Nyunggama ma-karia maraunja la honga ba - banjaru dàngu ma-patanyala-nja la tana nuda. Na nyuna ba tuna ba lai nuha, kudidi karaha-maha.
17Nyungga, MIRI Hupu Majangga ku-paloha-nya ba jianguma napa ku-pauhi-nja welingu la ta - tana ngia pa-tanyalangu-da, hàla hi kuwua beli-njaya na tana Ihirailu lai nyuda. 18Jàka dabeli napa dawàru ndàbanja da marapu iraku da pa-mayitangu da pambàda hungguda. 19Napa kuwua-nja eti bidi dàngu kanandingu bidi. Da etida nyuda da ma-pakalatu watungu napa kupiti-ha hi ku-pahilu-nja eti ma-karadaku lai Nyungga. 20Ka karadaku-danjaka napa da kalaratu-nggu hi wàngu tuturu-da ba danunju-ha mbuu ndàba da hupu liinggu. Napa nyuda banjaru-ngguha tàka Nyungga Ala-dangga. 21Na nyuna da tau ma-mbuhangu pa-marubuku-nja da marapu iraku pa-mayitangu napa kuhuku-nja rukuna na hurida na ma-akatu,” wàna. Tuna nu na paniina i MIRI Hupu Majangga.
I Ala na-dunjaku-nya na Yeruhali
22Ka hawurungu-danyaka nuda da tau awangu maningu ruu kàpangu dàngu kikungu-madanya nuda da ndutungu. Na handaraku, ma-kalilangu na tanda ba ninya i Ala Ihirailu nimanya lai nyuda. 23Hàlaka nu na handaraku ma-kalilangu na-yilangu-ya welingu la Yeruhali hi na-lelingu la palindi la pahunga lodu welingu la paraingu nuna. 24Nu la harii mata, nadanda-ngga Ngahuna i Ala hi na-pabeli-ngga la tau da ma-tanawangu la Mbambilu. Hàlaka nu ka màda-nanyaka nuna na harii mata. 25Hàla hi kupeka-ya la tau tanawangu mbuu ndàba da pa-paita-nangga Nyungga i MIRI.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)