Titus 1
1
Hau weregei wene
1Titus nomlogo yo. An Paulus, Allah eragam a’ge welat, aphwami at en poligenebesi a’ge enede at ebam he’berik poluk oruakma enede ago warenebiselat, ye, nis at eragam welat dem wene mo’gulontogu lege wene ano dokhumsogo enaluk emagoluk mo’gulentasulat, tuagoluk Yesus Kristus en yo’go noboluk peraknobou waga a’ge ano en, wene yu pelal wokho he’bek perakpou wegi ai o. 2At Allah en, di a’ge yu a’ge owan walho erlak welat, nis aphwami nenebaget disogo egei,
“Aphwami an en walentaiktik e, enebe enelaluk modok welemagoluk, obabenebaik o,” oluk, obok egei ai,
“Iak esei oso erlak ani,” oluk nonogola eberak welat, dem wene mo’gulontogu lege ai o. 3Yogodak wene ai selakma om hegitsogoat selakma emagoluk, at Allah delnenebiso a’ge ano en,
“Hat en wene ai aphwami mo’gulentasu lomup,” oluk, yo’go noboluk, nebam pesi ai en ebe selakma ago ai. 4#2Kor. 8:23; Gal. 2:3; 2Tim. 4:10Titus nomlogo yo. Hede nis nenemin hegitsogoat Allah pam he’berik poluk welegen ai pam, an nu’gwarek nomlogo harat e’gen ai o. Nenaik Allah emin, nonue Kristus Yesus delnenebiso a’ge emin, e’birek enebabut op ano en, op a’ge wokhogulat, hede ha’bugaphobogulat, togu lemak o.
“Aphwami Allah eiyagai logon tenentarok welemagoluk, enebabut ’belakpoluk en
edigonobo yo,” oluk mo’gulesi wene
5An en hat o Kreta eba hoboluk, weigoluk tagalat, wene disogo tagalom oluk, hebam pegi a’ge ai,
“Di a’ge yu a’ge owan hegirap po erlak a’ge, hegirap tagalat, o da ya eba aphwami Allah eiyagai logon tenentarok welemagoluk onuelak lo’bok edigenebasulat, taga lomup o,” oluk, mo’gulhotluk wegi ai o. 6#1Tim. 3:2-7Aphwami Allah eiyagai logon tenentarok welemagoluk edigonobo ai re, enebabut e, yu ’gela’ge holuk edigonobo yo. Aphwami logon en,
“At wiak,” oluk wene ebam pogwi erlak a’ge holuk, ugwe mesigat wogo a’ge holuk, eiyagai enede Allah pam he’berik welagai a’ge holuk, is pema en ogulat,
“Ap yu eiyagai enesa’go werak erlak yogunat togwi ai nenebit,” oluk, obok ’balogwi erlak a’ge holuk, edikpo yo. 7Ap Allah eiyagai logon tenentarok welat e, Allah pagerat taga lema ai en e, is logon en wene ebam pogwi erlak a’ge holuk, edikpo yo. At en e,
“Is logon en ogwiam, ai wiak. An egi a’ge nak e, op,” oluk, oso erlak a’ge holuk, olot het horogat ago erlak a’ge holuk, ik anggur a’bosu enede ’balagai a’ge loksogo nasu erlak a’ge holuk, ebabut ebam harosogo welago erlak a’ge holuk,
“Uang, di a’ge yu a’ge an nak nebam wellep,” oluk, epasu erlak a’ge holuk, 8ap ’bok eneperlak a’ge wagaiam owi pam opsogo wogonoboluk lasu a’ge holuk, op togwi ai a’ge nak nagai epasu a’ge holuk, ede ha’buktak a’ge holuk, ebabut hegitsogo tiso a’ge holuk, ebe Allah paget degelak welago a’ge holuk, u’gwarek en esa’go werak welago a’ge holuk, edigonobo yo. 9Wene aphwami obabenebiso wene mo’gulentasulat enesa’go opsogo weriselat, at en dem wene osoam, is logon en, at iak sagalogo poluk togwiam, at en is eniak sebelogo pasulat, elirat ese lemagoluk, wene nis en mo’guligema, demat oluk wesirik, ebabut hegitsogoat ningsogo tenak welago a’ge holuk, edigonobo yo.
10Is aphwami logon esanat dem wene hwelakpoluk hegitsogo togwi erlakma en togwi ai o. Asogo togwi ai, enebe lok o’gwe re, is Yahudi enagap ene’gerlimu a’ge ’belak a’ge, op wene wegesarik en e, pobuk dem wene erlakhweat de, we, ’burlat aphwami onowene a’ge paget ogulat, is logon lalonobogwi ai o. 11Asogo lalonobogulat, di a’ge yu a’ge onu’gwarek en sabuthorlo puk a’ge saburuogoluk, mo’gulonto puk a’geat mo’gulontogulat, aphwami esan eneiyagai eneminat lalonobogwi ai, is eniak ai sebelogo ukpomup o. 12Aphwami o Kreta onu’gwarek a’ge mesik ede ’gagalak welat wene mo’gulentasu laga a’ge mesik en, wene disogo egei,
“Is aphwami o Kreta a’ge yema enebabut e, eniak esei ogwi modok welat,
wam seiye ebabut ’gela’ge.
Yabuk wo pukmu en welat, di a’ge yu a’ge selangsogo no pukmu en enele’bik wiak yema re!”
13oluk, at iak demat egei. Ai en, is ai enede Allah pam opsogo he’berik wolom ’gela’geat welemagoluk enesa’go ningsogo werise lomup o. 14Is aphwami Yahudi a’ge eniak esei yenat nonung wene ’belo’gogwi a’ge emin, aphwami logon en, dem wene ukpoluk enede en ’gagalogo,
“Disogo togulom o,” oluk enesa’go worogwi a’ge ai emin, wene ai tenak welema no oluk, enesa’go ningsogoat werise lomup o. 15Allah en aphwami logon enede obabenebegei a’ge holuk, is enebaget, di a’ge yu a’ge wiak erlak o. Op nak o. Asogo a’geat de, is logon enede Allah pam he’berik pogwi erlak welat, enede opogwi a’ge emin, we’gerlogwi a’ge emin, wiaksogo oruak ai en, is enebaget di a’ge yu a’ge op erlak o. Wiak nak o. 16Is ai en e,
“An Allah ebe naluk o,” oluk, eniak ’baksogo ogularat de,
“Ebe neneperlak o,” oluk, u ’gela’ge, enesa’go werak erlak en, Allah emelmel a’ge togulat, di a’ge yu a’ge opsogo tu pukmu en, mia oruak ai o.
Currently Selected:
Titus 1: Wul
Highlight
Copy
Compare
Share
Want to have your highlights saved across all your devices? Sign up or sign in
Titus 1
1
Hau weregei wene
1Titus nomlogo yo. An Paulus, Allah eragam a’ge welat, aphwami at en poligenebesi a’ge enede at ebam he’berik poluk oruakma enede ago warenebiselat, ye, nis at eragam welat dem wene mo’gulontogu lege wene ano dokhumsogo enaluk emagoluk mo’gulentasulat, tuagoluk Yesus Kristus en yo’go noboluk peraknobou waga a’ge ano en, wene yu pelal wokho he’bek perakpou wegi ai o. 2At Allah en, di a’ge yu a’ge owan walho erlak welat, nis aphwami nenebaget disogo egei,
“Aphwami an en walentaiktik e, enebe enelaluk modok welemagoluk, obabenebaik o,” oluk, obok egei ai,
“Iak esei oso erlak ani,” oluk nonogola eberak welat, dem wene mo’gulontogu lege ai o. 3Yogodak wene ai selakma om hegitsogoat selakma emagoluk, at Allah delnenebiso a’ge ano en,
“Hat en wene ai aphwami mo’gulentasu lomup,” oluk, yo’go noboluk, nebam pesi ai en ebe selakma ago ai. 4#2Kor. 8:23; Gal. 2:3; 2Tim. 4:10Titus nomlogo yo. Hede nis nenemin hegitsogoat Allah pam he’berik poluk welegen ai pam, an nu’gwarek nomlogo harat e’gen ai o. Nenaik Allah emin, nonue Kristus Yesus delnenebiso a’ge emin, e’birek enebabut op ano en, op a’ge wokhogulat, hede ha’bugaphobogulat, togu lemak o.
“Aphwami Allah eiyagai logon tenentarok welemagoluk, enebabut ’belakpoluk en
edigonobo yo,” oluk mo’gulesi wene
5An en hat o Kreta eba hoboluk, weigoluk tagalat, wene disogo tagalom oluk, hebam pegi a’ge ai,
“Di a’ge yu a’ge owan hegirap po erlak a’ge, hegirap tagalat, o da ya eba aphwami Allah eiyagai logon tenentarok welemagoluk onuelak lo’bok edigenebasulat, taga lomup o,” oluk, mo’gulhotluk wegi ai o. 6#1Tim. 3:2-7Aphwami Allah eiyagai logon tenentarok welemagoluk edigonobo ai re, enebabut e, yu ’gela’ge holuk edigonobo yo. Aphwami logon en,
“At wiak,” oluk wene ebam pogwi erlak a’ge holuk, ugwe mesigat wogo a’ge holuk, eiyagai enede Allah pam he’berik welagai a’ge holuk, is pema en ogulat,
“Ap yu eiyagai enesa’go werak erlak yogunat togwi ai nenebit,” oluk, obok ’balogwi erlak a’ge holuk, edikpo yo. 7Ap Allah eiyagai logon tenentarok welat e, Allah pagerat taga lema ai en e, is logon en wene ebam pogwi erlak a’ge holuk, edikpo yo. At en e,
“Is logon en ogwiam, ai wiak. An egi a’ge nak e, op,” oluk, oso erlak a’ge holuk, olot het horogat ago erlak a’ge holuk, ik anggur a’bosu enede ’balagai a’ge loksogo nasu erlak a’ge holuk, ebabut ebam harosogo welago erlak a’ge holuk,
“Uang, di a’ge yu a’ge an nak nebam wellep,” oluk, epasu erlak a’ge holuk, 8ap ’bok eneperlak a’ge wagaiam owi pam opsogo wogonoboluk lasu a’ge holuk, op togwi ai a’ge nak nagai epasu a’ge holuk, ede ha’buktak a’ge holuk, ebabut hegitsogo tiso a’ge holuk, ebe Allah paget degelak welago a’ge holuk, u’gwarek en esa’go werak welago a’ge holuk, edigonobo yo. 9Wene aphwami obabenebiso wene mo’gulentasulat enesa’go opsogo weriselat, at en dem wene osoam, is logon en, at iak sagalogo poluk togwiam, at en is eniak sebelogo pasulat, elirat ese lemagoluk, wene nis en mo’guligema, demat oluk wesirik, ebabut hegitsogoat ningsogo tenak welago a’ge holuk, edigonobo yo.
10Is aphwami logon esanat dem wene hwelakpoluk hegitsogo togwi erlakma en togwi ai o. Asogo togwi ai, enebe lok o’gwe re, is Yahudi enagap ene’gerlimu a’ge ’belak a’ge, op wene wegesarik en e, pobuk dem wene erlakhweat de, we, ’burlat aphwami onowene a’ge paget ogulat, is logon lalonobogwi ai o. 11Asogo lalonobogulat, di a’ge yu a’ge onu’gwarek en sabuthorlo puk a’ge saburuogoluk, mo’gulonto puk a’geat mo’gulontogulat, aphwami esan eneiyagai eneminat lalonobogwi ai, is eniak ai sebelogo ukpomup o. 12Aphwami o Kreta onu’gwarek a’ge mesik ede ’gagalak welat wene mo’gulentasu laga a’ge mesik en, wene disogo egei,
“Is aphwami o Kreta a’ge yema enebabut e, eniak esei ogwi modok welat,
wam seiye ebabut ’gela’ge.
Yabuk wo pukmu en welat, di a’ge yu a’ge selangsogo no pukmu en enele’bik wiak yema re!”
13oluk, at iak demat egei. Ai en, is ai enede Allah pam opsogo he’berik wolom ’gela’geat welemagoluk enesa’go ningsogo werise lomup o. 14Is aphwami Yahudi a’ge eniak esei yenat nonung wene ’belo’gogwi a’ge emin, aphwami logon en, dem wene ukpoluk enede en ’gagalogo,
“Disogo togulom o,” oluk enesa’go worogwi a’ge ai emin, wene ai tenak welema no oluk, enesa’go ningsogoat werise lomup o. 15Allah en aphwami logon enede obabenebegei a’ge holuk, is enebaget, di a’ge yu a’ge wiak erlak o. Op nak o. Asogo a’geat de, is logon enede Allah pam he’berik pogwi erlak welat, enede opogwi a’ge emin, we’gerlogwi a’ge emin, wiaksogo oruak ai en, is enebaget di a’ge yu a’ge op erlak o. Wiak nak o. 16Is ai en e,
“An Allah ebe naluk o,” oluk, eniak ’baksogo ogularat de,
“Ebe neneperlak o,” oluk, u ’gela’ge, enesa’go werak erlak en, Allah emelmel a’ge togulat, di a’ge yu a’ge opsogo tu pukmu en, mia oruak ai o.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in