Bilangan 8
8
Lampu ebale pogulom a’ge paget mo’gulesi wene
1 #
Kel. 25:31-40; 37:17-24 At Allah en Musa mo’guleselat,
2“Ap Harun en esaga e’gik 7 ano, ’gwialogo pogwi a’ge hele’gik a’ge ano ologun pam ’gwialogo hwederik pil lasuam e, atia ano en selaksogo atiarak pasu lemagoluk, hwe hwalogo pil louwagoluk mo’gulemin o.
3Mo’gulesi a’ge ano Musa en Harun mo’gulesimu, at Allah en Musa wene le’gelogo mo’gulesi a’ge ano hegitsogoat tagalat, ye, e’gik 7 pam ’gwialogo pasulat hele’gik a’ge ano ologun o’gwe hwederik pil lasuam atia ano en selaksogo atiarak pasu lemagoluk olukhwe hwalogo pesi. 4At Allah en, esaga ai, ’gwialogo pogwi a’ge orogole disogoat hele’gip o, oluk, at Musa mo’gulesi ano modok hegitsogoat esaga ’gwialogo pogwi a’ge oyuk yogo hwerli en ’bekhit, ologun pam e besi emas a’ge pam ’bogun-bagan sogo hele’gik a’ge ’gela’geat heli’gogo po yo,” oluk, mo’gulesi a’ge hegitsogoat heli’gogo pesi.
Ap Lewi a’ge pulogo enebesi wene
5At Allah en Musa mo’guleselat,
6“Is ap Lewi a’ge ai, Israel a’geat a’geat de, is ene’gerlakma en pulogo enebaguntik, enebe onowiak hosogo edigonobomup o. 7Asogo tagonobo ano re yuat o, onowiak ho tuagoluk, ik wik-wok enebam ’gwete holuk, enasu emin, onomutaruk emin, enagap pam oruak a’ge ’berlegat ’balogulat, onosum hoktogulat, tuagoluk, mo’gulentagunmu togwi holuk e, onowiak arat horak a’geat ema o, 8Ai takpoluk, sapi emalik ot a’ge ierak a’ge wusogo gandum egen wogo modok op a’ge e zaituna’bosu emin negarlok-hegarlok takpoluk, ebaget po a’ge wogulat, onowiak erlagapsogo po a’ge paget sapiot a’ge ierakmu mesik wogulat, tuak oluk, mo’gulentagunmu takpoluk, woluk wagaiam e, 9Is ap Lewi a’ge ai, an nemin hwedik togumu nowi werikmu ’goduk ’gu agaimu eba pou wotluk, is Israel a’ge ’berlegat eba odoktumak oluk, mo’gulontomup o.
10Mo’gulentagunmu eba odoktu agaiam e, is ap Lewi a’ge an Allah nil pam oruakhwe, is aphwami Israel a’ge en ene’gik is ena’gul sebelontouwak oluk, mo’gulontomup o. 11Ena’gul sebelak poluk, at Harun en hat Allah hebaget togu lemak o, oluk, is Israel a’ge en pulogo enebegesa a’ge re yuat o, oluk, poliknobouwa ai pam an Allah nebaget togu lemagoluk, tagenebaik o.
12Asogo tisoam e, is ap Lewi a’ge en sapiierak a’ge emin na’gul pam ene’gik sebelak poluk, mesik wusogo onowiak erlagapsogo po a’ge paget pogulat, mesik wusogo is Lewi a’ge an Allah nemin hwedik wolom a’ge paget pogulat, tuak o.
13Asogo togwi holuk, is Lewi a’ge ano Harun eiyagai enemin eneragam edigonoboluk, is ap yu, hat Allah hebaget togu lema a’ge ap enebe yuat o, oluk, an hwiak nomup o. 14Asogo togun ano pam en is Lewi a’ge ai, Israel a’geat a’geat de, Israel a’ge ene’gerlakma en pulogo edik enebagun a’ge enat nebaget togu lema a’ge an neiyagaiat welema o.
15Haren is Lewi a’ge ai, onosobul arat horak pasulat, is ap yu, hat Allah hebagerat o, oluk, onuk niasulat tiso holuk, nemin hwedik togumu nowi werikmu ’gwi lotluk, eniabuk eiye tagenebagun a’ge ano enat at togu lemak o.
16Is Lewi ai re, Israel a’geat a’geat de, Israel a’ge ene’gerlakma en enebe mesik wiak oluk mo u erlakma en ’berlegat an nebaget nak togulom a’ge re, isat o. Is hwami Israel a’ge hundomok-han domok enemalik ap naduk dogo a’ge enebalema is Lewi a’ge aiat wogenebegis o.
17 #
Kel. 13:2
O Mesir a’ge enemalik naduk dogo waronobua agauwa ai erlige Israel a’ge enemalik naduk dogo a’ge an nebaget welemagoluk, pulogo enebegimu re, is Israel a’ge enemalik naduk dogo a’ge emin, onuam naduk dogo a’ge emin, ’berlegat ai re, an eiyeat o. 18Ye, Israel a’ge enemalik naduk dogo a’ge ’berlegat enebalema ap Lewi a’ge wogenebegis o.
19An nemin hwedik togumu nowi werik a’ge ogola eba is Israel a’ge enebaget togulat, is Israel a’ge o asuama ebano horok lau wagai holuk, wene enebam agoma no oluk, Israel a’ge ebano onowiak erlagapsogo poluk, nemin hwedik wolomok oluk hwelak pogulat, togu lemagoluk, is Lewi a’ge en ap Harun eiyagai enemin lerontogwi holuk e, enagai houwogoluk, pulogo enebegi o,” oluk, mo’gulesi.
20Asogo mo’gulesimu, at Musa emin, Harun emin, Israel oruak a’ge ’berlegat emin, en, Lewi a’ge tagonobogulom a’ge at Allah en Musa mo’gulesi ano hegitsogo, is Lewi a’ge asogoat tagenebegesa. 21Takonobogukhwe, hundomok enat onowiak ho horlogulat, onosum ho horlogulat, togwiam e, ap Harun en, ap yu, hat Allah hebaget degelak a’geat o, oluk, at Allah mo’gulesirik, onowiak erlagapsogo poluk, Allah emin hwedik welemagoluk, onowiak horak enebesi. 22Ai arat tegeimu, is ap Lewi a’ge ai, yabuk togu lomogoluk, Allah emin hwedik togumu owi werikmu ’gogwiam e, togulom a’ge at Allah en Musa mo’gulesi a’ge hegitsogo, is Harun eiyagai enemin ’gwelap entarok welat, mo’gulontogwiam togu legesa.
23At Allah en Musa mo’guleselat,
24“Is ap Lewi a’ge en togulom a’ge mo’gulonto ano re, yuat o. Ap dogo oruakhwe tahun 25 tak a’ge hwerli en ’bekhit, legeik etil lo a’ge ai re, nemin hwedik togumu nowi werikmu ebano yabuk togu lemak o. 25Ye, is tahun 50 ago holuk nak e, is yabuk togwi a’ge ai, pobuk mesik emin togulom miama re, we welemagoluk, ugonobomup o. 26An nemin hwedik togumu nowi werikmu enarilak eniabuk togumu, is lerontogulom ai obat a’geat de, eniabuk mesik eiye otluk togulom ai nage mia o. Ap Lewi a’ge en togulom a’ge eiye tagonobo a’ge mo’gulonto ano re, asogoat o,” oluk, mo’gulesi.
Currently Selected:
Bilangan 8: Wul
Highlight
Copy
Compare
Share
Want to have your highlights saved across all your devices? Sign up or sign in
Bilangan 8
8
Lampu ebale pogulom a’ge paget mo’gulesi wene
1 #
Kel. 25:31-40; 37:17-24 At Allah en Musa mo’guleselat,
2“Ap Harun en esaga e’gik 7 ano, ’gwialogo pogwi a’ge hele’gik a’ge ano ologun pam ’gwialogo hwederik pil lasuam e, atia ano en selaksogo atiarak pasu lemagoluk, hwe hwalogo pil louwagoluk mo’gulemin o.
3Mo’gulesi a’ge ano Musa en Harun mo’gulesimu, at Allah en Musa wene le’gelogo mo’gulesi a’ge ano hegitsogoat tagalat, ye, e’gik 7 pam ’gwialogo pasulat hele’gik a’ge ano ologun o’gwe hwederik pil lasuam atia ano en selaksogo atiarak pasu lemagoluk olukhwe hwalogo pesi. 4At Allah en, esaga ai, ’gwialogo pogwi a’ge orogole disogoat hele’gip o, oluk, at Musa mo’gulesi ano modok hegitsogoat esaga ’gwialogo pogwi a’ge oyuk yogo hwerli en ’bekhit, ologun pam e besi emas a’ge pam ’bogun-bagan sogo hele’gik a’ge ’gela’geat heli’gogo po yo,” oluk, mo’gulesi a’ge hegitsogoat heli’gogo pesi.
Ap Lewi a’ge pulogo enebesi wene
5At Allah en Musa mo’guleselat,
6“Is ap Lewi a’ge ai, Israel a’geat a’geat de, is ene’gerlakma en pulogo enebaguntik, enebe onowiak hosogo edigonobomup o. 7Asogo tagonobo ano re yuat o, onowiak ho tuagoluk, ik wik-wok enebam ’gwete holuk, enasu emin, onomutaruk emin, enagap pam oruak a’ge ’berlegat ’balogulat, onosum hoktogulat, tuagoluk, mo’gulentagunmu togwi holuk e, onowiak arat horak a’geat ema o, 8Ai takpoluk, sapi emalik ot a’ge ierak a’ge wusogo gandum egen wogo modok op a’ge e zaituna’bosu emin negarlok-hegarlok takpoluk, ebaget po a’ge wogulat, onowiak erlagapsogo po a’ge paget sapiot a’ge ierakmu mesik wogulat, tuak oluk, mo’gulentagunmu takpoluk, woluk wagaiam e, 9Is ap Lewi a’ge ai, an nemin hwedik togumu nowi werikmu ’goduk ’gu agaimu eba pou wotluk, is Israel a’ge ’berlegat eba odoktumak oluk, mo’gulontomup o.
10Mo’gulentagunmu eba odoktu agaiam e, is ap Lewi a’ge an Allah nil pam oruakhwe, is aphwami Israel a’ge en ene’gik is ena’gul sebelontouwak oluk, mo’gulontomup o. 11Ena’gul sebelak poluk, at Harun en hat Allah hebaget togu lemak o, oluk, is Israel a’ge en pulogo enebegesa a’ge re yuat o, oluk, poliknobouwa ai pam an Allah nebaget togu lemagoluk, tagenebaik o.
12Asogo tisoam e, is ap Lewi a’ge en sapiierak a’ge emin na’gul pam ene’gik sebelak poluk, mesik wusogo onowiak erlagapsogo po a’ge paget pogulat, mesik wusogo is Lewi a’ge an Allah nemin hwedik wolom a’ge paget pogulat, tuak o.
13Asogo togwi holuk, is Lewi a’ge ano Harun eiyagai enemin eneragam edigonoboluk, is ap yu, hat Allah hebaget togu lema a’ge ap enebe yuat o, oluk, an hwiak nomup o. 14Asogo togun ano pam en is Lewi a’ge ai, Israel a’geat a’geat de, Israel a’ge ene’gerlakma en pulogo edik enebagun a’ge enat nebaget togu lema a’ge an neiyagaiat welema o.
15Haren is Lewi a’ge ai, onosobul arat horak pasulat, is ap yu, hat Allah hebagerat o, oluk, onuk niasulat tiso holuk, nemin hwedik togumu nowi werikmu ’gwi lotluk, eniabuk eiye tagenebagun a’ge ano enat at togu lemak o.
16Is Lewi ai re, Israel a’geat a’geat de, Israel a’ge ene’gerlakma en enebe mesik wiak oluk mo u erlakma en ’berlegat an nebaget nak togulom a’ge re, isat o. Is hwami Israel a’ge hundomok-han domok enemalik ap naduk dogo a’ge enebalema is Lewi a’ge aiat wogenebegis o.
17 #
Kel. 13:2
O Mesir a’ge enemalik naduk dogo waronobua agauwa ai erlige Israel a’ge enemalik naduk dogo a’ge an nebaget welemagoluk, pulogo enebegimu re, is Israel a’ge enemalik naduk dogo a’ge emin, onuam naduk dogo a’ge emin, ’berlegat ai re, an eiyeat o. 18Ye, Israel a’ge enemalik naduk dogo a’ge ’berlegat enebalema ap Lewi a’ge wogenebegis o.
19An nemin hwedik togumu nowi werik a’ge ogola eba is Israel a’ge enebaget togulat, is Israel a’ge o asuama ebano horok lau wagai holuk, wene enebam agoma no oluk, Israel a’ge ebano onowiak erlagapsogo poluk, nemin hwedik wolomok oluk hwelak pogulat, togu lemagoluk, is Lewi a’ge en ap Harun eiyagai enemin lerontogwi holuk e, enagai houwogoluk, pulogo enebegi o,” oluk, mo’gulesi.
20Asogo mo’gulesimu, at Musa emin, Harun emin, Israel oruak a’ge ’berlegat emin, en, Lewi a’ge tagonobogulom a’ge at Allah en Musa mo’gulesi ano hegitsogo, is Lewi a’ge asogoat tagenebegesa. 21Takonobogukhwe, hundomok enat onowiak ho horlogulat, onosum ho horlogulat, togwiam e, ap Harun en, ap yu, hat Allah hebaget degelak a’geat o, oluk, at Allah mo’gulesirik, onowiak erlagapsogo poluk, Allah emin hwedik welemagoluk, onowiak horak enebesi. 22Ai arat tegeimu, is ap Lewi a’ge ai, yabuk togu lomogoluk, Allah emin hwedik togumu owi werikmu ’gogwiam e, togulom a’ge at Allah en Musa mo’gulesi a’ge hegitsogo, is Harun eiyagai enemin ’gwelap entarok welat, mo’gulontogwiam togu legesa.
23At Allah en Musa mo’guleselat,
24“Is ap Lewi a’ge en togulom a’ge mo’gulonto ano re, yuat o. Ap dogo oruakhwe tahun 25 tak a’ge hwerli en ’bekhit, legeik etil lo a’ge ai re, nemin hwedik togumu nowi werikmu ebano yabuk togu lemak o. 25Ye, is tahun 50 ago holuk nak e, is yabuk togwi a’ge ai, pobuk mesik emin togulom miama re, we welemagoluk, ugonobomup o. 26An nemin hwedik togumu nowi werikmu enarilak eniabuk togumu, is lerontogulom ai obat a’geat de, eniabuk mesik eiye otluk togulom ai nage mia o. Ap Lewi a’ge en togulom a’ge eiye tagonobo a’ge mo’gulonto ano re, asogoat o,” oluk, mo’gulesi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in