Bilangan 5
5
Wiak a’ge enebam agoam togulom wene
1At Allah en Musa mo’guleselat,
2“Ap mesik en ’burak mia a’ge ebam agalat, mulen hwikhasulat, ap waragai a’ge ebano en ’balentai lasulat, tago holuk e, onowi werikmu ebano en o’borlma lebikpogu lemagoluk. Wene le’gelogo is Israel a’ge mo’gulentasulat, 3Is aphwami onowi werik pagathorloluk, oruakma, an enemin welagoma ebano wiagapsogo pogumu no oluk, hwami emin, ap emin, tagonobo hegiratma re, aphwami onowi werik pagathorloluk welagaimu ebano en lebik onobogu lemagoluk, mo’gulentasulat, taga lomup o,” oluk mo’gulesi. 4Asogo mo’gulentesimu, is Israel a’ge ebano en asogo togulat, At Allah en Musa mo’gulesi a’ge ano hegitsogoat, is aphwami asogo tagenebasu a’ge holuk e, onowi werik pagathorloluk welagaimu ebano en nak wokho o’borlma lebikpogu legesa o.
Ap enari wiagap onoboluk togulom wene
5-6 #
Ima. 6:1-7
At Allah en Musa mo’guleselat, “Is Israel a’ge mo’gulonto ano re yuat o. Ap en de aphwami en a, An Allah niak ’belak a’ge ano pobirak erlakma en tu puk a’ge mesik wiagap pasulat, a’ge-a’ge wogo poluk, lal-’baltak pasulat, holuk e, 7are lalua a’ge ano il pamat ebano poluk, owi yeriselat, ebam louksogo, mesik emin seperlima pamat ap lalua a’ge ano togolik wogemak o.
8Asogoat togulom a’geat de, ap a’ge-a’ge wouwa a’ge ano, warago holuk, at emin horoktak a’ge wogoum a’geat de, enebe erlagatma re, o’go po a’ge ano re, An Allah na’geatma re, at ap an nebe eiye a’ge wogesi louwak o. Ye, wogesi lasulat, ap wiagap pouwa a’ge ano o wiak hosogo poluk, nemin hwedik wolom a’ge paget domba ierak a’ge mesik wusogo wogesi lasu lemak o. 9Is Israel a’ge en, Allah paget o, oluk, enede ebesogo odoksogo pagathorlogwi a’ge ’berlegat ap an nebe eiye a’ge wogentau wagai a’ge ebano re, is ap an nebe eiye a’ge ena’geat welemak o. 10Ap mesik en, an nebaget Allah wogeik o, opoluk pou wago a’ge ai, at omuat o. Ye, at an nebe eiye a’ge wogentau wagai ai nak e, is ap an nebe eiye anoatma re, is enat horlogu lemak o, oluk egei, oluk, mo’gulontomup o,” oluk mo’gulesi.
Ap ogun en nugwe babi ten hegen ’oluk, ogwi holuk togulom wene
11At Allah en Musa mo’guleselat,
12“Is aphwami Israel a’ge wene mo’gulonto ano re yuat o. Hwe mesik ogun emin opsogo wolom erlakma en ukpoluk, 13ap mu a’ge mesik emin nogoillasu a’ge ano ogun aluk agalat, at hisakho wiak til denago a’ge ano, aphwami en enagat hogulat, ye, ebe togumu enil hogulat, tu erlakma re, ogun ano wongat oruakhweat de, 14agauwa mesik pam ogun ano ede en e, nugwe ano re logwe, ap mu a’ge mesik emin nogwil noso hwia? oluk, ebit epasu de a, at ugwe wiak tago erlakhweat de, ogun en, ap mu a’ge mesik emin nogwil noso hwia? oluk, ebit en nuk nebaiogoluk tagalat tago a? oluk tago holuk, ede babi ’gela’ge, 15ap ogun ano en ugwe ano woluk, at ap an nebe eiye a’ge oruakma pei louwak o, pei lasulat, ugwe ebaget a’ge ’gela’ge jelai agap e’gen wogo a’ge 2 liter’gela’ge wik-wok, ap en, nugwe yu, tenhogwi hwia? Epasu a’ge ano, ugwe wiak tisoma no oluk pobi tuagoluk, ebaget pou wagalom a’geatma re, zaitun a’bosu emin ’bogun tagalat, e’ben op ago a’ge ano emin pasulat, tu erlakhweat pei louwak o.
16Pei lasuam e, at ap an nebe eiye a’ge ano en, hwe ano woluk an Allah nil pamat pou wotluk, olukhwe edenogo yetniouwagoluk, mo’guleik tik,
17olukhwe edenogo yetniarokhwe, ap an nebe eiye a’ge en ik modok omu polik a’ge ik e’be ’gwiang a’ge pam hele’gikmu ne’gak a’ge ano weik tik, nowi sabo werikmu ebano ollong a’ge ul ’gela’ge ’gwiangma welago a’ge ebano, wouwarik ik ne’gak a’ge ano pam ’gollorak pouwak o.
18At an nebe eiye a’ge ano en hwe ano an Allah oruakma olukhwe edenogo woknemagoluk, mo’gulomma olukhwe arat edenogo woknoso holuk e, hwe ai, asu hebilogo poluk, ik erle a’ge ne’gak no’gwiam e, hweim yaro’gwik pagathorlogwi ai a’ge e’gikmu tenak welat, nugwe ap en tenhogwi hwia? epasulat ebaget e e’gen wogo a’ge nebaget pogwi a’ge ano pam hwe en eberisolom a’ge ano e’gikmu pouwak o,
19pou warik e, at ap an nebe eiye a’ge ano ho’buk baluagoluk, mo’guleselat, hat hogun oruakhwe ap mesik emin nogoselat, ebela mu’gwe oluk ’gwi ni lasulat tigenma re, ap en wiagapsogo hobogulat, tu erlak holuk, hat hweim hebegesa a’ge ik erle egeik yu, nagun holuk hebam ema erlak o.
20Ye, hogun oruakhwe ebela ’gwani oluk lasulat, hogun erlakhwe ap mu a’ge emin nogwil denaga legen ano pam wiagap pagathwerlegen holuk nak e, demat tegis o, oluk, ’baktagalat, ye, erlak holuk, tu erlakma o, oluk, ho’buk ’baliselat tip o.
21-22Asogo mo’gu lemarik e, at an nebe eiye a’ge ano en hwe ano en ho’buk ’baliselat, hweim pagathorlo wene uano re yuat o. An tegis a’ge oruakhwe, nogum obotut agalat tagoam e, an hweim nobo a’ge egeik yu nasuam nogum yegerlogo poluk, nogosogun periselat, tuak o. Ye, nogosogun pisogo pasulat, nogum yegerlak pasulat, ago holuk, norokhwi en hweim nobogulat, hwe yu, babi a’ge o, oluk, mo’gulnogulat, togu lemagoluk, at Allah en takpo a’ge ai re, obat o, oluk, ho’buk balegis o, oluk, uak oluk mo’gulemak o.
Mo’gulosoam hwe ano en, asogo tu ai obat o, oso holuk e, 23Ap an nebe eiye a’ge ano en hweim po wene ano buku ’berlik-berleksogo a’ge pam ’balogo poluk, pobuk ’belak a’ge ebano hosogo ik erle egeik ne’gakma ebano ’belebak pouwak o. 24Hosogo ’belebak poluk, ik erle a’ge hweim po a’ge egeik ne’gak a’ge ai, hwe ano nouwagoluk, wogwi holuk nasuam edemu ning toluk lasulat, obotut modok houwa ani o.
25Nugwe ap en tenhogwi hwia? Epasu a’ge paget e, e e’gen egeik a’ge nebaget a’ge e’gikmu oruak a’ge ebano, an nebe eiye a’ge en waiktik, an Allah en nil hayogoluk, worlsogo edikpoluk, nebaget wusogo pou wagaimu ebale hele’gikmu ebano orluktak poumak o. 26Asogo pou warik, at an nebe eiye a’ge ano en hwe ano ebaget ede eberiselemagoluk, e’gen wogo a’ge ebano, e’gikmu wik-wok, nebaget woknosuagaimu ebale hele’gikmu ebano odouk narlik poluk, ik ano, hwe ai nouwagoluk, wogemak o.
27Hwe ano ogun emin opsogo wolom erlakma en ukpoluk, ap mu a’ge emin til lasu ano pam onuk wiagap pagathwerlesi ai en, ik erle a’ge hweim po a’ge hweim po egeik ne’gak a’ge ano nasuam ogola ’gwe ning soluk lasulat, erle en obotut houwa ani o. Obotut en ogum pirik pasulat, agasogun pisogo pasulat, tuama re, orokhwi ene’gerlakma hweim yaro’gwik a’geat nese lema ani o. 28Ye, hwe ai, wiak tu erlakma en ogun ebaget nak tenak wellep holuk nak e, ik ai, nasuat a’geat de, wiak tu erlakma en emalik degelagat dagenebise lema.
29Nugwe ten hegen, oluk, togulom wene oruak a’ge re aiat o, a’geat de, hwe mesik ogun oruakhweat de ukpoluk, ap yogunat a’ge enemin til lasu ano pam wiagap pagathwerlasu a, 30ogun ede pam en, nugwe yu, ap en tenhegesa hwia? oluk, ede perik ’gela’ge welat paliso a? Asogo takpoluk holuk e, togulom wene ano re aiat o. Ap mesik ugwe asogo tiso epasulat holuk, ugwe ano woluk an Allah ne’bek pou wotluk, at ap an nebe eiye a’ge en olukhwe hwalogo nakhit pouwagoluk, mo’gulese emarik, olukhwe hwalogo nakhit pasukhwe erianoat, at takpo a’ge wene tak a’ge ai ’berlegat hwe ano takpogu lemak o. 31Ye, ogun ano wiagap po erlakma en we ukpo a’geat de, ugwe ai nak e, at wiak tua a’ge o’go at omuat houwa egei o, oluk mo’gulontomup o,” oluk, mo’gulesi.
Currently Selected:
Bilangan 5: Wul
Highlight
Copy
Compare
Share
Want to have your highlights saved across all your devices? Sign up or sign in
Bilangan 5
5
Wiak a’ge enebam agoam togulom wene
1At Allah en Musa mo’guleselat,
2“Ap mesik en ’burak mia a’ge ebam agalat, mulen hwikhasulat, ap waragai a’ge ebano en ’balentai lasulat, tago holuk e, onowi werikmu ebano en o’borlma lebikpogu lemagoluk. Wene le’gelogo is Israel a’ge mo’gulentasulat, 3Is aphwami onowi werik pagathorloluk, oruakma, an enemin welagoma ebano wiagapsogo pogumu no oluk, hwami emin, ap emin, tagonobo hegiratma re, aphwami onowi werik pagathorloluk welagaimu ebano en lebik onobogu lemagoluk, mo’gulentasulat, taga lomup o,” oluk mo’gulesi. 4Asogo mo’gulentesimu, is Israel a’ge ebano en asogo togulat, At Allah en Musa mo’gulesi a’ge ano hegitsogoat, is aphwami asogo tagenebasu a’ge holuk e, onowi werik pagathorloluk welagaimu ebano en nak wokho o’borlma lebikpogu legesa o.
Ap enari wiagap onoboluk togulom wene
5-6 #
Ima. 6:1-7
At Allah en Musa mo’guleselat, “Is Israel a’ge mo’gulonto ano re yuat o. Ap en de aphwami en a, An Allah niak ’belak a’ge ano pobirak erlakma en tu puk a’ge mesik wiagap pasulat, a’ge-a’ge wogo poluk, lal-’baltak pasulat, holuk e, 7are lalua a’ge ano il pamat ebano poluk, owi yeriselat, ebam louksogo, mesik emin seperlima pamat ap lalua a’ge ano togolik wogemak o.
8Asogoat togulom a’geat de, ap a’ge-a’ge wouwa a’ge ano, warago holuk, at emin horoktak a’ge wogoum a’geat de, enebe erlagatma re, o’go po a’ge ano re, An Allah na’geatma re, at ap an nebe eiye a’ge wogesi louwak o. Ye, wogesi lasulat, ap wiagap pouwa a’ge ano o wiak hosogo poluk, nemin hwedik wolom a’ge paget domba ierak a’ge mesik wusogo wogesi lasu lemak o. 9Is Israel a’ge en, Allah paget o, oluk, enede ebesogo odoksogo pagathorlogwi a’ge ’berlegat ap an nebe eiye a’ge wogentau wagai a’ge ebano re, is ap an nebe eiye a’ge ena’geat welemak o. 10Ap mesik en, an nebaget Allah wogeik o, opoluk pou wago a’ge ai, at omuat o. Ye, at an nebe eiye a’ge wogentau wagai ai nak e, is ap an nebe eiye anoatma re, is enat horlogu lemak o, oluk egei, oluk, mo’gulontomup o,” oluk mo’gulesi.
Ap ogun en nugwe babi ten hegen ’oluk, ogwi holuk togulom wene
11At Allah en Musa mo’guleselat,
12“Is aphwami Israel a’ge wene mo’gulonto ano re yuat o. Hwe mesik ogun emin opsogo wolom erlakma en ukpoluk, 13ap mu a’ge mesik emin nogoillasu a’ge ano ogun aluk agalat, at hisakho wiak til denago a’ge ano, aphwami en enagat hogulat, ye, ebe togumu enil hogulat, tu erlakma re, ogun ano wongat oruakhweat de, 14agauwa mesik pam ogun ano ede en e, nugwe ano re logwe, ap mu a’ge mesik emin nogwil noso hwia? oluk, ebit epasu de a, at ugwe wiak tago erlakhweat de, ogun en, ap mu a’ge mesik emin nogwil noso hwia? oluk, ebit en nuk nebaiogoluk tagalat tago a? oluk tago holuk, ede babi ’gela’ge, 15ap ogun ano en ugwe ano woluk, at ap an nebe eiye a’ge oruakma pei louwak o, pei lasulat, ugwe ebaget a’ge ’gela’ge jelai agap e’gen wogo a’ge 2 liter’gela’ge wik-wok, ap en, nugwe yu, tenhogwi hwia? Epasu a’ge ano, ugwe wiak tisoma no oluk pobi tuagoluk, ebaget pou wagalom a’geatma re, zaitun a’bosu emin ’bogun tagalat, e’ben op ago a’ge ano emin pasulat, tu erlakhweat pei louwak o.
16Pei lasuam e, at ap an nebe eiye a’ge ano en, hwe ano woluk an Allah nil pamat pou wotluk, olukhwe edenogo yetniouwagoluk, mo’guleik tik,
17olukhwe edenogo yetniarokhwe, ap an nebe eiye a’ge en ik modok omu polik a’ge ik e’be ’gwiang a’ge pam hele’gikmu ne’gak a’ge ano weik tik, nowi sabo werikmu ebano ollong a’ge ul ’gela’ge ’gwiangma welago a’ge ebano, wouwarik ik ne’gak a’ge ano pam ’gollorak pouwak o.
18At an nebe eiye a’ge ano en hwe ano an Allah oruakma olukhwe edenogo woknemagoluk, mo’gulomma olukhwe arat edenogo woknoso holuk e, hwe ai, asu hebilogo poluk, ik erle a’ge ne’gak no’gwiam e, hweim yaro’gwik pagathorlogwi ai a’ge e’gikmu tenak welat, nugwe ap en tenhogwi hwia? epasulat ebaget e e’gen wogo a’ge nebaget pogwi a’ge ano pam hwe en eberisolom a’ge ano e’gikmu pouwak o,
19pou warik e, at ap an nebe eiye a’ge ano ho’buk baluagoluk, mo’guleselat, hat hogun oruakhwe ap mesik emin nogoselat, ebela mu’gwe oluk ’gwi ni lasulat tigenma re, ap en wiagapsogo hobogulat, tu erlak holuk, hat hweim hebegesa a’ge ik erle egeik yu, nagun holuk hebam ema erlak o.
20Ye, hogun oruakhwe ebela ’gwani oluk lasulat, hogun erlakhwe ap mu a’ge emin nogwil denaga legen ano pam wiagap pagathwerlegen holuk nak e, demat tegis o, oluk, ’baktagalat, ye, erlak holuk, tu erlakma o, oluk, ho’buk ’baliselat tip o.
21-22Asogo mo’gu lemarik e, at an nebe eiye a’ge ano en hwe ano en ho’buk ’baliselat, hweim pagathorlo wene uano re yuat o. An tegis a’ge oruakhwe, nogum obotut agalat tagoam e, an hweim nobo a’ge egeik yu nasuam nogum yegerlogo poluk, nogosogun periselat, tuak o. Ye, nogosogun pisogo pasulat, nogum yegerlak pasulat, ago holuk, norokhwi en hweim nobogulat, hwe yu, babi a’ge o, oluk, mo’gulnogulat, togu lemagoluk, at Allah en takpo a’ge ai re, obat o, oluk, ho’buk balegis o, oluk, uak oluk mo’gulemak o.
Mo’gulosoam hwe ano en, asogo tu ai obat o, oso holuk e, 23Ap an nebe eiye a’ge ano en hweim po wene ano buku ’berlik-berleksogo a’ge pam ’balogo poluk, pobuk ’belak a’ge ebano hosogo ik erle egeik ne’gakma ebano ’belebak pouwak o. 24Hosogo ’belebak poluk, ik erle a’ge hweim po a’ge egeik ne’gak a’ge ai, hwe ano nouwagoluk, wogwi holuk nasuam edemu ning toluk lasulat, obotut modok houwa ani o.
25Nugwe ap en tenhogwi hwia? Epasu a’ge paget e, e e’gen egeik a’ge nebaget a’ge e’gikmu oruak a’ge ebano, an nebe eiye a’ge en waiktik, an Allah en nil hayogoluk, worlsogo edikpoluk, nebaget wusogo pou wagaimu ebale hele’gikmu ebano orluktak poumak o. 26Asogo pou warik, at an nebe eiye a’ge ano en hwe ano ebaget ede eberiselemagoluk, e’gen wogo a’ge ebano, e’gikmu wik-wok, nebaget woknosuagaimu ebale hele’gikmu ebano odouk narlik poluk, ik ano, hwe ai nouwagoluk, wogemak o.
27Hwe ano ogun emin opsogo wolom erlakma en ukpoluk, ap mu a’ge emin til lasu ano pam onuk wiagap pagathwerlesi ai en, ik erle a’ge hweim po a’ge hweim po egeik ne’gak a’ge ano nasuam ogola ’gwe ning soluk lasulat, erle en obotut houwa ani o. Obotut en ogum pirik pasulat, agasogun pisogo pasulat, tuama re, orokhwi ene’gerlakma hweim yaro’gwik a’geat nese lema ani o. 28Ye, hwe ai, wiak tu erlakma en ogun ebaget nak tenak wellep holuk nak e, ik ai, nasuat a’geat de, wiak tu erlakma en emalik degelagat dagenebise lema.
29Nugwe ten hegen, oluk, togulom wene oruak a’ge re aiat o, a’geat de, hwe mesik ogun oruakhweat de ukpoluk, ap yogunat a’ge enemin til lasu ano pam wiagap pagathwerlasu a, 30ogun ede pam en, nugwe yu, ap en tenhegesa hwia? oluk, ede perik ’gela’ge welat paliso a? Asogo takpoluk holuk e, togulom wene ano re aiat o. Ap mesik ugwe asogo tiso epasulat holuk, ugwe ano woluk an Allah ne’bek pou wotluk, at ap an nebe eiye a’ge en olukhwe hwalogo nakhit pouwagoluk, mo’gulese emarik, olukhwe hwalogo nakhit pasukhwe erianoat, at takpo a’ge wene tak a’ge ai ’berlegat hwe ano takpogu lemak o. 31Ye, ogun ano wiagap po erlakma en we ukpo a’geat de, ugwe ai nak e, at wiak tua a’ge o’go at omuat houwa egei o, oluk mo’gulontomup o,” oluk, mo’gulesi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in