Bilangan 26
26
Israel pobuk wenak enebegisa wene
1 #
Bil. 1:1-46
Ou modok lok a’ge arat enebam agama, at Allah Musa emin, ap Allah eiye a’ge Harun omlogo Eleazar emin, mo’gulentasulat,
2“Is Israel a’ge ’berlegat dogo oruakhwe tahun 20 tak a’ge hwerli en ’bekhit legeik hwerli etil laga a’ge Israel a’ge onosilak weim tu a’ge hegit a’ge holuk, ena’gul onuk lo’bok wenakho ononuk ’balogo pemit o.” 3Mo’gulentesimu, at Musa emin, ap Allah eiye a’ge Eleazar emin, en is Israel a’ge o Moab dogo o Yerikho yetholuk ik Yordan iak pam eriano onowi sabo werik poluk oruakma onuelak odoktagonoboluk, 4at Allah en Musa mo’gulesi a’ge ano hegitsogo, at Musa emin, at Allah eiye a’ge Eleazar emin, en is mo’gulontogulat, is ap a’ge dogo oruakhwe tahun 20 takpoluk tak a’ge hwerli en ’bekhit, o’borl pam til laga a’ge ano enebe hene’gik wenakho ononuk ’balit o, oluk mo’gulontogwiam e, aphwami Israel a’ge o Mesir en liplau wegesa a’ge ebano, enebe wenakho ononuk ’balegisa a’ge re yuat o.
5At Israel omlogo naduk dogo Ruben pam en weiyelak e,
At Henokh pam ene ap Henokh a’ge weiyal agalat,
At Palu pam ene ap Palu a’ge weiyal agalat,
6At Hezron pam ene ap Hezron a’ge weiyal agalat,
At Karmi pam ene ap Karmi a’ge weiyal agalat, tegisa.
7At Ruben pam en weiyelak dogo ’gwe a’ge enebe aiatma re, ap nak enebe 43.730 at wenakho ononuk ’balogo pegesa.
8At Palu omlogo re, ap Eliab aiat o. 9Ye, at Eliab eiyagai e, Nemuel, Datan, Abiram, aiat dogoma re, at Datan, Abiram emin e, aphwami Israel welagai a’ge ’berlegat en onuelak ’gain welemagoluk, pulogo edikpegesa a’geat de Musa Harun emin eniak holu nenebit o, oluk, ogulat, ye, is ap Korah osilak enemin en at Allah iak holu, nenebit o, oluk ogwiam e, enemin ogulat, tegisa ano re, is aiat o. 10Asogo egesema, ’gwiang emde la tagalat, at Korah eminat enelaluk ’ga’go emdema yagat enebisokhwe, ap Korah iak motluk laga legesa a’ge enebe 250 ano, odouk enat negei. Asogo tegei ai pam Israel a’ge enaluk egesarik, onogorlok hegesa. 11Ap Korah waraga a’geat de, at pam en weiyelak a’ge ebano nak e, erlak om erlakma en ena’guluak elalugat welegesa.
12At Simeon pam en weiyelak a’ge en dogoma a’ge lo’bok ebano re, at Nemuel pam ene
At Nemuel a’geat weiyal agalat, at Yamin pam ene
At Yamin a’geat weiyal agalat,
At Yakhin pam ene ap Yakhin a’geat weiyal agalat,
13At Zerah pam ene ap Zerah a’geat weiyal agalat,
At Saul pam ene ap Saul a’geat weiyal agalat, tegisa,
14At Simeon pam en weiyelak a’ge enebe lo’bok dogo aiatma re, ap nak enebe 22.200 aiat wenakho ononuk ’balogo pegesa.
15At Gad pam en weiyelak a’ge enebe lo’bok dogo re,
At Zefon pam en ap Zefon a’geat weiyal agalat,
At Hagi pam en ap Hagi a’geat weiyal agalat,
At Syuni pam ene ap Syuni a’geat weiyal agalat.
16At Ozni pam ene ap Ozni a’geat weiyal agalat,
At Eri pam ene ap Eri a’geat weiyal agalat,
17At Arod pam ene ap Arod a’geat weiyal agalat,
At Areli pam ene ap Areli a’geat weiyal agalat, tegisa.
18At Gad pam en weiyelak dogo’gwe a’ge aiatma re, ap nak enebe 40.500 at wenakho ononuk ’balogo pegesa.
19Ap Yehuda eiyagai Er emin, Onan emin, dagenebegei a’geat de, is Eria emin o Kanaan eba en waregesa. 20At Yehuda pam en weiyelak dogoma a’ge lo’bok e,
At Syela pam en ap Syela a’geat weiyal agalat,
At Peres pam en ap Peres a’geat weiyal agalat,
At Zerah pam en ap Zerah a’geat weiyal agalat, tegisa.
21Ye, at Peres pam en weiyal egesa ano re,
At Hezron pam ene ap Hezron a’geat weiyal agalat,
At Hamul pam ene ap Hamul a’geat weiyal agalat, tegisa.
22At Yehuda pam en weiyelak a’ge en dogoma a’ge enebe aiatma re, ap nak enebe 76.500 at wenakho ononuk ’balogo pegesa.
23At Isakhar pam en weiyelak a’ge en dogoma a’ge enebe lo’bok e,
At Tola pam en ap Tola a’geat weiyal agalat,
At Pua pam en ap Pua a’geat weiyal agalat,
24At Yasub pam ene ap Yasub a’geat weiyal agalat,
At Simron pam ene ap Simron a’geat weiyal agalat, tegisa.
25At Isakhar pam en weiyelak a’ge en dogoma a’ge aiatma re, ap nak enebe 64.300 at wenakho ononuk ’balogo pegesa.
26At Zebulon pam en weiyelak a’ge en dogoma a’ge enebe lo’bok e,
At Sered pam en ap Sered a’geat weiyal agalat,
At Elon pam ene ap Elon a’geat weiyal agalat,
At Yahleel pam ene ap Yahleel a’geat weiyal agalat tegisa.
27At Zebulon pam en weiyelak o’gwe a’ge en dogoma a’ge re isatma re, ap nak enebe 60.500 wenakho ononuk ’balogo pegesa.
28At Yusuf en Manasye emin, Efraim emin, dak enebegeimu re, is pam en weiyalogo dogo a’ge enebe re yuat o.
29At Manasye pam en weiyelak e,
At Gilead aik Makhir pam en ap Makhir a’geat weiyal agalat,
At Gilead pam en ap Gilead a’geat weiyal agalat, tegisa.
30At Gilead pam en weiyelak e,
At Iezer pam en ap Iezer a’geat weiyal agalat,
At Helek pam en ap Helek a’geat weiyal agalat,
31At Asriel pam en ap Asriel a’geat weiyal agalat,
At Sekhem pam en ap Sekhem a’geat weiyal agalat,
32At Semida pam en ap Semida a’ge weiyal agalat,
At Hefer pam en ap Hefer a’geat weiyal agalat, tegisa.
33At Hefer en omlogo Zelafehad deregei a’geat de, at emalik logomalik erlak hwelani nak dak enebegeimu re, ononuk e, Mahla ogo, Noa ogo, Hoglah ogo, Milka ogo, Tirza emin, eria yat o.
34At Manasye pam en weiyelak ogwe en dogo a’ge re aiatma re, ap nak enebe 152.700 at wenakho ononuk ’balogo pegesa.
35At Efraim pam en weiyelak o’gwe en dogoma a’ge re,
At Sutelah pam en ap Sutelah a’geat weiyal agalat,
At Bekher pam ene ap Bekher a’geat weiyal agalat,
At Tahan pam en ap Tahan a’geat weiyal agalat, tegisa.
36Ye, at Sutelah pam en weiyelak ano re,
At Eran pam ene ap Eran a’geat weiyal egesa.
37At Efraim pam en weiyelak a’ge en dogo ’gwe a’ge re, aiatma re, ap nak enebe 32.500 at wenakho ononuk ’balogo pegesa ai re, ap Yusuf pam en weiyelak o’gwe en dogo ’gwe a’ge re, aiat o.
38At Benyamin pam en weiyelak a’ge en dogo ’gwe a’ge re,
At Bela pam en ap Bela a’geat weiyal egesa.
At Asybel pam ene ap Asybel a’geat weiyal agalat.
At Ahiram pam ene ap Ahiram a’geat weiyal agalat.
39At Sefufam pam en ap Sefufam a’geat weiyal agalat,
At Hufam pam ene ap Hufam a’geat weiyal agalat; tegisa o.
40Ye, ap Bela eiyagai e, Ared emin, Naaman eminat, dagenebegeimu re,
At Ared pam en ap Ared a’geat weiyal agalat,
At Naaman pam en ap Naaman a’geat weiyal agalat, tegisa o.
41At Benyamin pam en weiyelak o’gwe a’ge aiatma re, ap nak enebe 45.600 at wenakho ononuk ’balogo pegesa.
42At Dan pam en weiyelak o’gwe en dogo a’ge ebano re, at Suham pam ene ap Suham a’geat weiyal egesa. Ye, at Dan pam en weiyelak ano re, 43ap Suham a’ge nakma re, enebe 64.400 at wenakho ononuk ’balogo pegesa.
44At Asyer pam en weiyelak o’gwe a’ge re,
At Yimna pam ene ap Yimna a’geat weiyal agalat,
At Yiswi pam ene ap Yiswi a’geat weiyal agalat,
At Beria pam ene ap Beria a’geat weiyal agalat,
45At Beria a’ge pam en weiyelak,
At Heber pam ene ap Heber a’geat weiyal agalat,
At Malkiel pam ene ap Malkiel en a’geat weiyal agalat tegisa.
46Ap Asyer a agalogo hwele onuk Serah welat.
47At Asyer pam en weiyelak o’gwe a’ge en dogo a’ge aiatma re, ap nak enebe 53.400 wenakho ononuk ’balogo pegesa.
48At Naftali pam en weiyelak a’ge en dogoma a’ge re,
At Yahzeel pam ene ap Yahzeel a’geat weiyal agalat, ye,
At Guni pam ene ap Guni a’geat weiyal agalat.
49At Yezer pam ene ap Yeser a’geat weiyal agalat,
At Syilem pam ene ap Syilem a’geat weiyal agalat tegisa.
50At Naftali pam en weiyelak o’gwe en dogoma a’ge aiatma re, ap nak enebe 45.400 at wenakho ononuk ’balegisa.
51Is Israel a’ge ap nak enebe la’bolik wenakho ononuk ’balogo pegesa ano re, 601.730 at o.
52 #
Bil. 34:13; Yos. 14:1,2 At Allah en Musa mo’guleselat,
53“Aphwami Israel a’ge ena’gul onuk lo’bok enebe wenakho ononuk ’belak a’ge nak motluk enemining-a’ge ’gela’ge ’gwiang ai, so’burontomup o, 54’gwiang ai so’but entasulat, ena’gul onuk modok a’bigat ’belak holuk e, enemining a’ge ’gela’ge ’gwiang modok loksogo so’but entasulat, ena’gul onuk ’biren nak holuk, enemining a’ge ’gela’ge ’gwiang weisogo wogentasulat, asogo tagalat, ena’gul onuk lo’bok ene’gik wenakho ononuk ’belak a’ge nak motluk enemining a’ge ’gela’ge ono’gwiang so’but ontomup o.
55So’but entasulat, ’gwiang ai sa en hwerlasumu hul? oluk, helep pam walholuk, horlogu lemak o. Enemining a’ge ’gela’ge onomu-onomu ono’gwiang horlogwi ano re, ene’balak dogo ’gwe a’ge e’berlik nak horlogu lemak o. 56Enemining a’ge ’gela’ge ono’gwiang horlo ano re, helep pam walholuk, helep wogwi a’ge ano e’berlik nak enebe a’bik holuk ’gwiang loksogoat horlogulat, ye, enebe wei holuk, ’gwiang wei nagat horlogulat, tuak o,” oluk, mo’gulesi.
57At Lewi pam en weiyelak o’gwe en dogoma a’ge enebe ene’gik wenakho ononuk ’belak ano re,
At Gerson pam ene ap Gerson a’geat weiyal agalat,
At Kehat pam ene ap Kehat a’geat weiyal agalat,
At Merari pam ene ap Merari a’geat weiyal agalat tegisa.
58At Lewi pam en weiyelak a’ge en nak
Ap Libni a’geat weiyal agalat,
Ap Hebron a’geat weiyal agalat,
Ap Mahli a’ge weiyal agalat,
Ap Musi a’ge weiyal agalat,
Ap Korah a’ge weiyal agalat, tegisa.
Ap Kehat ano re, ap Amram deregeimu re, 59at Amram en ap Lewi a’ge agalogo hwe onuk Yokhebet o Mesir welat dogo a’ge wesirik, eiyagai ap Harun emin, Musa emin, enerei hwe Miryam eminat, dak enebegei.
60 #
Bil. 3:2
Ye, at Harun ene Nadab emin, Abihu emin, Eleazar emin, Itamar eminat dagenebegei a’geat de, 61#Ima. 10:1,2; Bil. 3:4Ap Nadab Abihu emin en Allah o’godouk ano pam erlakma en ede opoluk enat enagan mu a’ge ebamat Allah il pam at ebaget e narlogu legesema, wat enebegeimu wat egesa.
62Is Lewi a’ge ap nak dogo oruakhwe, dugwi mesigat pelelak a’ge hwerli en ’bekhit, o’borl o’gwe pelelil laga hwerli enebe re, 23.000 at ene’gik wenakho ononuk ’balogo pegesa. Is Lewi a’ge ai, Israel a’geat a’geat de, enemining a’ge ’gela’ge re Israel a’ge ono’gwiang wogentasulat, enemin wogonto erlakma re, is ap Israel a’ge enebe wenak onobogulat, is Lewi a’ge enemin wenakho ononuk ’balu erlak o.
63At Musa ap Allah eiye a’ge Eleazar emin en o Moab dogo Yerikho yetholuk ik Yordan iak pam ebano welat, aphwami Israel a’ge enebe ene’gik wenakho ononuk ’balogo pegesa ano re aiat o. 64-65#Bil. 14:26-35Dom Sinai pam welat, at Musa ap Allah eiye a’ge Harun emin en Israel a’ge enebe wenakho ononuk ’balogo pegesa ano re, at Allah en, his ’berlegat o lei o’gwe en waretil lagup ani o, oluk, mo’gulentesimu, is ’berlegat waretil lagaihwe, ap Yefune omlogo Kaleb emin, ap Nun omlogo Yosua emin nak, enelaluk ugenebesimu re, at Musa ap Allah eiye Eleazar emin en pobuk ononuk ’balogo pegesa a’ge ano, ’balogulat, naduk ononuk ’belak a’ge mesigat nak ogo mesik emin ’balogo po erlak o.
Currently Selected:
Bilangan 26: Wul
Highlight
Copy
Compare
Share
Want to have your highlights saved across all your devices? Sign up or sign in
