Bilangan 17
17
Harun o’bouwa’gun esemis daintegei wene
1At Allah en Musa mo’guleselat.
2-5“Is aphwami Israel a’ge ena’gul onuk 12 atma re, onuelak senentarok welagai a’ge enemi-onomu enat ’bouwa’gun mesik-mesik nak wik-wok, wokhosu agai holuk e, ’bouwa’gun ai pam onuelak lo’bok ononuk ’balogo pasulat, ye, is ena’gul onuk 12 pam a’ge onuelak ono’bouwa’gun mesik-mesik nak ’berlegat ononuk ’balumu re, is ena’gul onuk Lewi a’ge ono’bouwa’gun pam at Harun onuk ’balogo pasulat, taga loroguntik, ’bouwa’gun ai ’berlegat woluk an nemin hwedik togumu nowi sabo werikmu niak ’belak peti hele’gik a’ge ogola yagarak a’ge ano eragam nemin hwedik togumu eriano pei lasuam e, ap an en wokho polik pasu legi a’ge ano o’bouwa’gun nagat esemis dain etil louwa o, asogo dain oso holuk, is aphwami Israel a’ge en enebit-enebat takhobogwi a’ge ano an en eniak erlagap paikmu re, is aphwami Israel a’ge onuelak senentarok welagai a’ge en ’bouwa’gun mesik-mesik nak woluk wokhosumak oluk, mo’gulontomup o,
6oluk mo’gulesimu, at Musa ano aphwami Israel a’ge wene ai, mo’gulentesimu, is onuelak senentarok welagai a’ge ebano ena’gul onuk 12 a’ge enebe lo’bok ’bouwa’gun mesik-mesik nak woluk wogosu agalat, at Harun o’bouwa’gun ano is onua’gun ebano e’gerlakma sogo emin wogosu egesa. 7Wogosu egesema, at Musa en wa’gun ebano ’berlegat wokho Allah owi sabo werikmu iak ’belak peti ogola yagarak oruakma, at Allah il pam eriano pesi.
8 #
Ibr. 9:4
Ye, at Musa ano hubet o’gwe at Allah owi sabo werikmu iak ’belak peti ogola yogorak welagoma ebano ’gwi lagarik, at Harun a’gul onuk Lewi a’ge bouwa’gun ano pam en esemis dain eselat, mesik-mesik esemis dain tagalat, owil tagalat e’gen e, e badam e’gen ’gela’ge egesiselat, takma nil hegi o. 9Asogo takma hesirik, at Musa en wa’gun ebano ’berlegat perlengsogo at Allah il pamat odipmu lebikpesirik, is aphwami Israel a’ge worlentesimu, esemis daintegei a’ge ebano enil hegesarik, is onuelak senentarok welagai a’ge ono’bouwa’gun ebano hun-hundomok hwerlil legesa. 10Wil lagaihwe, at Allah en Musa mo’guleselat, is aphwami an niak sagalogo pogwi a’ge yu, enebit-enebat taknobogwi ano pam waremak, an pobuk mesik emin hwelik erlak egi ai enaluk emarik, eniak erlak welemagoluk, at Harun o’bouwa’gun ai wa’guntik, pobuk togolik an niak ’belak peti ogola oruakma eragam eria pei lak o. 11Mo’gulesimu, at Musa en, at Allah en mo’gulesi a’ge ano hegitsogoat tegei,
12tegeimu, is aphwami Israel a’ge ebano en Musa mo’gulogulat, eige, nis modok nena’guluak erlak agalat, waragalat, tu a’geat welege o. 13Ye, ap mesik en at Allah owi sabo werik a’ge horoksogo louwa ano pam at ebe waremayat o. Asogo takma re, nis ogo ’berlegat waromul hwia?” oluk, mo’gulegisa.
Currently Selected:
Bilangan 17: Wul
Highlight
Copy
Compare
Share
Want to have your highlights saved across all your devices? Sign up or sign in
