Bilangan 1
1
Israel a’ge nadugat ene’gik wenagenebegisa wene
1 #
Bil. 26:1-51
Is aphwami Israel a’ge o Mesir en liplau wegesarik, o leimu dom Sinai pam oruakhwe tahun ’biren takpoluk, dugwi mesik pelelak poluk, mesik peleliso a’ge tanggal 1 a’ge pam at Musa ano ’gain onuk logo a’ge emin hwedik tagoma owi sabo werikmu oruakma, at Allah en at mo’guleselat. 2“Is aphwami Israel a’ge ’berlegat dogoma a’ge ena’gul onuk lo’bok ap nak a’bigat he’gik wonogo onoboluk, ononuk ’balumu re. 3Is dogo oruakhwe, tahun 20 en legeik etil laga a’ge holuk weim obu a’ge ononuk enebam oluk nak, ena’gul onuk lo’bok enebe hun-hun Harun hemin en ononuk ’balip o. 4Ononuk ’balua ai pam lethontogulat, is ena’gul onuk hundomok degel onobogu lemagoluk, Israel a’ge ena’gul onuk hundomok oruakma ene ’gerlakma en ap mesik e’gik nak lisogo edik enebemit o, 5lethontogulom a’ge pulogo edigonobo a’ge ononuk e yuat o.
A’gul onuk Ruben a’ge re, ap Syedeur omlogo Elizur edikpogulat,
6A’gul Simeon a’ge re, ap Zurisyadai omlogo Selumiel edikpogulat.
7A’gul onuk Yehuda a’ge re, ap Aminadab omlogo Nahason edikpogulat,
8A’gul onuk Isakhar a’ge re, ap Zuar omlogo Netaneel edikpogulat
9A’gul onuk Zebulon a’ge re, ap Helon omlogo Eliab edikpogulat,
10At Yusuf eiyagai weiyelak a’ge a’gul onuk Efraim a’ge re, ap Amihud omlogo Elisama edikpogulat, ye, a’gul onuk Manasye a’ge re, ap Pedazur omlogo Gamaliel edikpogulat.
11A’gul onuk Benyamin a’ge re, ap Gideoni omlogo Abidan edikpogulat,
12A’gul onuk Dan a’ge re, ap Amisyadai omlogo Ahiezer edikpogulat.
13A’gul onuk Asyer a’ge re, ap Okhran omlogo Pagiel edikpogulat,
14A’gul onuk ’gat a’ge re, ap Rehuel omlogo Elyasaf edikpogulat,
15A’gul onuk Naftali a’ge re, ap Enan omlogo Ahira edikpogulat, togup ani o,”
oluk mo’gulesi.
16Mo’gulesimu, is aphwami Israel a’ge ene ’gerlakma en ena’gul onuk lo’bok en onuelak pul enebil legesa re, ene’balak dogo ’gwe a’ge e’berlik nak aphwami Israel a’ge degel onobogu lemagoluk pulogo edik enebegesa ano re aiat o.
17Edik onobogwiam e, Musa Harun emin en onuelak pulogo edik enebegesa a’ge ebano worlentegisema, wagaiam, mo’gulontogulat e, 18Dugwi mesik pelelak poluk, mesik pelelak a’ge Tanggal 1 ai a’ge pam aphwami Israel a’ge ’berlegat odoktagonoboluk, ena’gul onuk ’berlegat perlengsogo dogoma a’ge en ap nak dogo oruakhwe tahun 20 en le’gik til laga a’ge holuk, ononuk ’balit o, oluk, mo’gulontogwiam e, is ap pul enebegisa a’ge ebano en is Israel a’ge ’berlegat odoktagenebegesarik, ap nak dogo, oruakhwe tahun 20 hwerli en legeik aga a’ge holuk nak, onomu-onomu ononuk ’balegisa 19Al Allah en mo’gulesi a’ge ano hegitsogo, at Musa o leimu Sinai eba welat, is mo’gulentasukhwe ene’gik wenakho ononuk ’balegisa ano re, yuat, o.
20-21Ap Israel omlogo naduk dogo a’ge Ruben atma re, at a’gul onuk o Ruben a’ge ai re, ena’gul onuk dogo ’gwe a’ge lo’bogat dogo oruakhwe tahun 20 hwerli en legeik til laga a’ge holuk weim obu a’ge holuk nak enebe mesik-mesik ’gegilogo enebe 46.500 at ononuk ’balogulat,
22-23A’gul onuk Simeon a’ge ai, ena’gul onuk dogo ’gwe a’ge lobok dogo oruakhwe tahun 20 hwerli en legeik aga a’ge holuk weim obu ebeletak a’ge holuk nak, mesik-mesik ’gegilogo enebe 59.300 at ononuk ’balogulat,
24-25A’gul onuk ’gat a’ge ai, ena’gul onuk dogo ’gwe a’ge lo’bok dogo oruakhwe tahun 20 hwerli en legeik til laga a’ge weim obu a’ge holuk nak enebe 45.650 at ononuk ’balogulat.
26-27A’gul onuk Yehuda a’ge ai, ena’gul onuk dogogwe a’ge lo’bok dogo oruakhwe tahun 20 hwerli en legeik til laga a’ge holuk nak weim obu a’ge enebe 74.600 at ononuk ’balogulat,
28-29A’gul onuk Isakhar a’ge ai, ena’gul onuk dogo ’gwe a’ge lo’bok dogo oruakhwe tahun 20 hwerli en legeik til laga a’ge weim obu a’ge holuk nak, enebe 54.400 at ononuk ’balogulat,
30-31A’gul onuk Isakhar a’ge re, ena’gul onuk dogo’gwe a’ge lo’bok dogo oruakhwe tahun 20 hwerli en legeik til laga a’ge holuk weim obu a’ge holuk nak, enebe 57.400 at ononuk ’balogulat,
32-33At Yusuf omlogo ena’gul onuk Efraim pam en, dogo’gwe a’ge enebe lo’bok dogo oruakhwe tahun 20 hwerli en legeik til laga a’ge holuk weim obu a’ge holuk nak, enebe 40.500 at ononuk ’balogulat,
34-35Ye, at Yusuf omlogo ena’gul onuk a’ge, Manasye pam en dogo ’gwe a’ge enebe lo’bok dogo oruakhwe tahun 20 hwerli en legeik et til laga a’ge holuk nak weim obu a’ge, enebe 32.200 at ononuk ’balogulat,
36-37A’gul onuk Benyamin a’ge re, ena’gul onuk dogo ’gwe a’ge lo’bok dogo oruakhwe tahun 20 hwerli en legeik til laga a’ge weim obu a’ge holuk nak, enebe 35.400 at ononuk ’balogulat,
38-39A’gul onuk Dan a’ge re, ena’gul onuk dogo’gwe a’ge lo’bok dogo oruakhwe tahun 20 hwerli en legeik til laga a’ge holuk nak, weim obu a’ge enebe 62.700 at ononuk ’balogulat,
40-41A’gul onuk Asyer a’ge re, ena’gul onuk dogo’gwe a’ge lo’bok dogo oruakhwe tahun 20 hwerli en legeik til laga a’ge holuk nak, weim obu a’ge enebe 41.500 at ononuk ’balogulat,
42-43A’gul onuk Naftali a’ge re, ena’gul onuk dogo a’ge hegitsogo dogo oruakhwe, tahun 20 hwerli en legeik til laga a’ge holuk nak, weim obu a’ge enebe 53.400 at ononuk ’balogulat, tegisa.
44Musa Harun emin, is ap enebe ena’gul onuk 12 dogo ’gwe a’ge lo’bok en degel onobogu lemagoluk edik enebegesa a’ge ebano emin, en ap ene’gik wenakho ononuk balegisa ano re aiat o. 45Ye, Is ap Israel a’ge ena’gul onuk dogo ’gwe a’ge hegitsogo weim obu a’ge holuk nak dogo oruakhwe tahun 20 hwerli en legeik til laga a’ge holuk nak ononuk ’balegisa a’ge ano 46enebe la’bolik wonogo re, 603.550 aiat o.
47Ye, is ena’gul onuk dogo ’gwe a’ge ononuk ’balegisa a’geat de, a’gul onuk Lewi a’ge nak e, ononuk ’balu erlak. 48Ononuk ’balu erlak ai re, at Allah en, 49“Is aphwami Israel a’ge wonogo onoboluk ononuk, ’baliselat e, ap a’gul Lewi a’ge holuk eminat ononuk ’baliselat, he’gik wenak enebiselat, tu mia o. 50At e, is eiye tagenebegi ai, an nowi sabo werik emin, wene ’belak a’ge o sabo ogola oruak a’ge ano emin, nowi sabo werik ogola mo’gulontogwi a’ge emin, ’gwelabogo welat, nowi sabo woru a’ge di a’ge yu a’ge emin, o werik ogola togwi a’ge emin, enemarlo pam ’go’gosogo woluk no’gulat, e’go’go tuogoluk hwalogulat, o ano alik-lik pam woluk lagalat, 51O momu lagalat holuk moluksogo wogulat, lul opogumu ebano loluk holuk pobuk worogulat, togu lemagoluk, eniabuk e, aiat eiye tagenebemin o. Asogo togumu, ap we a’ge eneragam horoksogo wagai holuk, modogat wusogo onobogu lomup o.
52Enede e’gatsogo e pam erlelik a’ge ano motluk nak is aphwami Israel a’ge an nowi sabo werik lo’bok aliksogoat ’gektak welat ena’gul onuk lobok nak onowi sabo ut horlogu lemak o. 53Ye, is aphwami Israel a’ge horoksogo wagai holuk, nolot het enebam paikno oluk, is ap Lewi a’ge nak nowene ’belak yagarak a’ge ano nowi sabo werikmu ebano aliksogoat horok hegelik onowi sabo ut hwerlil laga lemak o. Is ap Lewi a’ge ennak nowene ’belakma yagarak a’ge nowi sabo werikmu oruak a’ge ano ’gwelabogo welat, opsogoat degelogu lemak o,” oluk, Musa mo’gulesi ano pam is Lewi a’ge ononuk balu erlak o.
54Ye, At Allah en Musa mu’gulesi a’ge ebano ’berlegat is aphwami Israel a’ge en hegitsogoat til laga legesa.
Currently Selected:
Bilangan 1: Wul
Highlight
Copy
Compare
Share
Want to have your highlights saved across all your devices? Sign up or sign in
Bilangan 1
1
Israel a’ge nadugat ene’gik wenagenebegisa wene
1 #
Bil. 26:1-51
Is aphwami Israel a’ge o Mesir en liplau wegesarik, o leimu dom Sinai pam oruakhwe tahun ’biren takpoluk, dugwi mesik pelelak poluk, mesik peleliso a’ge tanggal 1 a’ge pam at Musa ano ’gain onuk logo a’ge emin hwedik tagoma owi sabo werikmu oruakma, at Allah en at mo’guleselat. 2“Is aphwami Israel a’ge ’berlegat dogoma a’ge ena’gul onuk lo’bok ap nak a’bigat he’gik wonogo onoboluk, ononuk ’balumu re. 3Is dogo oruakhwe, tahun 20 en legeik etil laga a’ge holuk weim obu a’ge ononuk enebam oluk nak, ena’gul onuk lo’bok enebe hun-hun Harun hemin en ononuk ’balip o. 4Ononuk ’balua ai pam lethontogulat, is ena’gul onuk hundomok degel onobogu lemagoluk, Israel a’ge ena’gul onuk hundomok oruakma ene ’gerlakma en ap mesik e’gik nak lisogo edik enebemit o, 5lethontogulom a’ge pulogo edigonobo a’ge ononuk e yuat o.
A’gul onuk Ruben a’ge re, ap Syedeur omlogo Elizur edikpogulat,
6A’gul Simeon a’ge re, ap Zurisyadai omlogo Selumiel edikpogulat.
7A’gul onuk Yehuda a’ge re, ap Aminadab omlogo Nahason edikpogulat,
8A’gul onuk Isakhar a’ge re, ap Zuar omlogo Netaneel edikpogulat
9A’gul onuk Zebulon a’ge re, ap Helon omlogo Eliab edikpogulat,
10At Yusuf eiyagai weiyelak a’ge a’gul onuk Efraim a’ge re, ap Amihud omlogo Elisama edikpogulat, ye, a’gul onuk Manasye a’ge re, ap Pedazur omlogo Gamaliel edikpogulat.
11A’gul onuk Benyamin a’ge re, ap Gideoni omlogo Abidan edikpogulat,
12A’gul onuk Dan a’ge re, ap Amisyadai omlogo Ahiezer edikpogulat.
13A’gul onuk Asyer a’ge re, ap Okhran omlogo Pagiel edikpogulat,
14A’gul onuk ’gat a’ge re, ap Rehuel omlogo Elyasaf edikpogulat,
15A’gul onuk Naftali a’ge re, ap Enan omlogo Ahira edikpogulat, togup ani o,”
oluk mo’gulesi.
16Mo’gulesimu, is aphwami Israel a’ge ene ’gerlakma en ena’gul onuk lo’bok en onuelak pul enebil legesa re, ene’balak dogo ’gwe a’ge e’berlik nak aphwami Israel a’ge degel onobogu lemagoluk pulogo edik enebegesa ano re aiat o.
17Edik onobogwiam e, Musa Harun emin en onuelak pulogo edik enebegesa a’ge ebano worlentegisema, wagaiam, mo’gulontogulat e, 18Dugwi mesik pelelak poluk, mesik pelelak a’ge Tanggal 1 ai a’ge pam aphwami Israel a’ge ’berlegat odoktagonoboluk, ena’gul onuk ’berlegat perlengsogo dogoma a’ge en ap nak dogo oruakhwe tahun 20 en le’gik til laga a’ge holuk, ononuk ’balit o, oluk, mo’gulontogwiam e, is ap pul enebegisa a’ge ebano en is Israel a’ge ’berlegat odoktagenebegesarik, ap nak dogo, oruakhwe tahun 20 hwerli en legeik aga a’ge holuk nak, onomu-onomu ononuk ’balegisa 19Al Allah en mo’gulesi a’ge ano hegitsogo, at Musa o leimu Sinai eba welat, is mo’gulentasukhwe ene’gik wenakho ononuk ’balegisa ano re, yuat, o.
20-21Ap Israel omlogo naduk dogo a’ge Ruben atma re, at a’gul onuk o Ruben a’ge ai re, ena’gul onuk dogo ’gwe a’ge lo’bogat dogo oruakhwe tahun 20 hwerli en legeik til laga a’ge holuk weim obu a’ge holuk nak enebe mesik-mesik ’gegilogo enebe 46.500 at ononuk ’balogulat,
22-23A’gul onuk Simeon a’ge ai, ena’gul onuk dogo ’gwe a’ge lobok dogo oruakhwe tahun 20 hwerli en legeik aga a’ge holuk weim obu ebeletak a’ge holuk nak, mesik-mesik ’gegilogo enebe 59.300 at ononuk ’balogulat,
24-25A’gul onuk ’gat a’ge ai, ena’gul onuk dogo ’gwe a’ge lo’bok dogo oruakhwe tahun 20 hwerli en legeik til laga a’ge weim obu a’ge holuk nak enebe 45.650 at ononuk ’balogulat.
26-27A’gul onuk Yehuda a’ge ai, ena’gul onuk dogogwe a’ge lo’bok dogo oruakhwe tahun 20 hwerli en legeik til laga a’ge holuk nak weim obu a’ge enebe 74.600 at ononuk ’balogulat,
28-29A’gul onuk Isakhar a’ge ai, ena’gul onuk dogo ’gwe a’ge lo’bok dogo oruakhwe tahun 20 hwerli en legeik til laga a’ge weim obu a’ge holuk nak, enebe 54.400 at ononuk ’balogulat,
30-31A’gul onuk Isakhar a’ge re, ena’gul onuk dogo’gwe a’ge lo’bok dogo oruakhwe tahun 20 hwerli en legeik til laga a’ge holuk weim obu a’ge holuk nak, enebe 57.400 at ononuk ’balogulat,
32-33At Yusuf omlogo ena’gul onuk Efraim pam en, dogo’gwe a’ge enebe lo’bok dogo oruakhwe tahun 20 hwerli en legeik til laga a’ge holuk weim obu a’ge holuk nak, enebe 40.500 at ononuk ’balogulat,
34-35Ye, at Yusuf omlogo ena’gul onuk a’ge, Manasye pam en dogo ’gwe a’ge enebe lo’bok dogo oruakhwe tahun 20 hwerli en legeik et til laga a’ge holuk nak weim obu a’ge, enebe 32.200 at ononuk ’balogulat,
36-37A’gul onuk Benyamin a’ge re, ena’gul onuk dogo ’gwe a’ge lo’bok dogo oruakhwe tahun 20 hwerli en legeik til laga a’ge weim obu a’ge holuk nak, enebe 35.400 at ononuk ’balogulat,
38-39A’gul onuk Dan a’ge re, ena’gul onuk dogo’gwe a’ge lo’bok dogo oruakhwe tahun 20 hwerli en legeik til laga a’ge holuk nak, weim obu a’ge enebe 62.700 at ononuk ’balogulat,
40-41A’gul onuk Asyer a’ge re, ena’gul onuk dogo’gwe a’ge lo’bok dogo oruakhwe tahun 20 hwerli en legeik til laga a’ge holuk nak, weim obu a’ge enebe 41.500 at ononuk ’balogulat,
42-43A’gul onuk Naftali a’ge re, ena’gul onuk dogo a’ge hegitsogo dogo oruakhwe, tahun 20 hwerli en legeik til laga a’ge holuk nak, weim obu a’ge enebe 53.400 at ononuk ’balogulat, tegisa.
44Musa Harun emin, is ap enebe ena’gul onuk 12 dogo ’gwe a’ge lo’bok en degel onobogu lemagoluk edik enebegesa a’ge ebano emin, en ap ene’gik wenakho ononuk balegisa ano re aiat o. 45Ye, Is ap Israel a’ge ena’gul onuk dogo ’gwe a’ge hegitsogo weim obu a’ge holuk nak dogo oruakhwe tahun 20 hwerli en legeik til laga a’ge holuk nak ononuk ’balegisa a’ge ano 46enebe la’bolik wonogo re, 603.550 aiat o.
47Ye, is ena’gul onuk dogo ’gwe a’ge ononuk ’balegisa a’geat de, a’gul onuk Lewi a’ge nak e, ononuk ’balu erlak. 48Ononuk ’balu erlak ai re, at Allah en, 49“Is aphwami Israel a’ge wonogo onoboluk ononuk, ’baliselat e, ap a’gul Lewi a’ge holuk eminat ononuk ’baliselat, he’gik wenak enebiselat, tu mia o. 50At e, is eiye tagenebegi ai, an nowi sabo werik emin, wene ’belak a’ge o sabo ogola oruak a’ge ano emin, nowi sabo werik ogola mo’gulontogwi a’ge emin, ’gwelabogo welat, nowi sabo woru a’ge di a’ge yu a’ge emin, o werik ogola togwi a’ge emin, enemarlo pam ’go’gosogo woluk no’gulat, e’go’go tuogoluk hwalogulat, o ano alik-lik pam woluk lagalat, 51O momu lagalat holuk moluksogo wogulat, lul opogumu ebano loluk holuk pobuk worogulat, togu lemagoluk, eniabuk e, aiat eiye tagenebemin o. Asogo togumu, ap we a’ge eneragam horoksogo wagai holuk, modogat wusogo onobogu lomup o.
52Enede e’gatsogo e pam erlelik a’ge ano motluk nak is aphwami Israel a’ge an nowi sabo werik lo’bok aliksogoat ’gektak welat ena’gul onuk lobok nak onowi sabo ut horlogu lemak o. 53Ye, is aphwami Israel a’ge horoksogo wagai holuk, nolot het enebam paikno oluk, is ap Lewi a’ge nak nowene ’belak yagarak a’ge ano nowi sabo werikmu ebano aliksogoat horok hegelik onowi sabo ut hwerlil laga lemak o. Is ap Lewi a’ge ennak nowene ’belakma yagarak a’ge nowi sabo werikmu oruak a’ge ano ’gwelabogo welat, opsogoat degelogu lemak o,” oluk, Musa mo’gulesi ano pam is Lewi a’ge ononuk balu erlak o.
54Ye, At Allah en Musa mu’gulesi a’ge ebano ’berlegat is aphwami Israel a’ge en hegitsogoat til laga legesa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in