Imamat 9
9
Is ap Allah eiye a’ge en eniabuk togulom a’ge edip tegisa wene
1Harun eiyagai enemin edigonobogukhwe, hup nogo 7 nogoluk, hubet o’gwe Musa en Harun eiyagai enemin, aphwami Israel a’ge onuelak enemin, worlentesimu wegesema, 2Musa en Harun mo’guleselat,
“Hat homuat howiak erlagap hobouwagoluk, huam aik ’belak erlak a’ge op a’ge holuk sapi ierak ot a’ge holuk mesik wasulat, domba ierak a’ge wusogo e narlu a’ge mesik wasulat, taga loroguntik, at Allah il pam ebaget pisuk o. 3-4Pou woroguntik, is aphwami Israel a’ge mo’gulonto ano re, yuat o. O yogodak at Allah ’gwelaknenta bumama re, onowiak erlagap pou wagoluk at Allah ebaget wusogo po a’ge kambing ierak a’ge mesik wogulat, at Allah paget wusogo e narlu a’ge sapi emalik mesik emin, domba mesik emin, tahun mesik tak a’ge pam aik ’belak erlak a’ge op a’ge holuk nak wogulat, ye, Allah emin hwedik welemagoluk, ebaget wusogo po a’ge sapi mesik emin, domba ierak a’ge mesik emin, wogwi, takpoluk, Allah il pam ebaget wusogo wogogulat, gandum e’gen wogo a’ge a’bosu a’ge pam emin worogo a’ge ano eminat ebaget poumak o,” oluk mo’gulesi.
5Mo’gulesi a’ge ano mo’gulentesimu, is aphwami Israel a’ge ebano Musa en, disogo tuak o, oluk, mo’gulentesi a’ge ano hegitsogoat woluk Allah emin hwedik togumu owi sabo werikmu eriano pou wegesarik, Allah eiyagai welagai a’ge ebano ’berlegat at Allah il pam eria edik oruakhwe, 6Musa en mo’gulentasulat, yu togwi yu re, at Allah en, an modok logo modogat welago a’ge il niouwagoluk, aphwami Israel a’ge, disogo tuak o, egei ano pam, togu lege ai o, 7#Ibr. 7:27oluk, mo’gulentesirik, Harun mo’guleselat, howiak ukpou wagoluk, woru a’ge paget woluk wegen a’ge emin, at Allah ebaget wusogo odouk narlu a’ge paget woluk wegen a’ge emin, Allah en egei a’ge ano hegitsogo hat emin, heiyagai emin, honowiak erlagapsogo poluk, Allah emin hwedik wolorogup en, naduk-naduk asua wam worogwi ’gela’ge wusogo Allah wogeselat, ye, pobuk aphwami onowiak ukpou wagoluk, woruagoluk woluk waga a’ge ano pam onowiak erlagapsogo poluk, Allah emin hwedik welemagoluk, asua uam worogwi ’gela’ge wusogo Allah wogeselat, tinogoluk, Allah ebaget wusogo odouk narlogumu eba lak o.
8“Oluk mo’gulesimu, Harun ano e narlogumu eba lagarik, at ematek o wiak erlagapsogo pou wagoluk sapi emalik ano wusogo pesimu, 9At eiyagai en sapi emep ano Harun wogogwiam e, emep ano e’gik en wokho e narlogumu iak daintak a’ge ano ologun-ologun egeliselat welago a’ge ano pam egelik poluk, emep lok ano odouk narlogumu edipmu herlelik pesi 10pesirik, at Allah en Musa mo’gulesi ano hegitsogoat o wiak erlagap pou wagoluk sapi werak a’ge esei emin amua’go e’gen emin, omorli ebam lo’boktak a’ge amua’go emin, wokho odouk narlogumu ebano narlik pesirik, 11ebe ’belak a’ge ’gorik emin, agap emin, o werik leget o’borl akhit eba odouk narlik pei lebaga.
12Asogo tegeitik, Allah ebaget wusogo e narluogoluk woluk wegesa a’ge ebano, Harun en werisoam e, at eiyagai en emep ano at Harun wogogwiam e, Harun en emep ano e narlogumu edipmu en ologun mu emde erei akhit orogou akhit e lo’boktak a’ge petne ’berlegat wusogo pil laga 13Arat takpesimu, at eiyagai en ebaget werak a’ge e narlu a’ge ebe emin, a’gul emin, abuksogo wogegisema odouk narlogumu ebano e narlegei. 14Narlik pesi a’ge ano odouk owan nasumu, olot emin, odua’gen uak sarak a’ge emin, ik pam horak poluk, eminat odouk narlik pesi.
15Odouk narlik pesirik, aphwami Israel a’ge enebaget woru a’ge kambing woluk wegesa a’ge ebano Harun wogosu egesema, wesirik, kambing naduk tegei ano ’gela’geat aphwami Israel a’ge onowiak erlagapsogo pou wagoluk wusogo Allah ebaget pesi
16pesirik, wusogo e narlu a’ge paget woluk wegesa a’ge ano, wusogo poluk asogo tu oluk wene tak a’ge ano hegitsogoat takpoluk, 17Gandum e’gen wogo a’ge ebaget pogu legesa a’ge ebano e’gikmu aromsogo wesirik, hubetsogo e narlogumu ebalema kambing pegesema eriano eminat pesimu, e negei. 18#Ima. 3:1-11Odouk nasuam e, is aphwami Allah emin hwedik welemagoluk ebaget wusogo wogoum a’ge sapi emin, domba emin, at Harun en wusogo pasuam e, at eiyagai en emep ano at Harun wogogwiam e, Harun en emep ano e narlogumu ano edipmu en ’bekhit emde ’belak erei akhit orogou akhit e lo’boktak a’ge petne ’berlegat egelik pesi a’geat de, 19sapi domba ierak a’ge a’ge esei emin, al pam a’ge esei emin, amua’go e’gen emin, omorli pam lo’boktak a’ge amua’go emin, esei ’berlegat ebano nak e, 20wokho sapi domba amua’go odogun uak ano pam louktak pesirik esei nak wokho odouk narlogumu ebano odouk narlik pesi a’geat de, 21olukhwe odogun uak emin, awe ’bekhit akhit sarak emin, Musa mo’gulesi a’ge ano hegitsogo ap Harun en wesirik, yu hat Allah hebaget o,” oluk, e’gik ’bilogo Allah wogesi.
22 #
Bil. 6:22-26
Wogesirik, aphwami onowiak ebano ukpou wagoluk, Allah ebaget wusogo wogogulat, Allah ebaget wusogo e narlogulat, Allah emin hwedik welemagoluk, ebaget wusogo wogogulat, togwi a’ge ebano ’berlegat taga lagarik, e’gik ’birenat aphwami Israel a’ge ena’gul pam sebelak poluk, ede aganhan enebam pesirik, mo egei 23mo egeimu, Allah emin hwedik togumu owi sabo werikmu ebano Musa Harun emin ’gwigisarik, liplau wotluk, aphwami Israel a’ge ebano enagai enebam pogwiam e, at Allah atia modok sellim-wallimsogo yogo pou wagalat, 24a’ge e’gerlakma en oduk magale lobuk-lebak hil wagalat, ebaget werak a’ge odouk nouwagoluk odouk narlogumu ebalema pogwi a’ge ano emin, esei enak pogwi a’ge ano emin, ’berlegat agauwa mesik erlige lobuksogo nasulat is aphwami ebano en enil hegesarik, enagai en ngai-wai egesarik, ondogorlu pam yakutsogo welat, erlik tegisa.
Currently Selected:
Imamat 9: Wul
Highlight
Copy
Compare
Share
Want to have your highlights saved across all your devices? Sign up or sign in
Imamat 9
9
Is ap Allah eiye a’ge en eniabuk togulom a’ge edip tegisa wene
1Harun eiyagai enemin edigonobogukhwe, hup nogo 7 nogoluk, hubet o’gwe Musa en Harun eiyagai enemin, aphwami Israel a’ge onuelak enemin, worlentesimu wegesema, 2Musa en Harun mo’guleselat,
“Hat homuat howiak erlagap hobouwagoluk, huam aik ’belak erlak a’ge op a’ge holuk sapi ierak ot a’ge holuk mesik wasulat, domba ierak a’ge wusogo e narlu a’ge mesik wasulat, taga loroguntik, at Allah il pam ebaget pisuk o. 3-4Pou woroguntik, is aphwami Israel a’ge mo’gulonto ano re, yuat o. O yogodak at Allah ’gwelaknenta bumama re, onowiak erlagap pou wagoluk at Allah ebaget wusogo po a’ge kambing ierak a’ge mesik wogulat, at Allah paget wusogo e narlu a’ge sapi emalik mesik emin, domba mesik emin, tahun mesik tak a’ge pam aik ’belak erlak a’ge op a’ge holuk nak wogulat, ye, Allah emin hwedik welemagoluk, ebaget wusogo po a’ge sapi mesik emin, domba ierak a’ge mesik emin, wogwi, takpoluk, Allah il pam ebaget wusogo wogogulat, gandum e’gen wogo a’ge a’bosu a’ge pam emin worogo a’ge ano eminat ebaget poumak o,” oluk mo’gulesi.
5Mo’gulesi a’ge ano mo’gulentesimu, is aphwami Israel a’ge ebano Musa en, disogo tuak o, oluk, mo’gulentesi a’ge ano hegitsogoat woluk Allah emin hwedik togumu owi sabo werikmu eriano pou wegesarik, Allah eiyagai welagai a’ge ebano ’berlegat at Allah il pam eria edik oruakhwe, 6Musa en mo’gulentasulat, yu togwi yu re, at Allah en, an modok logo modogat welago a’ge il niouwagoluk, aphwami Israel a’ge, disogo tuak o, egei ano pam, togu lege ai o, 7#Ibr. 7:27oluk, mo’gulentesirik, Harun mo’guleselat, howiak ukpou wagoluk, woru a’ge paget woluk wegen a’ge emin, at Allah ebaget wusogo odouk narlu a’ge paget woluk wegen a’ge emin, Allah en egei a’ge ano hegitsogo hat emin, heiyagai emin, honowiak erlagapsogo poluk, Allah emin hwedik wolorogup en, naduk-naduk asua wam worogwi ’gela’ge wusogo Allah wogeselat, ye, pobuk aphwami onowiak ukpou wagoluk, woruagoluk woluk waga a’ge ano pam onowiak erlagapsogo poluk, Allah emin hwedik welemagoluk, asua uam worogwi ’gela’ge wusogo Allah wogeselat, tinogoluk, Allah ebaget wusogo odouk narlogumu eba lak o.
8“Oluk mo’gulesimu, Harun ano e narlogumu eba lagarik, at ematek o wiak erlagapsogo pou wagoluk sapi emalik ano wusogo pesimu, 9At eiyagai en sapi emep ano Harun wogogwiam e, emep ano e’gik en wokho e narlogumu iak daintak a’ge ano ologun-ologun egeliselat welago a’ge ano pam egelik poluk, emep lok ano odouk narlogumu edipmu herlelik pesi 10pesirik, at Allah en Musa mo’gulesi ano hegitsogoat o wiak erlagap pou wagoluk sapi werak a’ge esei emin amua’go e’gen emin, omorli ebam lo’boktak a’ge amua’go emin, wokho odouk narlogumu ebano narlik pesirik, 11ebe ’belak a’ge ’gorik emin, agap emin, o werik leget o’borl akhit eba odouk narlik pei lebaga.
12Asogo tegeitik, Allah ebaget wusogo e narluogoluk woluk wegesa a’ge ebano, Harun en werisoam e, at eiyagai en emep ano at Harun wogogwiam e, Harun en emep ano e narlogumu edipmu en ologun mu emde erei akhit orogou akhit e lo’boktak a’ge petne ’berlegat wusogo pil laga 13Arat takpesimu, at eiyagai en ebaget werak a’ge e narlu a’ge ebe emin, a’gul emin, abuksogo wogegisema odouk narlogumu ebano e narlegei. 14Narlik pesi a’ge ano odouk owan nasumu, olot emin, odua’gen uak sarak a’ge emin, ik pam horak poluk, eminat odouk narlik pesi.
15Odouk narlik pesirik, aphwami Israel a’ge enebaget woru a’ge kambing woluk wegesa a’ge ebano Harun wogosu egesema, wesirik, kambing naduk tegei ano ’gela’geat aphwami Israel a’ge onowiak erlagapsogo pou wagoluk wusogo Allah ebaget pesi
16pesirik, wusogo e narlu a’ge paget woluk wegesa a’ge ano, wusogo poluk asogo tu oluk wene tak a’ge ano hegitsogoat takpoluk, 17Gandum e’gen wogo a’ge ebaget pogu legesa a’ge ebano e’gikmu aromsogo wesirik, hubetsogo e narlogumu ebalema kambing pegesema eriano eminat pesimu, e negei. 18#Ima. 3:1-11Odouk nasuam e, is aphwami Allah emin hwedik welemagoluk ebaget wusogo wogoum a’ge sapi emin, domba emin, at Harun en wusogo pasuam e, at eiyagai en emep ano at Harun wogogwiam e, Harun en emep ano e narlogumu ano edipmu en ’bekhit emde ’belak erei akhit orogou akhit e lo’boktak a’ge petne ’berlegat egelik pesi a’geat de, 19sapi domba ierak a’ge a’ge esei emin, al pam a’ge esei emin, amua’go e’gen emin, omorli pam lo’boktak a’ge amua’go emin, esei ’berlegat ebano nak e, 20wokho sapi domba amua’go odogun uak ano pam louktak pesirik esei nak wokho odouk narlogumu ebano odouk narlik pesi a’geat de, 21olukhwe odogun uak emin, awe ’bekhit akhit sarak emin, Musa mo’gulesi a’ge ano hegitsogo ap Harun en wesirik, yu hat Allah hebaget o,” oluk, e’gik ’bilogo Allah wogesi.
22 #
Bil. 6:22-26
Wogesirik, aphwami onowiak ebano ukpou wagoluk, Allah ebaget wusogo wogogulat, Allah ebaget wusogo e narlogulat, Allah emin hwedik welemagoluk, ebaget wusogo wogogulat, togwi a’ge ebano ’berlegat taga lagarik, e’gik ’birenat aphwami Israel a’ge ena’gul pam sebelak poluk, ede aganhan enebam pesirik, mo egei 23mo egeimu, Allah emin hwedik togumu owi sabo werikmu ebano Musa Harun emin ’gwigisarik, liplau wotluk, aphwami Israel a’ge ebano enagai enebam pogwiam e, at Allah atia modok sellim-wallimsogo yogo pou wagalat, 24a’ge e’gerlakma en oduk magale lobuk-lebak hil wagalat, ebaget werak a’ge odouk nouwagoluk odouk narlogumu ebalema pogwi a’ge ano emin, esei enak pogwi a’ge ano emin, ’berlegat agauwa mesik erlige lobuksogo nasulat is aphwami ebano en enil hegesarik, enagai en ngai-wai egesarik, ondogorlu pam yakutsogo welat, erlik tegisa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in