Imamat 6
6
1 #
Bil. 5:5-8
Mo’gulesirik, at Allah en wene mesik Musa mo’guleselat,
2-3“Ap mesik en an Allah niak ’belak a’ge ano pobirak poluk, hegitsogo tu erlakma en wiak tagalat, are mesik en a’ge di a’ge yu a’ge lodu paget tenakho welemagoluk a? we lodu ’gwelakharok welemagoluk a, wogoso a’geat de, at hwerlayok oluk are ano we iak eseiat, Ha’ge ano nal aga ya? aphwami en hisaregisa ya, oluk, mo’guleselat, uang logat o’go ’balhwerlesi a’geat de, we uang weiyat o’go ’baligis o, oluk, eselat, ap mesik a’ge-a’ge nal agoam dorliso a’geat de, we, iak eseiat de, an demat ho erlak o, oluk, ho’buk ’baliselat, is aphwami wiak togwi ano a’ge ’berlegat at mesik en tago holuk e, 4wiagatma re, hisaregei holuk a? uo a’ge ’gela’ge, tak paik oluk uang o’go’balhwerlesi holuk a? tenakho welemagoluk wogesimuat de, nelakpasu holuk a, ap mesik a’ge-a’ge nal agoam hwiariso a’geat de, 5hwiaru erlak o, oluk ho’buk ’baliso holuk a, ai re, wiagatma re, o wiak ai an en erlagap paik en e, o’go pou wagalat, wasu a’ge ano emining a’ge eiye a’ge wogeselat, ebam lo’boksogo mesik emin seperlima yat takpoluk wogemak o. 6Asogo wok emarik at wiak tago a’ge ano erlagapsogo paik en e, o’go ’gain Nonuk logo a’ge An nebaget woknosuom ai aphwami en kambing domba ierak mesik ebam aik ’belak erlak a’ge ebe op a’geat holuk e, o’go disogoat po yo, oluk wene werak ’belak oruak a’ge ano hegitsogoat woluk, ap an nebe eiye a’ge ebano wogosumak o, 7wogosu agaiam e, an en wiak erlagapsogo poluk, nemin la’bolik hwediktak paik en e, ap an nebe eiye a’ge en wam an Allah nebaget wusogo pasu holuk e, ap ai til lasu ano pam wiak tua a’ge ano an en erlagapsogo paigat o,” oluk, Musa mo’gulesi.
Allah ebaget wusogo odouk narlogulom wene
8Mo’gulesirik, at Allah en Musa mo’guleselat e,
9“Harun eiyagai enemin en, an nebaget wusogo odouk narlogulat, tugulom wene le’gelogo mo’gulontogulom ano yu at o. Nebaget wusogo odouk narlogulom ano re, odouk narlogumu pou wagaiam e, odouk en nasukhwe, o arat dakha uak oluk e, is an nebe eiye a’ge en odouk ano magale taga lemagoluk, opsogoat ’gwelakharok welemak o. 10Arat nasu holuk e, ap an nebe eiye a’ge ebano en, onosum op a’ge o’borlma-emin, onosum op ebelak modok yat ogola o’gwe a’ge emin, ’buktak poluk nebaget odoktak a’ge ebano odouk en nasulat ul e’gik a’ge odouk narlogumu oruak a’ge ebano woluk, odouk narlogumu eragam eba lodu paget ukpoluk, 11onosum ’buktak a’ge ebano, no’gorlogo pogu lemarik, onosum we a’ge ebano nak ’buktak poluk ul egelik a’ge ebano nowi sabo werikmu en, leget wogo a’ge o’borlma pogumu asuema ebanoat pei, laga lemak o. 12Ye, odouk narlogumu odouk mu’gelak oruak a’ge ai re, nekhi uak oluk ukpo mia o. A’geat de, modok magale taga lemagoluk, ebe opsogoat ’gwelakharok welat, ning nangsogoat huberen ’bekhit e mesik wokho narlik pogulat, an nebaget werak ’belak a’ge ano odouk narlogumu abel ’belagakhit narlik pogulat, ye, an nemin hwedik welik en e, nebaget wusogo woknogwi a’ge ano esei emin odouk narlik pogulat, tugu lemak o. 13Odouk narlogumu odouk narlik oruak a’ge ai, nekhi uagoluk ukpo mia o. A’geat de, magale nak taga lemagoluk opsogo eiye welemak egei ai o, oluk, mo’gulontomup o,” oluk, mo’gulesi.
Gandum agap e’gen wogo a’ge Allah ebaget pogulom wene
14Mo’gulesirik, Allah en Musa pobuk emin mo’guleselat,
“Gandum agap e’gen wogo a’ge an nebaget pogwi holuk e, tugulom a’ge paget wene werak yu at o. Gandum agap e’gen wogo a’ge nebaget pogwi a’ge ebano re, is Harun eiyagai en woluk ’Gain Nonuk logo a’ge An Allah nil pam odouk narlogumu ebano pou wagai holuk e, 15is logon en nebaget pogwi a’ge gandum e’gen opsogo agap e’gen wogo a’ge a’bosu emin, e’ben op ago a’ge ebano emin, agauwa mesik e’gikmu wik-wok, agap e’gen wogo a’ge yu ’berlegat hat hebagerat o, oluk, ’Gain Nonuk logo a’ge an nebaget odouk narlogwiam, e’ben op hasulat, nogola nagai houwak oluk nebaget odouk narluak o. 16Ye, pema ebano re, Harun eiyagai enemin en no’gulomat a’geat de, ragi emin po erlakma en roti nak werakho poluk, nemin hwedik togumu nowi Sabo sum owi leget wogoma ebano en no’gulat togulomma pulogo welagoma eria en no’gulemak o. 17Di a’ge yu a’ge an nebaget odouk narluak oluk woknosu agai ano re, is ap an nebe eiye a’ge en no’gulom a’ge enebaget aiatma re, ragi emin poluk weraru mia o. Aphwami onowiak ukpou wagoluk, an nebaget wusogo woknogulat, ye, an nebaget pulogo oruak a’ge dagan hogwi a’ge ano ebalema pou wagalat, togwi ai re, nebaget pulogo pegi ai ’gela’ge, gandum agap e’gen wogo a’ge werakho odouk narlik oluk, an Allah nebaget woknosu agai a’ge ebano ogo re nebaget pulogo pegi o. 18Odouk narluak oluk, nebaget po a’ge ’berlegat ai re, Harun emin eiyagai e’balak wigal etil laga lema a’ge emin enebageratma re, aphwami we a’ge en no’gwi holuk e, wiagap pagathorlogumu no oluk, no mia o. A’geat de, Harun emin, eiyagai e’balak wigal etil laga lema a’ge emin, ebano en ap a’ge holuk en nagat no’gulemak o, oluk, egei oluk, mo’gulontomup o,” oluk, mo’gulesi.
19Mo’gulesirik, at Allah en Musa pobuk emin mo’guleselat,
20“Harun eiyagai enemin en e, is logon an nebe eiye welemagoluk edigonobogwi holuk agauwa ai erligeat an Allah nebaget pou wagalom a’ge ano yuat o. Gandum e’gen modok opsogo agap e’gen wogo a’ge 2 liter ’gela’ge wokho yu re, at Allah en a’ge o, oluk, pogwi a’ge ebano a’ge ado re, hubet pogulat, ado re, hupmu’gwe pogulat, tugu lemagoluk, poumak o. 21Asogo pou waga lemarik, gandum agap e’gen wogo a’ge ebano a’bosu pam ebelogo Sogoluak pam dalogo ’belebak poluk wei-wei ebelogo werakho an Allah e’ben op hasulat, 22Is ap an nebe eiye a’ge enebalema eneiyagai dogo a’ge en an nebe Allah eiye welemagoluk edikpogwi holuk e, Gandum agap e’gen wogo a’ge an Allah nebaget pogwi a’ge ebano modogat pogu lemak o, oluk, polik pesi a’ge ebano nebaget pogu lemarik, pogwi a’ge ano ’berlegat odouk narluak o. 23Asogoatma re, is ap an nebe eiye a’ge pulogo edigonobogwi a’ge ebano enematek lo’bok en gandum agap e’gen wogo a’ge an Allah nebaget pou wagai holuk e, mesik no mia o.” ’Berlegat odouk narluak o, oluk, mo’gulesi.
Onowiak erlagapsogo onobou wak oluk Allah ebaget wusogo pogulom wene
24Mo’gulesirik, at Allah en Musa mo’guleselat,
25“Aphwami onowiak erlagapsogo onobou wak oluk nebaget wusogo pou wagai holuk e, Harun eiyagai enemin en tugulom a’ge paget mo’gulonto ano re yuat o. Is aphwami onowiak erlagapsogo pouwagoluk nebaget pou wagai ano re, an nebaget pogwi a’ge modok onue nagatma re, an nil pam nebaget pogwi a’ge ebano wusogo odouk narlogumu ebanoat wusogo pogwiam e, 26O wiak erlagapsogo pouwagoluk nebaget wusogo pogwi a’ge ano ap an nebe eiye a’ge en nemin hwedik togumu nowi sabo pakleget wogoma ’gwilo miama eria enat no’gulemak o. 27An nebaget polik a’ge werak a’ge ano ’bal ho a’ge mia atma re, ap mesik en ’bal hasu holuk e, agap at ’balhorlouwa ani o. Ye, ap mesik nebaget werak a’ge emep ano pe’geksogo osum pam lo’bok oso holuk e, o asuama eba en hosogoat ukpouwak o 28Ye, Sogoluak ’gwiang a’ge hele’gik a’ge pam nebaget werak a’ge ai re, Sorogu lemarik Sogoluak ano damulogo pogulat, ye, Sogoluak tembaga a’ge pam hele’gik a’ge ano pam Sorogu lemarik holuk e, ik pam emesogo pogulat tugu lemak o. 29Nuam nebaget werak a’ge ai modok asua nakma re, is an nebe eiye ap a’ge holuk nagat no’gulemak o. 30Ai no’guloma op at a’ge de, onowiak erlagapsogo poluk an nemin hwedik tuagoluk, asua wam worogwi ai ’gela’ge werak a’ge werak a’ge emep ano woluk hwedik togumu nowi sum owi werikmu asuama ebano po’gogwi holuk nak e, no miama, odouk nouwak oluk e, odouk narlik pogu lemak, egei oluk, mo’gulontomup o,” oluk, mo’gulesi.
Currently Selected:
Imamat 6: Wul
Highlight
Copy
Compare
Share
Want to have your highlights saved across all your devices? Sign up or sign in
Imamat 6
6
1 #
Bil. 5:5-8
Mo’gulesirik, at Allah en wene mesik Musa mo’guleselat,
2-3“Ap mesik en an Allah niak ’belak a’ge ano pobirak poluk, hegitsogo tu erlakma en wiak tagalat, are mesik en a’ge di a’ge yu a’ge lodu paget tenakho welemagoluk a? we lodu ’gwelakharok welemagoluk a, wogoso a’geat de, at hwerlayok oluk are ano we iak eseiat, Ha’ge ano nal aga ya? aphwami en hisaregisa ya, oluk, mo’guleselat, uang logat o’go ’balhwerlesi a’geat de, we uang weiyat o’go ’baligis o, oluk, eselat, ap mesik a’ge-a’ge nal agoam dorliso a’geat de, we, iak eseiat de, an demat ho erlak o, oluk, ho’buk ’baliselat, is aphwami wiak togwi ano a’ge ’berlegat at mesik en tago holuk e, 4wiagatma re, hisaregei holuk a? uo a’ge ’gela’ge, tak paik oluk uang o’go’balhwerlesi holuk a? tenakho welemagoluk wogesimuat de, nelakpasu holuk a, ap mesik a’ge-a’ge nal agoam hwiariso a’geat de, 5hwiaru erlak o, oluk ho’buk ’baliso holuk a, ai re, wiagatma re, o wiak ai an en erlagap paik en e, o’go pou wagalat, wasu a’ge ano emining a’ge eiye a’ge wogeselat, ebam lo’boksogo mesik emin seperlima yat takpoluk wogemak o. 6Asogo wok emarik at wiak tago a’ge ano erlagapsogo paik en e, o’go ’gain Nonuk logo a’ge An nebaget woknosuom ai aphwami en kambing domba ierak mesik ebam aik ’belak erlak a’ge ebe op a’geat holuk e, o’go disogoat po yo, oluk wene werak ’belak oruak a’ge ano hegitsogoat woluk, ap an nebe eiye a’ge ebano wogosumak o, 7wogosu agaiam e, an en wiak erlagapsogo poluk, nemin la’bolik hwediktak paik en e, ap an nebe eiye a’ge en wam an Allah nebaget wusogo pasu holuk e, ap ai til lasu ano pam wiak tua a’ge ano an en erlagapsogo paigat o,” oluk, Musa mo’gulesi.
Allah ebaget wusogo odouk narlogulom wene
8Mo’gulesirik, at Allah en Musa mo’guleselat e,
9“Harun eiyagai enemin en, an nebaget wusogo odouk narlogulat, tugulom wene le’gelogo mo’gulontogulom ano yu at o. Nebaget wusogo odouk narlogulom ano re, odouk narlogumu pou wagaiam e, odouk en nasukhwe, o arat dakha uak oluk e, is an nebe eiye a’ge en odouk ano magale taga lemagoluk, opsogoat ’gwelakharok welemak o. 10Arat nasu holuk e, ap an nebe eiye a’ge ebano en, onosum op a’ge o’borlma-emin, onosum op ebelak modok yat ogola o’gwe a’ge emin, ’buktak poluk nebaget odoktak a’ge ebano odouk en nasulat ul e’gik a’ge odouk narlogumu oruak a’ge ebano woluk, odouk narlogumu eragam eba lodu paget ukpoluk, 11onosum ’buktak a’ge ebano, no’gorlogo pogu lemarik, onosum we a’ge ebano nak ’buktak poluk ul egelik a’ge ebano nowi sabo werikmu en, leget wogo a’ge o’borlma pogumu asuema ebanoat pei, laga lemak o. 12Ye, odouk narlogumu odouk mu’gelak oruak a’ge ai re, nekhi uak oluk ukpo mia o. A’geat de, modok magale taga lemagoluk, ebe opsogoat ’gwelakharok welat, ning nangsogoat huberen ’bekhit e mesik wokho narlik pogulat, an nebaget werak ’belak a’ge ano odouk narlogumu abel ’belagakhit narlik pogulat, ye, an nemin hwedik welik en e, nebaget wusogo woknogwi a’ge ano esei emin odouk narlik pogulat, tugu lemak o. 13Odouk narlogumu odouk narlik oruak a’ge ai, nekhi uagoluk ukpo mia o. A’geat de, magale nak taga lemagoluk opsogo eiye welemak egei ai o, oluk, mo’gulontomup o,” oluk, mo’gulesi.
Gandum agap e’gen wogo a’ge Allah ebaget pogulom wene
14Mo’gulesirik, Allah en Musa pobuk emin mo’guleselat,
“Gandum agap e’gen wogo a’ge an nebaget pogwi holuk e, tugulom a’ge paget wene werak yu at o. Gandum agap e’gen wogo a’ge nebaget pogwi a’ge ebano re, is Harun eiyagai en woluk ’Gain Nonuk logo a’ge An Allah nil pam odouk narlogumu ebano pou wagai holuk e, 15is logon en nebaget pogwi a’ge gandum e’gen opsogo agap e’gen wogo a’ge a’bosu emin, e’ben op ago a’ge ebano emin, agauwa mesik e’gikmu wik-wok, agap e’gen wogo a’ge yu ’berlegat hat hebagerat o, oluk, ’Gain Nonuk logo a’ge an nebaget odouk narlogwiam, e’ben op hasulat, nogola nagai houwak oluk nebaget odouk narluak o. 16Ye, pema ebano re, Harun eiyagai enemin en no’gulomat a’geat de, ragi emin po erlakma en roti nak werakho poluk, nemin hwedik togumu nowi Sabo sum owi leget wogoma ebano en no’gulat togulomma pulogo welagoma eria en no’gulemak o. 17Di a’ge yu a’ge an nebaget odouk narluak oluk woknosu agai ano re, is ap an nebe eiye a’ge en no’gulom a’ge enebaget aiatma re, ragi emin poluk weraru mia o. Aphwami onowiak ukpou wagoluk, an nebaget wusogo woknogulat, ye, an nebaget pulogo oruak a’ge dagan hogwi a’ge ano ebalema pou wagalat, togwi ai re, nebaget pulogo pegi ai ’gela’ge, gandum agap e’gen wogo a’ge werakho odouk narlik oluk, an Allah nebaget woknosu agai a’ge ebano ogo re nebaget pulogo pegi o. 18Odouk narluak oluk, nebaget po a’ge ’berlegat ai re, Harun emin eiyagai e’balak wigal etil laga lema a’ge emin enebageratma re, aphwami we a’ge en no’gwi holuk e, wiagap pagathorlogumu no oluk, no mia o. A’geat de, Harun emin, eiyagai e’balak wigal etil laga lema a’ge emin, ebano en ap a’ge holuk en nagat no’gulemak o, oluk, egei oluk, mo’gulontomup o,” oluk, mo’gulesi.
19Mo’gulesirik, at Allah en Musa pobuk emin mo’guleselat,
20“Harun eiyagai enemin en e, is logon an nebe eiye welemagoluk edigonobogwi holuk agauwa ai erligeat an Allah nebaget pou wagalom a’ge ano yuat o. Gandum e’gen modok opsogo agap e’gen wogo a’ge 2 liter ’gela’ge wokho yu re, at Allah en a’ge o, oluk, pogwi a’ge ebano a’ge ado re, hubet pogulat, ado re, hupmu’gwe pogulat, tugu lemagoluk, poumak o. 21Asogo pou waga lemarik, gandum agap e’gen wogo a’ge ebano a’bosu pam ebelogo Sogoluak pam dalogo ’belebak poluk wei-wei ebelogo werakho an Allah e’ben op hasulat, 22Is ap an nebe eiye a’ge enebalema eneiyagai dogo a’ge en an nebe Allah eiye welemagoluk edikpogwi holuk e, Gandum agap e’gen wogo a’ge an Allah nebaget pogwi a’ge ebano modogat pogu lemak o, oluk, polik pesi a’ge ebano nebaget pogu lemarik, pogwi a’ge ano ’berlegat odouk narluak o. 23Asogoatma re, is ap an nebe eiye a’ge pulogo edigonobogwi a’ge ebano enematek lo’bok en gandum agap e’gen wogo a’ge an Allah nebaget pou wagai holuk e, mesik no mia o.” ’Berlegat odouk narluak o, oluk, mo’gulesi.
Onowiak erlagapsogo onobou wak oluk Allah ebaget wusogo pogulom wene
24Mo’gulesirik, at Allah en Musa mo’guleselat,
25“Aphwami onowiak erlagapsogo onobou wak oluk nebaget wusogo pou wagai holuk e, Harun eiyagai enemin en tugulom a’ge paget mo’gulonto ano re yuat o. Is aphwami onowiak erlagapsogo pouwagoluk nebaget pou wagai ano re, an nebaget pogwi a’ge modok onue nagatma re, an nil pam nebaget pogwi a’ge ebano wusogo odouk narlogumu ebanoat wusogo pogwiam e, 26O wiak erlagapsogo pouwagoluk nebaget wusogo pogwi a’ge ano ap an nebe eiye a’ge en nemin hwedik togumu nowi sabo pakleget wogoma ’gwilo miama eria enat no’gulemak o. 27An nebaget polik a’ge werak a’ge ano ’bal ho a’ge mia atma re, ap mesik en ’bal hasu holuk e, agap at ’balhorlouwa ani o. Ye, ap mesik nebaget werak a’ge emep ano pe’geksogo osum pam lo’bok oso holuk e, o asuama eba en hosogoat ukpouwak o 28Ye, Sogoluak ’gwiang a’ge hele’gik a’ge pam nebaget werak a’ge ai re, Sorogu lemarik Sogoluak ano damulogo pogulat, ye, Sogoluak tembaga a’ge pam hele’gik a’ge ano pam Sorogu lemarik holuk e, ik pam emesogo pogulat tugu lemak o. 29Nuam nebaget werak a’ge ai modok asua nakma re, is an nebe eiye ap a’ge holuk nagat no’gulemak o. 30Ai no’guloma op at a’ge de, onowiak erlagapsogo poluk an nemin hwedik tuagoluk, asua wam worogwi ai ’gela’ge werak a’ge werak a’ge emep ano woluk hwedik togumu nowi sum owi werikmu asuama ebano po’gogwi holuk nak e, no miama, odouk nouwak oluk e, odouk narlik pogu lemak, egei oluk, mo’gulontomup o,” oluk, mo’gulesi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in