Imamat 3
3
Allah emin hwedik welemagoluk, ebaget wusogo wogogulom wene
1Mo’gulesirik, wene mesik mo’gulontouwagoluk, At Allah en Musa mo’guleselat, “Is mesik en, Allah emin hwedik weleik o, oluk, wusogo an woknomul opogulat holuk, sapi ierak de a, holou a, nebaget po op nagat a’geat de, aik ’belak erlak op a’ge holugat an Allah nil pam tumu re, woluk 2nemin hwedik togumu nowi sabo werik-’goduk ’gwi lagaimu eria enat nebaget po a’ge sapi ano a’gul pam ene’gik sebelak poluk, wusogo pouwak o. Wusogo pogwiam e, is ap nebe eiye a’ge Harun eiyagai en emep ano wokho odouk narlogumu ano ologun pam ene ologun pam-wali’gogo, e e’bet lo’boktak a’ge ebano petne ’berlegat herlelik pil laga-lemak o. 3Pil lagai holuk e, an nemin hwedik tuok oluk nebaget werak a’ge e narlu a’ge paget, ap ano en ogum pam lo’boktak a’ge orogolin emin, al pam a’ge esei emin, 4Amua’go e’gen emin, esei emin, hosuk pam lo’boktak a’ge amua’go emin, ’berlegat enokho pasuam e, 5Harun eiyagai en ebe werak a’ge ano odouk narlogumu ebalema ano e ’boktak eriano a’ge pam poluk, odouk ’batung takpogu lemarik, esei enak a’ge ano re, odouk nasumu ebano lagabak peligemak o. Asogo togulom ai re, an Allah nebaget odouk narlua a’ge e’ben op hasulat, nagai houwak oluk, nebaget pogulom ano re aiat o.
6Ye, Allah emin hwedik tuok o, oluk, kambing-domba mesik an Allah nebaget wusogo woknoum opogulat holuk, ierak a, holou, a? po ai op nagat a’geat de, aik ’belak erlak op a’ge holuk nagat nebaget pouwak o, 7ye, domba nebaget wusogo pul opogulat holuk e, an Allah nil pamat tumu re, woluk 8an nemin hwedik tugumu nowi sabo werikmu ’goduk ’gwi lagaimu eria pou wotluk, nebaget po a’ge ano a’gul pam ene’gik tenak poluk, wusogo pouwak o. Wusogo pogwiam e, Harun eiyagai en emep ano wokho odouk narlogumu ologun pam ene ologun pam wali’gogo, e e’bet lo’boktak a’ge ebano petne ’berlegat herlelik pil laga-lemak o. 9Pil lagaiam e, nemin hwedik tu a’ge paget nebaget werak a’ge ano odouk narlu a’ge paget, ap uam eiye a’ge enesei emin, a’ge ologun uak il ’goboksogo ’belak a’ge esei emin, ogum pam lo’boktak a’ge omorli emin al pam a’ge esei emin, 10amua’go emin, esei emin, lo’boktak a’ge esei emin, hosuk pam lo’boktak a’ge amua’go emin, ’berlegat enekho pasuam e, 11so’boru nebaget pogwi ’gela’ge, is an nebe eiye a’ge ebano en odouk narlogumu ebalema erianoat narluak o. Asogo togulom ano re, an Allah nebaget wusogo e narlogulom e aiat o.
12Ye, kambing nebaget wusogo pul opogulat holuk, an Allah nil pamat tumu re, woluk 13an nemin hwedik togumu nowi sabo werikmu ’goduk ’gwi lagaimu ’godukmu eria poumarik, an nebaget po a’ge ano a’gul pam ene’gik sebelak poluk, wusogo pouwak o. Wusogo pogwiam e, Harun eiyagai ebano en emep wokho odouk narlogumu ologun pam ene ologun pam wali’gogo e e’bet lo’boktak a’ge ebano petne ’berlegat herlelik pil louwak o, 14’balil lagaiam e, an nebaget werak a’ge ano odouk narlu a’ge paget, ap uam eiye a’ge en ogum pam lo’boktak a’ge omorli emin, al pam a’ge orogolin esei emin, 15amua’go esei emin, hosuk pam lo’boktak a’ge amua’go emin, ’berlegat enokho poluk, 16Esei ’berlegat e, an Allah en a’geatma re, so’boru an nebaget pogwi ai ’gela’ge, an nebaget odouk narluama e’ben op hasulat, nagai houwak oluk, e narlogu lemak o. 17Is aphwami Israel a’ge wolomma eba eneiyagai ene’balak weiyal et til louwa a’ge emin, en wene tak a’ge yu, modok-modogat togulat, esei emin, emep emin, no’gulom modok mia, egei o, oluk, mo’gulontomup o,” oluk, mo’gulesi.
Currently Selected:
Imamat 3: Wul
Highlight
Copy
Compare
Share
Want to have your highlights saved across all your devices? Sign up or sign in
Imamat 3
3
Allah emin hwedik welemagoluk, ebaget wusogo wogogulom wene
1Mo’gulesirik, wene mesik mo’gulontouwagoluk, At Allah en Musa mo’guleselat, “Is mesik en, Allah emin hwedik weleik o, oluk, wusogo an woknomul opogulat holuk, sapi ierak de a, holou a, nebaget po op nagat a’geat de, aik ’belak erlak op a’ge holugat an Allah nil pam tumu re, woluk 2nemin hwedik togumu nowi sabo werik-’goduk ’gwi lagaimu eria enat nebaget po a’ge sapi ano a’gul pam ene’gik sebelak poluk, wusogo pouwak o. Wusogo pogwiam e, is ap nebe eiye a’ge Harun eiyagai en emep ano wokho odouk narlogumu ano ologun pam ene ologun pam-wali’gogo, e e’bet lo’boktak a’ge ebano petne ’berlegat herlelik pil laga-lemak o. 3Pil lagai holuk e, an nemin hwedik tuok oluk nebaget werak a’ge e narlu a’ge paget, ap ano en ogum pam lo’boktak a’ge orogolin emin, al pam a’ge esei emin, 4Amua’go e’gen emin, esei emin, hosuk pam lo’boktak a’ge amua’go emin, ’berlegat enokho pasuam e, 5Harun eiyagai en ebe werak a’ge ano odouk narlogumu ebalema ano e ’boktak eriano a’ge pam poluk, odouk ’batung takpogu lemarik, esei enak a’ge ano re, odouk nasumu ebano lagabak peligemak o. Asogo togulom ai re, an Allah nebaget odouk narlua a’ge e’ben op hasulat, nagai houwak oluk, nebaget pogulom ano re aiat o.
6Ye, Allah emin hwedik tuok o, oluk, kambing-domba mesik an Allah nebaget wusogo woknoum opogulat holuk, ierak a, holou, a? po ai op nagat a’geat de, aik ’belak erlak op a’ge holuk nagat nebaget pouwak o, 7ye, domba nebaget wusogo pul opogulat holuk e, an Allah nil pamat tumu re, woluk 8an nemin hwedik tugumu nowi sabo werikmu ’goduk ’gwi lagaimu eria pou wotluk, nebaget po a’ge ano a’gul pam ene’gik tenak poluk, wusogo pouwak o. Wusogo pogwiam e, Harun eiyagai en emep ano wokho odouk narlogumu ologun pam ene ologun pam wali’gogo, e e’bet lo’boktak a’ge ebano petne ’berlegat herlelik pil laga-lemak o. 9Pil lagaiam e, nemin hwedik tu a’ge paget nebaget werak a’ge ano odouk narlu a’ge paget, ap uam eiye a’ge enesei emin, a’ge ologun uak il ’goboksogo ’belak a’ge esei emin, ogum pam lo’boktak a’ge omorli emin al pam a’ge esei emin, 10amua’go emin, esei emin, lo’boktak a’ge esei emin, hosuk pam lo’boktak a’ge amua’go emin, ’berlegat enekho pasuam e, 11so’boru nebaget pogwi ’gela’ge, is an nebe eiye a’ge ebano en odouk narlogumu ebalema erianoat narluak o. Asogo togulom ano re, an Allah nebaget wusogo e narlogulom e aiat o.
12Ye, kambing nebaget wusogo pul opogulat holuk, an Allah nil pamat tumu re, woluk 13an nemin hwedik togumu nowi sabo werikmu ’goduk ’gwi lagaimu ’godukmu eria poumarik, an nebaget po a’ge ano a’gul pam ene’gik sebelak poluk, wusogo pouwak o. Wusogo pogwiam e, Harun eiyagai ebano en emep wokho odouk narlogumu ologun pam ene ologun pam wali’gogo e e’bet lo’boktak a’ge ebano petne ’berlegat herlelik pil louwak o, 14’balil lagaiam e, an nebaget werak a’ge ano odouk narlu a’ge paget, ap uam eiye a’ge en ogum pam lo’boktak a’ge omorli emin, al pam a’ge orogolin esei emin, 15amua’go esei emin, hosuk pam lo’boktak a’ge amua’go emin, ’berlegat enokho poluk, 16Esei ’berlegat e, an Allah en a’geatma re, so’boru an nebaget pogwi ai ’gela’ge, an nebaget odouk narluama e’ben op hasulat, nagai houwak oluk, e narlogu lemak o. 17Is aphwami Israel a’ge wolomma eba eneiyagai ene’balak weiyal et til louwa a’ge emin, en wene tak a’ge yu, modok-modogat togulat, esei emin, emep emin, no’gulom modok mia, egei o, oluk, mo’gulontomup o,” oluk, mo’gulesi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in