Imamat 1
1
At Allah ebaget wusogo e narlogulom a’ge paget mo’gulesi wene
1At Allah ano emin hwedik togumu owi sabo werikmu ebano en at Musa worlhesirik, mo’guleselat,
2“Is aphwami Israel a’ge mo’gulonto ano re yuat o. Is Israel a’ge mesik en an Allah nebaget wusogo woknoum a’ge opogulat holuk e, onuam lembu sapi a, kambing domba a, an nebaget woknosu aga lemak o.
3Is mesik en an nebaget sapi mesik wusogo odouk narloum opogulat holuk e, an Allah nede aganhansogoat waik en e, sapi ierak aik ’belak erlak op a’ge holugat woluk nemin hwedik togumu nowi sabo werikmu godouk ’guagaimu godouk mu pou waga lemak o. 4Asogo pou wagalat e, at ano e’gik wam ano a’gul tenak pasuam e, at Allah ene ap ai en pesi a’ge ai pam o wiak erlagap pesi a’ge o, oluk wasu laga. Pou wagaiam e, an en onowiak erlagap poluk, nemin hwedik weleik en e, is ap ai ene’gik e sapi ano a’gul tenak pogwiam e. 5An Allah nilem wusogo pogwi holuk an nebe eiye a’ge Harun eiyagai en sapi emep ano wokhonowi sabo werik a’ge ’goduk ’go’gwi ’gwe, odouk mu’gwa logumu ologun erabu akhit ogobu akhit, emde erei akhit-orogou akhit lo’boktak a’ge petne ’berlegat ologun ’balogo pil laga lemak o. 6’Balogo pil lagaiam e, is ap ebano en sapi, an nebaget wusogo e narlu a’ge ano agap e’gen wokho poluk, ebe opsogoat ’balogo pogu lemak o. 7’Balogo pogwiam e, is ap an nebe eiye a’ge Harun eiyagai ebano en e narlogumu ebalema ebano e ’bou-bai takpoluk odouk narlik poluk, 8odouk narlu a’ge sapi ’belak a’ge esei emin a’gul emin, modok ebelogo poluk, odouk owan dain u erlakhwe, eria pam pogwiam e, 9is onuam eiye a’ge ene olot emin, olot owi emin, ik pam emerogwiam e, is an nebe eiye a’ge ebano en di a’ge yu a’ge pil laga a’ge-waga a’ge ’berlegat wokho odouk nasumu ebano peli aga lemak o. Asogo togulom ano re, an Allah nebaget odouk narlua a’ge ebano e’ben op a’ge hasulat nagai haik en e, nebaget wusogo e narlogulom ano re aiat o.
10Ye, is logon en onuam kambing a, domba ya, an nebaget wusogo odouk narlul opogulat holuk e, ierak aik ’belak erlak op a’ge holuk nagat woluk, 11odouk narlogumu o o’borl akhit o’gwe an Allah nil pam eria at wusogo pogwi holuk, is ap an nebe eiye a’ge Harun eiyagai ebano en emep ano wokho odouk narlogumu ebalema ono ologun pam ene-ologun pam wali’gogo e e’bet lo’boktak a’ge ebano petne ’berlegat herlelik pil laga lemak o 12Erleik pil lagaiam e, is onuam eiye a’ge ebano en ebe ’balogo pogwiam e, ap an nebe eiye a’ge ebano en ebe ’belak a’ge ebano emin, a’gul emin, esei emin, odouk narlogumu ebalema e narlik a’ge odouk owan, dain osokhwe eriano pamat hegitsogo nagat ererak pogu lemak o. 13Ye, is onuam eiye a’ge en olot emin, olot owi ik pam hosogo emerak poluk pogwiam e, ap an nebe eiye a’ge en ’belak a’ge ebano ’berlegat wokho odouk enasumu ebanoat peli aga lemak o. Asogo togulom ano re, an Allah nebaget odouk narluama e’ben op a’ge holuk, nagai hasu Lemak oluk, nebaget wusogo odouk narlogulom aiat o.
14Ye, is logon en sue an Allah nebaget wusogo odouk narlu opogulat holuk e, sue abiang de a, sue ’berla, an nebaget pogu lemak o. 15Pogwi holuk e, ap an nebe eiye a’ge en woluk odouk narlogumu ebano poumarik, ogorlop ano ’betesogo werak poluk, ebe e narluak oluk, emep ano e narlogumu e lo’boktak a’ge ebano petne herlil hai lasulat, 16ogumberl emin, asu emin, wokho e narlogumu abel pema akhit mo il porlu ago akhit eragam ul pei lagaimu ebano hwikhai lasulat, 17ye, sue ebe ebesik oruakhwe emeik nak po’guksogo ebesigat odouk narlogumu odouk nasumu ebayat narlik pogulat togu lemak o. Asogo togulom ano re, an Allah nebaget odouk narluama e’ben op a’ge hasulat, nagai haik ai en e, nebaget wusogo odouk narlogulom e aiat, egei o, oluk, mo’gulontomup o,” oluk, mo’gulesi.
Currently Selected:
Imamat 1: Wul
Highlight
Copy
Compare
Share
Want to have your highlights saved across all your devices? Sign up or sign in
Imamat 1
1
At Allah ebaget wusogo e narlogulom a’ge paget mo’gulesi wene
1At Allah ano emin hwedik togumu owi sabo werikmu ebano en at Musa worlhesirik, mo’guleselat,
2“Is aphwami Israel a’ge mo’gulonto ano re yuat o. Is Israel a’ge mesik en an Allah nebaget wusogo woknoum a’ge opogulat holuk e, onuam lembu sapi a, kambing domba a, an nebaget woknosu aga lemak o.
3Is mesik en an nebaget sapi mesik wusogo odouk narloum opogulat holuk e, an Allah nede aganhansogoat waik en e, sapi ierak aik ’belak erlak op a’ge holugat woluk nemin hwedik togumu nowi sabo werikmu godouk ’guagaimu godouk mu pou waga lemak o. 4Asogo pou wagalat e, at ano e’gik wam ano a’gul tenak pasuam e, at Allah ene ap ai en pesi a’ge ai pam o wiak erlagap pesi a’ge o, oluk wasu laga. Pou wagaiam e, an en onowiak erlagap poluk, nemin hwedik weleik en e, is ap ai ene’gik e sapi ano a’gul tenak pogwiam e. 5An Allah nilem wusogo pogwi holuk an nebe eiye a’ge Harun eiyagai en sapi emep ano wokhonowi sabo werik a’ge ’goduk ’go’gwi ’gwe, odouk mu’gwa logumu ologun erabu akhit ogobu akhit, emde erei akhit-orogou akhit lo’boktak a’ge petne ’berlegat ologun ’balogo pil laga lemak o. 6’Balogo pil lagaiam e, is ap ebano en sapi, an nebaget wusogo e narlu a’ge ano agap e’gen wokho poluk, ebe opsogoat ’balogo pogu lemak o. 7’Balogo pogwiam e, is ap an nebe eiye a’ge Harun eiyagai ebano en e narlogumu ebalema ebano e ’bou-bai takpoluk odouk narlik poluk, 8odouk narlu a’ge sapi ’belak a’ge esei emin a’gul emin, modok ebelogo poluk, odouk owan dain u erlakhwe, eria pam pogwiam e, 9is onuam eiye a’ge ene olot emin, olot owi emin, ik pam emerogwiam e, is an nebe eiye a’ge ebano en di a’ge yu a’ge pil laga a’ge-waga a’ge ’berlegat wokho odouk nasumu ebano peli aga lemak o. Asogo togulom ano re, an Allah nebaget odouk narlua a’ge ebano e’ben op a’ge hasulat nagai haik en e, nebaget wusogo e narlogulom ano re aiat o.
10Ye, is logon en onuam kambing a, domba ya, an nebaget wusogo odouk narlul opogulat holuk e, ierak aik ’belak erlak op a’ge holuk nagat woluk, 11odouk narlogumu o o’borl akhit o’gwe an Allah nil pam eria at wusogo pogwi holuk, is ap an nebe eiye a’ge Harun eiyagai ebano en emep ano wokho odouk narlogumu ebalema ono ologun pam ene-ologun pam wali’gogo e e’bet lo’boktak a’ge ebano petne ’berlegat herlelik pil laga lemak o 12Erleik pil lagaiam e, is onuam eiye a’ge ebano en ebe ’balogo pogwiam e, ap an nebe eiye a’ge ebano en ebe ’belak a’ge ebano emin, a’gul emin, esei emin, odouk narlogumu ebalema e narlik a’ge odouk owan, dain osokhwe eriano pamat hegitsogo nagat ererak pogu lemak o. 13Ye, is onuam eiye a’ge en olot emin, olot owi ik pam hosogo emerak poluk pogwiam e, ap an nebe eiye a’ge en ’belak a’ge ebano ’berlegat wokho odouk enasumu ebanoat peli aga lemak o. Asogo togulom ano re, an Allah nebaget odouk narluama e’ben op a’ge holuk, nagai hasu Lemak oluk, nebaget wusogo odouk narlogulom aiat o.
14Ye, is logon en sue an Allah nebaget wusogo odouk narlu opogulat holuk e, sue abiang de a, sue ’berla, an nebaget pogu lemak o. 15Pogwi holuk e, ap an nebe eiye a’ge en woluk odouk narlogumu ebano poumarik, ogorlop ano ’betesogo werak poluk, ebe e narluak oluk, emep ano e narlogumu e lo’boktak a’ge ebano petne herlil hai lasulat, 16ogumberl emin, asu emin, wokho e narlogumu abel pema akhit mo il porlu ago akhit eragam ul pei lagaimu ebano hwikhai lasulat, 17ye, sue ebe ebesik oruakhwe emeik nak po’guksogo ebesigat odouk narlogumu odouk nasumu ebayat narlik pogulat togu lemak o. Asogo togulom ano re, an Allah nebaget odouk narluama e’ben op a’ge hasulat, nagai haik ai en e, nebaget wusogo odouk narlogulom e aiat, egei o, oluk, mo’gulontomup o,” oluk, mo’gulesi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in