Yakobus 2
2
“Aphwami pema hono’borlma onobogulat, pema honolukhwema onobogulat, togu lorogup o,”
oluk mo’gulentesi wene
1Narilak norokhwi. Henede nonue ’gain Onuk Logo a’ge Yesus Kristus erliktogwi a’ge ano ebam he’berik welat, aphwami enagap o’borl o’gwe nak henil yerontoluk e, logon honolukhwema onobogulat, logon hono’borlma onobogulat, togu lorogup o. 2Henebe se’ban uogoluk odoktak oruakma, ap mesik e’gik segerlet pam emas a’ge wantagalat, osum op a’ge ’buktagalat, toluk en hene’bek ’gu agalat, ye, ap mesik a’ge erlak a’ge sum wiak a’ge ’buksogo ’gu agalat, togwi holuk e, 3his en at osum op a’ge ’buksogo ’guma a’ge ai mo’gulogulat,
“Nue. Hebe e delakma opma ya hutla suk o,” oluk mo’gulogulat, ye, at a’ge erlak a’ge ano mo’gulogulat e,
“Not. Hat eria edik wolorogun a? Noyuk pegimu o holumu yema hutlau worogun a,” oluk mo’gulogulat, togu legep holuk e, 4his henebabut modok wiak togulat e, his-his,
“At ai logo. Ye, at ai mia,” oluk he’berlogo onobogu legep ai o.
5Narilak norokhwi. Henebe nede o. An wene ik yu henesa’go hwelip o. Is aphwami ’gwiangma ena’ge erlak a’ge ai, Allah enat poligenebasulat e,
“Ena’ge a’biksogo wolom ’gela’ge, enede an nebam he’berik welemak o. Ye, is an nebe enede a’ge nak, o an en neragam enebasuam wolomma eba eiye ema oluk wene weragenebegi a’ge ai, isat eiye emak o,” oluk poligenebesi. 6Asogo poligenebesi a’geat de, his en is ena’ge erlak a’ge nak honogola mi-miarak onobogu legep ai o. Asogo a’geat de, salak en his henebe wiagaphonobogulat, pemerintah a’ge en henemdema wouwagoluk ene’bek wokhonoboluk lagalat, togwi no. Is aphwami ena’ge a’bik a’ge ai enat epegi o. 7Ye, nonue ’gain Onuk Logo a’ge onuk op lasu a’ge ano onuk ’balogo ebe eiye egep a’ge ai, is ena’ge a’bik a’ge ai enat, at onuk wiagaptogwi epegi. 8#Ima. 19:18A’ge re, his en hegitsogo togulom a’ge yu. Allah en nenesa’go weriselat wene logo re, disogo egei,
“His honu’gwarek henebe henede hwedik welegep ai ’gela’ge,
is aphwami logon henemin welegep a’ge ai henede hwedik wolomup o,”
oluk egeimu, pelal wegesa a’ge oruak ai hegitsogo togu lorogup holuk, op togu lorogup o. 9Asogo a’geat de, his en aphwami enagap o’borl o’gwe nak henil yerontoluk, logon honolukhwema onobogulat, logon hono’borlma onobogulat, togu legep ai wiagat togu legep o. At Allah en nenesa’go weregei wene ano sebelogo ukpoluk wiak togu legep oluk, wene edip ai pamat wene henebam oruak o. 10His logon wene Allah en nenesa’go weregei wene ano ’berlegat tenak welarat de, mesik nak sagalogo ukpegep holuk e,
“Wene ai ’berlegat sagalogo ukpegesa o,” oluk, demat wene henebam agama oruak o. 11#Kel. 20:13-14; Ula. 5:17-18Allah enat,
“Hwami ’babi tenentagup o,”
oluk egei. Ye, mesik e,
“Aphwami waronobogup o,”
oluk, at enat egei. Holuk e, hat mesik en, hwami ’babi tenonto erlak welarat de, aphwami enebe warenebigen holuk e, Allah iak sagalogo ukpegenat o. 12Nenebe nene’gik herle werak ’gela’ge oruakma, Allah iak ai pamat hebilogo nenebasu ai o. Wene ai pamat nenemdema wouwa o, oluk, heniak hegitsogo ogulat, hene’gik en hegitsogo togulat, togu lomup o. 13His en e, aphwami henedeabonobogup erlak holuk e, Allah en e, edeaphonobo erlakma en e, wene henebam pou wayat o. A’ge re, aphwami logon enedesogo welagai a’ge ai Allah en enemdema wasulat wene enebam pouwa erlak o.
“Ene’gik en togwi erlak welat e, enede nak Allah pam he’berik wolom mia,”
oluk mo’gulentesi wene
14Narilak norokhwi. His logon en,
“Nede Allah pam he’berik welegi o,” oluk ogularat de, he’gik pam en aphwami ado leronto erlak holuk e, hiak nak,
“Nede Allah pam he’berik welegi,” oluk ese legen ai pam mesik ema no? We, ’burlat ese legen o. Ye, hede nak asogo he’berik wolomma re, ai pam elit delhobua no? Mia o. 15Hare de a? Herei de a, Allah eiyagai a’ge mesik osum ’buktagalom a’ge emin, oso’boru nasulom a’ge emin, erlak en oruakma, 16hat en at ebe paget letho erlak welarat de, hiak pam en nak e,
“Nare o. Hebam aganhansogo hogum ningsogoat hogola en hagai hasulat lak o,” oluk ogun holuk e, mesik om no? We, ’burlat ogun o. 17Ai ’gela’ge, nis nene’gik pam en leronto erlak welat,
“Nenede Allah pam he’berik welege,” oluk, ai nak ogu lege holuk, werak ’gela’ge welat we ’burlat ogu lege o. 18Is ado en asogo ogwiam, disogo u o,
“Hat en e,
Nede Allah pam he’berik welegi ese legen ai o. Ye, an en e, ne’gik pam en lerentasu legi ai o. Holuk e, hat he’gik en leronto erlak welat,
Nede nak Allah pam he’berik welegi, oluk ese legen ai ebe ’ge. Onukniemen da. An nak e,
Nede Allah pam he’berik welegi, oluk, ne’gik pam en lerentasu legi a’ge enagat oruak ai, onukhiaigat o,” oluk mo’gulonto ai o. 19Hat mesik en e,
“At Allah ebe mesigat o,” oluk demat epasu legen ai obat a’geat de, Iblis osi enebabut wiak a’ge enemin en, ai ’gela’geat demat epasulat, ebe onogorlok en alik worogwiat o. 20Hat hebe uo ’gela’ge ese legen ai re! Allah demat oluk ai a’ge nak epasulat, he’gik pam leronto erlak holuk, we ’burlat epasu legen oluk enagat pobi tinok en wene yu mo’gulheik. 21#Kej. 22:1-14Nene’ba Abraham en u’gwarek omlogo Ishak ebe woluk lagarik e, helep ’berlasogo poluk Allah uam worogu legesa ai ’gela’ge, werigoluk tegei ai enat, at Allah en e,
“Wene hebam a’ge no’gorlogo wokhegirik togolik nemin hwedik takhebegi o,” oluk mo’gulesi epegi. 22At ede Allah pam he’berik pasulat, e’gik pam en tagalat, emin la’bulogo tegei ai. E’gik pam en tegei ai pam ede Allah pam ’garoksogo he’berik pesi oluk, hat en pobi tuat o. 23#Kej. 15:6; 2Taw. 20:7; Yes. 41:8Asogo tegei ai pam en wene disogo oluk pelal wokho pegesa a’ge ai demat aga,
“Abraham ede Allah ebam he’berik pesimu re, at Allah en e,
Hat hebabut hegitsogo tagalom ’gela’ge, hede nebam he’berik pegenma, wene hebam a’ge no’gorlogo wokhegirik togolik nemin hwedik takhebegi aiat o,”
oluk mo’gulesimu pelal wokho pegesa. Ai en e, Allah en,
“Abraham emin hwedigat welege o,” oluk egei ai o. 24Ai ’gela’ge, Allah demat oluk ai nak opoma re, Allah en e,
“Wene hebam a’ge no’gorlogo wokhegirik togolik nemin hwedik takhebegi o,” oluk mo’gulnum erlak hegi. We, asogo epasulat, nene’gik pam en eminat togwiam ai pam en nak e, asogo mo’gulesi ai hemit!
25 #
Yos. 2:1-21
Ai ’gela’ge re, hwe Rahab danian nese laga a’ge ai en, aphwami Israel a’ge en is ap enil ’gogoligisa a’ge wegesema hisagenebegeitik e, pobuk ebela mu’gwe ugwalogo lebigenebesi ai o. Asogo tagenebesi ai pam en, Allah en e,
“Wene hebam a’ge no’gorlogo wokhegirik togolik nemin hwedik takhebegi o,” oluk mo’gulesiat ai o. 26Nenebe nenarogun libagoam waraga lege ai ’gela’ge, nonogola en e,
“Allah demat,” oluk opogularat de, nene’gik pam en logon togwi erlak holuk, werak a’ge ’gela’ge welat, we ’burlat opogu lege o.
Currently Selected:
Yakobus 2: Wul
Highlight
Copy
Compare
Share
Want to have your highlights saved across all your devices? Sign up or sign in
Yakobus 2
2
“Aphwami pema hono’borlma onobogulat, pema honolukhwema onobogulat, togu lorogup o,”
oluk mo’gulentesi wene
1Narilak norokhwi. Henede nonue ’gain Onuk Logo a’ge Yesus Kristus erliktogwi a’ge ano ebam he’berik welat, aphwami enagap o’borl o’gwe nak henil yerontoluk e, logon honolukhwema onobogulat, logon hono’borlma onobogulat, togu lorogup o. 2Henebe se’ban uogoluk odoktak oruakma, ap mesik e’gik segerlet pam emas a’ge wantagalat, osum op a’ge ’buktagalat, toluk en hene’bek ’gu agalat, ye, ap mesik a’ge erlak a’ge sum wiak a’ge ’buksogo ’gu agalat, togwi holuk e, 3his en at osum op a’ge ’buksogo ’guma a’ge ai mo’gulogulat,
“Nue. Hebe e delakma opma ya hutla suk o,” oluk mo’gulogulat, ye, at a’ge erlak a’ge ano mo’gulogulat e,
“Not. Hat eria edik wolorogun a? Noyuk pegimu o holumu yema hutlau worogun a,” oluk mo’gulogulat, togu legep holuk e, 4his henebabut modok wiak togulat e, his-his,
“At ai logo. Ye, at ai mia,” oluk he’berlogo onobogu legep ai o.
5Narilak norokhwi. Henebe nede o. An wene ik yu henesa’go hwelip o. Is aphwami ’gwiangma ena’ge erlak a’ge ai, Allah enat poligenebasulat e,
“Ena’ge a’biksogo wolom ’gela’ge, enede an nebam he’berik welemak o. Ye, is an nebe enede a’ge nak, o an en neragam enebasuam wolomma eba eiye ema oluk wene weragenebegi a’ge ai, isat eiye emak o,” oluk poligenebesi. 6Asogo poligenebesi a’geat de, his en is ena’ge erlak a’ge nak honogola mi-miarak onobogu legep ai o. Asogo a’geat de, salak en his henebe wiagaphonobogulat, pemerintah a’ge en henemdema wouwagoluk ene’bek wokhonoboluk lagalat, togwi no. Is aphwami ena’ge a’bik a’ge ai enat epegi o. 7Ye, nonue ’gain Onuk Logo a’ge onuk op lasu a’ge ano onuk ’balogo ebe eiye egep a’ge ai, is ena’ge a’bik a’ge ai enat, at onuk wiagaptogwi epegi. 8#Ima. 19:18A’ge re, his en hegitsogo togulom a’ge yu. Allah en nenesa’go weriselat wene logo re, disogo egei,
“His honu’gwarek henebe henede hwedik welegep ai ’gela’ge,
is aphwami logon henemin welegep a’ge ai henede hwedik wolomup o,”
oluk egeimu, pelal wegesa a’ge oruak ai hegitsogo togu lorogup holuk, op togu lorogup o. 9Asogo a’geat de, his en aphwami enagap o’borl o’gwe nak henil yerontoluk, logon honolukhwema onobogulat, logon hono’borlma onobogulat, togu legep ai wiagat togu legep o. At Allah en nenesa’go weregei wene ano sebelogo ukpoluk wiak togu legep oluk, wene edip ai pamat wene henebam oruak o. 10His logon wene Allah en nenesa’go weregei wene ano ’berlegat tenak welarat de, mesik nak sagalogo ukpegep holuk e,
“Wene ai ’berlegat sagalogo ukpegesa o,” oluk, demat wene henebam agama oruak o. 11#Kel. 20:13-14; Ula. 5:17-18Allah enat,
“Hwami ’babi tenentagup o,”
oluk egei. Ye, mesik e,
“Aphwami waronobogup o,”
oluk, at enat egei. Holuk e, hat mesik en, hwami ’babi tenonto erlak welarat de, aphwami enebe warenebigen holuk e, Allah iak sagalogo ukpegenat o. 12Nenebe nene’gik herle werak ’gela’ge oruakma, Allah iak ai pamat hebilogo nenebasu ai o. Wene ai pamat nenemdema wouwa o, oluk, heniak hegitsogo ogulat, hene’gik en hegitsogo togulat, togu lomup o. 13His en e, aphwami henedeabonobogup erlak holuk e, Allah en e, edeaphonobo erlakma en e, wene henebam pou wayat o. A’ge re, aphwami logon enedesogo welagai a’ge ai Allah en enemdema wasulat wene enebam pouwa erlak o.
“Ene’gik en togwi erlak welat e, enede nak Allah pam he’berik wolom mia,”
oluk mo’gulentesi wene
14Narilak norokhwi. His logon en,
“Nede Allah pam he’berik welegi o,” oluk ogularat de, he’gik pam en aphwami ado leronto erlak holuk e, hiak nak,
“Nede Allah pam he’berik welegi,” oluk ese legen ai pam mesik ema no? We, ’burlat ese legen o. Ye, hede nak asogo he’berik wolomma re, ai pam elit delhobua no? Mia o. 15Hare de a? Herei de a, Allah eiyagai a’ge mesik osum ’buktagalom a’ge emin, oso’boru nasulom a’ge emin, erlak en oruakma, 16hat en at ebe paget letho erlak welarat de, hiak pam en nak e,
“Nare o. Hebam aganhansogo hogum ningsogoat hogola en hagai hasulat lak o,” oluk ogun holuk e, mesik om no? We, ’burlat ogun o. 17Ai ’gela’ge, nis nene’gik pam en leronto erlak welat,
“Nenede Allah pam he’berik welege,” oluk, ai nak ogu lege holuk, werak ’gela’ge welat we ’burlat ogu lege o. 18Is ado en asogo ogwiam, disogo u o,
“Hat en e,
Nede Allah pam he’berik welegi ese legen ai o. Ye, an en e, ne’gik pam en lerentasu legi ai o. Holuk e, hat he’gik en leronto erlak welat,
Nede nak Allah pam he’berik welegi, oluk ese legen ai ebe ’ge. Onukniemen da. An nak e,
Nede Allah pam he’berik welegi, oluk, ne’gik pam en lerentasu legi a’ge enagat oruak ai, onukhiaigat o,” oluk mo’gulonto ai o. 19Hat mesik en e,
“At Allah ebe mesigat o,” oluk demat epasu legen ai obat a’geat de, Iblis osi enebabut wiak a’ge enemin en, ai ’gela’geat demat epasulat, ebe onogorlok en alik worogwiat o. 20Hat hebe uo ’gela’ge ese legen ai re! Allah demat oluk ai a’ge nak epasulat, he’gik pam leronto erlak holuk, we ’burlat epasu legen oluk enagat pobi tinok en wene yu mo’gulheik. 21#Kej. 22:1-14Nene’ba Abraham en u’gwarek omlogo Ishak ebe woluk lagarik e, helep ’berlasogo poluk Allah uam worogu legesa ai ’gela’ge, werigoluk tegei ai enat, at Allah en e,
“Wene hebam a’ge no’gorlogo wokhegirik togolik nemin hwedik takhebegi o,” oluk mo’gulesi epegi. 22At ede Allah pam he’berik pasulat, e’gik pam en tagalat, emin la’bulogo tegei ai. E’gik pam en tegei ai pam ede Allah pam ’garoksogo he’berik pesi oluk, hat en pobi tuat o. 23#Kej. 15:6; 2Taw. 20:7; Yes. 41:8Asogo tegei ai pam en wene disogo oluk pelal wokho pegesa a’ge ai demat aga,
“Abraham ede Allah ebam he’berik pesimu re, at Allah en e,
Hat hebabut hegitsogo tagalom ’gela’ge, hede nebam he’berik pegenma, wene hebam a’ge no’gorlogo wokhegirik togolik nemin hwedik takhebegi aiat o,”
oluk mo’gulesimu pelal wokho pegesa. Ai en e, Allah en,
“Abraham emin hwedigat welege o,” oluk egei ai o. 24Ai ’gela’ge, Allah demat oluk ai nak opoma re, Allah en e,
“Wene hebam a’ge no’gorlogo wokhegirik togolik nemin hwedik takhebegi o,” oluk mo’gulnum erlak hegi. We, asogo epasulat, nene’gik pam en eminat togwiam ai pam en nak e, asogo mo’gulesi ai hemit!
25 #
Yos. 2:1-21
Ai ’gela’ge re, hwe Rahab danian nese laga a’ge ai en, aphwami Israel a’ge en is ap enil ’gogoligisa a’ge wegesema hisagenebegeitik e, pobuk ebela mu’gwe ugwalogo lebigenebesi ai o. Asogo tagenebesi ai pam en, Allah en e,
“Wene hebam a’ge no’gorlogo wokhegirik togolik nemin hwedik takhebegi o,” oluk mo’gulesiat ai o. 26Nenebe nenarogun libagoam waraga lege ai ’gela’ge, nonogola en e,
“Allah demat,” oluk opogularat de, nene’gik pam en logon togwi erlak holuk, werak a’ge ’gela’ge welat, we ’burlat opogu lege o.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in