Hosea 13
13
Allah en o ologun pam wene enebam pouwa wene
1Nadugat e, aphwami Efraim a’ge hau wusogo mo’gulontogu legesa ai en, is en e,
“Disogo tip, asogo tip,” oluk ogwiam, aphwami ena’gul onuk Israel a’ge logon en e, onogorlok welegesa a’geat de, is aphwami Efraim a’ge en e, Allah iak sagalogo dogwi asua Baal a’ge erliktogulat wiak tigisa ai en enebe modok waregesa ani o. 2O yogodak ogo re, aphwami Efraim a’ge en e, Allah iak sagalogo wiak togwi modogat oruak o. Is en e, dogwi asua aphwami onogola en ’gagalogo perak a’ge ogut heli’gogwi ai a’ge erliktogu lomogoluk ene’gik en ogut heli’gogo dogwi worogwi ai ’gela’ge werik poluk, erliktogulat e, disogo ogwi,
“Wam, di a’ge yu a’ge dogwi asua yema paget wusogo narloum ani o,” oluk ogwiam, aphwami en e, asua wam, sapi emalik ’gela’ge ogut hele’gik a’ge hau emde motok woru ai mia a’ge togwi ai o.
3Is asogo togwi ai en e, enebe pobuk o hena emin, lile’gen emin, o huberat wolomtik en erlak ago ai ’gela’ge, gandum e’gen sagalogumu ollong a’ge sogwei en punsogo woluk lasu ’gela’ge emin, hobu o dum o’gwe ligotluk erlak ago ai ’gela’ge emin, enebe modok erlak ema ani o.
4Nenaik ’gain Onuk Logo a’ge en e, disogo egei,
“His henebe o Mesir en wokhonoboluk liplau wegi a’ge henaik ’gain Nonuk Logo a’ge re, anat o. An henaik Allah henebe delhenebiso a’ge ’gela’ge mu a’ge mesik modok erlak o. 5#Ula. 8:11-17O leimu ’gwiang a’bosu erlak modok loloktakma eba tenhentarok welegi a’ge anat o. 6Asogo a’geat de, his henebe o opma ’gu egeptik welat, di a’ge yu a’ge honogum ningsogo no’gulat e, erlikhorlogulat, an nebe memerak nebegep ai o. 7Asogo memerak nobogu legep ai en, an nebe singa en aromsogo wokhonobu ’gela’ge wiagap henebasulat, 'baik ’gela’ge lok a’ge onuk macan tutul ai a’ge ebela esa’goma pangsogo ’gagalak welat ilen wogenebiso ai ’gela’ge, nilen wokhenebiselat, taga legi o. 8An en e, beruang emalik nelakpoluk ia en tago ’gela’ge takhenebasulat, henebe lebil-dorluksogo wathenebiselat, singa en aromhegeik wogenebiso ai ’gela’ge, his welegepma eba oruakma aroromsogo wokhenebiselat, an nebe mene orlomene ’gela’ge otluk, henebe lebil-dorluksogo wathenebiselat, tik o.
9His aphwami Israel a’ge yu. An en his henebe perlengsogo wathenebik o. Asogo wathenebikmu, sa en elit delhonobua no? 10#1Sam. 8:5,6His en e, Nonue ’gain onuk logo a’ge emin, nonuelak ’gaindek emin, akhen is ’berlegat enebe ’geba oruak? Is en his elit delhonobu no? 11#1Sam. 10:17-24; 1Sam. 15:26Asogo ’gonu mo’gulnigepma, nolot het pamat de, honuelak ’gain wokhentegistik e, pobuk nolot het modok welarat de, togolik wogenebil wegi ai o,” oluk mo’gulentesi.
12Asogo mo’gulentesirik mesik disogo egei,
“Aphwami Efraim a’ge wiak togwi a’ge ai, an modok pobi tegistik, di a’ge yu a’ge herle hetsogo poluk welagai ai ’gela’ge, pelal wogo a’ge tenakho modok welegi o. 13Hwami enemalik dagonobuogoluk nonouk togwiam malik arat dagagai a’geat de, is aphwami Efraim a’ge enelaluk op omma elit oruak a’geat de, enebe uo ’gela’ge, ai paget onogola eberu erlakma en oruak o. Is e, malik dagagai ai ’gela’ge enebe dagom a’geat de, enebe ’get dagom enebit welagai ai o. 14#1Kor. 15:55Is ai ’gwiangma aphwami enebe waragai a’ge ai en anni pam tenentarok oruakma, enebe warotluk lagaimu en an en delenebik no? Modok erlak o. Aphwami mo’gulonto ’gela’ge, waragai a’ge edip mo’guleselat,
Waragai a’ge edip yu, obotut modok wiak a’ge enebam pasu legen a’ge ano ’geba oruak? Enebam pei suk o.
Aphwami warotluk lagaimu yu. Enebe modok erlagap enebasu legen a’ge ano ’geba oruak? Enebe waremak oluk erlagap enebi suk o, oluk an en aphwami ena’gul onuk yu a’ge pobuk nedeap enebik modok erlak o. 15Aphwami Israel a’ge enebe ’gwiang moli opma e’gela moli op modok welago ai ’gela’ge, op modok oruak a’geat de, an en yasobu aganhan a’bik a’ge o leimu o mo liplau wago hegit en enebam perakpou weik o. Asogo enebam perakpou omma, ik elaruk ’berlegat deng eselat, ik omugwe pelak o’gwe deng eselat, tisoam, di a’ge yu a’ge o’go modok a’bik a’ge is logon en ’berlegat pagathorlouwa o,” oluk egei.
Currently Selected:
Hosea 13: Wul
Highlight
Copy
Compare
Share
Want to have your highlights saved across all your devices? Sign up or sign in
