Galatia 3
3
Nenede Allah ebam he’berik pogwiam e, wene nenebam a’ge no’gorlogo wokholuk pobuk togolik at emin hwedik taknenebasu wene
1His aphwami o Galatia a’ge henede erlak togu legep ai re! At Yesus Kristus ebe e pam edikpoluk werigisa wene ano henil pamat se’geksogo mo’gulhentige a’geat de, wene pobuk sa en henede ’gagalegeimu asogo togu legep. 2Wene Allah en nenesa’go weregei wene ano hegitsogo togu legep ano pam Allah Arogun wokhentesi a? At e, nis en op wene mo’gulhentigema hweligeptik e,
“Demat o,” oluk henede Kristus ebam he’berigep ano pam wokhentesi a. Wene mesigat ai nak mo’gulnemis da. 3Yabuk naduk tenak pogwi ’gela’ge, Allah Arogun pam tenak pegep a’geat de, yogodak ya henede modok erlak agarik honu’gwarek henanni pam ’garoksogo togu lorogup no? Mia o. 4Allah en ’berlegat asogo takhenebasukhwe hegep a’ge ai, we ’burlat almarom no? Mia o. 5Holuk e, no’gosogo ul. His en wene Allah en nenesa’go weregei wene ano hegitsogo togu legep pam, at Arogun loksogo wokhentasulat, elalin tu puk a’ge takhenebasulat, tago no a? At e, nis en op wene mo’gulhentigema hweligeptik, demat oluk, henede Kristus ebam he’berik pegep ai pam wokhentasu no a.
6 #
Kej. 15:6; Rom. 4:3 Wene ai ’gela’ge, at Abraham ede Allah pam he’berik pesimu re, at Allah en e,
“Hat hebabut hegitsogo tagalom ’gela’ge,
hede nebam he’berik pegenma,
wene hebam a’ge no’gorlogo wokhegirik nemin togolik hwedik takhebegi aiat o,”
oluk mo’gulesi. 7#Rom. 4:16Ai enat, his honogola en e, Abraham eiyagai demat a’ge re, is aphwami enede Allah pam he’berik poluk welagai a’ge aiat o, oluk, pobitu o. 8#Kej. 12:3Nadugat wene ebe asogo owan om erlak oruakhwe, is aphwami o’borl o’gwe a’ge enede Allah ebam he’berik pogwiam, at en e,
“Wene henebam a’ge no’gorlogo wokholuk pobuk nemin togolik hwedik takhenebaik o,” oluk, wene op wene owan mo’gulonto erlak welat, Abraham naduk wene obok disogo oluk mo’gulesi,
“Di aphwami yu aphwami ’berlegat an en obabenebik ai, edip harat o,”
oluk egeimu, pelal wokho pegesa. 9Abraham ede Allah ebam he’berik pesimu, at en obap pesi ’gela’ge, is aphwami logon enede Allah ebam he’berik pogwi a’ge emin hegitsogoat obabenebisoat o. 10#Ula. 27:26Ye, Allah en disogo egeimu pelal wokho pegesa,
“Wene an en enesa’go weregismu pelal wogo oruak a’ge ai ’berlegat aphwami enesa’go holuarik e,
hegitsogo togwi erlak holuk, enebe lo’bok heman enebaik a’ge oruak o,”
oluk egeimu, pelal wokho pegesa ’gela’ge, is aphwami logon en wene Allah en nenesa’go weregei a’ge ano hegitsogo tuogoluk, enede ai pam he’berik poluk welagai a’ge, Allah en heman onobouwa a’ge oruagat o. 11#Hab. 2:4Allah en e,
“Henede an nebam he’berik wolorogup ai pam,
an en wene henebam a’ge no’gorlogo wokholuk pobuk emin togolik hwedik takhenebaikmu henelaluk modok wolorogup ani o,”
oluk, egeimu pelal wokho pegesa ai en, wene Allah en nenesa’go weregei a’ge ai pam nis ’berlegat wene nenebam a’ge no’gorlogo wokholuk pobuk emin hwedik taknonobo erlagat o, oluk, enagat aga. 12#Ima. 18:5Aphwami en, wene Allah en nenesa’go weregei wene ano tenak welagai ai, edip paget e, pelal disogo wogo oruak,
“Wene ai hwelak welat, hegitsogo togu lorogup a’ge henebe lo’bok,
wene ai pam henelaluk modok wolorogup o,”
oluk egeimu, pelal wokho pegesa ai o. Ai en e, enede Allah pam he’berik pogwi ai, muat o.
13 #
Ula. 21:23
Allah iak pam pelal wokho pogulat e, disogo egesa,
“Enebe e pam edigonoboluk waronobumu, is enebe warema a’ge ai,
Allah en heman onobouwa a’ge oruak o,”
oluk, pelal wokho pegesa ’gela’geat, wene Allah en nenesa’go weregei wene ai pam e, heman nonobo hegitsogoat oruakma, at Kristus en nono’go ’balogo delnenebigoluk wene nis nenebam a’ge no’gorlogo at ebam pagathwerlesi ai o. 14At Allah en e, Abraham obap pesi ai ’gela’ge, di aphwami yu aphwami ’berlegat Kristus Yesus emin hwedik takpogwiam obabonobuagoluk, Yesus waraga ai o. At asogo waraga ano pam en, Allah Arogun wokhentaigoluk obok naduk mo’gulnentesi ano, nenede at ebam he’berik pogwiam woknentasu ai o.
Allah en Abraham naduk obok mo’gulesirik nenesa’go weregei wene
15Narilak norokhwi. Nis aphwami togu lege a’ge mesik ebam elitsogo mo’gulhentaik. Aphwami enebe ’biren en,
“Disogo tuok o,” oluk ho’buk ’balogo ogwi holuk, is logon en eniak mennogulat, wene mu a’ge de, logon ebam lo’bok tugulat, togwi modok erlak o. 16#Kej. 12:7Wene ai ’gela’ge re, at Allah en Abraham mo’guleselat e,
“Hat disogo wokheselat, ye, an en hat en dogo’gwe a’ge mesik disogo wogeselat, tik o,”
oluk, obok mo’gulesi ai o. Enebe a’bigat enebaget u ’gela’ge re,
“Hat en dogo’gwe a’ge logon disogo wogentaik o,” oluk, u erlak. We, ap ebe mesigat a’ge paget,
“Hat en dogo’gwe a’ge mesik disogo wogeik o,” oluk, obok mo’gulesi ai ebe re, Kristus paget egei yo. 17#Kel. 12:40Wene ai disogo paget egi. Allah en e,
“Disogo wokheik o,” oluk, obok ’garoksogo egeitik, 430 tahun welagarik en, wene pobuk nenesa’go weregei ano pam, wene naduk a’ge ai sagalogo ukpo erlak o.
18 #
Rom. 4:14
“Disogo wokheik o,” oluk, Abraham obok naduk mo’gulesi a’ge ai, at en wene Allah en nenesa’go weregei a’ge ano hegitsogo taga lagama wogetlipmu re, obok mo’gulesi a’ge ano, we o’go erlagat wogesi oluk elip erlak. A’ge re, Allah ebabut op en Abraham obok mo’gulesi ai enat, ebe we o’go erlagat wogesi ai o.
19Holuk e, wene Allah en nenesa’go weregei ai nopaget. Ai re, nis aphwami wiagat togulat welege a’ge ai ’baguagoluk, pobuk nenesa’go weregei ai o. A’ge re, wene ai Abraham en dogo’gwe a’ge mesik wogeigoluk, obok mo’gulesi ano, ebe owan dagom erlak oruakhwe lodu paget wene nenesa’go weregei wene ano, malaikat en Musa mo’gulosoam at ebe ’burl heirakma welat, aphwami mo’gulontouwagoluk e, malaikat yo’go onoboluk peragonobou waga ai o. 20Aphwami ’biren me’gisogo hwerli werak oruakma re, ap mesik ’burl heisogo wolomat o. Asogo a’geat de, at Allah u’gwarek en wene obok mo’gulnentasu ai en e, at en wene o’go erlak a’ge opno’go nagat mo’gulnentasu ai o.
“Nopaget wene Allah en nenesa’go weregei,”
oluk mo’gulentesi wene
21Holuk e, wene Allah en Abraham ebam,
“Wokheik o,” oluk, obok mo’gulesirik en, pobuk nenesa’go weregei ai re, aphwami logon enemin orlumamit togwi ’gela’ge ema u no? Modok erlak o. Wene nenesa’go weregei wene ano pam nenelalugapnenebiogoluk woknentelepma re, wene ai pamat wene nenebam a’ge no’gorlogo wokholuk, Allah emin pobuk togolik hwedik taknenebelep ai o. 22Allah iak pam pelal wokho pogulat e,
“Aphwami henebe ’berlegat wiak togu legep a’ge ai pam, hene’gik herle werak ’gela’ge welegep o,” oluk, mo’gulnentesi ai, nis nenede Yesus Kristus pam he’berik poma, Allah en obok egei a’ge ano re, nis nenede at ebam he’berik pul a’ge woknentaigoluk egei ai o.
23Nenede Kristus ebam he’berik po hegit lailo erlak oruakhwe, pobuk wene ano selakma pouwa ai hegitsogo nenede at ebam he’berik pou wagoluk, aphwami herle wusogo tenentarok welagai ’gela’ge, wene nenesa’go weregei a’ge ano en herle wusogo tennentarok welaga. 24Nis nenede Yesus ebam he’berik pogwiam, wene nenebam a’ge no’gorlogo wokholuk, Allah emin pobuk togolik hwedik taknenebaiogoluk e, Kristus owan dagom erlak oruakhwe, wene nenesa’go weregei a’ge ano en tennentarok welemagoluk egei ai o. 25Ai en, yogodak nenede Yesus ebam he’berik po a’ge arat hegit lau wagarikmu no oluk e, wene nenesa’go weregei a’ge ai en pobuk tennentarok oruak erlak o.
26His henede Kristus Yesus ebam he’berik welegep ai en henebe ’berlegat e, Allah eiyagai welegep ai o. 27Ye, Kristus emin hwedik takpouwogoluk ik olomu ’bigep a’ge henebe ’berlegat, sum ’buktogwi ’gela’ge Kristus ebabut wegep ai o. 28Wik-wok, pobuk en e, his ’berlek e, Kristus Yesus emin hwedik welat henebe mesigat a’ge ’gela’ge welegep ai en e, his nin pema Yahudi a’ge, nin pema Yunani a’ge ogulat, nin pema eneragam a’ge, nin pema enematekma a’ge ogulat, ye, nin pema re, hwami, nin pema ap ogulat, ogulom puk o. 29#Rom. 4:13His henebe Kristus a’ge holuk e, henebe Abraham en dogo’gwe a’ge welegep o. Holuk, Allah en Abraham obok mo’gulesi a’ge ano, his wokhonto re, hegirat o.
Currently Selected:
Galatia 3: Wul
Highlight
Copy
Compare
Share
Want to have your highlights saved across all your devices? Sign up or sign in
Galatia 3
3
Nenede Allah ebam he’berik pogwiam e, wene nenebam a’ge no’gorlogo wokholuk pobuk togolik at emin hwedik taknenebasu wene
1His aphwami o Galatia a’ge henede erlak togu legep ai re! At Yesus Kristus ebe e pam edikpoluk werigisa wene ano henil pamat se’geksogo mo’gulhentige a’geat de, wene pobuk sa en henede ’gagalegeimu asogo togu legep. 2Wene Allah en nenesa’go weregei wene ano hegitsogo togu legep ano pam Allah Arogun wokhentesi a? At e, nis en op wene mo’gulhentigema hweligeptik e,
“Demat o,” oluk henede Kristus ebam he’berigep ano pam wokhentesi a. Wene mesigat ai nak mo’gulnemis da. 3Yabuk naduk tenak pogwi ’gela’ge, Allah Arogun pam tenak pegep a’geat de, yogodak ya henede modok erlak agarik honu’gwarek henanni pam ’garoksogo togu lorogup no? Mia o. 4Allah en ’berlegat asogo takhenebasukhwe hegep a’ge ai, we ’burlat almarom no? Mia o. 5Holuk e, no’gosogo ul. His en wene Allah en nenesa’go weregei wene ano hegitsogo togu legep pam, at Arogun loksogo wokhentasulat, elalin tu puk a’ge takhenebasulat, tago no a? At e, nis en op wene mo’gulhentigema hweligeptik, demat oluk, henede Kristus ebam he’berik pegep ai pam wokhentasu no a.
6 #
Kej. 15:6; Rom. 4:3 Wene ai ’gela’ge, at Abraham ede Allah pam he’berik pesimu re, at Allah en e,
“Hat hebabut hegitsogo tagalom ’gela’ge,
hede nebam he’berik pegenma,
wene hebam a’ge no’gorlogo wokhegirik nemin togolik hwedik takhebegi aiat o,”
oluk mo’gulesi. 7#Rom. 4:16Ai enat, his honogola en e, Abraham eiyagai demat a’ge re, is aphwami enede Allah pam he’berik poluk welagai a’ge aiat o, oluk, pobitu o. 8#Kej. 12:3Nadugat wene ebe asogo owan om erlak oruakhwe, is aphwami o’borl o’gwe a’ge enede Allah ebam he’berik pogwiam, at en e,
“Wene henebam a’ge no’gorlogo wokholuk pobuk nemin togolik hwedik takhenebaik o,” oluk, wene op wene owan mo’gulonto erlak welat, Abraham naduk wene obok disogo oluk mo’gulesi,
“Di aphwami yu aphwami ’berlegat an en obabenebik ai, edip harat o,”
oluk egeimu, pelal wokho pegesa. 9Abraham ede Allah ebam he’berik pesimu, at en obap pesi ’gela’ge, is aphwami logon enede Allah ebam he’berik pogwi a’ge emin hegitsogoat obabenebisoat o. 10#Ula. 27:26Ye, Allah en disogo egeimu pelal wokho pegesa,
“Wene an en enesa’go weregismu pelal wogo oruak a’ge ai ’berlegat aphwami enesa’go holuarik e,
hegitsogo togwi erlak holuk, enebe lo’bok heman enebaik a’ge oruak o,”
oluk egeimu, pelal wokho pegesa ’gela’ge, is aphwami logon en wene Allah en nenesa’go weregei a’ge ano hegitsogo tuogoluk, enede ai pam he’berik poluk welagai a’ge, Allah en heman onobouwa a’ge oruagat o. 11#Hab. 2:4Allah en e,
“Henede an nebam he’berik wolorogup ai pam,
an en wene henebam a’ge no’gorlogo wokholuk pobuk emin togolik hwedik takhenebaikmu henelaluk modok wolorogup ani o,”
oluk, egeimu pelal wokho pegesa ai en, wene Allah en nenesa’go weregei a’ge ai pam nis ’berlegat wene nenebam a’ge no’gorlogo wokholuk pobuk emin hwedik taknonobo erlagat o, oluk, enagat aga. 12#Ima. 18:5Aphwami en, wene Allah en nenesa’go weregei wene ano tenak welagai ai, edip paget e, pelal disogo wogo oruak,
“Wene ai hwelak welat, hegitsogo togu lorogup a’ge henebe lo’bok,
wene ai pam henelaluk modok wolorogup o,”
oluk egeimu, pelal wokho pegesa ai o. Ai en e, enede Allah pam he’berik pogwi ai, muat o.
13 #
Ula. 21:23
Allah iak pam pelal wokho pogulat e, disogo egesa,
“Enebe e pam edigonoboluk waronobumu, is enebe warema a’ge ai,
Allah en heman onobouwa a’ge oruak o,”
oluk, pelal wokho pegesa ’gela’geat, wene Allah en nenesa’go weregei wene ai pam e, heman nonobo hegitsogoat oruakma, at Kristus en nono’go ’balogo delnenebigoluk wene nis nenebam a’ge no’gorlogo at ebam pagathwerlesi ai o. 14At Allah en e, Abraham obap pesi ai ’gela’ge, di aphwami yu aphwami ’berlegat Kristus Yesus emin hwedik takpogwiam obabonobuagoluk, Yesus waraga ai o. At asogo waraga ano pam en, Allah Arogun wokhentaigoluk obok naduk mo’gulnentesi ano, nenede at ebam he’berik pogwiam woknentasu ai o.
Allah en Abraham naduk obok mo’gulesirik nenesa’go weregei wene
15Narilak norokhwi. Nis aphwami togu lege a’ge mesik ebam elitsogo mo’gulhentaik. Aphwami enebe ’biren en,
“Disogo tuok o,” oluk ho’buk ’balogo ogwi holuk, is logon en eniak mennogulat, wene mu a’ge de, logon ebam lo’bok tugulat, togwi modok erlak o. 16#Kej. 12:7Wene ai ’gela’ge re, at Allah en Abraham mo’guleselat e,
“Hat disogo wokheselat, ye, an en hat en dogo’gwe a’ge mesik disogo wogeselat, tik o,”
oluk, obok mo’gulesi ai o. Enebe a’bigat enebaget u ’gela’ge re,
“Hat en dogo’gwe a’ge logon disogo wogentaik o,” oluk, u erlak. We, ap ebe mesigat a’ge paget,
“Hat en dogo’gwe a’ge mesik disogo wogeik o,” oluk, obok mo’gulesi ai ebe re, Kristus paget egei yo. 17#Kel. 12:40Wene ai disogo paget egi. Allah en e,
“Disogo wokheik o,” oluk, obok ’garoksogo egeitik, 430 tahun welagarik en, wene pobuk nenesa’go weregei ano pam, wene naduk a’ge ai sagalogo ukpo erlak o.
18 #
Rom. 4:14
“Disogo wokheik o,” oluk, Abraham obok naduk mo’gulesi a’ge ai, at en wene Allah en nenesa’go weregei a’ge ano hegitsogo taga lagama wogetlipmu re, obok mo’gulesi a’ge ano, we o’go erlagat wogesi oluk elip erlak. A’ge re, Allah ebabut op en Abraham obok mo’gulesi ai enat, ebe we o’go erlagat wogesi ai o.
19Holuk e, wene Allah en nenesa’go weregei ai nopaget. Ai re, nis aphwami wiagat togulat welege a’ge ai ’baguagoluk, pobuk nenesa’go weregei ai o. A’ge re, wene ai Abraham en dogo’gwe a’ge mesik wogeigoluk, obok mo’gulesi ano, ebe owan dagom erlak oruakhwe lodu paget wene nenesa’go weregei wene ano, malaikat en Musa mo’gulosoam at ebe ’burl heirakma welat, aphwami mo’gulontouwagoluk e, malaikat yo’go onoboluk peragonobou waga ai o. 20Aphwami ’biren me’gisogo hwerli werak oruakma re, ap mesik ’burl heisogo wolomat o. Asogo a’geat de, at Allah u’gwarek en wene obok mo’gulnentasu ai en e, at en wene o’go erlak a’ge opno’go nagat mo’gulnentasu ai o.
“Nopaget wene Allah en nenesa’go weregei,”
oluk mo’gulentesi wene
21Holuk e, wene Allah en Abraham ebam,
“Wokheik o,” oluk, obok mo’gulesirik en, pobuk nenesa’go weregei ai re, aphwami logon enemin orlumamit togwi ’gela’ge ema u no? Modok erlak o. Wene nenesa’go weregei wene ano pam nenelalugapnenebiogoluk woknentelepma re, wene ai pamat wene nenebam a’ge no’gorlogo wokholuk, Allah emin pobuk togolik hwedik taknenebelep ai o. 22Allah iak pam pelal wokho pogulat e,
“Aphwami henebe ’berlegat wiak togu legep a’ge ai pam, hene’gik herle werak ’gela’ge welegep o,” oluk, mo’gulnentesi ai, nis nenede Yesus Kristus pam he’berik poma, Allah en obok egei a’ge ano re, nis nenede at ebam he’berik pul a’ge woknentaigoluk egei ai o.
23Nenede Kristus ebam he’berik po hegit lailo erlak oruakhwe, pobuk wene ano selakma pouwa ai hegitsogo nenede at ebam he’berik pou wagoluk, aphwami herle wusogo tenentarok welagai ’gela’ge, wene nenesa’go weregei a’ge ano en herle wusogo tennentarok welaga. 24Nis nenede Yesus ebam he’berik pogwiam, wene nenebam a’ge no’gorlogo wokholuk, Allah emin pobuk togolik hwedik taknenebaiogoluk e, Kristus owan dagom erlak oruakhwe, wene nenesa’go weregei a’ge ano en tennentarok welemagoluk egei ai o. 25Ai en, yogodak nenede Yesus ebam he’berik po a’ge arat hegit lau wagarikmu no oluk e, wene nenesa’go weregei a’ge ai en pobuk tennentarok oruak erlak o.
26His henede Kristus Yesus ebam he’berik welegep ai en henebe ’berlegat e, Allah eiyagai welegep ai o. 27Ye, Kristus emin hwedik takpouwogoluk ik olomu ’bigep a’ge henebe ’berlegat, sum ’buktogwi ’gela’ge Kristus ebabut wegep ai o. 28Wik-wok, pobuk en e, his ’berlek e, Kristus Yesus emin hwedik welat henebe mesigat a’ge ’gela’ge welegep ai en e, his nin pema Yahudi a’ge, nin pema Yunani a’ge ogulat, nin pema eneragam a’ge, nin pema enematekma a’ge ogulat, ye, nin pema re, hwami, nin pema ap ogulat, ogulom puk o. 29#Rom. 4:13His henebe Kristus a’ge holuk e, henebe Abraham en dogo’gwe a’ge welegep o. Holuk, Allah en Abraham obok mo’gulesi a’ge ano, his wokhonto re, hegirat o.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in