Yehezkiel 15
15
Anggur owi pam walhegeik mo’gulentesi wene
1At Allah ’gain onuk logo a’ge en wene mesik an mo’gulneselat,
2“Aphwami en dogo a’ge yu o, di agan yu agan e’gelama oruak a’ge emin, e anggur emin, walhogulat, e anggur op modok a’ge re, ’ge o? 3E anggur ai pam en di a’ge yu a’ge hele’guogoluk wogulat, di a’ge yu a’ge sepnogwi a’ge heli’gogo pouwogoluk wogulat, togwi a? erlak a, 4Ye, e anggur ai, odouk nouwagoluk, odouk narlik pogwiam e, ologun-ologun odouk arat nil-nil ’burl nak hesilogo ukpasu ai pam en di a’ge yu a’ge tu a’ge mesik oruak a? erlak a, 5E, ai odouk narlik erlak op oruakhwe di a’ge yu a’ge togwi erlagatma re, odouk en nasulat, hesilogo pasu ano pam mesik arat togwi erlagat welago yo, oluk, egei.
6Asogoatma re, At otok modok welago a’ge Allah en eselat, di agan yu agan e’gerlakma e anggur odouk narlogulom a’ge paget nak takpoluk pegi ’gelage, is aphwami o Yerusalem welagai a’ge ebano asogoat tagenebaik o. 7Nebit en is tagenebasulat nak tagalom a’ge eberegis o. Is odouk mesik mugelak ma en ’bogulogo lebegesa a’ge at de, odouk mesik en e, enebeat nil lasu lema o. Nebit en is tagenebasulat, nak tago holuk, hat en An Allah at haluk orogun ani o. 8Is en e, an opsogo muknoboluk wagai erlakma re, o eba di iak erlak, yu iak erlak welemagoluktak paik o, oluk, ’gain nonuk logo a’ge An notok modok welago a’ge Allah enat egi o,” oluk, an mo’gulnesi o.
Currently Selected:
Yehezkiel 15: Wul
Highlight
Copy
Compare
Share
Want to have your highlights saved across all your devices? Sign up or sign in
