Daniel 10
10
At Daniel en ik Tigris esa’goma en abi’gela’ge pam hesi wene
1At ap Koresh aphwami Persia a’ge onue ’gain agarik, wene mo’gulentasukhwe, tahun ’biren takpoluk, mesik ago ano pam at Daniel onuk mesik Beltsazar tuelak a’ge ano at Allah en at tu a’ge mesik abi’gela’ge pam mo’gulesi. Wene ai, demat mo’gulesi a’geat de, modok e’gin nak en e, at Daniel en, No’gosogo de hegi? oluk, ede ebetil lasumu re, edip disogo oluk hegen o, oluk, abi pam mo’gulesi ano re, yuat o.
2Nabi hesirik, o ai erlige an Daniel ’bela’gwi sum a’ge ’buktak poluk, nede perik oruakhwe se’ban henagan tigis o. 3Asogo tagalat, so’boru oduk opsogo worogo a’ge logon nasulat, wam einnyo sogo a’ge emin, anggur a’bosu emin, nemdema en mesik gwelabiselat nagap pam mesik nak ogo mesik wantagalat, tu erlak a’ge nak oruakma, en se’ban henagan tigis o.
4Asogo tegistik, dugwi naduk pelelak a’ge tanggal 24 tahun ai a’ge pam an ik lok Tigris esa’goma edik welat, 5#Wah. 1:13-15; 2:18; 19:12nodogun lek hegirik, ap mesik osum modok ’gut lenan iltak a’ge sakhorak a’ge ’buktak e’bagaluk e, il op emas ebe a’ge pam ’buktak poluk oruakhwe hegi o. 6At ebe ai re, helep e’gen amolit deleng-deleng oso ai ’gela’ge tagalat, orogole re, o obinal yebekhasu ai ’gela’ge tagalat, il ai re, esaga heberlak ai ’gela’ge tagalat, e’gik oyuk ai re, tembaga narlogwiam amolit deleng oso ai ’gela’ge tagalat, ye iak oso re, aphwami a’bigat eniak ogwi ’gela’ge eselat, tisoma hegi o.
7Nabi’gela’ge pam hegi ano re, an Daniel nematek enat hegi o. Is ap an nemin eria welagai a’ge ebano ene enil ho erlak a’geat de, nematek ennak nil hasukhwe, is a’bi’gat onogorlok en onuak erlik bo pil lagalom a’ge nak enebam agoam e, hisak etil legesa. 8Hisak etil legesema, nematek nak eria welat, nabi’gela’ge pam elalin tu puk a’ge hasumu re, narogun porluksogo lasulat, nanni erlagapsogo nebasulat, nagap nannisogo nede ha’buktak wolom a’ge erlagapsogo nebasulat tagokhwe nebe modok nanni erlagapsogo nebesi o. 9Arat nanni erlagapsogo nebesimu eria oruakma at iak oso a’ge nesa’go hwelegis. At iak oso a’ge ai, opsogo nesa’go hwelak oruakma, nilporluk ’goluksogo norogole sogup ’gwiangma ’bou tegis o. 10Asogo ’bou tegistik oruakma, at mesik en e’gik tenak nebasu en, “Eiga,” oluk nogorlok niak mo’gulosoam e, ’e’gik tenak nebesirik ne’gik noyuk ’gwiangma yo’go noboluk,
11an mo’gulneselat e, “Daniel o. At Allah en e ede hwedik modok takhebasumu re, wene an en mo’gulheselegi a’ge yu, pobirak pasu lomup o, wene yu mo’gulhemak oluk, perak nobou wagama he’bek wegimu re, arat in emin o,” oluk, mo’gulnesimu, nuak lup-lup osokhweat inegi.
12Inagoam e, at en, an mo’gulneselat, “Daniel o. Hat hogorlok hasu legen ai mia o. Hat o nadugat, Nabi hegi a’ge ano edip noluk ele logwe, oluk, hede eberak poluk haik Allah il pam hede sebelak pagathorloluk se’ban e’gen ano at pageat esa’go hwelegeimu re, se’ban e’gen a’ge o’go do’buksogoat mo’gulheik oluk, he’bek wegi a’geat de, 13#Wah. 12:7Aphwami Persia a’ge tenentarok welago a’ge at ’gain ano en e, lo mia o, oluk, ne’gebela ’gwe ’balogo pasukhwe o agauwa 21 lau wago o. Is aphwami Persia a’ge tenentarok a’ge ap ’gain ai en nebam il ’balegeimu oruakma is ’gain-’gain tenentarok a’ge onue ’gain Mikhael ano ne’bek wagarik letniesimu, wegi o. 14Ye, habi ’gela’ge pam hegen ano re, o ologun ’gobok u erlige om a’ge hegenma re, o pobuk is aphwami hat welegen o’gwe a’ge tagonobo a’ge ’beli’gogo mo’gulheik oluk, he’bek wegi o.”
15Wene ai mo’gulnosokhwe, norogole sogup ’gwiangma ’bou egirik, niak u mia en mosogo welegi. 16Mosogo nagat oruakma, at aphwami onorogole ’gela’ge mesik e’gik en nemde tenak pesimu, nemde hut agoam e, niak u a’ge agalat, at neragam edik oruak a’ge ano mo’guleselat, “Naik o. An nabi ’gela’ge pam hegi ai pam en nebe oboturap nebasulat, nanni ogo, erlagapsogo nebasulat, tegei o. 17Nanni erlagap nebasulat, nebe modogat herak nebesimu re, naik an heragam a’ge yu ne’birek wene no’gosogo u epegen, miat o.”
18Oluk mo’gulesimu, at aphwami onorogole ’gela’ge ano en an pobuk mesik emin tenak nebesirik, nanniap nebesi. 19Nanniap noboluk mo’gulneselat e, “At Allah enedeap hebasu a’ge yu o. Hogorlok hagun o. Hede we hagaisogoat lielak, welat, hede modok oborlogouk erlagap poluk hanniap pagathwerlasulat, taga lomup o,” oluk, owan mo’gulnosokhwe, erianoat nanni agoam e, at mo’guleselat. “Naik o, nanniap nebegenma re, wene ai mo’gulnemin o,” mo’gulegis.
20Asogo mo’gulegismu, at en an mo’gulneselat, “No’gosogo oluk en, an hat ’gwelakhiau wegi ano an enak a’ge hegen a? An wolom erlakma en pobuk aphwami Persia ’gwelagentarok welago a’ge ’gain ano nemin weim til laga lege atma re, lagai holuk at aphwami Yunani tenentarok welago a’ge ’gain ano wemama re, 21an lo erlak welat, op wene Buku pam ’belak a’ge ano naduk mo’gulheik o. Is aphwami tenentarok welagai a’ge onue ’gain ’biren eria re, tu a’ge enede eberogwi a’ge ebano sebelak poluk an letniau wagai erlakma en is hat en a’ge tenentarok welagai a’ge onue ’gain Mikhael en nak letniau wago ai o.”
Currently Selected:
Daniel 10: Wul
Highlight
Copy
Compare
Share
Want to have your highlights saved across all your devices? Sign up or sign in
Daniel 10
10
At Daniel en ik Tigris esa’goma en abi’gela’ge pam hesi wene
1At ap Koresh aphwami Persia a’ge onue ’gain agarik, wene mo’gulentasukhwe, tahun ’biren takpoluk, mesik ago ano pam at Daniel onuk mesik Beltsazar tuelak a’ge ano at Allah en at tu a’ge mesik abi’gela’ge pam mo’gulesi. Wene ai, demat mo’gulesi a’geat de, modok e’gin nak en e, at Daniel en, No’gosogo de hegi? oluk, ede ebetil lasumu re, edip disogo oluk hegen o, oluk, abi pam mo’gulesi ano re, yuat o.
2Nabi hesirik, o ai erlige an Daniel ’bela’gwi sum a’ge ’buktak poluk, nede perik oruakhwe se’ban henagan tigis o. 3Asogo tagalat, so’boru oduk opsogo worogo a’ge logon nasulat, wam einnyo sogo a’ge emin, anggur a’bosu emin, nemdema en mesik gwelabiselat nagap pam mesik nak ogo mesik wantagalat, tu erlak a’ge nak oruakma, en se’ban henagan tigis o.
4Asogo tegistik, dugwi naduk pelelak a’ge tanggal 24 tahun ai a’ge pam an ik lok Tigris esa’goma edik welat, 5#Wah. 1:13-15; 2:18; 19:12nodogun lek hegirik, ap mesik osum modok ’gut lenan iltak a’ge sakhorak a’ge ’buktak e’bagaluk e, il op emas ebe a’ge pam ’buktak poluk oruakhwe hegi o. 6At ebe ai re, helep e’gen amolit deleng-deleng oso ai ’gela’ge tagalat, orogole re, o obinal yebekhasu ai ’gela’ge tagalat, il ai re, esaga heberlak ai ’gela’ge tagalat, e’gik oyuk ai re, tembaga narlogwiam amolit deleng oso ai ’gela’ge tagalat, ye iak oso re, aphwami a’bigat eniak ogwi ’gela’ge eselat, tisoma hegi o.
7Nabi’gela’ge pam hegi ano re, an Daniel nematek enat hegi o. Is ap an nemin eria welagai a’ge ebano ene enil ho erlak a’geat de, nematek ennak nil hasukhwe, is a’bi’gat onogorlok en onuak erlik bo pil lagalom a’ge nak enebam agoam e, hisak etil legesa. 8Hisak etil legesema, nematek nak eria welat, nabi’gela’ge pam elalin tu puk a’ge hasumu re, narogun porluksogo lasulat, nanni erlagapsogo nebasulat, nagap nannisogo nede ha’buktak wolom a’ge erlagapsogo nebasulat tagokhwe nebe modok nanni erlagapsogo nebesi o. 9Arat nanni erlagapsogo nebesimu eria oruakma at iak oso a’ge nesa’go hwelegis. At iak oso a’ge ai, opsogo nesa’go hwelak oruakma, nilporluk ’goluksogo norogole sogup ’gwiangma ’bou tegis o. 10Asogo ’bou tegistik oruakma, at mesik en e’gik tenak nebasu en, “Eiga,” oluk nogorlok niak mo’gulosoam e, ’e’gik tenak nebesirik ne’gik noyuk ’gwiangma yo’go noboluk,
11an mo’gulneselat e, “Daniel o. At Allah en e ede hwedik modok takhebasumu re, wene an en mo’gulheselegi a’ge yu, pobirak pasu lomup o, wene yu mo’gulhemak oluk, perak nobou wagama he’bek wegimu re, arat in emin o,” oluk, mo’gulnesimu, nuak lup-lup osokhweat inegi.
12Inagoam e, at en, an mo’gulneselat, “Daniel o. Hat hogorlok hasu legen ai mia o. Hat o nadugat, Nabi hegi a’ge ano edip noluk ele logwe, oluk, hede eberak poluk haik Allah il pam hede sebelak pagathorloluk se’ban e’gen ano at pageat esa’go hwelegeimu re, se’ban e’gen a’ge o’go do’buksogoat mo’gulheik oluk, he’bek wegi a’geat de, 13#Wah. 12:7Aphwami Persia a’ge tenentarok welago a’ge at ’gain ano en e, lo mia o, oluk, ne’gebela ’gwe ’balogo pasukhwe o agauwa 21 lau wago o. Is aphwami Persia a’ge tenentarok a’ge ap ’gain ai en nebam il ’balegeimu oruakma is ’gain-’gain tenentarok a’ge onue ’gain Mikhael ano ne’bek wagarik letniesimu, wegi o. 14Ye, habi ’gela’ge pam hegen ano re, o ologun ’gobok u erlige om a’ge hegenma re, o pobuk is aphwami hat welegen o’gwe a’ge tagonobo a’ge ’beli’gogo mo’gulheik oluk, he’bek wegi o.”
15Wene ai mo’gulnosokhwe, norogole sogup ’gwiangma ’bou egirik, niak u mia en mosogo welegi. 16Mosogo nagat oruakma, at aphwami onorogole ’gela’ge mesik e’gik en nemde tenak pesimu, nemde hut agoam e, niak u a’ge agalat, at neragam edik oruak a’ge ano mo’guleselat, “Naik o. An nabi ’gela’ge pam hegi ai pam en nebe oboturap nebasulat, nanni ogo, erlagapsogo nebasulat, tegei o. 17Nanni erlagap nebasulat, nebe modogat herak nebesimu re, naik an heragam a’ge yu ne’birek wene no’gosogo u epegen, miat o.”
18Oluk mo’gulesimu, at aphwami onorogole ’gela’ge ano en an pobuk mesik emin tenak nebesirik, nanniap nebesi. 19Nanniap noboluk mo’gulneselat e, “At Allah enedeap hebasu a’ge yu o. Hogorlok hagun o. Hede we hagaisogoat lielak, welat, hede modok oborlogouk erlagap poluk hanniap pagathwerlasulat, taga lomup o,” oluk, owan mo’gulnosokhwe, erianoat nanni agoam e, at mo’guleselat. “Naik o, nanniap nebegenma re, wene ai mo’gulnemin o,” mo’gulegis.
20Asogo mo’gulegismu, at en an mo’gulneselat, “No’gosogo oluk en, an hat ’gwelakhiau wegi ano an enak a’ge hegen a? An wolom erlakma en pobuk aphwami Persia ’gwelagentarok welago a’ge ’gain ano nemin weim til laga lege atma re, lagai holuk at aphwami Yunani tenentarok welago a’ge ’gain ano wemama re, 21an lo erlak welat, op wene Buku pam ’belak a’ge ano naduk mo’gulheik o. Is aphwami tenentarok welagai a’ge onue ’gain ’biren eria re, tu a’ge enede eberogwi a’ge ebano sebelak poluk an letniau wagai erlakma en is hat en a’ge tenentarok welagai a’ge onue ’gain Mikhael en nak letniau wago ai o.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in