Amos 8
8
Mul sum egesik a’ge ogola e e’gen yagarak a’ge il yethesi wene
1Nenaik ’gain Onuk Logo a’ge en mesik tegeimu nabi ’gela’ge pam yethegiat o. Mul egesik a’ge mesik ogola re, e e’gen modok hurle a’ge yagarak a’ge nil yethegi o. 2Asogo yethasuam, Nenaik ’gain Onuk Logo a’ge en e, disogo mo’gulnesi,
“Amos. Hil yethau wegen yu, no’gwe no?” oluk hin wokniesimu, an en e,
“Mul egesik mesigat a’ge ogola e e’gen hurle a’ge yagarak oruak o,” oluk mo’gulegismu, at en e,
“E e’gen hurle agoam ’balu hegit ago ’gela’ge, aphwami Israel a’ge an en tagenebaik a’ge horok agarik oruak o. Holuk e, an en tagenebaigoluk epegi a’ge ai, lagaksogo re, ugenebaik oluk ik erlak. Is wene arat enebam paik o. 3O ai erlige re, etleba akhit en, yema akhit en ap werak modok ’gaboktak enebil loma, ap ’gaindek onowi pam weni worogwi a’ge ebano pobuk nge tua o,” oluk egei.
Allah en aphwami Israel a’ge wene enebam pouwa wene
4His en aphwami ena’ge erlak enerlagaik a’ge ai di obotut yu obotut tagonobogwiam enebe erlak agai ai, an en wene mo’gulhentaik a’ge ai, henesa’go opsogo hwelip o. 5His honu’gwarek honogola en opogulat e,
“Nis en gandum e’gen is logon enebam perleneat o’go wo a’ge, dugwi ’get pelelegei a’ge paget seni aregenma yat sorogu lomul ai nebit e. O’go perleneat wouwogoluk Allah paget weat wolomul hwerli mo porloat louwak da. Nis en di a’ge yu a’ge ebe weiyat wogontogulat, o’go logat wogulat, e’gin elira’ge lalogo walhogulat, tul en e, mo porloat louwak o. 6Gandum e’gen wiak a’ge o’goloksogo horlouwogoluk wogulat, is aphwami ena’ge erlak enerlagaik a’ge onoyuk sum utsogo o’go, we, weiyat a’ge o’go wogonto a’ge erlak en ’belak enebam oruak a’ge ai heraonobogulat, enebe neneragam a’ge welemagoluk o’go ’balonobogulat, tuok o,” oluk opogu legep ai o.
7Nis aphwami Israel a’ge Nenaik ’gain Onuk Logo a’ge u’gwarek onuk ’balogo disogo egei,
“An is wiak togwi a’ge meme takpo erlakma en, nede eberak modok weleik o. 8Asogo egi ai en ’gwiang o’borlogouk eselat, aphwami ’berlegat nge a’bik togulat, tua o. O ’gwiangma di owi yu owi ik onuk Nilen lek sebel erliak-’gwerliak ligagalat, ’bu agalat, lasu ai ’gela’ge o’borlogouk modok ua o. 9An en e, o mo erlige ’burlat obuk uagoluk takpasulat, o erlige ’burlat hup agalat, tuagoluk tik a’ge oruagat o, oluk an henaik ’gain Nonuk Logo a’ge en arat egi o. 10An en his henebe mesikmu odoktak honoboluk, seni sorogu legep a’ge ai aphwami werakma pong worogwi ai ’gela’ge pong weripok oluk takhenebasulat, weni worogu legep a’ge ai nge tipok oluk takhenebasulat, honogola wiak en welegep a’ge enagat emagoluk, henasu hena’gul pam ’balipok oluk takhenebasulat, honosum ’garum a’ge ’buktipok oluk takhenebasulat, tik o. Asogo takhonoboma, his henebe ap mesik ugwe e’birek malik naduk dogo mesigat dakhorlouwa a’ge waragoam nge togwi ai ’gela’ge, nge a’bik togup o. Ai erlige op mesik hogwi erlakma en, wiak modok hogu lema o,” oluk egei.
11Nenaik ’gain Onuk Logo a’ge en mesik disogo egei,
“Pobuk aphwami so’boru emin, ik emin, erlak agoam nele ho ’gela’ge, an niak eselegi a’ge ai nele en enede ’baluagoluk tagenebaik a’ge oruagat o. 12Asogo nele en, an niak ai heratil aphwami onowi ik elaruk akhit welagai a’ge ik o’but o’gwe lagalat, onowi o mo liplau wago akhit welagai a’ge, o mo obuk oso akhit lagalat, tua a’geat de, enesa’go holu a’ge erlak ema o. 13Eria hegit e, ap souwe a’ge emin, hwami dogum emin, enebam ou erlak op a’ge an niak nele en enil porluk tua o. 14Aphwami logon en, aphwami o Samaria a’ge onodogwi onuk ’balogulat, aphwami ena’gul onuk Dan a’ge onodogwi enasua onuk ’balogulat, aphwami Bersyeba a’ge enasua onuk ’balogulat, togwi a’ge arat ’bule dung ’boluk e, pobuk inema modok erlak o,” oluk egei.
Currently Selected:
Amos 8: Wul
Highlight
Copy
Compare
Share
Want to have your highlights saved across all your devices? Sign up or sign in
Amos 8
8
Mul sum egesik a’ge ogola e e’gen yagarak a’ge il yethesi wene
1Nenaik ’gain Onuk Logo a’ge en mesik tegeimu nabi ’gela’ge pam yethegiat o. Mul egesik a’ge mesik ogola re, e e’gen modok hurle a’ge yagarak a’ge nil yethegi o. 2Asogo yethasuam, Nenaik ’gain Onuk Logo a’ge en e, disogo mo’gulnesi,
“Amos. Hil yethau wegen yu, no’gwe no?” oluk hin wokniesimu, an en e,
“Mul egesik mesigat a’ge ogola e e’gen hurle a’ge yagarak oruak o,” oluk mo’gulegismu, at en e,
“E e’gen hurle agoam ’balu hegit ago ’gela’ge, aphwami Israel a’ge an en tagenebaik a’ge horok agarik oruak o. Holuk e, an en tagenebaigoluk epegi a’ge ai, lagaksogo re, ugenebaik oluk ik erlak. Is wene arat enebam paik o. 3O ai erlige re, etleba akhit en, yema akhit en ap werak modok ’gaboktak enebil loma, ap ’gaindek onowi pam weni worogwi a’ge ebano pobuk nge tua o,” oluk egei.
Allah en aphwami Israel a’ge wene enebam pouwa wene
4His en aphwami ena’ge erlak enerlagaik a’ge ai di obotut yu obotut tagonobogwiam enebe erlak agai ai, an en wene mo’gulhentaik a’ge ai, henesa’go opsogo hwelip o. 5His honu’gwarek honogola en opogulat e,
“Nis en gandum e’gen is logon enebam perleneat o’go wo a’ge, dugwi ’get pelelegei a’ge paget seni aregenma yat sorogu lomul ai nebit e. O’go perleneat wouwogoluk Allah paget weat wolomul hwerli mo porloat louwak da. Nis en di a’ge yu a’ge ebe weiyat wogontogulat, o’go logat wogulat, e’gin elira’ge lalogo walhogulat, tul en e, mo porloat louwak o. 6Gandum e’gen wiak a’ge o’goloksogo horlouwogoluk wogulat, is aphwami ena’ge erlak enerlagaik a’ge onoyuk sum utsogo o’go, we, weiyat a’ge o’go wogonto a’ge erlak en ’belak enebam oruak a’ge ai heraonobogulat, enebe neneragam a’ge welemagoluk o’go ’balonobogulat, tuok o,” oluk opogu legep ai o.
7Nis aphwami Israel a’ge Nenaik ’gain Onuk Logo a’ge u’gwarek onuk ’balogo disogo egei,
“An is wiak togwi a’ge meme takpo erlakma en, nede eberak modok weleik o. 8Asogo egi ai en ’gwiang o’borlogouk eselat, aphwami ’berlegat nge a’bik togulat, tua o. O ’gwiangma di owi yu owi ik onuk Nilen lek sebel erliak-’gwerliak ligagalat, ’bu agalat, lasu ai ’gela’ge o’borlogouk modok ua o. 9An en e, o mo erlige ’burlat obuk uagoluk takpasulat, o erlige ’burlat hup agalat, tuagoluk tik a’ge oruagat o, oluk an henaik ’gain Nonuk Logo a’ge en arat egi o. 10An en his henebe mesikmu odoktak honoboluk, seni sorogu legep a’ge ai aphwami werakma pong worogwi ai ’gela’ge pong weripok oluk takhenebasulat, weni worogu legep a’ge ai nge tipok oluk takhenebasulat, honogola wiak en welegep a’ge enagat emagoluk, henasu hena’gul pam ’balipok oluk takhenebasulat, honosum ’garum a’ge ’buktipok oluk takhenebasulat, tik o. Asogo takhonoboma, his henebe ap mesik ugwe e’birek malik naduk dogo mesigat dakhorlouwa a’ge waragoam nge togwi ai ’gela’ge, nge a’bik togup o. Ai erlige op mesik hogwi erlakma en, wiak modok hogu lema o,” oluk egei.
11Nenaik ’gain Onuk Logo a’ge en mesik disogo egei,
“Pobuk aphwami so’boru emin, ik emin, erlak agoam nele ho ’gela’ge, an niak eselegi a’ge ai nele en enede ’baluagoluk tagenebaik a’ge oruagat o. 12Asogo nele en, an niak ai heratil aphwami onowi ik elaruk akhit welagai a’ge ik o’but o’gwe lagalat, onowi o mo liplau wago akhit welagai a’ge, o mo obuk oso akhit lagalat, tua a’geat de, enesa’go holu a’ge erlak ema o. 13Eria hegit e, ap souwe a’ge emin, hwami dogum emin, enebam ou erlak op a’ge an niak nele en enil porluk tua o. 14Aphwami logon en, aphwami o Samaria a’ge onodogwi onuk ’balogulat, aphwami ena’gul onuk Dan a’ge onodogwi enasua onuk ’balogulat, aphwami Bersyeba a’ge enasua onuk ’balogulat, togwi a’ge arat ’bule dung ’boluk e, pobuk inema modok erlak o,” oluk egei.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in