Amos 6
6
Allah en, “Aphwami Israel a’ge wiagap henebik o,” oluk wene yagentesi wene
1Asogo egeitik, pobuk mesik disogo egei,
“His ap, aphwami ena’gul onuk Israel a’ge onuelak lok logo a’ge oruakma, his enat, honosi a’ge lerontuagoluk hene’bek wagai ai o. His en e,
O Sion op welege, oluk opogulat,
O Samaria lioktak welege, oluk opogulat, opogu legep ai, eige, nede o, wiagaphonobua o. 2His o Kalne eba henil pobi tilu o. Pobi hai lotluk, ’bekhit o kota lok a’ge onuk Hamat ano pobi hau manup o. Eba en wotluk e, ’bekhit o aphwami Filistin a’ge onowi pam o kota onuk Gat ai ’bi lu o. Henil asogo holuk, honogola en e,
Nis aphwami Yehuda a’ge emin, Israel a’ge emin, nonowi o kota weiyat wiak ’gela’ge a’geat de, is onowi kota eba nak e, op modok, oluk epegep a? Is onowi eli’go esa’go wale’gik logat a’ge re, nis nonowi eli’go yema esa’go ’gorloktak, oluk epegep a? 3His honogola en e,
Modok wiak a’ge nenebam po a’ge re, pobuk ebayat walek oruak, oluk opogu legep a’geat de, his henebabut wiak modok togu legep ai pam, aphwami worlontogwi ai ’gela’ge horok laumagoluk worliogulegep o.
4Henebe nogogwi’gwe wam onuk gajah iak a’ge ilmu opsogo heli’gogo poluk ’boutak welat, henalo’gwe op a’ge pam hurotluk he’bisogo welat, wam sapi emalik a’ge emin, domba owan a’ge emin, wusogo seni sorogu legep a’ge yu. Eige, nede o, wiagaphonobua o. 5His en e, at Daud en taga laga ai ’gela’ge, weni up muat a’ge pelalogulat, muat a’ge togulat, gitar pam worogulom henagai modok welegep ai o. 6His e, henegeik anggur e’gen a’bosu mangkok emde loropsogo na’gogo no’gulat, henebetne a’bosu e’ben op a’ge worogulat, togularat de, Israel a’ge henebe wiagap henebik a’ge ai paget honogola wiak agai erlak welegep eba re! 7Asogo togu legep ai en, nedik-naduk his naduk hene’gik herle wusogo wokhonoboluk louwa. Asogo wokhonoboluk lagaiam, his en seni sorogulat, henegeik honso’boru loksogo no’gulat, togu legep a’ge ai, arat erlak ema o,” oluk egei.
8At nenaik Allah ’gain Onuk Logo a’ge di a’ge yu a’ge tu nak a’ge ano en u’gwarek onuk ho’buk ’balogo hoso’bi disogo mo’gulontuagoluk mesik disogo egei,
“Aphwami Israel a’ge onu’gwarek en erlikhorlogwi ai modogat nebit o. Ye, onuelak ’gaindek onowi op modok werik ai ogo modok nebirat o. Is onowi kota lok a’ge ai emin, di a’ge yu a’ge o kota eba welago a’ge ’berlegat emin, is eneselei a’ge ene’gik pam paik o,” oluk egei.
9Asogo ene’gik pam pasuam aphwami logon enebe 10 a’ge o mesikmu hisogo welema a’ge enebe waronobuayat o. 10Asogo waronobumu, ap asu is ap waregesa ai a’ge werak narlenebiso a’ge wotluk e, werak ai wogonoboluk liplau weigoluk ’gwigoluk wema. Asogo wemarik, olema owan ’gwilo erlak welat e, ap mesik o ai odipmu oruakma re, disogo mo’gulema,
“Hat homuat helaluk welegen a? Mesik oruak a,” oluk hin wokhasuam at ap ai en e,
“Erlak o,” oluk ua. Asogo mo’gulosoam ap aphwami werak narlenebiso a’ge ai en e,
“Nis en Nenaik ’gain Onuk Logo a’ge onuk weat u mia ai en e, hiak pobuk ogun o,” oluk ua o.
11At Nenaik ’gain Onuk Logo a’ge en e,
“Disogo tip,” oluk mo’gulosoam e, o lok werik a’ge emin, wei werik a’ge emin, wollo’gen dagalogo ’bo pouwa o. 12Kuda wam dom ’gabelik a’ge petne lo no? Aphwami logon ik laut ye’gelak a’ge petne yabuk wa’gun wam sapi en lisogo woluk yabuk wil ’gogwi no? Modok erlak o. Asogo a’geat de, his owene edip hegirap togumu en wene hegitsogo hwalontogularat de, lagaksogo a’bosu no’gwiam enebe waragai a’ge wogonto ’gela’ge, enebe wiak emagoluk tagonobogulat, eremna ’belak a’ge petne ’gweli esik a’ge lo’bok oso ai ’gela’ge, hegit tigisa a’ge de, wiak tigisa oluk ogulat, togu legep ai o.
13His en ogulat e,
“Nis aphwami o nis neniak pam, onuk Erlak A’ge u ’gela’ge onuk Lodebar ogwi ai a’ge mabenap tagalat, nenanni modok a’bikmu re, ap o nis neniak pam onuk Enanni A’bik u ’gela’ge onuk Karnaim ogwi ai a’ge sebelogulat, ege ai nogorlok e, nis e, elirat o,” oluk heniak modok a’bik erlikhorlogu legep ai o.
14Asogo mo’gulentigisema, nenaik ’gain Allah Onuk Logo di a’ge yu a’ge tu nak a’ge ano ebe en disogo egei,
“His aphwami Israel a’ge yu. An en e, aphwami ena’gul onuk mu a’ge onosi tentara en his honowi pam waronobumagoluk yo’go onoboluk peragonobou weik o. Asogo peragonobou womma wotluk, his di obotut yu obotut o ik elaruk hegit o Hamat louwogoluk lagaimu hwerli en, ’bekhit, ik o’but o Araba do’goma eba hwerli wiagaphonobua o,” oluk egei.
Currently Selected:
Amos 6: Wul
Highlight
Copy
Compare
Share
Want to have your highlights saved across all your devices? Sign up or sign in
Amos 6
6
Allah en, “Aphwami Israel a’ge wiagap henebik o,” oluk wene yagentesi wene
1Asogo egeitik, pobuk mesik disogo egei,
“His ap, aphwami ena’gul onuk Israel a’ge onuelak lok logo a’ge oruakma, his enat, honosi a’ge lerontuagoluk hene’bek wagai ai o. His en e,
O Sion op welege, oluk opogulat,
O Samaria lioktak welege, oluk opogulat, opogu legep ai, eige, nede o, wiagaphonobua o. 2His o Kalne eba henil pobi tilu o. Pobi hai lotluk, ’bekhit o kota lok a’ge onuk Hamat ano pobi hau manup o. Eba en wotluk e, ’bekhit o aphwami Filistin a’ge onowi pam o kota onuk Gat ai ’bi lu o. Henil asogo holuk, honogola en e,
Nis aphwami Yehuda a’ge emin, Israel a’ge emin, nonowi o kota weiyat wiak ’gela’ge a’geat de, is onowi kota eba nak e, op modok, oluk epegep a? Is onowi eli’go esa’go wale’gik logat a’ge re, nis nonowi eli’go yema esa’go ’gorloktak, oluk epegep a? 3His honogola en e,
Modok wiak a’ge nenebam po a’ge re, pobuk ebayat walek oruak, oluk opogu legep a’geat de, his henebabut wiak modok togu legep ai pam, aphwami worlontogwi ai ’gela’ge horok laumagoluk worliogulegep o.
4Henebe nogogwi’gwe wam onuk gajah iak a’ge ilmu opsogo heli’gogo poluk ’boutak welat, henalo’gwe op a’ge pam hurotluk he’bisogo welat, wam sapi emalik a’ge emin, domba owan a’ge emin, wusogo seni sorogu legep a’ge yu. Eige, nede o, wiagaphonobua o. 5His en e, at Daud en taga laga ai ’gela’ge, weni up muat a’ge pelalogulat, muat a’ge togulat, gitar pam worogulom henagai modok welegep ai o. 6His e, henegeik anggur e’gen a’bosu mangkok emde loropsogo na’gogo no’gulat, henebetne a’bosu e’ben op a’ge worogulat, togularat de, Israel a’ge henebe wiagap henebik a’ge ai paget honogola wiak agai erlak welegep eba re! 7Asogo togu legep ai en, nedik-naduk his naduk hene’gik herle wusogo wokhonoboluk louwa. Asogo wokhonoboluk lagaiam, his en seni sorogulat, henegeik honso’boru loksogo no’gulat, togu legep a’ge ai, arat erlak ema o,” oluk egei.
8At nenaik Allah ’gain Onuk Logo a’ge di a’ge yu a’ge tu nak a’ge ano en u’gwarek onuk ho’buk ’balogo hoso’bi disogo mo’gulontuagoluk mesik disogo egei,
“Aphwami Israel a’ge onu’gwarek en erlikhorlogwi ai modogat nebit o. Ye, onuelak ’gaindek onowi op modok werik ai ogo modok nebirat o. Is onowi kota lok a’ge ai emin, di a’ge yu a’ge o kota eba welago a’ge ’berlegat emin, is eneselei a’ge ene’gik pam paik o,” oluk egei.
9Asogo ene’gik pam pasuam aphwami logon enebe 10 a’ge o mesikmu hisogo welema a’ge enebe waronobuayat o. 10Asogo waronobumu, ap asu is ap waregesa ai a’ge werak narlenebiso a’ge wotluk e, werak ai wogonoboluk liplau weigoluk ’gwigoluk wema. Asogo wemarik, olema owan ’gwilo erlak welat e, ap mesik o ai odipmu oruakma re, disogo mo’gulema,
“Hat homuat helaluk welegen a? Mesik oruak a,” oluk hin wokhasuam at ap ai en e,
“Erlak o,” oluk ua. Asogo mo’gulosoam ap aphwami werak narlenebiso a’ge ai en e,
“Nis en Nenaik ’gain Onuk Logo a’ge onuk weat u mia ai en e, hiak pobuk ogun o,” oluk ua o.
11At Nenaik ’gain Onuk Logo a’ge en e,
“Disogo tip,” oluk mo’gulosoam e, o lok werik a’ge emin, wei werik a’ge emin, wollo’gen dagalogo ’bo pouwa o. 12Kuda wam dom ’gabelik a’ge petne lo no? Aphwami logon ik laut ye’gelak a’ge petne yabuk wa’gun wam sapi en lisogo woluk yabuk wil ’gogwi no? Modok erlak o. Asogo a’geat de, his owene edip hegirap togumu en wene hegitsogo hwalontogularat de, lagaksogo a’bosu no’gwiam enebe waragai a’ge wogonto ’gela’ge, enebe wiak emagoluk tagonobogulat, eremna ’belak a’ge petne ’gweli esik a’ge lo’bok oso ai ’gela’ge, hegit tigisa a’ge de, wiak tigisa oluk ogulat, togu legep ai o.
13His en ogulat e,
“Nis aphwami o nis neniak pam, onuk Erlak A’ge u ’gela’ge onuk Lodebar ogwi ai a’ge mabenap tagalat, nenanni modok a’bikmu re, ap o nis neniak pam onuk Enanni A’bik u ’gela’ge onuk Karnaim ogwi ai a’ge sebelogulat, ege ai nogorlok e, nis e, elirat o,” oluk heniak modok a’bik erlikhorlogu legep ai o.
14Asogo mo’gulentigisema, nenaik ’gain Allah Onuk Logo di a’ge yu a’ge tu nak a’ge ano ebe en disogo egei,
“His aphwami Israel a’ge yu. An en e, aphwami ena’gul onuk mu a’ge onosi tentara en his honowi pam waronobumagoluk yo’go onoboluk peragonobou weik o. Asogo peragonobou womma wotluk, his di obotut yu obotut o ik elaruk hegit o Hamat louwogoluk lagaimu hwerli en, ’bekhit, ik o’but o Araba do’goma eba hwerli wiagaphonobua o,” oluk egei.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in