Peragenebesi 22
22
1“Nue nari. Wene yu an nebam pukmu o, oluk nu’gwarek nebe erlele wokho mo’gulhentaikmu re, henesa’go opsogo hwelip o,” oluk osoam, 2is en e,
“Nis aphwami Ibrani a’ge neniak pam mo’gulnentasu,” oluk eniak modok erlik-erlak egesa. Eniak erlik-erlak egesema re, at en e, disogo mo’gulentesi,
3 #
Per. 5:34-39
“An e, ap Yahudi a’ge, nebe o propinsi Kilikia o kota Tarsus dagegi a’geat de, o Yerusalem yema en yo’gulnebigisema narlue egi o. Narlue egimu, ap ’gain Gamaliel en wene Allah en nene’balak enesa’go weregei wene ano dokhumsogo mo’gulnese laga. Mo’gulnosoam, an en his yogodak Allah paget henannisogo togu legep ai ’gela’geat taga legi ani o. 4#Per. 8:3; 26:9-11Tagalat e, aphwami Yesus iak wegesarik e’berlik disogo laga legesa a’ge warenebigoluk mugonoboluk lasulat logon warenebigeat. Is logon hwami et, ap et, ene’gik herle wusogo wogonoboluk, o ene’gik herle wusogo onobogumu eba enebasu legiat o. 5Asogo taga legi ai, ap Allah eiye a’ge onue ’gain ebe emin, enarluedek emin, enemin ’berlek en surat wokho nenarilak Yahudi a’ge o Damsyik a’ge ene’bek woluk louwagoluk woknegisa. Woknegisema, is aphwami Yesus iak wik-wok e’berlik laga legesa a’ge o eba oruakma ene’gik herle wusogo wogonoboluk, o Yerusalem yema onobou wagoam, wene enebam pasulat, enebe warenebiselat, tuagoluk peraknebegesarikmu no oluk e, is enaluk. Holuk, is enat,
Demat egei, oluk mo’gulhonto a’ge oruak o,” oluk mo’gulentesi.
At Paulus en e, “Yesus en disogo worlniesimu nebabut heberlegis o,” oluk mo’gulentesi wene
(Peragenebesi 9:1-19; 26:12-18)
6“An o kota Damsyik horoksogo laik ’galma re, o erlige ’burl mesik erligeat ’bogorl pam en amulit modok a’bik a’ge an neragam yosu ’bu aga. 7Yosu ’bu agoam e, an nebe ’gwiangma erle’galogo ’bou tegis. ’Bou tegismu, at mesik en e, iak mo’gulneselat e,
Saulus. Saulus. Anat di obotut yu obotut taknebaigoluk muknoboluk nese legen ai nopaget, oluk mo’gulnesi. 8Asogo mo’gulnesimu, an en e,
Eige. Nue o. Hat hebe sa, oluk mo’gulegismu, at en e,
An Yesus, nowi Nazaret a’ge, di obotut yu obotut taknebanogoluk muknoboluk nese legen a’ge anoat o, oluk mo’gulnesi. 9Asogo mo’gulnosoam e, is ap an nemin lege a’ge en, amulit ai enil hegesa a’geat de, iak an mo’gulnesi a’ge ano, enesa’go holu erlak. 10Enesa’go asogo hwelak erlak oruakhwe, an en e,
Nue. An no’gosogo tik, oluk mo’gulosoam, at en e,
Hebe inoroguntik e, o Damsyik ’gwin o. ’Goguntik oruakma re, hat en Allah ogola agai a’ge ’berlegat togun a’ge paget ap mesik en mo’gulhema ani o, oluk mo’gulnesi. 11Asogo mo’gulnesimu, amulit ano en nil saga-’baga oluk hik egei. Hik egeimu re, is ap nemin lege a’ge ebano en ne’gik ten-ten o Damsyik woknoboluk ’gwigisa.
12’Gwigisema, o Damsyik eba ap mesik onuk Ananias welaga. Wene Allah en nenesa’go weregei wene ano tenak welat hegitsogo tisoam, is aphwami Yahudi a’ge o Damsyik a’ge ’berlek en hau do’goksogo worogu legesa. 13At ebe an ne’bek wagarik, neragam edik welat e,
Saulus, nare. Hil dek ino, oluk mo’gulnosoam, erianoat an nil dek egeimu re, at ebe dokhumsogo hegi o. 14Hasuam, at en e,
At Allah nene’balak en erliktogu legesa a’ge ano en e, at ogola epasu a’ge haluk agalat, at omlogo ebabut hegit a’ge Yesus ai hil hasulat, at iak emde pam en osokhwe hesa’go hweliselat, tinogoluk, hebe polikhebegeirik yo’go hebesi ai. 15Holuk e, hil hasulat, hesa’go hweliselat, tigen a’ge ai re, aphwami ’berlegat ’baksogo mo’gulentasu lomup o. 16A’ge re, hat yogodak aregenat wolorogun no yo. Hebe inoroguntik e, hat wiak taga legen a’ge Allah en emethebiselat, is muon en ik olomu ’belaphobogulat, tuagoluk e, Yesus onuk ’balogo Allah yo’go pemen o, oluk mo’gulnesi o,” oluk mo’gulentesi.
“Yesus en Allah iak aphwami o’borl o’gwe a’ge mo’gulentai louwagoluk yo’go nebesi o,” oluk mo’gulentesi wene
17Asogo mo’gulentesirik, mesik disogo mo’gulentesi,
“Asogo mo’gulnesimu, an pobuk o Yerusalem wegirik e, Allah owi werikmu en se’ban osoma, at Arogun nogola ’gwegeimu nabi ’gela’ge pam hegi. 18Nabi ’gela’ge pam, nonue ’gain Onuk Logo a’ge en e,
Hat en, hil an niegen a’ge ai emin, hesa’go hweligen a’ge ai emin, aphwami o yema a’ge ’baksogo mo’gulentasuam, hiak enesa’go holua modok erlak o. Holuk e, o Yerusalem yema en perlene libemen o, oluk mo’gulnesimu, nabi ’gela’ge pam hegi o. 19Asogo mo’gulnesimu, an en e,
Nue. An o se’ban ogwi’gwe da ’gwil ya ’gwil lasulat e, aphwami enede hat hebam he’berik welegesa a’ge, ene’gik herle weriselat, ’go’bu warenebiselat, til denaga legi ano, is modok enaluk o. 20#Per. 7:58At Stefanus, wene hat hebaget ’baksogo aphwami mo’gulentasu laga a’ge ano ebe worogumu, an nebe eba edik welat,
Hwein! Obat werigisa, oluk, is ap werigisa a’ge onosum no’gorlak pekharok welegi ano, is enalugat o, oluk mo’gulentegis. 21Asogo mo’gulosoam, nonue ’gain Onuk Logo a’ge en e,
Is aphwami o’borl o’gwe a’ge walekma eba ene’bek perakhebaikmu re, lak o, oluk mo’gulnesi,” oluk mo’gulentesi.
22Paulus en asogo mo’gulentil wagokhwe, is ebano obat enesa’go hwelak welegesarigat de, hwerli eria pam osoam eniak loksogoat disogo egesa,
“Ap ebabut degenik a’ge, ’gwiangma yema elaluk wolom e, mia. Woruok o!” oluk 23onu’gwarek onosum no’gorlogo hwikhai lagalat, ’gwiang ulage yegelogo hwikhai ligagalat, tigisa. 24Asogo togwiam e, ap tentara Roma a’ge esan logolhogu legesa a’ge onue ’gain ano en, osi mo’gulentasulat e,
“Paulus ebe o ningsogo werikmu ai woluk ’goluk, aphwami Yahudi a’ge en eniak loksogo wene ebam pogwi ai, wene edip no’gosogo tegeimu en oluk ’go’bu wusogo wene edip heratip o,” oluk mo’gulentesi. 25Asogo mo’gulentesimu, is en ebe ’go’bu woruogoluk herle wusogo pegesema, at Paulus en e, ap tentara a’ge ’gain mesik eba edik oruakma disogo mo’gulesi,
“His en, ap mesik o Roma owirak a’geat de, wene ebam po erlakma en ’go’bu naduk woru no?” oluk mo’gulesi. 26Asogo mo’gulosoam, ’gain ano en yo’go ap tentara esan logolhogu legesa a’ge onue ’gain ano e’bek lagarik e,
“Hat no’gosogo tigoluk e’gen a’ge no. Ap yu ebe o Roma owirak a’geat o,” oluk mo’gulesi. 27Mo’gulesimu, ap tentara a’ge ’gain ano Paulus e’bek wagarik e,
“Hat hebe o Roma howirak a’ge a? Mo’gulnemin da,” oluk mo’gulesimu, at en e,
“Ye, an nowirak a’geat o,” oluk mo’gulesi. 28Asogo mo’gulesimu, ap tentara a’ge onue ’gain ano en e,
“An o’go loksogoat ’balogo re, nowirak a’ge egirik welegi o,” oluk mo’gulesimu, at Paulus en e,
“An o Roma nowirak dagegi a’geat o,” oluk mo’gulesi. 29Asogo mo’gulesimu re, is en at ’go’bu woruogoluk tigisa a’ge ebano en perleneat heksogo mo egesa. Asogo mo egesema, ap ’gain ano ogola en e,
“Paulus ebe o Roma owirak a’ge oruakhweat, e’gik herle weregismu yu re, nogorlok e,” oluk ogorlok a’bik aga.
At Paulus ebe is ap Yahudi a’ge wene edip ’belo’gogu legesa a’ge ene’bek woluk lagama mo’gulentesi wene
30Loruk o’gwe, is ap tentara a’ge esan logolhogu legesa a’ge onue ’gain ano en e,
“Is aphwami Yahudi a’ge en ap yu wene no a’ge ebam pogwi. Wene pobisogo naluk om a’ge,” oluk wene edip heratuogoluk, is ap Allah eiye onuelak ’gaindek ebano emin, ap Yahudi a’ge Allah paget wene edip ’belo’gogu legesa a’ge ebano emin, odoktuagoluk yo’go enebesimu odoktigisema re, at Paulus e’gik herle hebilogo poluk is ene’bek woluk lagarik e, onorogolema edikpesi.
Currently Selected:
Peragenebesi 22: Wul
Highlight
Copy
Compare
Share
Want to have your highlights saved across all your devices? Sign up or sign in
Peragenebesi 22
22
1“Nue nari. Wene yu an nebam pukmu o, oluk nu’gwarek nebe erlele wokho mo’gulhentaikmu re, henesa’go opsogo hwelip o,” oluk osoam, 2is en e,
“Nis aphwami Ibrani a’ge neniak pam mo’gulnentasu,” oluk eniak modok erlik-erlak egesa. Eniak erlik-erlak egesema re, at en e, disogo mo’gulentesi,
3 #
Per. 5:34-39
“An e, ap Yahudi a’ge, nebe o propinsi Kilikia o kota Tarsus dagegi a’geat de, o Yerusalem yema en yo’gulnebigisema narlue egi o. Narlue egimu, ap ’gain Gamaliel en wene Allah en nene’balak enesa’go weregei wene ano dokhumsogo mo’gulnese laga. Mo’gulnosoam, an en his yogodak Allah paget henannisogo togu legep ai ’gela’geat taga legi ani o. 4#Per. 8:3; 26:9-11Tagalat e, aphwami Yesus iak wegesarik e’berlik disogo laga legesa a’ge warenebigoluk mugonoboluk lasulat logon warenebigeat. Is logon hwami et, ap et, ene’gik herle wusogo wogonoboluk, o ene’gik herle wusogo onobogumu eba enebasu legiat o. 5Asogo taga legi ai, ap Allah eiye a’ge onue ’gain ebe emin, enarluedek emin, enemin ’berlek en surat wokho nenarilak Yahudi a’ge o Damsyik a’ge ene’bek woluk louwagoluk woknegisa. Woknegisema, is aphwami Yesus iak wik-wok e’berlik laga legesa a’ge o eba oruakma ene’gik herle wusogo wogonoboluk, o Yerusalem yema onobou wagoam, wene enebam pasulat, enebe warenebiselat, tuagoluk peraknebegesarikmu no oluk e, is enaluk. Holuk, is enat,
Demat egei, oluk mo’gulhonto a’ge oruak o,” oluk mo’gulentesi.
At Paulus en e, “Yesus en disogo worlniesimu nebabut heberlegis o,” oluk mo’gulentesi wene
(Peragenebesi 9:1-19; 26:12-18)
6“An o kota Damsyik horoksogo laik ’galma re, o erlige ’burl mesik erligeat ’bogorl pam en amulit modok a’bik a’ge an neragam yosu ’bu aga. 7Yosu ’bu agoam e, an nebe ’gwiangma erle’galogo ’bou tegis. ’Bou tegismu, at mesik en e, iak mo’gulneselat e,
Saulus. Saulus. Anat di obotut yu obotut taknebaigoluk muknoboluk nese legen ai nopaget, oluk mo’gulnesi. 8Asogo mo’gulnesimu, an en e,
Eige. Nue o. Hat hebe sa, oluk mo’gulegismu, at en e,
An Yesus, nowi Nazaret a’ge, di obotut yu obotut taknebanogoluk muknoboluk nese legen a’ge anoat o, oluk mo’gulnesi. 9Asogo mo’gulnosoam e, is ap an nemin lege a’ge en, amulit ai enil hegesa a’geat de, iak an mo’gulnesi a’ge ano, enesa’go holu erlak. 10Enesa’go asogo hwelak erlak oruakhwe, an en e,
Nue. An no’gosogo tik, oluk mo’gulosoam, at en e,
Hebe inoroguntik e, o Damsyik ’gwin o. ’Goguntik oruakma re, hat en Allah ogola agai a’ge ’berlegat togun a’ge paget ap mesik en mo’gulhema ani o, oluk mo’gulnesi. 11Asogo mo’gulnesimu, amulit ano en nil saga-’baga oluk hik egei. Hik egeimu re, is ap nemin lege a’ge ebano en ne’gik ten-ten o Damsyik woknoboluk ’gwigisa.
12’Gwigisema, o Damsyik eba ap mesik onuk Ananias welaga. Wene Allah en nenesa’go weregei wene ano tenak welat hegitsogo tisoam, is aphwami Yahudi a’ge o Damsyik a’ge ’berlek en hau do’goksogo worogu legesa. 13At ebe an ne’bek wagarik, neragam edik welat e,
Saulus, nare. Hil dek ino, oluk mo’gulnosoam, erianoat an nil dek egeimu re, at ebe dokhumsogo hegi o. 14Hasuam, at en e,
At Allah nene’balak en erliktogu legesa a’ge ano en e, at ogola epasu a’ge haluk agalat, at omlogo ebabut hegit a’ge Yesus ai hil hasulat, at iak emde pam en osokhwe hesa’go hweliselat, tinogoluk, hebe polikhebegeirik yo’go hebesi ai. 15Holuk e, hil hasulat, hesa’go hweliselat, tigen a’ge ai re, aphwami ’berlegat ’baksogo mo’gulentasu lomup o. 16A’ge re, hat yogodak aregenat wolorogun no yo. Hebe inoroguntik e, hat wiak taga legen a’ge Allah en emethebiselat, is muon en ik olomu ’belaphobogulat, tuagoluk e, Yesus onuk ’balogo Allah yo’go pemen o, oluk mo’gulnesi o,” oluk mo’gulentesi.
“Yesus en Allah iak aphwami o’borl o’gwe a’ge mo’gulentai louwagoluk yo’go nebesi o,” oluk mo’gulentesi wene
17Asogo mo’gulentesirik, mesik disogo mo’gulentesi,
“Asogo mo’gulnesimu, an pobuk o Yerusalem wegirik e, Allah owi werikmu en se’ban osoma, at Arogun nogola ’gwegeimu nabi ’gela’ge pam hegi. 18Nabi ’gela’ge pam, nonue ’gain Onuk Logo a’ge en e,
Hat en, hil an niegen a’ge ai emin, hesa’go hweligen a’ge ai emin, aphwami o yema a’ge ’baksogo mo’gulentasuam, hiak enesa’go holua modok erlak o. Holuk e, o Yerusalem yema en perlene libemen o, oluk mo’gulnesimu, nabi ’gela’ge pam hegi o. 19Asogo mo’gulnesimu, an en e,
Nue. An o se’ban ogwi’gwe da ’gwil ya ’gwil lasulat e, aphwami enede hat hebam he’berik welegesa a’ge, ene’gik herle weriselat, ’go’bu warenebiselat, til denaga legi ano, is modok enaluk o. 20#Per. 7:58At Stefanus, wene hat hebaget ’baksogo aphwami mo’gulentasu laga a’ge ano ebe worogumu, an nebe eba edik welat,
Hwein! Obat werigisa, oluk, is ap werigisa a’ge onosum no’gorlak pekharok welegi ano, is enalugat o, oluk mo’gulentegis. 21Asogo mo’gulosoam, nonue ’gain Onuk Logo a’ge en e,
Is aphwami o’borl o’gwe a’ge walekma eba ene’bek perakhebaikmu re, lak o, oluk mo’gulnesi,” oluk mo’gulentesi.
22Paulus en asogo mo’gulentil wagokhwe, is ebano obat enesa’go hwelak welegesarigat de, hwerli eria pam osoam eniak loksogoat disogo egesa,
“Ap ebabut degenik a’ge, ’gwiangma yema elaluk wolom e, mia. Woruok o!” oluk 23onu’gwarek onosum no’gorlogo hwikhai lagalat, ’gwiang ulage yegelogo hwikhai ligagalat, tigisa. 24Asogo togwiam e, ap tentara Roma a’ge esan logolhogu legesa a’ge onue ’gain ano en, osi mo’gulentasulat e,
“Paulus ebe o ningsogo werikmu ai woluk ’goluk, aphwami Yahudi a’ge en eniak loksogo wene ebam pogwi ai, wene edip no’gosogo tegeimu en oluk ’go’bu wusogo wene edip heratip o,” oluk mo’gulentesi. 25Asogo mo’gulentesimu, is en ebe ’go’bu woruogoluk herle wusogo pegesema, at Paulus en e, ap tentara a’ge ’gain mesik eba edik oruakma disogo mo’gulesi,
“His en, ap mesik o Roma owirak a’geat de, wene ebam po erlakma en ’go’bu naduk woru no?” oluk mo’gulesi. 26Asogo mo’gulosoam, ’gain ano en yo’go ap tentara esan logolhogu legesa a’ge onue ’gain ano e’bek lagarik e,
“Hat no’gosogo tigoluk e’gen a’ge no. Ap yu ebe o Roma owirak a’geat o,” oluk mo’gulesi. 27Mo’gulesimu, ap tentara a’ge ’gain ano Paulus e’bek wagarik e,
“Hat hebe o Roma howirak a’ge a? Mo’gulnemin da,” oluk mo’gulesimu, at en e,
“Ye, an nowirak a’geat o,” oluk mo’gulesi. 28Asogo mo’gulesimu, ap tentara a’ge onue ’gain ano en e,
“An o’go loksogoat ’balogo re, nowirak a’ge egirik welegi o,” oluk mo’gulesimu, at Paulus en e,
“An o Roma nowirak dagegi a’geat o,” oluk mo’gulesi. 29Asogo mo’gulesimu re, is en at ’go’bu woruogoluk tigisa a’ge ebano en perleneat heksogo mo egesa. Asogo mo egesema, ap ’gain ano ogola en e,
“Paulus ebe o Roma owirak a’ge oruakhweat, e’gik herle weregismu yu re, nogorlok e,” oluk ogorlok a’bik aga.
At Paulus ebe is ap Yahudi a’ge wene edip ’belo’gogu legesa a’ge ene’bek woluk lagama mo’gulentesi wene
30Loruk o’gwe, is ap tentara a’ge esan logolhogu legesa a’ge onue ’gain ano en e,
“Is aphwami Yahudi a’ge en ap yu wene no a’ge ebam pogwi. Wene pobisogo naluk om a’ge,” oluk wene edip heratuogoluk, is ap Allah eiye onuelak ’gaindek ebano emin, ap Yahudi a’ge Allah paget wene edip ’belo’gogu legesa a’ge ebano emin, odoktuagoluk yo’go enebesimu odoktigisema re, at Paulus e’gik herle hebilogo poluk is ene’bek woluk lagarik e, onorogolema edikpesi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in