Peragenebesi 19
19
At Paulus o Efesus wagarik tegei wene
1At Apolos o Korintus ebayat oruakhwe, at Paulus ano o propinsi Galatia emin, Fergia emin, erabu akhit lagak-pagak til waga lagarik, o kota Efesus waga. Wagarik, aphwami Yesus iak wegesa a’ge logon oruakma ene’bek ’gwegei. 2Ene’bek ’gwegeirik disogo mo’gulentesi,
“His henede Yesus ebam he’berik pegep a’ge ai re, Allah Arogun wegeptik welegep a? Erlak a,” oluk mo’gulentesi. Asogo mo’gulentesimu, is en e,
“Allah Arogun oruak oluk ogwiam, nenesa’go holu erlaktik en de, wo erlak welege o,” oluk mo’gulegisa. 3Asogo mo’gulegisema, at Paulus en mo’gulentasulat e,
“Holuk e, his ik olomu ’belaphenebigisa ai, wene no wene mo’guligepma en ’belaphenebigisa,” oluk mo’gulentesimu, is en e,
“Yohanes en ik olomu ’belabenebise laga a’ge ano wene mo’guligema ik olomu ’belapnenebigisa o,” oluk mo’gulegisa. 4#Mat. 3:11; Mrk. 1:4,7,8; Luk. 3:4,16; Yoh. 1:26,27Asogo mo’gulegisema, at Paulus en e,
“Yohanes en ik olomu ’belabenebise laga ai, is aphwami en,
Wiak togu lege a’ge arat ukpegerik nenebabut heberlige o, oluk ogwi holuk nak ik olomu ’belabenebise laga. Asogo ’belabenebiselat e, disogo mo’gulentasu laga,
An ne’berlik ap mesik wema. Wago holuk henede at ebam he’berik poluk wolomup o, oluk ebe Yesus ai pagerat mo’gulentasu laga ai o,” oluk mo’gulentesi. 5Asogo mo’gulentesimu is enesa’go hweligisema re, nonue ’gain Onuk Logo a’ge Yesus onuk ’balogo pobuk ik olomu ’belabenebigisayat. 6’Belabenebigisema, at Paulus en e’gik ena’gul sebelisoam e, Allah Arogun enebam ’bu agama, is en e, wene is muon eniak eneperlak a’ge pam elalinat ogulat, Allah iak is logon mo’gulontogulat, togu legesa. 7Is asogo togu legesa ai re, ap enebe 12 ’gela’ge en togu legesa.
8Asogo tigisema re, at Paulus o aphwami Yahudi a’ge se’ban ogu legesema eba ’gwegeirik ogorlok erlaksogo welat e, wene Allah en eragam enebasu wene ano pobirak poluk wouwagoluk, onogola ’gagalogo, wene at en mo’gulentasulat, is en o’go at mo’gulogulat, togulat e, dugwi henagan welaga. 9Welat, asogo mo’gulentasu laga a’geat de, is ai pema akhit enede ning agalat, wene ai onogola mi-miarak poluk e, aphwami logon esan enilemat, Yesus e’berlik lagai wene ai obok wiak ’baligisa. Obok wiak ’baligisema, at Paulus, is ugonoboluk, is pema akhit Yesus iak wegesa a’ge nak wogonoboluk libaga. Wogonoboluk libagarik e, o lok werikmu ap Tiranus en di wene yu wene mo’gulentasu lagama ai ’gwegeitik e, nin hwedik nan hwedik agauwa mesik mo u erlakma en wene at en mo’gulentasulat, is en o’go mo’gulogulat, togu legesa. 10Asogo oso modok 2 tahun oruakma en, is aphwami o propinsi Asia eba, Yahudi a’ge et, Yunani a’ge et, ’berlek wene nonue ’gain Onuk Logo a’ge iak ano enesa’go hweligisa.
Ap onuk Skewa eiyagai en tigisa wene
11At Paulus en aphwami elalin tu puk a’ge tagenebasu laga ai, ebe re, Allah enat tagenebasu laga. 12Tagenebasuam e, sum at Paulus erlegisak horaga laga a’ge de a, osum ebe a’ge orogole wiak ema no oluk o’borl o’gwe ’buktaga laga a’ge de a, aphwami en woluk, is ou wogu legesa a’ge ene’bek woluk lagaiam e, ou op agalat, mu’gat enebabut wiak a’ge onogola ’gwegeirik welaga a’ge henokho libagalat, togu legesa.
13Asogo togukhwe, is aphwami Yahudi a’ge ado enebe asuagun welat, mu’gat enebabut wiak a’ge aphwami onogola ’gwegeirik oruakma henokho lebigenebil no’gu legesa a’ge en e, nonue ’gain Onuk Logo a’ge Yesus onuk ’balogo lebigonobouwogoluk walhegesayat. Walhogulat, is en, mu’gat ebabut wiak a’ge mo’gulogulat e,
“At Yesus, Paulus en mo’gulentil noso a’ge ai onuk ’balholuk, henokho liplai lak o, oluk mo’gulhogu lege o,” oluk mo’gulegisa. 14Asogo togulat, ap Yahudi a’ge ebe ap Allah eiye a’ge onue ’gain onuk Skewa ai, eiyagai ap enebe sabiren welegesa a’ge en asogoat walhegesa. 15Walhogwiam, at mu’gat ebabut wiak a’ge ano en e,
“Yesus ai ebe, an naluk. Ye, Paulus ai ebe, obok hwelise legi a’geat. A’ge re, his yema salak hwe. An neperlak o,” oluk mo’gulentesirik en, 16ap mu’gat ebabut wiak a’ge ogola ’goluk welaga a’ge ano enebam ’golokho sagarli oluk anni agarik e, is mabenabenebesi. Mi-maben tagenebasulat e, onosum derlep-derlapsogo ’go’bu mep dialogo warenebegei. Warenebegeimu re, at owi pam en enage’golom hweiye ’bogoligisa. 17Hweiye ’bogoligisema re, aphwami en,
“Is asogo tigisa o,” oluk egesema, is aphwami Yahudi a’ge emin, Yunani a’ge emin, o kota Efesus welegesa a’ge ’berlegat enesa’go hweligisa. Hweligisarik e, onogorlok agarik, Yesus onuk ebenagaikmu erliktogu legesa. 18Ye, is aphwami enede Yesus ebam he’berik pegesa a’ge enebe wegesarik e, wiak togu legesa a’ge aphwami esan enilem ’baktogu legesa. 19Ye, is ap asuagun welat asuasogo togu legesa a’ge enebe esan enat ontuesi’ga asua a’ge uang perak lok a’ge 50.000 ’gela’ge pam o’go ’baligisarik tenak welegesa a’ge odoksogo aphwami ’berlegat enilem odouk narligisayat. 20Asogo tigisema re, nonue ’gain Onuk Logo a’ge iak ai lok agalat, anni agalat, taga laga.
Is aphwami o Efesus a’ge en, eniak logat sagaligisa wene
21Asogo tigisema, at Paulus ogola en epasulat e,
“O propinsi Makedonia laiktik en de, o propinsi Akhaya wotluk e, ’bekhit, o Yerusalem laik o,” oluk ogola epesirik,
“Laiktik, pobuk togolik wotluk e, o kota Roma nil hai laigat o,” oluk egei. 22Asogo oluk e, at eragam a’ge enebe ’biren, Timotius o, Erastus o, e’birek o propinsi Makedonia peragonobou wagarik, at omu nak o propinsi Asia welaga.
23-24Eria erlige re, o kota Efesus eba ap mesik onuk Demetrius. Di a’ge yu a’ge perak a’ge hele’gise laga. Hele’giselat dogwi asua ebe hwe a’ge onuk Artemis. Ebe owi a’ge lok eba werik oruakhwe, perak a’ge logon wei-wei a’ge a’bigat heli’gogo pasu laga. Asogo heli’gogo pasuam, aphwami en o’go pogu legesema, is Demetrius osi onobogun wiak hele’gogu legesa a’ge eneminat loksogo sabuthorlogu legesa ai en, aphwami Yesus iak wik-wok e’berlik lagai wene ai paget o Efesus eba eniak loksogoat sagaligisa. 25Asogo aga ai, at Demetrius en, osi emin, is pema perak a’ge asogo onobogun wiak hele’gogu legesa a’ge emin, yo’go enebesi. Yo’go enebesimu odoktigisema, at en e,
“Narilak. Nis asogo togu lege ai pam obat sabuthorlogu lege o, oluk henaluk. 26A’ge re, yogodak at Paulus ai tiso a’ge, henil domok hogulat, henesa’go hologulat, togu legep. At en e,
Aphwami ene’gik en dogwi asua hele’gogwi ai re, ebe walhebak a’ge puk o, oluk mo’gulentasuam, aphwami esan ebano en e,
Wene ai demat, oluk wegesa ai, horok o kota Efesus yema a’ge nak puk. O propinsi Asia ’berlegat ’gela’ge wegesemayat o. 27Ai en, nis asogo togu lege a’ge yu nonobok wiak ’balua o. A’ge re, nis nonobok nak wiak ’balua puk. Nene’bia logo a’ge Artemis owi lok werik yu re, erlak a’geat opogulat, Artemis aphwami o propinsi Asia a’ge ’berlek emin, o di owi yu owi ’berlek emin, eneminat, at eragam ’goluk welat erliktogwi a’ge erlagapsogo ukpouwa ai o,” oluk mo’gulentesi.
28Mo’gulentesimu onolot het a’bik agarik e,
“Nis aphwami o Efesus a’ge nene’bia Artemis lok aiat o,” oluk eniak loksogoat ogwi modok welegesa. 29Asogo ogwi welat, eniak sagalogumu, aphwami o kota Efesus eba a’ge pungtak odoktu wagalat e, ap o propinsi Makedonia a’ge enebe ’biren, Paulus emin no’gu legesa a’ge, ononuk Gayus o, Aristarkhus o, enebe tenagonoboluk hele’ga lok wogoma wogonoboluk ’gwigisa. 30Wogonoboluk ’gwigisema, Paulus ebe pobuk ene’berlik aphwami enebe esanat odoktakma eba ’gwigoluk tegei a’geat de, is aphwami Yesus iak wegesa a’ge en,
“Hat e, ’gogun o,” oluk wene ’baligisa. 31Ye, ap ’gaindek o propinsi Asia a’ge logon Paulus emin hwedik welegesa a’ge en e,
“Hele’ga wogoma eba horogole po ’gogun o,” oluk, is pema en ede sebeluagoluk wene wusogo e’begat perakpegesa. 32Ye, aphwami odoktigisa a’ge ebano, enebe lok o’gwe wene ebe eneperlak at odoktu egesa ai en e,
“Nopaget odoktu ege logwe,” oluk is pema en eniak disogo ogulat, is nin pema en yusogo ogulat, eniak loksogoat sagaligisa. 33Is eniak asogo sagalogukhwe, is ap Yahudi a’ge en e, ap Aleksander aphwami esan enilem edikpou wegesema re, is aphwami esan ebano en e,
“Wene edip, arat hegi o,” oluk enede epegesa. Asogo opogukhwe, at Aleksander en e,
“An wene nebam pukmu o,” oluk aphwami ebano mo’gulentaigoluk e’gik walok pam mo’gulentesi a’geat de, is onogola en e,
34“Ap yu Yahudi a’ge o,” oluk ebe pobirak poluk e, eniak la’bulogo, loksogoat disogo egesa,
“Nis aphwami o Efesus a’ge yema ebe logo re, nene’bia Artemis aiat o,” oluk eniak hwedik-hwedigat 2 jam ’gela’ge ogwi modok welegesa.
35Asogo ogu legesema re, at ap wene hwalugumu pelal wasu laga a’ge en, is aphwami esan ebano eniak erlagaptegei. Erlagaptoluk e, disogo mo’gulentesi,
“His aphwami o Efesus a’ge yu logwe. Nene’bia Artemis lok owi werik a’ge ai emin, hwe ogut walsogo ebe ’gela’ge hele’gik a’ge ’bogorl pam en ’bu aga a’ge ai emin, nis aphwami o Efesus a’ge yema tenak welege a’ge re, sa eperlak no. Aphwami o di owi yu owi ’berlegat enaluk nak. 36Aphwami nin pema en,
Wene ai erlak a’geat o, oluk sagalu mia. Holuk e, his yema en henede erlak ’gela’ge disogo yusogo mesik togwi erlak welat, hono’borlogouk erlaksogoat wolomup o. 37Is ap yu en, di a’ge yu a’ge nene’bia dogwi asua owi pam a’ge mesik ene’gik abusak wa ’gwilo erlagat, dogwi asua ebe ai ogo obok ’balu erlagat, oruakhweat de, wogonoboluk wegep yema re! 38At ap Demetrius ebe emin, osi onobogun wiak hele’gogwi a’ge emin, enemin en e, wene ap mesik ebam po a’ge oruak holuk e, agauwa mesik erlige wene enebam pogulat, no’gorlogulat, togwi a’ge pam en, is gubernur lak enil pam wene enebam po a’ge oruak o. Holuk e, at mesik en wene at agaikhe pam pasulat, at mesik en wene at agaikhe pam pasulat, eba enat u a’ge oruak o. 39-40Henebe odoktu egeptik heniak loksogoat sagaligep yu, is pema en,
No wene paget odoktu egeptik ogu legep, oluk wene henebam pogwi holuk e, his en no’gosogo ogup. Wene edip erlakma yema re! Is en e,
Wiak tuagoluk enede edikpogu legep, oluk wene henebam po yo. Ai en e, his en mesik tuagoluk epegep holuk e, aphwami ’berlegat yo’go onoboluk odoktak poluk e, wene enebam pogulat, no’gorlogulat, togwi ai erlige wene hegirap po yo,” oluk mo’gulentesi. 41Asogo mo’gulentesirik e, aphwami odoktigisa a’ge ebano ’bogulogo peragenebesi.
Currently Selected:
Peragenebesi 19: Wul
Highlight
Copy
Compare
Share
Want to have your highlights saved across all your devices? Sign up or sign in
Peragenebesi 19
19
At Paulus o Efesus wagarik tegei wene
1At Apolos o Korintus ebayat oruakhwe, at Paulus ano o propinsi Galatia emin, Fergia emin, erabu akhit lagak-pagak til waga lagarik, o kota Efesus waga. Wagarik, aphwami Yesus iak wegesa a’ge logon oruakma ene’bek ’gwegei. 2Ene’bek ’gwegeirik disogo mo’gulentesi,
“His henede Yesus ebam he’berik pegep a’ge ai re, Allah Arogun wegeptik welegep a? Erlak a,” oluk mo’gulentesi. Asogo mo’gulentesimu, is en e,
“Allah Arogun oruak oluk ogwiam, nenesa’go holu erlaktik en de, wo erlak welege o,” oluk mo’gulegisa. 3Asogo mo’gulegisema, at Paulus en mo’gulentasulat e,
“Holuk e, his ik olomu ’belaphenebigisa ai, wene no wene mo’guligepma en ’belaphenebigisa,” oluk mo’gulentesimu, is en e,
“Yohanes en ik olomu ’belabenebise laga a’ge ano wene mo’guligema ik olomu ’belapnenebigisa o,” oluk mo’gulegisa. 4#Mat. 3:11; Mrk. 1:4,7,8; Luk. 3:4,16; Yoh. 1:26,27Asogo mo’gulegisema, at Paulus en e,
“Yohanes en ik olomu ’belabenebise laga ai, is aphwami en,
Wiak togu lege a’ge arat ukpegerik nenebabut heberlige o, oluk ogwi holuk nak ik olomu ’belabenebise laga. Asogo ’belabenebiselat e, disogo mo’gulentasu laga,
An ne’berlik ap mesik wema. Wago holuk henede at ebam he’berik poluk wolomup o, oluk ebe Yesus ai pagerat mo’gulentasu laga ai o,” oluk mo’gulentesi. 5Asogo mo’gulentesimu is enesa’go hweligisema re, nonue ’gain Onuk Logo a’ge Yesus onuk ’balogo pobuk ik olomu ’belabenebigisayat. 6’Belabenebigisema, at Paulus en e’gik ena’gul sebelisoam e, Allah Arogun enebam ’bu agama, is en e, wene is muon eniak eneperlak a’ge pam elalinat ogulat, Allah iak is logon mo’gulontogulat, togu legesa. 7Is asogo togu legesa ai re, ap enebe 12 ’gela’ge en togu legesa.
8Asogo tigisema re, at Paulus o aphwami Yahudi a’ge se’ban ogu legesema eba ’gwegeirik ogorlok erlaksogo welat e, wene Allah en eragam enebasu wene ano pobirak poluk wouwagoluk, onogola ’gagalogo, wene at en mo’gulentasulat, is en o’go at mo’gulogulat, togulat e, dugwi henagan welaga. 9Welat, asogo mo’gulentasu laga a’geat de, is ai pema akhit enede ning agalat, wene ai onogola mi-miarak poluk e, aphwami logon esan enilemat, Yesus e’berlik lagai wene ai obok wiak ’baligisa. Obok wiak ’baligisema, at Paulus, is ugonoboluk, is pema akhit Yesus iak wegesa a’ge nak wogonoboluk libaga. Wogonoboluk libagarik e, o lok werikmu ap Tiranus en di wene yu wene mo’gulentasu lagama ai ’gwegeitik e, nin hwedik nan hwedik agauwa mesik mo u erlakma en wene at en mo’gulentasulat, is en o’go mo’gulogulat, togu legesa. 10Asogo oso modok 2 tahun oruakma en, is aphwami o propinsi Asia eba, Yahudi a’ge et, Yunani a’ge et, ’berlek wene nonue ’gain Onuk Logo a’ge iak ano enesa’go hweligisa.
Ap onuk Skewa eiyagai en tigisa wene
11At Paulus en aphwami elalin tu puk a’ge tagenebasu laga ai, ebe re, Allah enat tagenebasu laga. 12Tagenebasuam e, sum at Paulus erlegisak horaga laga a’ge de a, osum ebe a’ge orogole wiak ema no oluk o’borl o’gwe ’buktaga laga a’ge de a, aphwami en woluk, is ou wogu legesa a’ge ene’bek woluk lagaiam e, ou op agalat, mu’gat enebabut wiak a’ge onogola ’gwegeirik welaga a’ge henokho libagalat, togu legesa.
13Asogo togukhwe, is aphwami Yahudi a’ge ado enebe asuagun welat, mu’gat enebabut wiak a’ge aphwami onogola ’gwegeirik oruakma henokho lebigenebil no’gu legesa a’ge en e, nonue ’gain Onuk Logo a’ge Yesus onuk ’balogo lebigonobouwogoluk walhegesayat. Walhogulat, is en, mu’gat ebabut wiak a’ge mo’gulogulat e,
“At Yesus, Paulus en mo’gulentil noso a’ge ai onuk ’balholuk, henokho liplai lak o, oluk mo’gulhogu lege o,” oluk mo’gulegisa. 14Asogo togulat, ap Yahudi a’ge ebe ap Allah eiye a’ge onue ’gain onuk Skewa ai, eiyagai ap enebe sabiren welegesa a’ge en asogoat walhegesa. 15Walhogwiam, at mu’gat ebabut wiak a’ge ano en e,
“Yesus ai ebe, an naluk. Ye, Paulus ai ebe, obok hwelise legi a’geat. A’ge re, his yema salak hwe. An neperlak o,” oluk mo’gulentesirik en, 16ap mu’gat ebabut wiak a’ge ogola ’goluk welaga a’ge ano enebam ’golokho sagarli oluk anni agarik e, is mabenabenebesi. Mi-maben tagenebasulat e, onosum derlep-derlapsogo ’go’bu mep dialogo warenebegei. Warenebegeimu re, at owi pam en enage’golom hweiye ’bogoligisa. 17Hweiye ’bogoligisema re, aphwami en,
“Is asogo tigisa o,” oluk egesema, is aphwami Yahudi a’ge emin, Yunani a’ge emin, o kota Efesus welegesa a’ge ’berlegat enesa’go hweligisa. Hweligisarik e, onogorlok agarik, Yesus onuk ebenagaikmu erliktogu legesa. 18Ye, is aphwami enede Yesus ebam he’berik pegesa a’ge enebe wegesarik e, wiak togu legesa a’ge aphwami esan enilem ’baktogu legesa. 19Ye, is ap asuagun welat asuasogo togu legesa a’ge enebe esan enat ontuesi’ga asua a’ge uang perak lok a’ge 50.000 ’gela’ge pam o’go ’baligisarik tenak welegesa a’ge odoksogo aphwami ’berlegat enilem odouk narligisayat. 20Asogo tigisema re, nonue ’gain Onuk Logo a’ge iak ai lok agalat, anni agalat, taga laga.
Is aphwami o Efesus a’ge en, eniak logat sagaligisa wene
21Asogo tigisema, at Paulus ogola en epasulat e,
“O propinsi Makedonia laiktik en de, o propinsi Akhaya wotluk e, ’bekhit, o Yerusalem laik o,” oluk ogola epesirik,
“Laiktik, pobuk togolik wotluk e, o kota Roma nil hai laigat o,” oluk egei. 22Asogo oluk e, at eragam a’ge enebe ’biren, Timotius o, Erastus o, e’birek o propinsi Makedonia peragonobou wagarik, at omu nak o propinsi Asia welaga.
23-24Eria erlige re, o kota Efesus eba ap mesik onuk Demetrius. Di a’ge yu a’ge perak a’ge hele’gise laga. Hele’giselat dogwi asua ebe hwe a’ge onuk Artemis. Ebe owi a’ge lok eba werik oruakhwe, perak a’ge logon wei-wei a’ge a’bigat heli’gogo pasu laga. Asogo heli’gogo pasuam, aphwami en o’go pogu legesema, is Demetrius osi onobogun wiak hele’gogu legesa a’ge eneminat loksogo sabuthorlogu legesa ai en, aphwami Yesus iak wik-wok e’berlik lagai wene ai paget o Efesus eba eniak loksogoat sagaligisa. 25Asogo aga ai, at Demetrius en, osi emin, is pema perak a’ge asogo onobogun wiak hele’gogu legesa a’ge emin, yo’go enebesi. Yo’go enebesimu odoktigisema, at en e,
“Narilak. Nis asogo togu lege ai pam obat sabuthorlogu lege o, oluk henaluk. 26A’ge re, yogodak at Paulus ai tiso a’ge, henil domok hogulat, henesa’go hologulat, togu legep. At en e,
Aphwami ene’gik en dogwi asua hele’gogwi ai re, ebe walhebak a’ge puk o, oluk mo’gulentasuam, aphwami esan ebano en e,
Wene ai demat, oluk wegesa ai, horok o kota Efesus yema a’ge nak puk. O propinsi Asia ’berlegat ’gela’ge wegesemayat o. 27Ai en, nis asogo togu lege a’ge yu nonobok wiak ’balua o. A’ge re, nis nonobok nak wiak ’balua puk. Nene’bia logo a’ge Artemis owi lok werik yu re, erlak a’geat opogulat, Artemis aphwami o propinsi Asia a’ge ’berlek emin, o di owi yu owi ’berlek emin, eneminat, at eragam ’goluk welat erliktogwi a’ge erlagapsogo ukpouwa ai o,” oluk mo’gulentesi.
28Mo’gulentesimu onolot het a’bik agarik e,
“Nis aphwami o Efesus a’ge nene’bia Artemis lok aiat o,” oluk eniak loksogoat ogwi modok welegesa. 29Asogo ogwi welat, eniak sagalogumu, aphwami o kota Efesus eba a’ge pungtak odoktu wagalat e, ap o propinsi Makedonia a’ge enebe ’biren, Paulus emin no’gu legesa a’ge, ononuk Gayus o, Aristarkhus o, enebe tenagonoboluk hele’ga lok wogoma wogonoboluk ’gwigisa. 30Wogonoboluk ’gwigisema, Paulus ebe pobuk ene’berlik aphwami enebe esanat odoktakma eba ’gwigoluk tegei a’geat de, is aphwami Yesus iak wegesa a’ge en,
“Hat e, ’gogun o,” oluk wene ’baligisa. 31Ye, ap ’gaindek o propinsi Asia a’ge logon Paulus emin hwedik welegesa a’ge en e,
“Hele’ga wogoma eba horogole po ’gogun o,” oluk, is pema en ede sebeluagoluk wene wusogo e’begat perakpegesa. 32Ye, aphwami odoktigisa a’ge ebano, enebe lok o’gwe wene ebe eneperlak at odoktu egesa ai en e,
“Nopaget odoktu ege logwe,” oluk is pema en eniak disogo ogulat, is nin pema en yusogo ogulat, eniak loksogoat sagaligisa. 33Is eniak asogo sagalogukhwe, is ap Yahudi a’ge en e, ap Aleksander aphwami esan enilem edikpou wegesema re, is aphwami esan ebano en e,
“Wene edip, arat hegi o,” oluk enede epegesa. Asogo opogukhwe, at Aleksander en e,
“An wene nebam pukmu o,” oluk aphwami ebano mo’gulentaigoluk e’gik walok pam mo’gulentesi a’geat de, is onogola en e,
34“Ap yu Yahudi a’ge o,” oluk ebe pobirak poluk e, eniak la’bulogo, loksogoat disogo egesa,
“Nis aphwami o Efesus a’ge yema ebe logo re, nene’bia Artemis aiat o,” oluk eniak hwedik-hwedigat 2 jam ’gela’ge ogwi modok welegesa.
35Asogo ogu legesema re, at ap wene hwalugumu pelal wasu laga a’ge en, is aphwami esan ebano eniak erlagaptegei. Erlagaptoluk e, disogo mo’gulentesi,
“His aphwami o Efesus a’ge yu logwe. Nene’bia Artemis lok owi werik a’ge ai emin, hwe ogut walsogo ebe ’gela’ge hele’gik a’ge ’bogorl pam en ’bu aga a’ge ai emin, nis aphwami o Efesus a’ge yema tenak welege a’ge re, sa eperlak no. Aphwami o di owi yu owi ’berlegat enaluk nak. 36Aphwami nin pema en,
Wene ai erlak a’geat o, oluk sagalu mia. Holuk e, his yema en henede erlak ’gela’ge disogo yusogo mesik togwi erlak welat, hono’borlogouk erlaksogoat wolomup o. 37Is ap yu en, di a’ge yu a’ge nene’bia dogwi asua owi pam a’ge mesik ene’gik abusak wa ’gwilo erlagat, dogwi asua ebe ai ogo obok ’balu erlagat, oruakhweat de, wogonoboluk wegep yema re! 38At ap Demetrius ebe emin, osi onobogun wiak hele’gogwi a’ge emin, enemin en e, wene ap mesik ebam po a’ge oruak holuk e, agauwa mesik erlige wene enebam pogulat, no’gorlogulat, togwi a’ge pam en, is gubernur lak enil pam wene enebam po a’ge oruak o. Holuk e, at mesik en wene at agaikhe pam pasulat, at mesik en wene at agaikhe pam pasulat, eba enat u a’ge oruak o. 39-40Henebe odoktu egeptik heniak loksogoat sagaligep yu, is pema en,
No wene paget odoktu egeptik ogu legep, oluk wene henebam pogwi holuk e, his en no’gosogo ogup. Wene edip erlakma yema re! Is en e,
Wiak tuagoluk enede edikpogu legep, oluk wene henebam po yo. Ai en e, his en mesik tuagoluk epegep holuk e, aphwami ’berlegat yo’go onoboluk odoktak poluk e, wene enebam pogulat, no’gorlogulat, togwi ai erlige wene hegirap po yo,” oluk mo’gulentesi. 41Asogo mo’gulentesirik e, aphwami odoktigisa a’ge ebano ’bogulogo peragenebesi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in