1 Tesalonika 3
3
1 #
Per. 17:15
Nis his henebagerat nenede sebelu mia agama re, disogo ege. Nis o Atena yema nenemategat wolomul o. 2-3Oruakhwe re, at nonot Timotius, op wene Kristus tegei wene ano neneminat, Allah paget mo’gulentil no’gu lege a’ge ano, aphwami en di obotut yu obotut takhonobogwi ai en, his henede Kristus ebam he’berik pegep a’ge lebe uano oluk, henede ago wathenebiselat, henesa’go weriselat, taga lemagoluk hene’bek perakpou wege ai o. Di obotut yu obotut takhonobogwi ai, Allah en poliknenebasulat e,
“Asogo takhonobogu lema ani o,” oluk egei hegitsogoat taknonobogwi ai, henalugat o. 4Nis naduk his henemin welat,
“Pobuk di obotut yu obotut taknonobogu lemayat o,” oluk, mo’gulhentige ano hegitsogo taknonobogwi ai henaluk o. 5Ai enat, at Iblis nenede ’gagaliso a’ge ano en henede ’gagalu omma, nis en his henebaget set hoporak togu lege ano ’burlat almarom ai nebit e, oluk nede perik welat, nede sebelu mia agama re,
“Enede Kristus ebam he’berigat oruak a? Erlak a,” oluk at Timotius en henebabut ’balogo mo’gulnosumagoluk hene’bek perakpou wegi ai o.
6 #
Per. 18:5
Ye, at Timotius hene’bek perakpou wegimu waga a’ge ano, yogodak togolik nene’bek wagarik e, his henede Kristus ebam he’berik welat, aphwami logon henedesogo togu legep a’ge ano mo’gulnentasulat, nis en,
“Is enemin sarlok tolu e,” oluk nenagai opogu lege ’gela’ge, his en ogo asogoat nenebam eberak modok welat,
“Is enebabut op a’ge ano enemin sarlok tolu e,” oluk, opogu legep a’ge ai, mo’gulnentau wagama re, nonogola nenagai a’bik hogu lege o. 7Narilak norokhwi. Nis di obotut yu obotut wik-wiaksogo taknonobogukhweat de, his henede Kristus ebam he’berigat welegep ai en e, his henebaget nenede op agama welege. 8Asogo welat, his nonue ’gain Onuk Logo a’ge emin hwedik welat, ningsogo edik welegep ai en, nis ogo yogodak nenede yamuk egeimu welege o. 9Nis nenaik Allah ilemat welat, his henebaget nenagai hogwi modok welege ai paget, Allah hau modok a’bik worogu legerikmu re, pobuk hau no’gosogo woru ’gela’geat ago yo. 10His henede Kristus ebam he’berik pegep a’geat de, owan ’gela’ge ai en, nis nenebe hene’bek womultik en henede pobuk ago werakhonobumogoluk, se’ban his henebaget hup erlige ogwi modok welege o.
11Nis pobuk hene’bek wemagoluk e, nenaik Allah u’gwarek emin, nonue ’gain Onuk Logo a’ge Yesus emin, e’birek enat nene’gebela hegitsogo yaknontuak o. 12Nis en his henebe nenedesogo welege ’gela’ge, his en ogo asogoat, his-his henedesogo togulat, aphwami ’berlegat henedeabonobogulat, loksogoat henedeabonobogu lorogup en, nonue ’gain Onuk Logo a’ge en henebabut enedeabonobogwi ai a’ge ebam louksogo logon eminat wokhentasu lemak o. 13Asogo takhenebasu lemarik e, nonue ’gain Onuk Logo a’ge Yesus u’gwarek osi eneminat wagoam e, henebe nenaik Allah u’gwarek ebaget poluk, at ilem wene henebam erlak op degelak oruakma hentaumagoluk, henede hurleaphenebasu lemak o.
Currently Selected:
1 Tesalonika 3: Wul
Highlight
Copy
Compare
Share
Want to have your highlights saved across all your devices? Sign up or sign in
1 Tesalonika 3
3
1 #
Per. 17:15
Nis his henebagerat nenede sebelu mia agama re, disogo ege. Nis o Atena yema nenemategat wolomul o. 2-3Oruakhwe re, at nonot Timotius, op wene Kristus tegei wene ano neneminat, Allah paget mo’gulentil no’gu lege a’ge ano, aphwami en di obotut yu obotut takhonobogwi ai en, his henede Kristus ebam he’berik pegep a’ge lebe uano oluk, henede ago wathenebiselat, henesa’go weriselat, taga lemagoluk hene’bek perakpou wege ai o. Di obotut yu obotut takhonobogwi ai, Allah en poliknenebasulat e,
“Asogo takhonobogu lema ani o,” oluk egei hegitsogoat taknonobogwi ai, henalugat o. 4Nis naduk his henemin welat,
“Pobuk di obotut yu obotut taknonobogu lemayat o,” oluk, mo’gulhentige ano hegitsogo taknonobogwi ai henaluk o. 5Ai enat, at Iblis nenede ’gagaliso a’ge ano en henede ’gagalu omma, nis en his henebaget set hoporak togu lege ano ’burlat almarom ai nebit e, oluk nede perik welat, nede sebelu mia agama re,
“Enede Kristus ebam he’berigat oruak a? Erlak a,” oluk at Timotius en henebabut ’balogo mo’gulnosumagoluk hene’bek perakpou wegi ai o.
6 #
Per. 18:5
Ye, at Timotius hene’bek perakpou wegimu waga a’ge ano, yogodak togolik nene’bek wagarik e, his henede Kristus ebam he’berik welat, aphwami logon henedesogo togu legep a’ge ano mo’gulnentasulat, nis en,
“Is enemin sarlok tolu e,” oluk nenagai opogu lege ’gela’ge, his en ogo asogoat nenebam eberak modok welat,
“Is enebabut op a’ge ano enemin sarlok tolu e,” oluk, opogu legep a’ge ai, mo’gulnentau wagama re, nonogola nenagai a’bik hogu lege o. 7Narilak norokhwi. Nis di obotut yu obotut wik-wiaksogo taknonobogukhweat de, his henede Kristus ebam he’berigat welegep ai en e, his henebaget nenede op agama welege. 8Asogo welat, his nonue ’gain Onuk Logo a’ge emin hwedik welat, ningsogo edik welegep ai en, nis ogo yogodak nenede yamuk egeimu welege o. 9Nis nenaik Allah ilemat welat, his henebaget nenagai hogwi modok welege ai paget, Allah hau modok a’bik worogu legerikmu re, pobuk hau no’gosogo woru ’gela’geat ago yo. 10His henede Kristus ebam he’berik pegep a’geat de, owan ’gela’ge ai en, nis nenebe hene’bek womultik en henede pobuk ago werakhonobumogoluk, se’ban his henebaget hup erlige ogwi modok welege o.
11Nis pobuk hene’bek wemagoluk e, nenaik Allah u’gwarek emin, nonue ’gain Onuk Logo a’ge Yesus emin, e’birek enat nene’gebela hegitsogo yaknontuak o. 12Nis en his henebe nenedesogo welege ’gela’ge, his en ogo asogoat, his-his henedesogo togulat, aphwami ’berlegat henedeabonobogulat, loksogoat henedeabonobogu lorogup en, nonue ’gain Onuk Logo a’ge en henebabut enedeabonobogwi ai a’ge ebam louksogo logon eminat wokhentasu lemak o. 13Asogo takhenebasu lemarik e, nonue ’gain Onuk Logo a’ge Yesus u’gwarek osi eneminat wagoam e, henebe nenaik Allah u’gwarek ebaget poluk, at ilem wene henebam erlak op degelak oruakma hentaumagoluk, henede hurleaphenebasu lemak o.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in