OROMA 13
13
Pemerintah inoone konembunuk eeko logorak wone
1It yi aap ndi aap wone lengganogo yorogo menggaarak nogo ti, Ala nen koonogo mippiige menggerak me, it pemerintah kinarum wonogwe nogo ti, Ala nen mban koonogo mippiyareegerak me, inoone yogwe iinok, liirogon konenggo logonip o. 2It Ala nen mippiyareegerak nogo inoone taganggwi kiinok ti, Ala oone aret taganggwi me, kit kinobalombok aret maluk eekkologo monggotak. 3-4Togop me, it pemerintah mippiyareegerak nogo, it aakumi obeelom eekwi nen inagabiti mbaruwak nduk, mippiyareegerak lek o. Ata, it maluk eekwi nogo nen, inagabiti mbako logowak nduk aret mippiyareegerak me, kit kinagabiti lek ugun mban nugu logorak mbakwi kiinok, obeelom mban eerit nogo logonip o. It pemerintah ti, Ala abu'me logonet, kit obeelom mban logobagip nduk, eeko menggaarak me, obeelom mban eerit nugwi kiinok ti, iniki ale'nggen kinoba pinagago logogun o. Kit maluk eekwi kiinok perak, keele maakkinako logowak nduk, Ala nen it aret leenogo mippiyareegerak me, kit kinagabiti mbako logonet, inayuk wuko logonip o. Aakumi maluk eekwi iinok, Ala anini nen maluk onggo eeppiyoorak mbake nogo, it at abu'me mendek pemerintah nen eeppiigo logowak nduk, unde eeppiyareegerak me, 5it inoone liirogon aret konenggo logonip o. Ala anini nen kinooke kero, kinagabiti nen konenggo logorak ti lek. Ata, kinikime nen, ”Maluk eeriyak mage o,” yokkirage kenok, konembunuk eeko logonip o.
6It Ala nen mippiyareegerak nogo Ala abu'me logonet, liirogon ninarum wonogwe kenok, it inake aret eeko monggoorak me. 7”Wo'niraanip o,” yinuk yokkirogwe iinok, wogorogwe, kinarum wonogwe onggo wogorogwe, ”Ninayuk wuko logonip o,” yokkirogwe iinok, inayuk wukwi, ”Nit kinogobamini aret me, tiyappinagago logonip o,” yokkirogwe iinok, tiyappiigwi, eerit nogo logonip o.
Wone lengganak ndak-ndak eeko logonet, niniki-kiniki kunik aganako logorak wone
8Aakumi inamendek nomat woorak mage o. We nabuwa-kabuwa mban aret eeko logonip o. Nabuwa-kabuwa eekwi kinok, Ala nen Muta yoreegerak wone nogo ndak-ndak aret eekwi kiigi o. 9Ala nen ari logonet, ”Kit mbabi eeriyak mage o. Aap wariyak mage o. Yogoot kiraariyak mage o. Aap inamendek uugwe-ugwe mbariyak mage o,” yinuk, ari logonet, yi wone ndi wone abok inom yereegerak nogo ti, ”Kineebe-kiniki kunik eekkologo monggotak nogo kwak, it kinom monggotak ti togop aret kiniki kunik aganako logonip o,” yinuk, yereegerak wone lambuk togon yi paga mban wonage kenok, yokkirage agarik o. 10It kinom wonogwe kiniki kunik aganakwi nogo ti, maluk eerogo piigwi lek o. Ata, nabuwa-kabuwa eekwi me, at Muta nen yoreegerak wone nogo ndak-ndak aret eeko monggotak o.
11O yogondak eraambe abu alik negen age me, kit nogo yugwi negen wonogwe yi, kineenik a'nip o. Ninagap ndariyak nogo ti, nda negen kagak abet mbareegurak kwe, yogondak perak, abu panggo yi wagaarak me, wone yokkiragarak ti abok aret liippunuk, eeko logonip o. 12O apit lek age kagak, o kilim nagaburak abu panggo yi wagaarak me, o apit paga logonet eeko mengga kwak, eerit nugwi nogo mbo punuk, o wemenggerak eya paga wim nambukkolaabagip nduk, kineegin-kinarege li'luk aago logonip o. 13Eyoonggen anggur amburu nonggo nogootik, kumili-kumili negen agan nugwi, ndem wappunuk kwaanggen wako logonet, kumi ugun wuginakwi, iniki nen nengge kenok ugun eerit nugwi, ndugwi pugwi, neebi-keebi agan nugwi, eerit nugu logorak mage o. Ata, o liingge paga logonet eeko mengga kwak, nit togop aret eeko logowok o. 14Kit kiniki maan mendek nen maluk eeriyak eekkinake kenok mban eeko logogup o. Ata, at kinowe Yetut Keritut kinik me linik logonet, eerit nogo logonip o.
Currently Selected:
OROMA 13: WNO
Highlight
Copy
Compare
Share
Want to have your highlights saved across all your devices? Sign up or sign in
OROMA 13
13
Pemerintah inoone konembunuk eeko logorak wone
1It yi aap ndi aap wone lengganogo yorogo menggaarak nogo ti, Ala nen koonogo mippiige menggerak me, it pemerintah kinarum wonogwe nogo ti, Ala nen mban koonogo mippiyareegerak me, inoone yogwe iinok, liirogon konenggo logonip o. 2It Ala nen mippiyareegerak nogo inoone taganggwi kiinok ti, Ala oone aret taganggwi me, kit kinobalombok aret maluk eekkologo monggotak. 3-4Togop me, it pemerintah mippiyareegerak nogo, it aakumi obeelom eekwi nen inagabiti mbaruwak nduk, mippiyareegerak lek o. Ata, it maluk eekwi nogo nen, inagabiti mbako logowak nduk aret mippiyareegerak me, kit kinagabiti lek ugun mban nugu logorak mbakwi kiinok, obeelom mban eerit nogo logonip o. It pemerintah ti, Ala abu'me logonet, kit obeelom mban logobagip nduk, eeko menggaarak me, obeelom mban eerit nugwi kiinok ti, iniki ale'nggen kinoba pinagago logogun o. Kit maluk eekwi kiinok perak, keele maakkinako logowak nduk, Ala nen it aret leenogo mippiyareegerak me, kit kinagabiti mbako logonet, inayuk wuko logonip o. Aakumi maluk eekwi iinok, Ala anini nen maluk onggo eeppiyoorak mbake nogo, it at abu'me mendek pemerintah nen eeppiigo logowak nduk, unde eeppiyareegerak me, 5it inoone liirogon aret konenggo logonip o. Ala anini nen kinooke kero, kinagabiti nen konenggo logorak ti lek. Ata, kinikime nen, ”Maluk eeriyak mage o,” yokkirage kenok, konembunuk eeko logonip o.
6It Ala nen mippiyareegerak nogo Ala abu'me logonet, liirogon ninarum wonogwe kenok, it inake aret eeko monggoorak me. 7”Wo'niraanip o,” yinuk yokkirogwe iinok, wogorogwe, kinarum wonogwe onggo wogorogwe, ”Ninayuk wuko logonip o,” yokkirogwe iinok, inayuk wukwi, ”Nit kinogobamini aret me, tiyappinagago logonip o,” yokkirogwe iinok, tiyappiigwi, eerit nogo logonip o.
Wone lengganak ndak-ndak eeko logonet, niniki-kiniki kunik aganako logorak wone
8Aakumi inamendek nomat woorak mage o. We nabuwa-kabuwa mban aret eeko logonip o. Nabuwa-kabuwa eekwi kinok, Ala nen Muta yoreegerak wone nogo ndak-ndak aret eekwi kiigi o. 9Ala nen ari logonet, ”Kit mbabi eeriyak mage o. Aap wariyak mage o. Yogoot kiraariyak mage o. Aap inamendek uugwe-ugwe mbariyak mage o,” yinuk, ari logonet, yi wone ndi wone abok inom yereegerak nogo ti, ”Kineebe-kiniki kunik eekkologo monggotak nogo kwak, it kinom monggotak ti togop aret kiniki kunik aganako logonip o,” yinuk, yereegerak wone lambuk togon yi paga mban wonage kenok, yokkirage agarik o. 10It kinom wonogwe kiniki kunik aganakwi nogo ti, maluk eerogo piigwi lek o. Ata, nabuwa-kabuwa eekwi me, at Muta nen yoreegerak wone nogo ndak-ndak aret eeko monggotak o.
11O yogondak eraambe abu alik negen age me, kit nogo yugwi negen wonogwe yi, kineenik a'nip o. Ninagap ndariyak nogo ti, nda negen kagak abet mbareegurak kwe, yogondak perak, abu panggo yi wagaarak me, wone yokkiragarak ti abok aret liippunuk, eeko logonip o. 12O apit lek age kagak, o kilim nagaburak abu panggo yi wagaarak me, o apit paga logonet eeko mengga kwak, eerit nugwi nogo mbo punuk, o wemenggerak eya paga wim nambukkolaabagip nduk, kineegin-kinarege li'luk aago logonip o. 13Eyoonggen anggur amburu nonggo nogootik, kumili-kumili negen agan nugwi, ndem wappunuk kwaanggen wako logonet, kumi ugun wuginakwi, iniki nen nengge kenok ugun eerit nugwi, ndugwi pugwi, neebi-keebi agan nugwi, eerit nugu logorak mage o. Ata, o liingge paga logonet eeko mengga kwak, nit togop aret eeko logowok o. 14Kit kiniki maan mendek nen maluk eeriyak eekkinake kenok mban eeko logogup o. Ata, at kinowe Yetut Keritut kinik me linik logonet, eerit nogo logonip o.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in