OROMA 10
10
1Noreewi o. ”Ala nen nowe-nawot Yakuri mendek inagap ndaruwak lak, ao!” mbake logonet, inake tamban mban eeke minggirak. 2It nen Ala wone aret uugwe mba'nuk eekwi kwe, wone eebe liippunuk eeka'lek iinok, yokkirage agarik o. 3Ala nen aakumi obeelom agago piige menggerak wone liippega'lek logonet, ”Nit ninalik nen obeelom eekkolaawok,” mba'nuk, Ala obeelom agago piyoorak wone nogo wagangga'lek aret wonogogwaarak. 4At Ala nen Muta yoreegerak wone nogo at Keritut nen a'me lik togon agago pereegerak me, nit aakumi abok niniki Keritut oba panggombunuk abet mbakwi niinok, obeelom agago pinanege menggerak.
Niniki abet mbakwi paga obeelom eeppinaniyak wone
5Ndi, Ala nen obeelom agago pinanege wone nogo Muta nen mbangge logonet, ”Kit ambi Ala nen, Yogop ee'nu, ndogop ee'nu, yereegerak wone nogo eekwi paga obeelom eekkoloorak mba'nuk, Ala nen yokkiragagerak ndak-ndak eerit nugwi ti paga nen kineenik aret logomunggup o,” yinuk, mbaneegerak kwe, 6-7Keritut mbogut paga nen wonok wambi wage, ndi, kambunuk nogo menggam nen wonok lagi wage, eeriyak nogo ti,
”Kiniki mba'nuk koonggo logonet,
Ta nen mbogut paga lagi nage?
ndi, aakumi kambunuk nogo menggam time,
Ta nen wambi nage?
eerigin o, yinuk, koonggwi mage o,”
yinuk, yereegerak wone liiru mbanak nogo ti, abet mbakwi wone negen lek o. 8Ata, abet mbakwi paga obeelom eeppinaniyak wone nogo yi aret o.
”Ala wone muk konenggo nogogutik,
kinoone paga agan nugwi,
kinikime porogo wonogwe,
eekwi o,”
yinuk, yereegerak liiru mbanak nogo ti, nit yokkirogo monggoorak abet mba'nuk waganeegutak nogo aret o. 9”At Ala nen aakumi kambunuk nogo menggam nen Yetut abet aret eenik agago mippereegerak o,” yinuk, kiniki abet mbako logonet, ”Yetut ti, ninowe aret o,” yinuk, aakumi inenggaanom paga paganggwi kiinok, Ala nen kinagap ndarigin o. 10Niniki nen abet mbakwi paga Ala nen obeelom eeppinanege menggerak kwe, ”Yetut ninowe o,” yinuk, aakumi inenggaanom paga paganggwi niinok perak, Ala nen ninagap ndake menggerak.
11”Aap ambi nen iniki at oba panggombunuk abet mbake kenok,
enggali arigin lek o,”
yinuk, liiru mbaneegerak nogo ti, 12it aakumi endekem konenggulik mendek inom, Yakuri mendek inom, inalitak lek ambit aret me, ”Ala ti, nit abok ninogoba aret o,” yinuk, liiru mbaneegerak kogo o. Nit abok nen, ”Ala wae,” yogwi niinok, at amendek kalo logonogo wo'nirage menggerak.
13”It aakumi abok nen, Nogoba wae, yo'nirumenggaarak kenok,
ti paga nen inagap ndarigin o,”
yinuk, liiru mbaneegerak nogo ti paga, Ala nit abok ninogoba aret me, ”Nogoba wae,” yogwi niinok, ninagap ndarigin o.
14-15”It aakumi obeelom wone yoranet nugu menggaarak ti,
mondok obeelom aret o,”
yinuk, liiru mbaneegerak kwe, nappiigwi lek kenok, wone obeelom wone nonggop togon yora noorak mbakop? Ndi, obeelom wone yora nogwe lek kenok, it aakumi nonggop togon konenggwi, ndi, konengga'lek kenok, nonggop togon Keritut abet mbakwi, ndi, abet mbaka'lek kenok ti, ”Nogoba wae,” ti nonggop togon yogwi, eeko logorak mbakop? Abu meek aret me, konenuwak nduk, nappiigo menggaarak kwe, 16at Yetaya nen ari logonet,
”Nogoba o. Nit yorogootak nogo
taani-taani nen abet mba'nuk waganggo agaarik mbakop?
Abu lek o,”
yinuk, yereegerak nogo ndak-ndak it aakumi abok wone obeelom wone yorogwe nogo wagangga'lek aret agaarik o. 17Ti kenok, Keritut wone abet mbariyak wone ti, yoragaatak paga mban konembunuk, abet mba'nuk waganggo menggaarak o.
18Wologwe wae. It yi aakumi ndi aakumi obeelom wone awo konengga'lek aret wonogogwaarak kenok, yokkirage mbako ogotik? Lek o.
”It yorogo menggaarak wone yi awi ndi awi abok wigak yereegerak me,
o ilin-unggut abok konenit nogogwaarak o,”
yinuk, liiru mbanak ti paga it abok koneneegwaarak aret kenok yokkiragi o. 19Ndi, ambi yokkira o. It aakumi Iterali mendek obeelom eeppiyoorak wone kobak wonogogwaarak kenok, yokkirage mbako ogotik? Ti lek mban o. At Muta nogo nen ari logonet,
”It aakumi inanebunu tebenak wi-wa mendek waganogo
kinobaane'me piya unggwi wage neenok,
kit nen kineebi-kineeba yogo logonet,
kinanini inoba piigo logomunggup o,”
yinuk, liiru mbaneegerak nogo ti paga it aakumi Iterali mendek wone ti wagangga'lek iinok, inobaane'me aap endekem mendek waganaburak ineenu aret wonogogwaarak kogo o. 20Ti'nuk, Ala nen Iterali mendek yoragagerak nogo Yetaya nen agabiti lek liiru mbangge logonet,
”It aakumi an mu'neren nugulik mendek nen mu'neren nugwi,
ndi, it an kin wa'neegulik mendek nogo,
an neebe nigiige mbareegi, ineenu ogwe,
eereegwaarak o,”
yinuk, liiru mbaneegerak nogo ti, ”It endekem konenggulik mendek aret o,” yinuk, yoragagerak kwe, 21it Iterali mendek nen eekwi iinok perak, Ala nen yorage logonet, ”Kit an noone wagangga'lek taganogo mbo pogo monggotak mendek nogo, kulinik-kalinik woraanip o, yinuk, neenggi walok yokkiragatak kwe, kiniki yugum negen kumbunuk, E, yaga'lek monggotak kiigi o,” yinuk, yoragagerak.
Currently Selected:
OROMA 10: WNO
Highlight
Copy
Compare
Share
Want to have your highlights saved across all your devices? Sign up or sign in
OROMA 10
10
1Noreewi o. ”Ala nen nowe-nawot Yakuri mendek inagap ndaruwak lak, ao!” mbake logonet, inake tamban mban eeke minggirak. 2It nen Ala wone aret uugwe mba'nuk eekwi kwe, wone eebe liippunuk eeka'lek iinok, yokkirage agarik o. 3Ala nen aakumi obeelom agago piige menggerak wone liippega'lek logonet, ”Nit ninalik nen obeelom eekkolaawok,” mba'nuk, Ala obeelom agago piyoorak wone nogo wagangga'lek aret wonogogwaarak. 4At Ala nen Muta yoreegerak wone nogo at Keritut nen a'me lik togon agago pereegerak me, nit aakumi abok niniki Keritut oba panggombunuk abet mbakwi niinok, obeelom agago pinanege menggerak.
Niniki abet mbakwi paga obeelom eeppinaniyak wone
5Ndi, Ala nen obeelom agago pinanege wone nogo Muta nen mbangge logonet, ”Kit ambi Ala nen, Yogop ee'nu, ndogop ee'nu, yereegerak wone nogo eekwi paga obeelom eekkoloorak mba'nuk, Ala nen yokkiragagerak ndak-ndak eerit nugwi ti paga nen kineenik aret logomunggup o,” yinuk, mbaneegerak kwe, 6-7Keritut mbogut paga nen wonok wambi wage, ndi, kambunuk nogo menggam nen wonok lagi wage, eeriyak nogo ti,
”Kiniki mba'nuk koonggo logonet,
Ta nen mbogut paga lagi nage?
ndi, aakumi kambunuk nogo menggam time,
Ta nen wambi nage?
eerigin o, yinuk, koonggwi mage o,”
yinuk, yereegerak wone liiru mbanak nogo ti, abet mbakwi wone negen lek o. 8Ata, abet mbakwi paga obeelom eeppinaniyak wone nogo yi aret o.
”Ala wone muk konenggo nogogutik,
kinoone paga agan nugwi,
kinikime porogo wonogwe,
eekwi o,”
yinuk, yereegerak liiru mbanak nogo ti, nit yokkirogo monggoorak abet mba'nuk waganeegutak nogo aret o. 9”At Ala nen aakumi kambunuk nogo menggam nen Yetut abet aret eenik agago mippereegerak o,” yinuk, kiniki abet mbako logonet, ”Yetut ti, ninowe aret o,” yinuk, aakumi inenggaanom paga paganggwi kiinok, Ala nen kinagap ndarigin o. 10Niniki nen abet mbakwi paga Ala nen obeelom eeppinanege menggerak kwe, ”Yetut ninowe o,” yinuk, aakumi inenggaanom paga paganggwi niinok perak, Ala nen ninagap ndake menggerak.
11”Aap ambi nen iniki at oba panggombunuk abet mbake kenok,
enggali arigin lek o,”
yinuk, liiru mbaneegerak nogo ti, 12it aakumi endekem konenggulik mendek inom, Yakuri mendek inom, inalitak lek ambit aret me, ”Ala ti, nit abok ninogoba aret o,” yinuk, liiru mbaneegerak kogo o. Nit abok nen, ”Ala wae,” yogwi niinok, at amendek kalo logonogo wo'nirage menggerak.
13”It aakumi abok nen, Nogoba wae, yo'nirumenggaarak kenok,
ti paga nen inagap ndarigin o,”
yinuk, liiru mbaneegerak nogo ti paga, Ala nit abok ninogoba aret me, ”Nogoba wae,” yogwi niinok, ninagap ndarigin o.
14-15”It aakumi obeelom wone yoranet nugu menggaarak ti,
mondok obeelom aret o,”
yinuk, liiru mbaneegerak kwe, nappiigwi lek kenok, wone obeelom wone nonggop togon yora noorak mbakop? Ndi, obeelom wone yora nogwe lek kenok, it aakumi nonggop togon konenggwi, ndi, konengga'lek kenok, nonggop togon Keritut abet mbakwi, ndi, abet mbaka'lek kenok ti, ”Nogoba wae,” ti nonggop togon yogwi, eeko logorak mbakop? Abu meek aret me, konenuwak nduk, nappiigo menggaarak kwe, 16at Yetaya nen ari logonet,
”Nogoba o. Nit yorogootak nogo
taani-taani nen abet mba'nuk waganggo agaarik mbakop?
Abu lek o,”
yinuk, yereegerak nogo ndak-ndak it aakumi abok wone obeelom wone yorogwe nogo wagangga'lek aret agaarik o. 17Ti kenok, Keritut wone abet mbariyak wone ti, yoragaatak paga mban konembunuk, abet mba'nuk waganggo menggaarak o.
18Wologwe wae. It yi aakumi ndi aakumi obeelom wone awo konengga'lek aret wonogogwaarak kenok, yokkirage mbako ogotik? Lek o.
”It yorogo menggaarak wone yi awi ndi awi abok wigak yereegerak me,
o ilin-unggut abok konenit nogogwaarak o,”
yinuk, liiru mbanak ti paga it abok koneneegwaarak aret kenok yokkiragi o. 19Ndi, ambi yokkira o. It aakumi Iterali mendek obeelom eeppiyoorak wone kobak wonogogwaarak kenok, yokkirage mbako ogotik? Ti lek mban o. At Muta nogo nen ari logonet,
”It aakumi inanebunu tebenak wi-wa mendek waganogo
kinobaane'me piya unggwi wage neenok,
kit nen kineebi-kineeba yogo logonet,
kinanini inoba piigo logomunggup o,”
yinuk, liiru mbaneegerak nogo ti paga it aakumi Iterali mendek wone ti wagangga'lek iinok, inobaane'me aap endekem mendek waganaburak ineenu aret wonogogwaarak kogo o. 20Ti'nuk, Ala nen Iterali mendek yoragagerak nogo Yetaya nen agabiti lek liiru mbangge logonet,
”It aakumi an mu'neren nugulik mendek nen mu'neren nugwi,
ndi, it an kin wa'neegulik mendek nogo,
an neebe nigiige mbareegi, ineenu ogwe,
eereegwaarak o,”
yinuk, liiru mbaneegerak nogo ti, ”It endekem konenggulik mendek aret o,” yinuk, yoragagerak kwe, 21it Iterali mendek nen eekwi iinok perak, Ala nen yorage logonet, ”Kit an noone wagangga'lek taganogo mbo pogo monggotak mendek nogo, kulinik-kalinik woraanip o, yinuk, neenggi walok yokkiragatak kwe, kiniki yugum negen kumbunuk, E, yaga'lek monggotak kiigi o,” yinuk, yoragagerak.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in