MATIYUT 3
3
At Yaya Yiime Wuppiige Menggerak nen yorage nagagerak wone
(Mrk 1:1-8, Luk 3:1-18, Ya 1:19-28)
1O ti eyom paga at Yaya Yiime Wuppiige Menggerak nogo nen o Yureya karume aakumi lek me wage nagagirik, aakumi yorage logonet. 2”At mbogut paga mendek abu'me pinagarak nogo panggo yi wagaarak me, kiniki koombunuk, kinomaluk mbo pinip o,” yinuk, yoragagerak ti, 3at Ala wone yorage nagagerak nabi Yetaya nen wone yorage logonet,
”Aap ambi karume aakumi lek me kuum ari logonet,
Ninowe endagembogut woroorak tu ogobakkigirogo yakwi,
ndi, at nage logorak tu koonogo yakwi, eeko logonip o,
yinuk, agan wage kaamunggup o,”
yinuk, yoragagerak nogo ti, at Yaya aret wagagerak o.
4At Yaya nogo ayum ti, wam unta eeruwak paga ogobakkigirogo yikkolage, ndi, agabe'le ti, wam agabolo mendek yikkolage, eeppunuk logonet, at ambi ti, yibila inom, teemok amburu inom, nengge nagagerak. 5Nogome wonage me, it aakumi o Yerutalem mendek inom, o Yureya mendek abok inom, yi Yoreran yibagan-enebagan mendek abok inom, iname lombok nen at owagam wogo nogogwaarik, 6inomaluk paganggo mbareegwa, at Yaya nen yi Yoreran inikime wuppiige nagagerak.
7Wuppiige me, aap Pariti mendek inom, aap Taruki mendek inom, ambik aret yiime wuppinanuwak nduk, at owagam wogwe iige nagagirik, it nogo yorage logonet, ”Waalo aakumi inooka kuwak eerak pogom kit aret o. Ala anini eeppinani wage nogo, eeppinagage kero, mbaganiyak kurumbi ta nen yokkiragaarak? 8Kiniki koombunuk kinomaluk mbo pogotak kenok, eyo anggen obeelom mendek yi'nage minggi kwak, kit togop ndak-ndak aret eeko logonip o. 9Kit nen, Nit obeelom, mbako logonet, Ninombo ti Abarakam aret o, yinuk, mban yogwe ti mage o. At Ala nen, Yugum yi, Abarakam ombowologwe aret a'nip o, yinuk, yorage kenok, ariyak op aret iigak, kit mban iya lek me, nonggop nduk yogo ogotik? 10Ye eyo alom muk kundugu agaarak me, yi eyo ndi eyo anggen obeelom mendek yege lek kenok, muurogo kani kunik me mambigin o,” yinuk, 11yorage nagagirik, ”An ta, kit kiniki koombunuk, kinomaluk mbo pugwi kiinok, yiime wuppinagage minggirak aret kwe, at ambi nambo'me woraagin nogo perak, Aberiniki inom, kani inom, wonok kinoba pinagi woraagin me, at aap nggwok aret o. Ndi, an mbuuluk me, an nen at iyogogut nggerenak piiniyak meek o. 12Gandum anggen ndegeniyak nduk, tenggap at eenggime porogo wonage me, ndegengge minggim abu ndegembunuk, eebe kenok, kuwak eerogo tilaabaga pege, ndi, ameneno kenok, kani noguk ari lek wunuk mban ari minggim nappege, eerigin o,” yinuk, yoragagerak.
Yaya nen Yetut yiime wuppereegerak wone
(Mrk 1:9-11, Luk 3:21-22)
13Yorage mbareegi, at Yetut nogo, ”Yaya nen yiime wuppanuwak,” mba'nuk, o Nggalileya nen Yaya yi Yoreran inikime wonage me, ka wage mbareegi, 14Yaya nen oone nonggaruk togon yoge logonet, ”Kat nen an yiime wuppaniyak op kwe, an nowagam wagandak kiraap!”
15Yoreegerak kwe, at Yetut nen, ”Nit togop eekwi paga Ala nen yi mendek ndi mendek obeelom lombok eeko logorak mbareegerak nogo, a'me lik ari logogin me, E, yu o,” yoge mbareegi, ”E o,” yereegerak.
16”E o,” yinuk, yiime wuppege mbareegi, Yetut yiime nen awo wundi nage kagak, mbogut keyaappege mbareegi, Aberiniki towe puume pogom wiga agan Yetut oba nabi wage kagagerak. 17Kage nagagirik, mbogut paga nen oone ari logonet, ”Naput niniki kunik ale'nggen ee'nake yi aret o,” yinuk, ari kagagerak.
Currently Selected:
MATIYUT 3: WNO
Highlight
Share
Copy
Want to have your highlights saved across all your devices? Sign up or sign in
MATIYUT 3
3
At Yaya Yiime Wuppiige Menggerak nen yorage nagagerak wone
(Mrk 1:1-8, Luk 3:1-18, Ya 1:19-28)
1O ti eyom paga at Yaya Yiime Wuppiige Menggerak nogo nen o Yureya karume aakumi lek me wage nagagirik, aakumi yorage logonet. 2”At mbogut paga mendek abu'me pinagarak nogo panggo yi wagaarak me, kiniki koombunuk, kinomaluk mbo pinip o,” yinuk, yoragagerak ti, 3at Ala wone yorage nagagerak nabi Yetaya nen wone yorage logonet,
”Aap ambi karume aakumi lek me kuum ari logonet,
Ninowe endagembogut woroorak tu ogobakkigirogo yakwi,
ndi, at nage logorak tu koonogo yakwi, eeko logonip o,
yinuk, agan wage kaamunggup o,”
yinuk, yoragagerak nogo ti, at Yaya aret wagagerak o.
4At Yaya nogo ayum ti, wam unta eeruwak paga ogobakkigirogo yikkolage, ndi, agabe'le ti, wam agabolo mendek yikkolage, eeppunuk logonet, at ambi ti, yibila inom, teemok amburu inom, nengge nagagerak. 5Nogome wonage me, it aakumi o Yerutalem mendek inom, o Yureya mendek abok inom, yi Yoreran yibagan-enebagan mendek abok inom, iname lombok nen at owagam wogo nogogwaarik, 6inomaluk paganggo mbareegwa, at Yaya nen yi Yoreran inikime wuppiige nagagerak.
7Wuppiige me, aap Pariti mendek inom, aap Taruki mendek inom, ambik aret yiime wuppinanuwak nduk, at owagam wogwe iige nagagirik, it nogo yorage logonet, ”Waalo aakumi inooka kuwak eerak pogom kit aret o. Ala anini eeppinani wage nogo, eeppinagage kero, mbaganiyak kurumbi ta nen yokkiragaarak? 8Kiniki koombunuk kinomaluk mbo pogotak kenok, eyo anggen obeelom mendek yi'nage minggi kwak, kit togop ndak-ndak aret eeko logonip o. 9Kit nen, Nit obeelom, mbako logonet, Ninombo ti Abarakam aret o, yinuk, mban yogwe ti mage o. At Ala nen, Yugum yi, Abarakam ombowologwe aret a'nip o, yinuk, yorage kenok, ariyak op aret iigak, kit mban iya lek me, nonggop nduk yogo ogotik? 10Ye eyo alom muk kundugu agaarak me, yi eyo ndi eyo anggen obeelom mendek yege lek kenok, muurogo kani kunik me mambigin o,” yinuk, 11yorage nagagirik, ”An ta, kit kiniki koombunuk, kinomaluk mbo pugwi kiinok, yiime wuppinagage minggirak aret kwe, at ambi nambo'me woraagin nogo perak, Aberiniki inom, kani inom, wonok kinoba pinagi woraagin me, at aap nggwok aret o. Ndi, an mbuuluk me, an nen at iyogogut nggerenak piiniyak meek o. 12Gandum anggen ndegeniyak nduk, tenggap at eenggime porogo wonage me, ndegengge minggim abu ndegembunuk, eebe kenok, kuwak eerogo tilaabaga pege, ndi, ameneno kenok, kani noguk ari lek wunuk mban ari minggim nappege, eerigin o,” yinuk, yoragagerak.
Yaya nen Yetut yiime wuppereegerak wone
(Mrk 1:9-11, Luk 3:21-22)
13Yorage mbareegi, at Yetut nogo, ”Yaya nen yiime wuppanuwak,” mba'nuk, o Nggalileya nen Yaya yi Yoreran inikime wonage me, ka wage mbareegi, 14Yaya nen oone nonggaruk togon yoge logonet, ”Kat nen an yiime wuppaniyak op kwe, an nowagam wagandak kiraap!”
15Yoreegerak kwe, at Yetut nen, ”Nit togop eekwi paga Ala nen yi mendek ndi mendek obeelom lombok eeko logorak mbareegerak nogo, a'me lik ari logogin me, E, yu o,” yoge mbareegi, ”E o,” yereegerak.
16”E o,” yinuk, yiime wuppege mbareegi, Yetut yiime nen awo wundi nage kagak, mbogut keyaappege mbareegi, Aberiniki towe puume pogom wiga agan Yetut oba nabi wage kagagerak. 17Kage nagagirik, mbogut paga nen oone ari logonet, ”Naput niniki kunik ale'nggen ee'nake yi aret o,” yinuk, ari kagagerak.
Currently Selected:
:
Highlight
Share
Copy
Want to have your highlights saved across all your devices? Sign up or sign in