2 TIMOTIYUT 3
3
Age yobok paga aakumi nonggop logorak wone
1Naput wae. Peebi o age yobok paga aaninggin abu alik negen kinoba ari woraagin nogo, keenu a'nok nduk, yokkigi o. 2Ti eyom paga eeriyak nogo ti, aakumi iniki nggilimi wonogwe, wu mban uugwe mbarit nugwi, iniki tiyappatit nugwi, wi niruwak nduk wogoppatit nugwi, inoreewi miyuk-meya eerogo piinet nugwi, inagalo-inogoba inoone liirogon konengga'lek nugwi, lambek-nggoonak nugwi, Ala wone taganogo pit nugwi, eeko logogun aret o. 3Ti eerit nugu logonet, inowe-inawot inabuwa mbakwi, iniki yanggo yuwak nduk inom wone mbanggwi, eeriyak abu meek aret logogin o. Aakumi inabok mbanit nogwe, eeriyak aganake kenok tebenogo pugwi lek mondok eerit nugwi, inanini wulo lombok logonet, aakumi mondok inoorit nugwi, obeelom eeriyak mondok ineebi mbarit nugwi, 4aakumi inambokan laganggwi, iniki koongga'lek ugun eerit nugwi, ”An mban iya,” mbarit nugwi, Ala inikilom mbakwi lek iniki nengge kenok mugurok noorak mban inikilom mbakwi, ti mendek mban eerit nogo logogun. 5Ndi, ti eerit nugu logonet, nit Ala wone abet mba'nuk mugurok nogwe ndak-ndak, it kunduk inagabolo paga Ala aput etenggen negen eekkolamenggaarak kwe, iniki perak, ”Ala nen obeelom ee'naburak nineebi o,” yinuk, yogo logogun. It aap ti iinok, inogole nen mbagangge logonu o. 6It aap ti nen oome ungguwok nduk, inoone waanggo-waanggo yorogo logomenggaarik, unggwogwe iinok, it kumi iniki nengge kenok mugurok nogo logonet, maluk eeko nogogwaarak paga iniki aaninggin wonogwe nogo, inoone yanggorogon yorogo logonet, iniki nomonggo menggaarak. 7It kumi ti nen kulinik-kalinik, ”Wone yo'ninip o,” yorogo menggaarak kwe, Ala ari menggerak wone nogo wagangga'lek aret menggaarak. 8It aap Yanet Yamberet imbirak Muta wone, ”Nineebi o,” yinuk, yogogwaarak nogo pogom, it aap ti, Ala ari menggerak wone, ”Nineebi o,” yinuk, yogo menggaarak. It iniki mondok maluk mban koonggwi me, nit wone abet mba'nuk eekwi paga inabut mbambunuk, eekwi lek iinok, mbo piyareegurak. 9It aap Yanet Yamberet imbirak eerit nogogwaarak kin agagerak nogo pogom, it aap ti, iniki ugun kobak logonet, agan nugwi nogo aakumi abok inenggaanom paga pagak ari kenok, ambinom eerugun lek o.
Eeke logowak nduk, irip paga yoreegerak wone
10Kat perak, an wone mamunirage, eerit nage, eeriyak niniki koongge, niniki at oba panggombunuk abet mbake, maluk eeppanugwi iigak, niniki yanggonak wonage, aakumi niniki kunik aganake, maluk eeppanugwi kwe, nogogumbuk logonet wagangge, eerit nage neyareegindak nogo o. 11Ndi, an o Andiyokiya inom, o Ikoniyum inom, o Litera inom, wonage me, piyak-payak ee'nakwi iigak, nogogumbuk logonet wagangge nagagirak kwak, yogondak ee'nakwi iinok, wagangge minggirak abok aret kat keenu aret o. An o time wonage me eeppanugwi iigak, nogogumbuk logonet wagangge neegak, nowe endagembogut nen nagap ndareegerak me, iya! 12Yi aakumi ndi aakumi Keritut Yetut inom kunik logonet, Ala wone liippunuk eeruwok mbakwi iinok, piyak-payak agago piinet nugu logogun aret o. 13Togop aret kwe, it aakumi maluk eeka inom, pilit pugungga inom, maluk ambinom nggwok eerit nugu logonet, it mban-mban inambokan laganggologo logogun kwe, 14kat perak, yi wone ndi wone, ”Yi abet aret o,” yinuk, mamunggolagagindak nogo, nggirik-nggerok porogo logot o. Taamuni nen mamunggireegwaarak nogo keenu aret. 15Ala yereegerak wone liiru mbanak Keritut Yetut abet mbakwi niinok, ninagap ndariyak nineenu ee'ninabuurak wone wulaga mbuuluk paga kat keenu agagindak nogo, abeke logonet, nggirik-nggerok porogo logot o. 16Ala yereegerak wone liiru mbanak abok aret Aberiniki aakumi inikime lik ari nagagirik, yorage kagak, mbaneegwaarak. Yorage kagak, liiru mbaneegwaarak me, wone mbanak yi nogo paga nen aakumi mamunirogwe, inoone alik agan nugwi nogo kooninakwi, maluk eekwi iinok inaruk wakwi, ndi, obeelom mban eeko logowak nduk, lengganogo yorogwe, eeko logowak nduk, mbanak aret menggerak. 17At Ala yereegerak liiru mbanak wo'niragagerak nogo ti, nit Ala apuri logonet, yi obeelom ndi obeelom eeko logowak nduk li'luk agago pinaneegerak.
Currently Selected:
2 TIMOTIYUT 3: WNO
Highlight
Copy
Compare
Share
Want to have your highlights saved across all your devices? Sign up or sign in
2 TIMOTIYUT 3
3
Age yobok paga aakumi nonggop logorak wone
1Naput wae. Peebi o age yobok paga aaninggin abu alik negen kinoba ari woraagin nogo, keenu a'nok nduk, yokkigi o. 2Ti eyom paga eeriyak nogo ti, aakumi iniki nggilimi wonogwe, wu mban uugwe mbarit nugwi, iniki tiyappatit nugwi, wi niruwak nduk wogoppatit nugwi, inoreewi miyuk-meya eerogo piinet nugwi, inagalo-inogoba inoone liirogon konengga'lek nugwi, lambek-nggoonak nugwi, Ala wone taganogo pit nugwi, eeko logogun aret o. 3Ti eerit nugu logonet, inowe-inawot inabuwa mbakwi, iniki yanggo yuwak nduk inom wone mbanggwi, eeriyak abu meek aret logogin o. Aakumi inabok mbanit nogwe, eeriyak aganake kenok tebenogo pugwi lek mondok eerit nugwi, inanini wulo lombok logonet, aakumi mondok inoorit nugwi, obeelom eeriyak mondok ineebi mbarit nugwi, 4aakumi inambokan laganggwi, iniki koongga'lek ugun eerit nugwi, ”An mban iya,” mbarit nugwi, Ala inikilom mbakwi lek iniki nengge kenok mugurok noorak mban inikilom mbakwi, ti mendek mban eerit nogo logogun. 5Ndi, ti eerit nugu logonet, nit Ala wone abet mba'nuk mugurok nogwe ndak-ndak, it kunduk inagabolo paga Ala aput etenggen negen eekkolamenggaarak kwe, iniki perak, ”Ala nen obeelom ee'naburak nineebi o,” yinuk, yogo logogun. It aap ti iinok, inogole nen mbagangge logonu o. 6It aap ti nen oome ungguwok nduk, inoone waanggo-waanggo yorogo logomenggaarik, unggwogwe iinok, it kumi iniki nengge kenok mugurok nogo logonet, maluk eeko nogogwaarak paga iniki aaninggin wonogwe nogo, inoone yanggorogon yorogo logonet, iniki nomonggo menggaarak. 7It kumi ti nen kulinik-kalinik, ”Wone yo'ninip o,” yorogo menggaarak kwe, Ala ari menggerak wone nogo wagangga'lek aret menggaarak. 8It aap Yanet Yamberet imbirak Muta wone, ”Nineebi o,” yinuk, yogogwaarak nogo pogom, it aap ti, Ala ari menggerak wone, ”Nineebi o,” yinuk, yogo menggaarak. It iniki mondok maluk mban koonggwi me, nit wone abet mba'nuk eekwi paga inabut mbambunuk, eekwi lek iinok, mbo piyareegurak. 9It aap Yanet Yamberet imbirak eerit nogogwaarak kin agagerak nogo pogom, it aap ti, iniki ugun kobak logonet, agan nugwi nogo aakumi abok inenggaanom paga pagak ari kenok, ambinom eerugun lek o.
Eeke logowak nduk, irip paga yoreegerak wone
10Kat perak, an wone mamunirage, eerit nage, eeriyak niniki koongge, niniki at oba panggombunuk abet mbake, maluk eeppanugwi iigak, niniki yanggonak wonage, aakumi niniki kunik aganake, maluk eeppanugwi kwe, nogogumbuk logonet wagangge, eerit nage neyareegindak nogo o. 11Ndi, an o Andiyokiya inom, o Ikoniyum inom, o Litera inom, wonage me, piyak-payak ee'nakwi iigak, nogogumbuk logonet wagangge nagagirak kwak, yogondak ee'nakwi iinok, wagangge minggirak abok aret kat keenu aret o. An o time wonage me eeppanugwi iigak, nogogumbuk logonet wagangge neegak, nowe endagembogut nen nagap ndareegerak me, iya! 12Yi aakumi ndi aakumi Keritut Yetut inom kunik logonet, Ala wone liippunuk eeruwok mbakwi iinok, piyak-payak agago piinet nugu logogun aret o. 13Togop aret kwe, it aakumi maluk eeka inom, pilit pugungga inom, maluk ambinom nggwok eerit nugu logonet, it mban-mban inambokan laganggologo logogun kwe, 14kat perak, yi wone ndi wone, ”Yi abet aret o,” yinuk, mamunggolagagindak nogo, nggirik-nggerok porogo logot o. Taamuni nen mamunggireegwaarak nogo keenu aret. 15Ala yereegerak wone liiru mbanak Keritut Yetut abet mbakwi niinok, ninagap ndariyak nineenu ee'ninabuurak wone wulaga mbuuluk paga kat keenu agagindak nogo, abeke logonet, nggirik-nggerok porogo logot o. 16Ala yereegerak wone liiru mbanak abok aret Aberiniki aakumi inikime lik ari nagagirik, yorage kagak, mbaneegwaarak. Yorage kagak, liiru mbaneegwaarak me, wone mbanak yi nogo paga nen aakumi mamunirogwe, inoone alik agan nugwi nogo kooninakwi, maluk eekwi iinok inaruk wakwi, ndi, obeelom mban eeko logowak nduk, lengganogo yorogwe, eeko logowak nduk, mbanak aret menggerak. 17At Ala yereegerak liiru mbanak wo'niragagerak nogo ti, nit Ala apuri logonet, yi obeelom ndi obeelom eeko logowak nduk li'luk agago pinaneegerak.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in