1 TETALONIKA 1
1
LIIRU AA'NDUK AAKUMI TETALONIKA MENDEK INAKE
MBANEEGWAARAK WONE
1Noreewi o. Kit Ala apuri ninogoba Ala ninowe Yetut Keritut kinom kunik logonet, o Tetalonika kuwak eeko monggotak nogo, an Pawulut kunduk, Tiliwanut kunduk, Timotiyut kunduk nit nen wone ambi yokkiraawi o.
Ala iniki kunik nen wokkirage, kiniki ugun obeelom aret logobagip nduk, eeppinagage, eeke logogin o.
Ala apuri o Tetalonika mendek nen abet mba'nuk eeko nogogwaarak wone
2Nit tamban eeko monggoorak me, eeko logonet, kit abok kiinok kulinik-kalinik Ala, ”Wa,” yogo monggoorak. 3Kit abet mba'nuk eerit nugwi, aakumi inabuwa nen nggwiirit-nggwaarit obeelom eeppiinet nugwi, ndi, nit ninogoba Ala enegen kagak ninowe Yetut Keritut kiniki luunik wonogwe me, aaninggin kinoba age kagak kinogogumbuk logonet waganggwi, eekwi nogo ti, aberak mban monggoorak o. 4Noreewi o. Ala iniki kunik eekkinake logonet, miikkinabeegerak nogo ti, nineenu aret o. 5Nit nen obeelom wone yokkira wogogurak nogo ti, we nit ninoone mendek mban lek o. Ata, Aberiniki nen yo'nirage kagak, mondok yokkirogogurak paga kinikime nen, ”Ie! Wone yi abet aret kagi o,” yinuk, waganeegutak nogo o. Kit mamunggolaabagip nduk, nit kinenggela'me logonet, nonggop eerit nogogurak nogo ti, kineenu aret o. 6Maluk eeppinagagwi iigak, Aberiniki nen kiniki ale'nggen eekkinake kagak, wone waganggo nogogutik, nit ninowe ninom eeko monggoorak nogo ndak-ndak aret eeko nogogutak. 7Togop eeko nogogutak me, it aakumi abet mbakwi o Makendoniya inom, o Akaya inom, abok aret kit paga kinogut wakkagak eeko agaarik o. 8Kit eekwi paga ninowe wone nogo o Makendoniya inom, o Akaya inom, time mban wiganinuk noolik o. Ata, yi awi ndi awi abok aret kit Ala abet mbareegutak nogo wiganinuk nagagerak me, nit wone ambi yorogo logorak lek aret nogo o. 9Nit nogo kiya wogo mbareegu, wo'ninabeegutak nogo inom, kuguwak eeko nogogutak nogo mbo punuk, Ala eenik abet aret menggerak nogo mugurok nogo logobagip nduk miikkologogutak nogo inom, 10ndi, at aput Yetut mbogut paga nen wambi woroorak nduk, tokkogwe nogo inom, abok aret nit yo'nirogo menggaarak. At aput Yetut kambunuk nogo menggam nen eenik agago mippereegerak Ala nogo nen, peebi anini nen nit maluk eeppinanege kero nduk, Yetut nen ninagap ndareegerak.
Currently Selected:
1 TETALONIKA 1: WNO
Highlight
Copy
Compare
Share
Want to have your highlights saved across all your devices? Sign up or sign in
1 TETALONIKA 1
1
LIIRU AA'NDUK AAKUMI TETALONIKA MENDEK INAKE
MBANEEGWAARAK WONE
1Noreewi o. Kit Ala apuri ninogoba Ala ninowe Yetut Keritut kinom kunik logonet, o Tetalonika kuwak eeko monggotak nogo, an Pawulut kunduk, Tiliwanut kunduk, Timotiyut kunduk nit nen wone ambi yokkiraawi o.
Ala iniki kunik nen wokkirage, kiniki ugun obeelom aret logobagip nduk, eeppinagage, eeke logogin o.
Ala apuri o Tetalonika mendek nen abet mba'nuk eeko nogogwaarak wone
2Nit tamban eeko monggoorak me, eeko logonet, kit abok kiinok kulinik-kalinik Ala, ”Wa,” yogo monggoorak. 3Kit abet mba'nuk eerit nugwi, aakumi inabuwa nen nggwiirit-nggwaarit obeelom eeppiinet nugwi, ndi, nit ninogoba Ala enegen kagak ninowe Yetut Keritut kiniki luunik wonogwe me, aaninggin kinoba age kagak kinogogumbuk logonet waganggwi, eekwi nogo ti, aberak mban monggoorak o. 4Noreewi o. Ala iniki kunik eekkinake logonet, miikkinabeegerak nogo ti, nineenu aret o. 5Nit nen obeelom wone yokkira wogogurak nogo ti, we nit ninoone mendek mban lek o. Ata, Aberiniki nen yo'nirage kagak, mondok yokkirogogurak paga kinikime nen, ”Ie! Wone yi abet aret kagi o,” yinuk, waganeegutak nogo o. Kit mamunggolaabagip nduk, nit kinenggela'me logonet, nonggop eerit nogogurak nogo ti, kineenu aret o. 6Maluk eeppinagagwi iigak, Aberiniki nen kiniki ale'nggen eekkinake kagak, wone waganggo nogogutik, nit ninowe ninom eeko monggoorak nogo ndak-ndak aret eeko nogogutak. 7Togop eeko nogogutak me, it aakumi abet mbakwi o Makendoniya inom, o Akaya inom, abok aret kit paga kinogut wakkagak eeko agaarik o. 8Kit eekwi paga ninowe wone nogo o Makendoniya inom, o Akaya inom, time mban wiganinuk noolik o. Ata, yi awi ndi awi abok aret kit Ala abet mbareegutak nogo wiganinuk nagagerak me, nit wone ambi yorogo logorak lek aret nogo o. 9Nit nogo kiya wogo mbareegu, wo'ninabeegutak nogo inom, kuguwak eeko nogogutak nogo mbo punuk, Ala eenik abet aret menggerak nogo mugurok nogo logobagip nduk miikkologogutak nogo inom, 10ndi, at aput Yetut mbogut paga nen wambi woroorak nduk, tokkogwe nogo inom, abok aret nit yo'nirogo menggaarak. At aput Yetut kambunuk nogo menggam nen eenik agago mippereegerak Ala nogo nen, peebi anini nen nit maluk eeppinanege kero nduk, Yetut nen ninagap ndareegerak.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in