BILANGAN 22
22
Mane Moab-pa naloo Bileam
1Basa boema, hataholi Israel-la la'o seluk, de ala ofu leme masadokek Moab-pa, nai lee Yarden-na selik, fo deka no Yerikho.
2-3Lelek Moab manen-na na'de Balak, fo Zipor anan-na, namanene leoina Israel-la tao hataholi Amori-la leo beek, ma lae leoina ndia, hataholin-nala makadotok nanseli boema, no laun-na lala'en-na, ala dele bengge'be. 4Boema, hataholi Moab-pala lafa'da hataholi Midian-nala mauli-malangan-nala lae, “Ta dook-ka so'on te, solda'du makadotoina sila-la, la'a heni basa hata lala'en manai ita boboa kaisun, sama leo sapi na'a na'u-a, nai mook-ka.” Boema, Mane Balak-ka 5#2Ptr. 2:15-16; Yud. 11 nadenu hataholi neu naloo Bileam, fo Beor anan-na, ana leo nai kota Petor-ra, deka no Lee Efrat-ta, nai nusa Amau. Nadenus fo landuku-lalosak Balak hala hehelun-na nde ia neu Bileam nae, “Fo ela o bubuluk leon te, leoina esa, ana mai neme Masir mai; hataholin-nala lakapepela su'di leo bee leu, de laheheleaon fo sapu-la ami nusam-ma. 6Hataholi sila-la, balakain-na lena heni ami. Da'di, mai leona! Fo supa-soos soaneu au. Fafa'kama ami hapu sengis, fo ami usi henis leme nusak ia mai. Nana au amahele, metema o fe hataholi baba'e-papalak soona, neukose ana hapu baba'e-papalak, ma o supa-soo hataholi soona, neukose ana hapu supa-sook.”
7Boema hataholi Moab ma Midian sila-la mauli-malangan-nala la'o, de leni fe Bileam sese'ba-babaek, fo ana nau supa-soo hataholi Israel-la. Lelek ala losa Bileam boema, landuku-lalosak Mane Balak-ka hala-hehelun-na. 8Boema, Bileam nafa'das nae, “Sungu meme ia. Fo balahaa soona, au afa'da emi, hata fo Manetualain nafa'dan neu au.” Boema basa mauli-malangan Moab sila-la, sungu loo Bileam.
9Boema Manetualain mai, de natane Bileam nae, “See hataholi sila-la, de ala sungu loo o, Bileam?”
10Boema Bileam nataa nae, “Mane Balak-ka neme Moab, nde nadenu hataholi sila-la mai, fo leni halak 11lae leoina esa neme Masir mai, de lakapepela su'di lai bee-bee boe. Mane Balak-ka nadenu au, fo supa-soo leoina ndia, soaneu ndia, fo ela natee-natati nos, fo ana usi henis.”
12Boema Manetualain nafa'da Bileam nae, “O boso muu sama-sama moo hataholi sila-la, ma boso supa-soo leoina ndia, nana Au ba'e-pala basa hataholi sila so.”
13Balahaa boema, Bileam nafa'da Balak nadenu hataholi sila-la nae, “Fali leona, te Manetualain ta fe au loak, fo ita teu sama-sama fa.” 14Boema hataholi sila-la fali le'us leo Balak leu, de lafa'dan lae Bileam ta nau mai fa.
15Boema Balak nadenu hataholi makadotok de'u lena seluk bai, ma nangatutuun-nala dema lena hataholi makasososak-kala. 16Ala landuku-lalosak Balak hala hehelun-na nde ia, neu Bileam nae, “Au dokodoe anseli: de mai leona, fo boso tipa au hala nonokeng-nga. 17Neukose au bae o, makadotok nanseli, ma au tao su'di beek, fo o mafa'dan. Sa'di mai leona, fo supa-soo leoina ndia, soaneu au.”
18Tehu Bileam nataa nae, “Leomae Mane Balak-ka se'ba-bae au nenik basa lilofulak, ma lilopilas manai uma manek-ka dalek lala'en-na boeo, au ta bisa la'olena Manetualain, fo au sene-do'ok-ka, paletan-na fa. Leomae nai dede'a me'doana esa dalek boe, au ta bisa lena-la'ba fan. 19Tehu, malole lenak emi sungu meme ia, sama leo hataholi nadedenuk makahuluk-kala. Au hii bubuluk, ade fafa'kama Manetualain nau nafa'da au, hata esa seluk bai.”
20Le'odaek ndia, Manetualain mai, de nafa'da Bileam nae, “Hataholi sila-la ala mai, fo loke o, muu sama-sama moos. Da'di, maheheleaom, fo muu leona. Tehu, ana fe o ta beek soona, taok-ka'da ndia.” 21Balahaa boema, Bileam sa'e-na kedein-na, de no mauli-malangan Moab sila-la la'o leona.
Bileam no keledein-na
22Tehu lelek Bileam la'o boema, Manetualain namanasa nanseli. Lelek Bileam bei nai keledein lain, fo lelek ndia, malalau-maoonon dua tungan, boema Manetualain ata nusa so'dan-na, napadeik nai enok-ka tala'da, fo napanggen. 23Keledei ndia nita ata nusa so'dak-ka lesu-na tafainan-na, de napadeik nai ndia boema, ana lepos fali leo tina esa dalek neu. Bileam fepa keledei ndia, de ana hela falik-kana leo enok-ka mai. 24Basa boema, Manetualain ata nusa so'dak ndia, napadeik neu eno makabi'ak-ka, fo nai papala batu nanadamak-ka no osi angol-la tala'da. 25Lelek keledei ndia, nita Manetualain ata nusa so'dan-na boema nasingok, de nalosa Bileam ein-na nakahapi no papala nanadamak-ka. Bileam fepa seluk keledein ndia. 26Boema Manetualain ata nusa so'dan-na, lali mamanak, de napadeik neu mamana makabi'aanak nanseli, de ta hapu heok leo kii do kona neu fa. 27Keledei ndia nita Manetualain ata nusa so'dan-na boema, ana bala neu. Bileam namanasa, de ana fepa keledei ndia, nenik ai tete'en-na. 28Boema Manetualain fe keledei ndia, bisa kokolak. Bana ndia nafa'da Bileam nae, “Ade, au tao sala Tuan beek, de nalosa Tuan fepa au, losa la'i telu?”
29Bileam nataa nae, “O tao makamiminak au, de leouni'ka, au ho'u tafaina soona, tao leo bee-o, au taoisa o so!”
30Boema keledei ndia nataa nae, “Ade au ia, ta Tuan keledein fa, fo Tuan sa'en neme doon eli mai so do? Ade, au lena-la'ban hai Tuan so do beik?”
Bileam nataa nae, “Ta.”
31Boema Manetualain fe Bileam bisa nita Manetualain ata nusa so'dan, ana ho'uisik tafainan-na, de napadeik nai ndia. Tutik-ka, Bileam senek neu dae lain, de ana fe ha'da-holomata. 32Manetualain ata nusa so'dan-na, natane nae, “Tao le'e de, o fepa o keledeim-ma, losa la'i telu? Au mai, soaneu apanggengge o, nana tunga Au hahapung-nga, metema o muu soona, ta malole fa. 33Lelek o keledeim-ma nita Au, boema nasingok la'i telu. So'ba leo ta soona, tao leo bee-o, Au taoisa o so, tehu Au fe keledei ndia naso'da.”
34Boema Bileam nataa nae, “Au asala-asingo so. Au ta bubuluk, ae Tuan napadeik nai enok-ka tala'da, fo napangge au fa. Tehu besak ia, tunga Tuan hahapun-na, metema au la'ok akandoo soona, ta malole fa, de neukose au fali.”
35Tehu Manetualain ata nusa so'dan-na nae, “O moo hataholi sila-la, tunga Au leona. Tehu o bole kokolak, ka'da hata fo Au adenu o kokolak-kana.” Boema Bileam no Balak nadenu hataholi sila-la, la'ok lakandoo.
Balak soluk Bileam
36Lelek Balak namanene, nae neukose Bileam mai boema, neu soluk-kana, nai kota Moab-pa, nai Lee Arnon-na selik, fo nai Moab dae toon-na. 37Boema Balak nafa'dan nae, “Tao le'e de, o ta mai ndek, au aloo o makasososan-na fa? Ade, o maedaenga, au ta se'ba-bae abe'i o fa do?”
38Bileam nataa nae, “Nah, besak ia, au mai so. Tehu, au ta anuu haak afa'da hata esa boen, te ka'da Manetualain nde nadenu au afa'dan-nana.” 39Boema, Bileam no Balak leu leo kota Huzot-ta leu. 40Ala losa boema, Balak tati sapi ma do'do bi'ilopo de'ubee. Ana fe bana sila-la paan-na seli leo, Bileam no basa mauli-malangan fo manasama-sama loon-nana.
Bileam kokolak dede'a nafa'da elak makasososak-ka
41Balahaa boema, Balak no Bileam, nde nda'e leo pupuku Bamot Baal-la lain leu. Bileam hapu nita leoina Israel-la seli, neme mamanak ndia mai.
Currently Selected:
BILANGAN 22: twu
Highlight
Copy
Compare
Share
Want to have your highlights saved across all your devices? Sign up or sign in
BILANGAN 22
22
Mane Moab-pa naloo Bileam
1Basa boema, hataholi Israel-la la'o seluk, de ala ofu leme masadokek Moab-pa, nai lee Yarden-na selik, fo deka no Yerikho.
2-3Lelek Moab manen-na na'de Balak, fo Zipor anan-na, namanene leoina Israel-la tao hataholi Amori-la leo beek, ma lae leoina ndia, hataholin-nala makadotok nanseli boema, no laun-na lala'en-na, ala dele bengge'be. 4Boema, hataholi Moab-pala lafa'da hataholi Midian-nala mauli-malangan-nala lae, “Ta dook-ka so'on te, solda'du makadotoina sila-la, la'a heni basa hata lala'en manai ita boboa kaisun, sama leo sapi na'a na'u-a, nai mook-ka.” Boema, Mane Balak-ka 5#2Ptr. 2:15-16; Yud. 11 nadenu hataholi neu naloo Bileam, fo Beor anan-na, ana leo nai kota Petor-ra, deka no Lee Efrat-ta, nai nusa Amau. Nadenus fo landuku-lalosak Balak hala hehelun-na nde ia neu Bileam nae, “Fo ela o bubuluk leon te, leoina esa, ana mai neme Masir mai; hataholin-nala lakapepela su'di leo bee leu, de laheheleaon fo sapu-la ami nusam-ma. 6Hataholi sila-la, balakain-na lena heni ami. Da'di, mai leona! Fo supa-soos soaneu au. Fafa'kama ami hapu sengis, fo ami usi henis leme nusak ia mai. Nana au amahele, metema o fe hataholi baba'e-papalak soona, neukose ana hapu baba'e-papalak, ma o supa-soo hataholi soona, neukose ana hapu supa-sook.”
7Boema hataholi Moab ma Midian sila-la mauli-malangan-nala la'o, de leni fe Bileam sese'ba-babaek, fo ana nau supa-soo hataholi Israel-la. Lelek ala losa Bileam boema, landuku-lalosak Mane Balak-ka hala-hehelun-na. 8Boema, Bileam nafa'das nae, “Sungu meme ia. Fo balahaa soona, au afa'da emi, hata fo Manetualain nafa'dan neu au.” Boema basa mauli-malangan Moab sila-la, sungu loo Bileam.
9Boema Manetualain mai, de natane Bileam nae, “See hataholi sila-la, de ala sungu loo o, Bileam?”
10Boema Bileam nataa nae, “Mane Balak-ka neme Moab, nde nadenu hataholi sila-la mai, fo leni halak 11lae leoina esa neme Masir mai, de lakapepela su'di lai bee-bee boe. Mane Balak-ka nadenu au, fo supa-soo leoina ndia, soaneu ndia, fo ela natee-natati nos, fo ana usi henis.”
12Boema Manetualain nafa'da Bileam nae, “O boso muu sama-sama moo hataholi sila-la, ma boso supa-soo leoina ndia, nana Au ba'e-pala basa hataholi sila so.”
13Balahaa boema, Bileam nafa'da Balak nadenu hataholi sila-la nae, “Fali leona, te Manetualain ta fe au loak, fo ita teu sama-sama fa.” 14Boema hataholi sila-la fali le'us leo Balak leu, de lafa'dan lae Bileam ta nau mai fa.
15Boema Balak nadenu hataholi makadotok de'u lena seluk bai, ma nangatutuun-nala dema lena hataholi makasososak-kala. 16Ala landuku-lalosak Balak hala hehelun-na nde ia, neu Bileam nae, “Au dokodoe anseli: de mai leona, fo boso tipa au hala nonokeng-nga. 17Neukose au bae o, makadotok nanseli, ma au tao su'di beek, fo o mafa'dan. Sa'di mai leona, fo supa-soo leoina ndia, soaneu au.”
18Tehu Bileam nataa nae, “Leomae Mane Balak-ka se'ba-bae au nenik basa lilofulak, ma lilopilas manai uma manek-ka dalek lala'en-na boeo, au ta bisa la'olena Manetualain, fo au sene-do'ok-ka, paletan-na fa. Leomae nai dede'a me'doana esa dalek boe, au ta bisa lena-la'ba fan. 19Tehu, malole lenak emi sungu meme ia, sama leo hataholi nadedenuk makahuluk-kala. Au hii bubuluk, ade fafa'kama Manetualain nau nafa'da au, hata esa seluk bai.”
20Le'odaek ndia, Manetualain mai, de nafa'da Bileam nae, “Hataholi sila-la ala mai, fo loke o, muu sama-sama moos. Da'di, maheheleaom, fo muu leona. Tehu, ana fe o ta beek soona, taok-ka'da ndia.” 21Balahaa boema, Bileam sa'e-na kedein-na, de no mauli-malangan Moab sila-la la'o leona.
Bileam no keledein-na
22Tehu lelek Bileam la'o boema, Manetualain namanasa nanseli. Lelek Bileam bei nai keledein lain, fo lelek ndia, malalau-maoonon dua tungan, boema Manetualain ata nusa so'dan-na, napadeik nai enok-ka tala'da, fo napanggen. 23Keledei ndia nita ata nusa so'dak-ka lesu-na tafainan-na, de napadeik nai ndia boema, ana lepos fali leo tina esa dalek neu. Bileam fepa keledei ndia, de ana hela falik-kana leo enok-ka mai. 24Basa boema, Manetualain ata nusa so'dak ndia, napadeik neu eno makabi'ak-ka, fo nai papala batu nanadamak-ka no osi angol-la tala'da. 25Lelek keledei ndia, nita Manetualain ata nusa so'dan-na boema nasingok, de nalosa Bileam ein-na nakahapi no papala nanadamak-ka. Bileam fepa seluk keledein ndia. 26Boema Manetualain ata nusa so'dan-na, lali mamanak, de napadeik neu mamana makabi'aanak nanseli, de ta hapu heok leo kii do kona neu fa. 27Keledei ndia nita Manetualain ata nusa so'dan-na boema, ana bala neu. Bileam namanasa, de ana fepa keledei ndia, nenik ai tete'en-na. 28Boema Manetualain fe keledei ndia, bisa kokolak. Bana ndia nafa'da Bileam nae, “Ade, au tao sala Tuan beek, de nalosa Tuan fepa au, losa la'i telu?”
29Bileam nataa nae, “O tao makamiminak au, de leouni'ka, au ho'u tafaina soona, tao leo bee-o, au taoisa o so!”
30Boema keledei ndia nataa nae, “Ade au ia, ta Tuan keledein fa, fo Tuan sa'en neme doon eli mai so do? Ade, au lena-la'ban hai Tuan so do beik?”
Bileam nataa nae, “Ta.”
31Boema Manetualain fe Bileam bisa nita Manetualain ata nusa so'dan, ana ho'uisik tafainan-na, de napadeik nai ndia. Tutik-ka, Bileam senek neu dae lain, de ana fe ha'da-holomata. 32Manetualain ata nusa so'dan-na, natane nae, “Tao le'e de, o fepa o keledeim-ma, losa la'i telu? Au mai, soaneu apanggengge o, nana tunga Au hahapung-nga, metema o muu soona, ta malole fa. 33Lelek o keledeim-ma nita Au, boema nasingok la'i telu. So'ba leo ta soona, tao leo bee-o, Au taoisa o so, tehu Au fe keledei ndia naso'da.”
34Boema Bileam nataa nae, “Au asala-asingo so. Au ta bubuluk, ae Tuan napadeik nai enok-ka tala'da, fo napangge au fa. Tehu besak ia, tunga Tuan hahapun-na, metema au la'ok akandoo soona, ta malole fa, de neukose au fali.”
35Tehu Manetualain ata nusa so'dan-na nae, “O moo hataholi sila-la, tunga Au leona. Tehu o bole kokolak, ka'da hata fo Au adenu o kokolak-kana.” Boema Bileam no Balak nadenu hataholi sila-la, la'ok lakandoo.
Balak soluk Bileam
36Lelek Balak namanene, nae neukose Bileam mai boema, neu soluk-kana, nai kota Moab-pa, nai Lee Arnon-na selik, fo nai Moab dae toon-na. 37Boema Balak nafa'dan nae, “Tao le'e de, o ta mai ndek, au aloo o makasososan-na fa? Ade, o maedaenga, au ta se'ba-bae abe'i o fa do?”
38Bileam nataa nae, “Nah, besak ia, au mai so. Tehu, au ta anuu haak afa'da hata esa boen, te ka'da Manetualain nde nadenu au afa'dan-nana.” 39Boema, Bileam no Balak leu leo kota Huzot-ta leu. 40Ala losa boema, Balak tati sapi ma do'do bi'ilopo de'ubee. Ana fe bana sila-la paan-na seli leo, Bileam no basa mauli-malangan fo manasama-sama loon-nana.
Bileam kokolak dede'a nafa'da elak makasososak-ka
41Balahaa boema, Balak no Bileam, nde nda'e leo pupuku Bamot Baal-la lain leu. Bileam hapu nita leoina Israel-la seli, neme mamanak ndia mai.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in