BILANGAN 12
12
Miryam huhukun-na
1Musa saon-na ina Kus esa, de Mariam no Harun tao sasa'ok ndia da'di netes, fo lakamuu Musa. 2Lafa'da lae, “Ade, Manetualain kokolak ka'da tunga Musa mesak-kana do? Ade, Ana ta kokolak tunga ita boen do?” Manetualain namanene sila hala-kokolan. 3Musa nde been-na, hataholi esa, dale nakaloe nakadae aok nanseli, lena heni basa hataholi manai daebafak ia lala'en-na.
4No kaiboik, Manetualain nafa'da Musa, Harun ma Miryam nae, “Emi telu meu leo Au Lalaa Temang-nga meu dei.” Boema telus leu leo ndia leu, 5de Manetualain kona nai dii ko'as dale mai. Manetualain napadeik neu Lalaa Teman-na lelesun-na, de naloo Harun boema Miryam. Boema duas tutulumatak, 6boema Manetualain nae, “Mamanene Au dede'a-kokolang ia-la! Metema nai emi dalek, hapu nabi esa soona, Au atu'du Au aoinang-nga neun, nai ninitak-kala dalek, ma Au kokolak on nai me'is dale. 7#Ibr. 3:2 Tehu, soaneu Au atang Musa soona, ta leondiak fa. Nai Au anang-ngala dalek, ndia nde manalilinekak. 8Ma Au kokolak on, matak no matak, no mangale'dok, te ta no neneuk fa. Nakalenak, nita Au mata-panang so boe! Tao le'e de, emi mapalani la'ban Musa, fo Au atang ndia?”
9 Manetualain namanasa duas nanseli, de Ana la'o. 10Lelek ko'as ndia, la'oela Manetualain Lalaa Teman-na boema, Miryam hapu he'di lou mangalauk; loun-na fulak, sama leo abas-sa. Lelek Harun lipa leo Miryam neu te, nita he'dis ndia la'e Miryam so, 11boema nafa'da Musa nae, “Ka'a e, fali ma ami dei, fo boso po'ilotak ami doi-doso, nanahu sala-singok, fo ami taon no ami nggoam-ma. 12Boso po'ilotak-kana, da'di sama leo ni'iana fo bongin te, maten de hihii nae, naboo so.”
13Boema, Musa naloo bou-bou neu Manetualain nae, “Ou Manetualain, au dokodoe fo ela-leo been-na, fen lea-hai leona!”
14 #
Bil. 5:2-3
Boema Manetualain nataa nae, “Leouni'ka, aman nasapula ape neu mata-panan soona, ade ana ta lu'a-lepa mamaek, faik hitu dalen-na fa do? Fen pasi fe'e neme lalaa oofuk dale, nai faik hitu dalen-na, fo basa ndia soona, besak-ka ana bole masok falik.” 15Boema Miryam nanakalua henik faik hitu dalen-na, neme lalaa oofuk dale mai, nalosa leoina ndia, ta bole lali leme mamanak ndia mai fa, metema Miryam beita fali ma'in leo lalaa oofuk-ka mai fa. 16Basa boema, ala la'oela Hazerot, de ala ofu leme moo solokaek Paran-na.
Currently Selected:
BILANGAN 12: twu
Highlight
Copy
Compare
Share
Want to have your highlights saved across all your devices? Sign up or sign in
BILANGAN 12
12
Miryam huhukun-na
1Musa saon-na ina Kus esa, de Mariam no Harun tao sasa'ok ndia da'di netes, fo lakamuu Musa. 2Lafa'da lae, “Ade, Manetualain kokolak ka'da tunga Musa mesak-kana do? Ade, Ana ta kokolak tunga ita boen do?” Manetualain namanene sila hala-kokolan. 3Musa nde been-na, hataholi esa, dale nakaloe nakadae aok nanseli, lena heni basa hataholi manai daebafak ia lala'en-na.
4No kaiboik, Manetualain nafa'da Musa, Harun ma Miryam nae, “Emi telu meu leo Au Lalaa Temang-nga meu dei.” Boema telus leu leo ndia leu, 5de Manetualain kona nai dii ko'as dale mai. Manetualain napadeik neu Lalaa Teman-na lelesun-na, de naloo Harun boema Miryam. Boema duas tutulumatak, 6boema Manetualain nae, “Mamanene Au dede'a-kokolang ia-la! Metema nai emi dalek, hapu nabi esa soona, Au atu'du Au aoinang-nga neun, nai ninitak-kala dalek, ma Au kokolak on nai me'is dale. 7#Ibr. 3:2 Tehu, soaneu Au atang Musa soona, ta leondiak fa. Nai Au anang-ngala dalek, ndia nde manalilinekak. 8Ma Au kokolak on, matak no matak, no mangale'dok, te ta no neneuk fa. Nakalenak, nita Au mata-panang so boe! Tao le'e de, emi mapalani la'ban Musa, fo Au atang ndia?”
9 Manetualain namanasa duas nanseli, de Ana la'o. 10Lelek ko'as ndia, la'oela Manetualain Lalaa Teman-na boema, Miryam hapu he'di lou mangalauk; loun-na fulak, sama leo abas-sa. Lelek Harun lipa leo Miryam neu te, nita he'dis ndia la'e Miryam so, 11boema nafa'da Musa nae, “Ka'a e, fali ma ami dei, fo boso po'ilotak ami doi-doso, nanahu sala-singok, fo ami taon no ami nggoam-ma. 12Boso po'ilotak-kana, da'di sama leo ni'iana fo bongin te, maten de hihii nae, naboo so.”
13Boema, Musa naloo bou-bou neu Manetualain nae, “Ou Manetualain, au dokodoe fo ela-leo been-na, fen lea-hai leona!”
14 #
Bil. 5:2-3
Boema Manetualain nataa nae, “Leouni'ka, aman nasapula ape neu mata-panan soona, ade ana ta lu'a-lepa mamaek, faik hitu dalen-na fa do? Fen pasi fe'e neme lalaa oofuk dale, nai faik hitu dalen-na, fo basa ndia soona, besak-ka ana bole masok falik.” 15Boema Miryam nanakalua henik faik hitu dalen-na, neme lalaa oofuk dale mai, nalosa leoina ndia, ta bole lali leme mamanak ndia mai fa, metema Miryam beita fali ma'in leo lalaa oofuk-ka mai fa. 16Basa boema, ala la'oela Hazerot, de ala ofu leme moo solokaek Paran-na.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in