IMAMAT 21
21
Basa imam-mala malalao-malalafun
1 Manetualain nadenu Musa nanduku-nalosak paleta ia-la neu imam-imam, fo Harun tititi-nonosin-nala nae, “Imam esa, ta bole tao nanggenggeo aoinan-na, hu kande ana tunga tolanoo ka'a-fa'din feta natoi-natonon, 2ta'da fe'e manamatek ndia, ndia inan do ndia aman, do ndia anan, do ndia tolanoo toun, 3do ndia tolanoo inan fo sao beitak, ma ana leo non nai uma esa dalek. 4Ana ta bole tao nanggenggeo aoinan-na, nenik neu natoi saoinan-na tolanoo ka'a-fa'din.
5 #
Im. 19:27-28; Ul. 14:1 Imam esa, ta bole nggute polik langan-na boboan seli fa, ma ta bole nggute nggolomein-na, do ta bole tao nahina aon-na nenik hata matane, fo nafa'da nae ndia bei falu. 6Au nuu heheling ndia, de ta bole tao nanggenggeo Au na'deng-nga fa. Ana tunu-hotu tutunu-hohotu nana'ak soaneu Au, da'di ndia muse malalao-malalafuk. 7Imam esa, ta bole sao inak esa, ana da'di hai inak manasosoa-piaok so, do inak esa, ta matatema so'on, do ina maela saok esa, nanahu imam-ma nde been-na, Au nuung ndia. 8Leoina Israel-la, muse manaku, imam-ma da'di leo hataholi fo nanafe hehelik ba'eneu Au, nanahu, ana tunu-hotu tutunu-hohotu nana'ak soaneu Au. Au nde Manetualain; Au ia malalao-malalafuk, de Au tao alalao-alalafu Au anang-ngala. 9Metema imam esa anafe'on-na, ana da'di ina manasosoa-piaok soona, nakadadaek aman, de muse hotunisan.
10Imam Matuaina nde been-na, nanandoo ei basak, nenik po'a mina feta neu langan lain, ma nenik paken bua papake imam matuaina so. Hu ndia de, ana ta bole po'ilotak langadoon-na nggafu-nggafu, do ana sii-sii lulu'i bua papaken-na, fo da'di leo ta'du-tana manafaluk. 11-12Ndia nanafe basak leo Au mai fo ana da'di Au nuung so, da'di ana ta bole tao nanggenggeo aoinan-na fa. Boeo, ana ta bole tao nanggenggeo Au Lalaa Temang-nga, nenik ana kalua neme ndia mai, fo neu leo uma fo mamates-sa dalek, leomae mamates ndia, ndia aman do ndia inan boe. 13-14Ka'da, ana bole sao anafe'oana matatema esa, neme ndia leon dale mai. Ana ta bole sao inafalu esa, do ina maela saok esa, do inak esa, ana da'di hai ina manasosoa-pioak so. 15Metema, ana la'olena nakanenetek sila-la, soona anan fo tunga ndoon-na malalao-malalafuk-ka, neukose langgenggeo. Au nde Manetualain, de Au hele hehelik basa ndia da'di leo imam matuaina so.”
16 Manetualain paleta Musa 17fo nafa'da Harun dede'ak-kala nde ia nae, “O tititi-nonosim esa lu'u-la'ak soona, ana ta bole tunu-hotu tutunu-hohotu nana'ak soaneu Au fa. Pake paleta ndia losa dodoon-na. 18Hataholi manatunu-hotu tutunu-hohotuk-ka, ta bole lu'u-la'ak fa, fo nde hataholi pokek, do lu'u eik, hataholi fo nalutu mata-panan, do nalutu ei-liman, 19hataholi lima mates, do ei helak, 20hataholi pukudouk, do hataholi te'dik, hataholi fo ha'dis-sa nai matan-na do kosulouk, ma hataholi kalalis. 21Imam Harun-na tititi-nonosin fo lu'u la'ak-ka, ana ta bole tunu-hotu tutunu-hohotu nana'ak fe Au fa. 22Tehu, ana bole na'a nana'ak nanatunu-hotuk, nau tutunu-hohotu nana'ak malalao-malalafuk, do tutunu-hohotu nana'ak fo malalao-malalafuk nanseli boe. 23Hu kande, hataholi ndia lu'u la'ak, de ana ta bole deka no tema lelesu, fo manata'da ba'e Kama Malalao-malalafuk-ka, no mei tunu-hotuk-ka fa. Ana ta bole tao nanggenggeo basa hata-hata fo nanafe hehelik soaneu Au, nanahu Au nde Manetualain-na, de Au nde hele hehelik buas sila-la.”
24Nakanenetek sila-la nde Musa nanduku-nalosak-kana neu Harun boema anan-nala, ma neu basa leoina Israel-la lala'en-na.
Currently Selected:
IMAMAT 21: twu
Highlight
Copy
Compare
Share
Want to have your highlights saved across all your devices? Sign up or sign in
