Rute 4
4
Boazi a tekana na Rute.
1Boazi i loya le hubyeni a ya tshama laho. I lo wona loyi wa xaka a nga mu wula na ata; aku kakwe: He sawe! Hi ngata u ta tshama laha! I lo hambuka a ya tshama laho.
2Zonake Boazi i lo ramba a 10 wa masingalakati ya muti, aku kabye: Tshamani laha! Va lo tshama.
3Aku ka xaka gakwe: Naomi loyi a wuyileko hi le tikweni ga Moabi wa xavisa a xipanze xa misava lexi xi nga wa hi xa nakulori Elimeleki.
4Hikwalaho mina nzi wonile lezaku nzi fanele ku tivisa wena aku u xi tirula mahlweni ka vontlhe lava va tshamileko laha, ni mahlweni ka masingalakati ya tiko ga hina. Loku u ranza ku xi xava, xi xave! Kanilezi loku u nga ranzi ku xi tirula, nzi byele kasi nza fela ku zi tiva, hakuva a nga kona munwani a nga ni fanelo ku xi teka ahandle ka wena. Mina nzi wa lenzhako. Yena aku: Nzi ta xi tirula. Deut. 25:5
5Zonake Boazi, aku: A siku legi u ta nga xava a sava lego mandleni ya Naomi, u ta gi xava kambe mandleni ya Rute a muMoabi, a sati wa matsuva, kasi u fela ku vuxa a vito ga matsuva lomu tshombeni yakwe.
6Inaloye wa xaka aku: Mina nzi nga ta zi kota a ku gi tirula, hakuva nzi nga lahlekelwa hi tshomba ya mina. Teka malungelo ya mina yo gi tirula, hakuva mina nzi nga ta gi tirula.
7Makunu a kale ku wa ni mukhuwo xikari ka va ka Israeli waku loku a munhu a tsika a tshomba, a tiyisa a mhaka ya kona hi ku susa xilato xakwe a nyika nakulobye. Lego gi wa hi wumboni ka va Israeli.
8Hikwalaho, laha inaloyi a nga wula ka xaka gakwe Boazi, aku: Xava wena a simu lego, i lo susa xilato xakwe.
9Boazi aku ka masingalakati ni ka vanhu vontlhe: Nwina mu timboni nyamutlha, lezaku nzi xavile zontlhe lezi zi nga wa hi za Elimeleki, ni za Kilioni, ni za Mahloni mandleni ya Naomi.
10Tlhatakumbiri, nzi tekile na Rute a muMoabi, a sati wa Mahloni, kasi nzi fela ku vuxa a vito ga matsuva, kasi gi nga fuvi xikari ka vanakulobye ni laha hubyeni yabye. Nwina mu timboni nyamutlha.
11A vanhu vontlhe lava va nga wa hi laho hubyeni ni masingalakati, va te ngalo: Hina hi timboni! Jehova a mahe loyi wasati a enghenako ndlwini ya wena a fanana na Rakeli na Lea, lava hi wumbiri gabye va nga aka a yindlu ya ka Israeli. Hikwalaho tiyahlana lomu Efrata, ni vito ga wena a gi dume lomu Betlehema!
12Ngha a yindlu ya wena yi fanana ni yindlu ya Perezi, loyi Tamari a nga beleka na Juda, ziva nghaho ni ka vanana lava Jehova a ta nga ku nyika hi pswatsana loyi.
13Zinghaho Boazi i lo teka Rute a maha sati wakwe. I lo tivana naye; Jehova a mu nyika rumbu, a pswala mufana.
14A vavasati vaku ka Naomi: A dumiswe Jehova loyi a nga laviko ku ku tsika u nga hi na xaka; a vito gakwe a gi dume xikari ka Israeli.
151 tava mutangalisi wa moya wa wena, ava muwundli wa wena wukhosaneni ga wena. Hakuva hi loye a pswelweko hi katamwane wa wena, loyi a ku ranzako nguvu ku hunza ntlhanu wa vafana ni vambiri.
16Naomi i lo teka a xihlangana a xi wukarela, a maha muhlayisi wa xona.
17A vaakelane vakwe va vavasati va lo xi chula vito, vaku: Naomi i pswalelwe xihlangana; va lo mu chula vito ga Obedi. Hi yena a raru wa Jese, a raru wa Davida.
18Makunu lezi hi zizukulwana za Perezi: Perezi i lo pswala Hezroni, Gen. 46:12; Mat. 1:3
19Hezroni a pswala Rama, Rama a pswala Aminadaba,
20Aminadaba a pswala Naxoni, Naxoni a pswala Salmoni,
21Salmoni a pswala Boazi, Boazi a pswala Obedi,
22Obedi a pswala Jese, Jese a pswala Davida.
Currently Selected:
Rute 4: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
Rute 4
4
Boazi a tekana na Rute.
1Boazi i loya le hubyeni a ya tshama laho. I lo wona loyi wa xaka a nga mu wula na ata; aku kakwe: He sawe! Hi ngata u ta tshama laha! I lo hambuka a ya tshama laho.
2Zonake Boazi i lo ramba a 10 wa masingalakati ya muti, aku kabye: Tshamani laha! Va lo tshama.
3Aku ka xaka gakwe: Naomi loyi a wuyileko hi le tikweni ga Moabi wa xavisa a xipanze xa misava lexi xi nga wa hi xa nakulori Elimeleki.
4Hikwalaho mina nzi wonile lezaku nzi fanele ku tivisa wena aku u xi tirula mahlweni ka vontlhe lava va tshamileko laha, ni mahlweni ka masingalakati ya tiko ga hina. Loku u ranza ku xi xava, xi xave! Kanilezi loku u nga ranzi ku xi tirula, nzi byele kasi nza fela ku zi tiva, hakuva a nga kona munwani a nga ni fanelo ku xi teka ahandle ka wena. Mina nzi wa lenzhako. Yena aku: Nzi ta xi tirula. Deut. 25:5
5Zonake Boazi, aku: A siku legi u ta nga xava a sava lego mandleni ya Naomi, u ta gi xava kambe mandleni ya Rute a muMoabi, a sati wa matsuva, kasi u fela ku vuxa a vito ga matsuva lomu tshombeni yakwe.
6Inaloye wa xaka aku: Mina nzi nga ta zi kota a ku gi tirula, hakuva nzi nga lahlekelwa hi tshomba ya mina. Teka malungelo ya mina yo gi tirula, hakuva mina nzi nga ta gi tirula.
7Makunu a kale ku wa ni mukhuwo xikari ka va ka Israeli waku loku a munhu a tsika a tshomba, a tiyisa a mhaka ya kona hi ku susa xilato xakwe a nyika nakulobye. Lego gi wa hi wumboni ka va Israeli.
8Hikwalaho, laha inaloyi a nga wula ka xaka gakwe Boazi, aku: Xava wena a simu lego, i lo susa xilato xakwe.
9Boazi aku ka masingalakati ni ka vanhu vontlhe: Nwina mu timboni nyamutlha, lezaku nzi xavile zontlhe lezi zi nga wa hi za Elimeleki, ni za Kilioni, ni za Mahloni mandleni ya Naomi.
10Tlhatakumbiri, nzi tekile na Rute a muMoabi, a sati wa Mahloni, kasi nzi fela ku vuxa a vito ga matsuva, kasi gi nga fuvi xikari ka vanakulobye ni laha hubyeni yabye. Nwina mu timboni nyamutlha.
11A vanhu vontlhe lava va nga wa hi laho hubyeni ni masingalakati, va te ngalo: Hina hi timboni! Jehova a mahe loyi wasati a enghenako ndlwini ya wena a fanana na Rakeli na Lea, lava hi wumbiri gabye va nga aka a yindlu ya ka Israeli. Hikwalaho tiyahlana lomu Efrata, ni vito ga wena a gi dume lomu Betlehema!
12Ngha a yindlu ya wena yi fanana ni yindlu ya Perezi, loyi Tamari a nga beleka na Juda, ziva nghaho ni ka vanana lava Jehova a ta nga ku nyika hi pswatsana loyi.
13Zinghaho Boazi i lo teka Rute a maha sati wakwe. I lo tivana naye; Jehova a mu nyika rumbu, a pswala mufana.
14A vavasati vaku ka Naomi: A dumiswe Jehova loyi a nga laviko ku ku tsika u nga hi na xaka; a vito gakwe a gi dume xikari ka Israeli.
151 tava mutangalisi wa moya wa wena, ava muwundli wa wena wukhosaneni ga wena. Hakuva hi loye a pswelweko hi katamwane wa wena, loyi a ku ranzako nguvu ku hunza ntlhanu wa vafana ni vambiri.
16Naomi i lo teka a xihlangana a xi wukarela, a maha muhlayisi wa xona.
17A vaakelane vakwe va vavasati va lo xi chula vito, vaku: Naomi i pswalelwe xihlangana; va lo mu chula vito ga Obedi. Hi yena a raru wa Jese, a raru wa Davida.
18Makunu lezi hi zizukulwana za Perezi: Perezi i lo pswala Hezroni, Gen. 46:12; Mat. 1:3
19Hezroni a pswala Rama, Rama a pswala Aminadaba,
20Aminadaba a pswala Naxoni, Naxoni a pswala Salmoni,
21Salmoni a pswala Boazi, Boazi a pswala Obedi,
22Obedi a pswala Jese, Jese a pswala Davida.
Tshwa Bible © Bible Society in Mozambique, 1972, 2007.