Va le Roma 2
2
A kulamula.
1Hikwalaho wena munhu a ku na ku ti phendla, hambu u hi mani wena u lamulako vanwani; hakuva loku u lamula munwani wa ti kona wutsumbu, hakuva wena loyi u lamulako wa maha zalezo zilo.
2Hakuva ha zi tiva lezaku Nungungulu wa lamula hi zinene lava va mahako a zilo za kunghahi. 2 Tes. 1:6
3Wena munhu u lamulako lava va mahako a zilo zo kota lezo; na wenawu u kari u zi maha, wa alakanya lezaku u ta pona a kulamula ka Nungungulu ke? Mar. 11:21
4Kutani u kanyisa a kutala ka wunene gakwe ni kuhunisela ni kutimisela kakwe ke? A ku zi tivi lezaku a wunene ga Nungungulu gi lava ku ku kokela kuhunzulukeni ke? Ekso. 34:6; Efe. 1:7; 2 Ped. 3:9
5Hi kunonoha ka mbilu ya wena leyi yi nga hunzulukiko u ti vekela zanga a sikwini ga zanga, laha ku ta nga wonekeliswa a kulamula ku lulamileko ka Nungungulu, Jak. 5:3
6loyi a ta nga tlhelisela munwe ni munwani kotisa mitiro yakwe. Mat. 16:27
7I ta nyika wutomi ga pinzukelwa ka vona lava va lavako a wukosi ni kudzunziwa ni kungaboli, na va timisela mitirweni yo saseka. 2 Kor. 4:17; Juda 21; Kuv. 2:7
8Kanilezi lava va kanetako va nga ingisi zinene, va ingisa kungalulami, va ta welwa hi zanga ni khulo. Isa. 3:11; 2 Tes. 2:12
9A kukarateka ni hlomulo zi tava hehla ka muhefemulo wa munhu loye a tirako za kubiha, a ka muJuda kusangula, ni ka muGreki kambe. 1 Ped. 4:17
10Kanilezi munwe ni munwani loye a mahako kusasa i tava ni wukosi ni kudzunziwa ni kurula, a ka muJuda kusangula, ni ka muGreki kambe. 1 Ped. 1:7
11Hakuva Nungungulu a nga na xihlawulela. Joba 34:19
12Hakuva vontlhe lava va onhileko na va nga hi na nayo, va tafa na va nga ni na nayo; ni vontlhe lava va onhileko na va hi lahasi ka nayo, va ta lamulwa hi nayo.
13Hakuva a hi vazwi va nayo va nga lulamile mahlweni ka Nungungulu, kanilezi hi vamahi va nayo va ta nga hlayelwa kululama. Jak. 1:22
14Hakuva a vamatiko lava va nga hiko na nayo, loku va maha a zilayelo za nayo hi mahanyela, vona na va nga hi na nayo, vova nayo vona wutsumbu xikari kabye;
15hakuva va kombisa lezaku a mitiro ya nayo yi tsalilwe timbilwini tabye, a livalo labye li va mahela wukustumunyu, ni maalakanyo yabye ma va kona kutani ku va tlhatlha.
16Zi tava tano hi siku lego Nungungulu a ta nga lamula a zigungu za vanhu ha Jesu Kristu, kotisa lezi yi wulako a ivangeli leyi nzi yi kanelako. Joh. 5:22; Kuv. 20:12
17Wena u na nga ni vito gaku u muJuda, u tsumba nayo, u ti tlakusa hi Nungungulu; Mika 9:6; Joh. 8:41; Xip. 9:6
18u tiva kuranza kakwe, ni ku pima a zilo zi sasekileko, kota lezi u gonzisilweko hi navo, Deut. 4:8
19u ti tsumba lezaku u mukoki wa zikhumu, ni kuwonekela ka lava va nga munyameni,
20ni mululeki wa zipumbu, ni mugonzisi wa vanana, kota lezi u nga ni xiyimo xa wutivi ni xa zinene lomu nayweni, 2 Tim. 3:15
21makunu wena loyi u gonzisako munwani, a ku ti gonzisi wutsumbu ke? Wena loyi u kanelako lezaku ku nga yibyiwi, wa yiva ke? Mat. 23:3
22Wena loyi u wulako uku ngalo, munhu a nga bhayi, wa bhaya wena ke? Wena loyi u nyenyako zifananiso, wa phanga titempeli ke? Mal. 3:8
23Wena loyi u ti tlakusako hi nayo, wa wisa tingana Nungungulu hi ku hambukisa a nayo ke?
24Ku tsalilwe ku ngalo: A vito ga Nungungulu ga rukatelwa xikari ka vamatiko hi kota ya nwina. 2 Sam. 12:14; Isa. 52:5
25Hakunene a wukwera ga vuna loku u hlayisa nayo; kanilezi loku u hi muhambunyeti wa nayo, a wutshiva ga wena gi mahile wukhuna. Gal. 5:3
26Hikwalaho loku a khuna gi hlayisa a ziyimiso za nayo, a wukhuna gakwe gi nga ta hlayiwa kota wutshiva ke? Miti. 10:34
27Loyi a nga khuna hi kupswalwa, loku yena a hlayisa nayo, a nga ta ku kona wena loyi u hambunyetako nayo, hambu lezi u nga ni nayo wu tsalilweko, ni wukwera ke? Mat. 12:41
28Hakuva a muJuda wa zinene, a hi yena a nga yena hi lahandle ntsena; hambu ni wutshiva a hi legi ga nyama. Mat. 3:9; Joh. 8:39; Gal. 6:15
29Kanilezi a muJuda wa zinene, hi loyi a nga yena lomu mbilwini; a wutshiva hi legi gi nga ga mbilu, legi gi mahiwako moyeni, na ku nga hi kota ya kutsala; yena a nga khesiwi hi vanhu, kanilezi hi Nungungulu. 2 Kor. 3:6; Kol. 2:11; Joh. 1:47; Xip. 7:6; Fil. 3:3; 1 Ped. 3:4
Currently Selected:
Va le Roma 2: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
Va le Roma 2
2
A kulamula.
1Hikwalaho wena munhu a ku na ku ti phendla, hambu u hi mani wena u lamulako vanwani; hakuva loku u lamula munwani wa ti kona wutsumbu, hakuva wena loyi u lamulako wa maha zalezo zilo.
2Hakuva ha zi tiva lezaku Nungungulu wa lamula hi zinene lava va mahako a zilo za kunghahi. 2 Tes. 1:6
3Wena munhu u lamulako lava va mahako a zilo zo kota lezo; na wenawu u kari u zi maha, wa alakanya lezaku u ta pona a kulamula ka Nungungulu ke? Mar. 11:21
4Kutani u kanyisa a kutala ka wunene gakwe ni kuhunisela ni kutimisela kakwe ke? A ku zi tivi lezaku a wunene ga Nungungulu gi lava ku ku kokela kuhunzulukeni ke? Ekso. 34:6; Efe. 1:7; 2 Ped. 3:9
5Hi kunonoha ka mbilu ya wena leyi yi nga hunzulukiko u ti vekela zanga a sikwini ga zanga, laha ku ta nga wonekeliswa a kulamula ku lulamileko ka Nungungulu, Jak. 5:3
6loyi a ta nga tlhelisela munwe ni munwani kotisa mitiro yakwe. Mat. 16:27
7I ta nyika wutomi ga pinzukelwa ka vona lava va lavako a wukosi ni kudzunziwa ni kungaboli, na va timisela mitirweni yo saseka. 2 Kor. 4:17; Juda 21; Kuv. 2:7
8Kanilezi lava va kanetako va nga ingisi zinene, va ingisa kungalulami, va ta welwa hi zanga ni khulo. Isa. 3:11; 2 Tes. 2:12
9A kukarateka ni hlomulo zi tava hehla ka muhefemulo wa munhu loye a tirako za kubiha, a ka muJuda kusangula, ni ka muGreki kambe. 1 Ped. 4:17
10Kanilezi munwe ni munwani loye a mahako kusasa i tava ni wukosi ni kudzunziwa ni kurula, a ka muJuda kusangula, ni ka muGreki kambe. 1 Ped. 1:7
11Hakuva Nungungulu a nga na xihlawulela. Joba 34:19
12Hakuva vontlhe lava va onhileko na va nga hi na nayo, va tafa na va nga ni na nayo; ni vontlhe lava va onhileko na va hi lahasi ka nayo, va ta lamulwa hi nayo.
13Hakuva a hi vazwi va nayo va nga lulamile mahlweni ka Nungungulu, kanilezi hi vamahi va nayo va ta nga hlayelwa kululama. Jak. 1:22
14Hakuva a vamatiko lava va nga hiko na nayo, loku va maha a zilayelo za nayo hi mahanyela, vona na va nga hi na nayo, vova nayo vona wutsumbu xikari kabye;
15hakuva va kombisa lezaku a mitiro ya nayo yi tsalilwe timbilwini tabye, a livalo labye li va mahela wukustumunyu, ni maalakanyo yabye ma va kona kutani ku va tlhatlha.
16Zi tava tano hi siku lego Nungungulu a ta nga lamula a zigungu za vanhu ha Jesu Kristu, kotisa lezi yi wulako a ivangeli leyi nzi yi kanelako. Joh. 5:22; Kuv. 20:12
17Wena u na nga ni vito gaku u muJuda, u tsumba nayo, u ti tlakusa hi Nungungulu; Mika 9:6; Joh. 8:41; Xip. 9:6
18u tiva kuranza kakwe, ni ku pima a zilo zi sasekileko, kota lezi u gonzisilweko hi navo, Deut. 4:8
19u ti tsumba lezaku u mukoki wa zikhumu, ni kuwonekela ka lava va nga munyameni,
20ni mululeki wa zipumbu, ni mugonzisi wa vanana, kota lezi u nga ni xiyimo xa wutivi ni xa zinene lomu nayweni, 2 Tim. 3:15
21makunu wena loyi u gonzisako munwani, a ku ti gonzisi wutsumbu ke? Wena loyi u kanelako lezaku ku nga yibyiwi, wa yiva ke? Mat. 23:3
22Wena loyi u wulako uku ngalo, munhu a nga bhayi, wa bhaya wena ke? Wena loyi u nyenyako zifananiso, wa phanga titempeli ke? Mal. 3:8
23Wena loyi u ti tlakusako hi nayo, wa wisa tingana Nungungulu hi ku hambukisa a nayo ke?
24Ku tsalilwe ku ngalo: A vito ga Nungungulu ga rukatelwa xikari ka vamatiko hi kota ya nwina. 2 Sam. 12:14; Isa. 52:5
25Hakunene a wukwera ga vuna loku u hlayisa nayo; kanilezi loku u hi muhambunyeti wa nayo, a wutshiva ga wena gi mahile wukhuna. Gal. 5:3
26Hikwalaho loku a khuna gi hlayisa a ziyimiso za nayo, a wukhuna gakwe gi nga ta hlayiwa kota wutshiva ke? Miti. 10:34
27Loyi a nga khuna hi kupswalwa, loku yena a hlayisa nayo, a nga ta ku kona wena loyi u hambunyetako nayo, hambu lezi u nga ni nayo wu tsalilweko, ni wukwera ke? Mat. 12:41
28Hakuva a muJuda wa zinene, a hi yena a nga yena hi lahandle ntsena; hambu ni wutshiva a hi legi ga nyama. Mat. 3:9; Joh. 8:39; Gal. 6:15
29Kanilezi a muJuda wa zinene, hi loyi a nga yena lomu mbilwini; a wutshiva hi legi gi nga ga mbilu, legi gi mahiwako moyeni, na ku nga hi kota ya kutsala; yena a nga khesiwi hi vanhu, kanilezi hi Nungungulu. 2 Kor. 3:6; Kol. 2:11; Joh. 1:47; Xip. 7:6; Fil. 3:3; 1 Ped. 3:4
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.