Kuvululelwa 9
9
1A ngelosi ya wuntlhanu yi loba mpunzu wa yona, zonake nzi lo wona a nyeleti ya le tilweni na yi wile misaveni; yi lo nyikiwa a pfhungulo ya nkele wa lieswila. Lu. 8:31; 10:18; Xip. 8:10; 17:8
2Yi lo vulula a nkele wa lieswila; ku tuvika musi hi lomu nkeleni kota musi wa nzhimbo wa hombe; ku lo pfhupeliswa a gambo ni ndengelenge hi musi lowu wu humako hi lomu nkeleni.
3Ku lo huma humbi hi lomu musini yita misaveni; yi lo nyikwa ntamu wo kota wa tihume ta misava. Ekso. 10:4; Vala. 7:12
4Yi lo leletelwa lezaku yi nga onhi a byanyi ga misava, hambu ni zibyalo zo nyuka, hambu ni tisinya, sine vanhu lava va nga hiko na xifungo xa Nungungulu zimombyeni zabye. Ekso. 12:23; Ezek. 9:4; Xip. 8:7
5Yi lo layiwa lezaku yi nga va dayi, kanilezi yi va xanisa ntlhanu wa tihweti; a kubayisa ka kona ku lo fanana ni kubayisa ka hume loku yi lumile munhu.
6Hi lawo masiku a vanhu va ta lava kufa, cima va nga ta ku kuma; va ta navela kufa, ni kufa ku ta va tsutsuma. Joba 3:21; Isa. 2:19; Jer. 8:3
7A ziyimo za humbi ya kona zi wa fanana ni mahaxi ma longiselweko kulwa. A tihlokweni ta yona ku hi ni zo fanana ni zidlodlo za nzalama, ni tinghohe ta yona ti wo khwatsi tinghohe ta vanhu. Dan. 7:8; Joeli 2:4; Nah. 3:17
8Yi wa hi ni misisi yo khwatsi misisi ya vavasati, ni meno ya yona yo kotisa ya tinghala.
9Yi wa hi ni zikatawu za xiketse laha zifuveni; a guwa ga tipapa ta yona gi wa kotisa guwa ga tikareta, ga mahaxi manyingi ma tsutsumelako kulweni. Joeli 2:5-7
10Yi wa hi ni minkila yo fanana ni ya tihume, ni tivole minkileni ya yona; a ntamu wa yona wa ku xanisa vanhu a ntlhanu wa tihweti wu wa hi lomu minkileni.
11A humbi yi wa fumiwa hi hosi, yi nga ngelosi ya nkele wa lieswila; a vito ga yona hi xiHeberu hi Abadoni, kanilezi hi xiGreki i wa hi Apolioni. Efe. 2:2
12A khombo go sangula gi hunzile; languta, ma hata makhombo mambiri. Xip. 8:13
13A ngelosi ya wuntlhanu ni yinwe yi loba mpunzu wa yona, zonake nzi lozwa a gezu gi huma timhonzweni ta alati ga nzalama legi gi nga mahlweni ka Nungungulu,
14giku ka ngelosi ya wuntlhanu ni yinwe, leyi yi nga hi ni mpunzu: Tlhatlha mune wa tingelosi leti ti bohilweko congweni lowu wa hombe wa Eufrate. Xip. 16:12
15Ku lo tlhatlhiwa a mune wa tingelosi, leti ti hlayiselweko hora leyi, ni siku, ni hweti, ni lembe, a kuva ti daya a xipanze xa wunharu xa vanhu.
16A ntsengo wa mitlawa ya lava va khileleko mahaxi wu wa hi 200,000,000, nzi zwile a ntsengo wabye. Tis. 68:17; Ezek. 38:4; Xip. 7:4
17Le xiwonisweni nzi lo wona mahaxi ni lava va nga ma khilele kota lezi: a vavanuna va wa hi ni zikatawu zo pswhuka za xiketse laha zifuveni khwatsi i nzilo, ni za wukuxe khwatsi i jakinte, ni zo balala khwatsi i solufa; a tihloko ta mahaxi ti wa kotisa a tihloko ta tinghala; ku huma nzilo ni musi ni solufa hi lomu kanwini ka wona. 1 Kro. 12:8; Isa. 5:28, 29
18Ku lo dawa a xipanze xa wunharu xa vanhu hi zixaniso lezi zinharu, hi nzilo ni musi ni solufa, lezi zi nga huma milonwini ya wona.
19Hakuva a ntamu wa mahaxi wu wa hi milonwini ya wona, ni lomu mihkileni ya wona; hakuva a minkila ya wona yi wa fanana ni tinyoka, leti ti nga ni tihloko, leti ma bayisako ha tona. Isa. 9:15
20Kanilezi a vanhu lava va seleko, lava va nga kala ku dawa hi zixaniso lezi, a va hunzulukangi; a va tsikangi a mitiro ya mandla yabye, lezaku va nga ha khozeli madimoni, ni zifananiso za nzalama ni za siliva ni za suku ni za maribye ni za tisinya, lezi zi nga hiko na kuwona, ni kuzwa, hambu ni kufamba, Deut. 31:29; Tis. 106:37; Dan. 5:23
21A va hunzulukangi kudayeni kabye, ni kuloyeni kabye, ni kubhayeni kabye, ni kuyiveni kabye. Xip. 22:15
Currently Selected:
Kuvululelwa 9: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
Kuvululelwa 9
9
1A ngelosi ya wuntlhanu yi loba mpunzu wa yona, zonake nzi lo wona a nyeleti ya le tilweni na yi wile misaveni; yi lo nyikiwa a pfhungulo ya nkele wa lieswila. Lu. 8:31; 10:18; Xip. 8:10; 17:8
2Yi lo vulula a nkele wa lieswila; ku tuvika musi hi lomu nkeleni kota musi wa nzhimbo wa hombe; ku lo pfhupeliswa a gambo ni ndengelenge hi musi lowu wu humako hi lomu nkeleni.
3Ku lo huma humbi hi lomu musini yita misaveni; yi lo nyikwa ntamu wo kota wa tihume ta misava. Ekso. 10:4; Vala. 7:12
4Yi lo leletelwa lezaku yi nga onhi a byanyi ga misava, hambu ni zibyalo zo nyuka, hambu ni tisinya, sine vanhu lava va nga hiko na xifungo xa Nungungulu zimombyeni zabye. Ekso. 12:23; Ezek. 9:4; Xip. 8:7
5Yi lo layiwa lezaku yi nga va dayi, kanilezi yi va xanisa ntlhanu wa tihweti; a kubayisa ka kona ku lo fanana ni kubayisa ka hume loku yi lumile munhu.
6Hi lawo masiku a vanhu va ta lava kufa, cima va nga ta ku kuma; va ta navela kufa, ni kufa ku ta va tsutsuma. Joba 3:21; Isa. 2:19; Jer. 8:3
7A ziyimo za humbi ya kona zi wa fanana ni mahaxi ma longiselweko kulwa. A tihlokweni ta yona ku hi ni zo fanana ni zidlodlo za nzalama, ni tinghohe ta yona ti wo khwatsi tinghohe ta vanhu. Dan. 7:8; Joeli 2:4; Nah. 3:17
8Yi wa hi ni misisi yo khwatsi misisi ya vavasati, ni meno ya yona yo kotisa ya tinghala.
9Yi wa hi ni zikatawu za xiketse laha zifuveni; a guwa ga tipapa ta yona gi wa kotisa guwa ga tikareta, ga mahaxi manyingi ma tsutsumelako kulweni. Joeli 2:5-7
10Yi wa hi ni minkila yo fanana ni ya tihume, ni tivole minkileni ya yona; a ntamu wa yona wa ku xanisa vanhu a ntlhanu wa tihweti wu wa hi lomu minkileni.
11A humbi yi wa fumiwa hi hosi, yi nga ngelosi ya nkele wa lieswila; a vito ga yona hi xiHeberu hi Abadoni, kanilezi hi xiGreki i wa hi Apolioni. Efe. 2:2
12A khombo go sangula gi hunzile; languta, ma hata makhombo mambiri. Xip. 8:13
13A ngelosi ya wuntlhanu ni yinwe yi loba mpunzu wa yona, zonake nzi lozwa a gezu gi huma timhonzweni ta alati ga nzalama legi gi nga mahlweni ka Nungungulu,
14giku ka ngelosi ya wuntlhanu ni yinwe, leyi yi nga hi ni mpunzu: Tlhatlha mune wa tingelosi leti ti bohilweko congweni lowu wa hombe wa Eufrate. Xip. 16:12
15Ku lo tlhatlhiwa a mune wa tingelosi, leti ti hlayiselweko hora leyi, ni siku, ni hweti, ni lembe, a kuva ti daya a xipanze xa wunharu xa vanhu.
16A ntsengo wa mitlawa ya lava va khileleko mahaxi wu wa hi 200,000,000, nzi zwile a ntsengo wabye. Tis. 68:17; Ezek. 38:4; Xip. 7:4
17Le xiwonisweni nzi lo wona mahaxi ni lava va nga ma khilele kota lezi: a vavanuna va wa hi ni zikatawu zo pswhuka za xiketse laha zifuveni khwatsi i nzilo, ni za wukuxe khwatsi i jakinte, ni zo balala khwatsi i solufa; a tihloko ta mahaxi ti wa kotisa a tihloko ta tinghala; ku huma nzilo ni musi ni solufa hi lomu kanwini ka wona. 1 Kro. 12:8; Isa. 5:28, 29
18Ku lo dawa a xipanze xa wunharu xa vanhu hi zixaniso lezi zinharu, hi nzilo ni musi ni solufa, lezi zi nga huma milonwini ya wona.
19Hakuva a ntamu wa mahaxi wu wa hi milonwini ya wona, ni lomu mihkileni ya wona; hakuva a minkila ya wona yi wa fanana ni tinyoka, leti ti nga ni tihloko, leti ma bayisako ha tona. Isa. 9:15
20Kanilezi a vanhu lava va seleko, lava va nga kala ku dawa hi zixaniso lezi, a va hunzulukangi; a va tsikangi a mitiro ya mandla yabye, lezaku va nga ha khozeli madimoni, ni zifananiso za nzalama ni za siliva ni za suku ni za maribye ni za tisinya, lezi zi nga hiko na kuwona, ni kuzwa, hambu ni kufamba, Deut. 31:29; Tis. 106:37; Dan. 5:23
21A va hunzulukangi kudayeni kabye, ni kuloyeni kabye, ni kubhayeni kabye, ni kuyiveni kabye. Xip. 22:15
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.