Va le Filipi 2
2
Kristu i lo ti koramisa.
1Hikwalaho loku ku hi kona a kutangaliswa ka Kristu, loku ku hi kona a kuchavelelwa ka liranzo, loku ku hi kona a kutlhangana ka Moya, loku ku hi kona wuxinji ni ku zwela wusiwana. 2 Kor. 13:14
2tatisani a kutsaka ka mina hi ku alakanya xilo xinwe, na mu hi ni liranzo linwe, ni mbilu yinwe, mu xuva xilo xinwe; Joh. 3:29; 1 Ped. 3:8
3mu nga mahi nchumu hi mubango ni kutikukumukisa, kanilezi ngha munwe ni munwani a ti koramisa a wula munwani aku i chukwana ku hunza yena. Jak. 3:14; 1 Ped. 5:5
4Ngha munwe ni munwani a nga khataleli a zakwe ntsena, kanilezi a khatalela ni za vanwani. 1 Kor. 10:24
5Ngha mu hi ni kupima loku a nga hi nako Kristu Jesu; Joh. 13:15
6loyi, hambu lezi a nga hi xiyinweni xa Nungungulu, a nga alakanyangi lezaku a ku ecana ni Nungungulu xilo a faneleko ku namarela ka xona. Isa. 9:6; Joh. 1:1, 2; 2 Kor. 4:4; Kol. 1:15
7Kanilezi i lo ti maha wa nyalidede, a teka xiyimo xa wunanza, ava loyi a fananako ni vanhu, Isa. 53:5, 11; Tis. 22:6; Dan. 9:26; Joh. 1:14; Gal. 4:4
8na a kumilwe a hi ni tshamela ga munhu, i lo ti koramisa, a ingisa kala kufeni, ina, ni kufa ka xihambano. Maheb. 12:2
9Hi kota ya lezo Nungungulu i lo mu tlakusa nguvu, a mu nyika vito gi nga hehla ka mavito wontihe; Isa. 52:13; Joh. 17:1; Maheb. 1:4
10lezaku hi vito ga Jesu a madzolo ya vontlhe lava va nga le tilweni, ni laha misaveni, ni lahasi ka misava, ma ta mu khizamela, Isa. 45:23; Kuv. 5:13
11kasi a tirimi tontlhe ti fela ku wulela lezaku Jesu Kristu i Hosi, a dumiswa Nungungulu Dadani. Joh. 13:13
12Hilezoke, varanzekako va mina, khwatsi hi lezi mu ingisileko xontlhe xikhati, na ku nga hi loku nzi hi kona ka nwina ntsena, kanilezi nguvunguvu makunu loku nzi ngha nzi hi hava, tirelani a kuhanyiswa ka nwina hi kuchava ni kururumela.
13Hakuva hi Nungungulu a vangako ka nwina a kuxuva ni kutira, hi kota ya wunene gakwe. Maheb. 13:21
14Mahani zontlhe hi ku nga kalali ni kukanetisana;
15kasi ma fela ku kala mu nga hi na kusoleka, mu basa, mu hi vanana va Nungungulu, lava va nga hiko na bala xikari ka xizukulwana xi gombonyekileko ni xi bihileko, lexi mu woningako xikari ka xona khwatsi hi kuwonekela laha misaveni,
16na mu khomisile a mhaka ya wutomi. Zonake nzi tava ni nchumu wa ku ti kulisa ha wona sikwini ga Kristu, wo komba lezaku a nzi tsutsumangi mahala hambu ku tira mahala.
17Hambu loku a nkhata wa mina wu lombelwa muphahlelweni laha ku mahiwako muphahlo wa kukholwa ka nwina, ni lezo kambe nzi ta tsaka na nwina nwentlhe.
18Hizalezo tsakani na nwinawu, mu tsaka zinwe na mina.
Timote na Epafroditusi.
19Kanilezi nza tsumba ka Hosi Jesu lezaku nzi ta hatla nzi mu rumela Timote, lezaku na minawu nzi fela ku tangaliswa loku nzi tiva hi matshamela ya nwina.
20Hakuva a nzi na munwani a nga ni mbilu yo kota yakwe, loyi a ta nga ti karata timhakeni ta nwina.
21Hakuva vona vontlhe va ti lavela a za wutsumbu gabye, a va lavi za Jesu Kristu.
22Kanilezi nwina ma ku tiva a kutsumbeka kakwe, lezaku i tirile zinwe na mina a ku fambisa ivangeli, khwatsi hi nʼwana a tirelako a raru wakwe.
23Nza tsumba lezaku nzi ta mu rumela hi xikhanzakanya xa lezi nzi ta nga wona lezaku a mhaka ya mina yi fambisa kuyini.
24Kanilezi nza tsumba ka Hosi lezaku na minawu nzi tata zalezi.
25Kanilezi nzi lo alakanya lezaku zi lavekile a kuva nzi ruma ka nwina Epafroditusi, a makabye wa mina ni xitiri-kulori ni sochwa-kulori, a nga xirunwa xa nwina xa ku nzi vuna kuvumaleni ka mina. 2 Kor. 8:23; 11:9; Xip. 4:18
26Hakuva wa xuva ku mu wona nwina nwentlhe; i lo karateka nguvu hilezi mu nga zwile lezaku i wa kari a babya.
27Kunene i wa babya a nghumbe ya mahati; kanilezi Nungungulu i lo mu mahela wuxinji, na ku nga hi ka yena yece, kanilezi ni ka mina kambe, kasi nzi nga engetelwi kuxaniseka hlomulweni wa mina.
28Hikwalaho nza xuva a ku mu rumela hi xihatla, lezaku kasi mu fela ku tsaka loku mu tlhela mu mu wona, kasi na minawu nza hehukelwa hlomulweni.
29Mu amukeleni Hosini hi kutsaka kontlhe; dzunzani a vanhu va kunghahi.
30Hakuva i wa hi kusuhani ni kufa hi kota ya ntiro wa Kristu, a nyikela wutomi gakwe mhangweni kasi ku ta nzi nyika lezi zi nga kiyela a ku nzi khozeleni ka nwina. 1 Kor. 16:17; Xip. 4:10
Currently Selected:
Va le Filipi 2: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
Va le Filipi 2
2
Kristu i lo ti koramisa.
1Hikwalaho loku ku hi kona a kutangaliswa ka Kristu, loku ku hi kona a kuchavelelwa ka liranzo, loku ku hi kona a kutlhangana ka Moya, loku ku hi kona wuxinji ni ku zwela wusiwana. 2 Kor. 13:14
2tatisani a kutsaka ka mina hi ku alakanya xilo xinwe, na mu hi ni liranzo linwe, ni mbilu yinwe, mu xuva xilo xinwe; Joh. 3:29; 1 Ped. 3:8
3mu nga mahi nchumu hi mubango ni kutikukumukisa, kanilezi ngha munwe ni munwani a ti koramisa a wula munwani aku i chukwana ku hunza yena. Jak. 3:14; 1 Ped. 5:5
4Ngha munwe ni munwani a nga khataleli a zakwe ntsena, kanilezi a khatalela ni za vanwani. 1 Kor. 10:24
5Ngha mu hi ni kupima loku a nga hi nako Kristu Jesu; Joh. 13:15
6loyi, hambu lezi a nga hi xiyinweni xa Nungungulu, a nga alakanyangi lezaku a ku ecana ni Nungungulu xilo a faneleko ku namarela ka xona. Isa. 9:6; Joh. 1:1, 2; 2 Kor. 4:4; Kol. 1:15
7Kanilezi i lo ti maha wa nyalidede, a teka xiyimo xa wunanza, ava loyi a fananako ni vanhu, Isa. 53:5, 11; Tis. 22:6; Dan. 9:26; Joh. 1:14; Gal. 4:4
8na a kumilwe a hi ni tshamela ga munhu, i lo ti koramisa, a ingisa kala kufeni, ina, ni kufa ka xihambano. Maheb. 12:2
9Hi kota ya lezo Nungungulu i lo mu tlakusa nguvu, a mu nyika vito gi nga hehla ka mavito wontihe; Isa. 52:13; Joh. 17:1; Maheb. 1:4
10lezaku hi vito ga Jesu a madzolo ya vontlhe lava va nga le tilweni, ni laha misaveni, ni lahasi ka misava, ma ta mu khizamela, Isa. 45:23; Kuv. 5:13
11kasi a tirimi tontlhe ti fela ku wulela lezaku Jesu Kristu i Hosi, a dumiswa Nungungulu Dadani. Joh. 13:13
12Hilezoke, varanzekako va mina, khwatsi hi lezi mu ingisileko xontlhe xikhati, na ku nga hi loku nzi hi kona ka nwina ntsena, kanilezi nguvunguvu makunu loku nzi ngha nzi hi hava, tirelani a kuhanyiswa ka nwina hi kuchava ni kururumela.
13Hakuva hi Nungungulu a vangako ka nwina a kuxuva ni kutira, hi kota ya wunene gakwe. Maheb. 13:21
14Mahani zontlhe hi ku nga kalali ni kukanetisana;
15kasi ma fela ku kala mu nga hi na kusoleka, mu basa, mu hi vanana va Nungungulu, lava va nga hiko na bala xikari ka xizukulwana xi gombonyekileko ni xi bihileko, lexi mu woningako xikari ka xona khwatsi hi kuwonekela laha misaveni,
16na mu khomisile a mhaka ya wutomi. Zonake nzi tava ni nchumu wa ku ti kulisa ha wona sikwini ga Kristu, wo komba lezaku a nzi tsutsumangi mahala hambu ku tira mahala.
17Hambu loku a nkhata wa mina wu lombelwa muphahlelweni laha ku mahiwako muphahlo wa kukholwa ka nwina, ni lezo kambe nzi ta tsaka na nwina nwentlhe.
18Hizalezo tsakani na nwinawu, mu tsaka zinwe na mina.
Timote na Epafroditusi.
19Kanilezi nza tsumba ka Hosi Jesu lezaku nzi ta hatla nzi mu rumela Timote, lezaku na minawu nzi fela ku tangaliswa loku nzi tiva hi matshamela ya nwina.
20Hakuva a nzi na munwani a nga ni mbilu yo kota yakwe, loyi a ta nga ti karata timhakeni ta nwina.
21Hakuva vona vontlhe va ti lavela a za wutsumbu gabye, a va lavi za Jesu Kristu.
22Kanilezi nwina ma ku tiva a kutsumbeka kakwe, lezaku i tirile zinwe na mina a ku fambisa ivangeli, khwatsi hi nʼwana a tirelako a raru wakwe.
23Nza tsumba lezaku nzi ta mu rumela hi xikhanzakanya xa lezi nzi ta nga wona lezaku a mhaka ya mina yi fambisa kuyini.
24Kanilezi nza tsumba ka Hosi lezaku na minawu nzi tata zalezi.
25Kanilezi nzi lo alakanya lezaku zi lavekile a kuva nzi ruma ka nwina Epafroditusi, a makabye wa mina ni xitiri-kulori ni sochwa-kulori, a nga xirunwa xa nwina xa ku nzi vuna kuvumaleni ka mina. 2 Kor. 8:23; 11:9; Xip. 4:18
26Hakuva wa xuva ku mu wona nwina nwentlhe; i lo karateka nguvu hilezi mu nga zwile lezaku i wa kari a babya.
27Kunene i wa babya a nghumbe ya mahati; kanilezi Nungungulu i lo mu mahela wuxinji, na ku nga hi ka yena yece, kanilezi ni ka mina kambe, kasi nzi nga engetelwi kuxaniseka hlomulweni wa mina.
28Hikwalaho nza xuva a ku mu rumela hi xihatla, lezaku kasi mu fela ku tsaka loku mu tlhela mu mu wona, kasi na minawu nza hehukelwa hlomulweni.
29Mu amukeleni Hosini hi kutsaka kontlhe; dzunzani a vanhu va kunghahi.
30Hakuva i wa hi kusuhani ni kufa hi kota ya ntiro wa Kristu, a nyikela wutomi gakwe mhangweni kasi ku ta nzi nyika lezi zi nga kiyela a ku nzi khozeleni ka nwina. 1 Kor. 16:17; Xip. 4:10
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.