Mitsengo 14
14
A gujeguje ga vanhu.
1Wontihe tlhangano wu lo tlakusa a gezu wu kanyuluka, ni vanhu va lo rila mihloti lego wusiku.
2Vontlhe a vanana va ka Israeli va lo ngurela Mosi na Aroni, a tlhangano wontihe wuku ngalo: Mawako ku fela tikweni ga le Gipite, hambu ku fela lomu xiwuleni! Ekso. 16:3; Deut. 1:26
3Xana Jehova i hi nehele yini tikweni legi kasi hi tawa hi matlhari, ni lezaku a vasati va hina, ni vanhanyana va hina va ta khomiwa? A hi chukwana a kuva hi tlhelela Gipite ke?
4Va lo wulawula, munwe ni munwani, vaku: A hi ti yimiseleni a murangeli, hi ta tlhela hiya Gipite.
5Zonake Mosi na Aroni va lowa lahasi hi tinghohe tabye mahlweni ka tlhangano wontihe wa vanana va ka Israeli.
6Zonake Joxua a nʼwana wa Nuni, na Kalebi a nʼwana wa Jefuna, va nga lava va nga yile ku ya hlola tiko, va lo hanzula tinguwo tabye;
7va wulawula ni tlhangano wontihe wa vanana va ka Israeli, vaku: A tiko lego hi yileko hi ya gi hlola, gi sasekile nguvunguvu.
8Loku Jehova a xalala ha hina, i ta hi enghenisa ka tiko lego, a gi nyika ka hina, gi nga tiko gi khulungako a masi ni wulombe.
9Ntsena mu nga ti alisi mu vukela Jehova; kambe mu nga chavi a vanhu va tiko lego, hakuva vona va ta kuva kuga ka hina. A va na wuponelo, hilezi Jehova i na hina; mu nga va chavi.
10A tlhangano wontihe wu lo lava ku va gandla hi maribye. Kanilezi a kungangamela ka Jehova ku lo woneka hehla ka tenda ga mutlhangano, a mahlweni ka vanana vontlhe va ka Israeli.
11Zonake Jehova aku ka Mosi: A vanhu lava va ta nzi kanyisa kala rini ke? Kala rini na va nga nzi tsumbi, hambu loku nzi mahile a zihlamaliso zontlhe lezi xikari kabye?
12Nzi ta va lamata hi ntungu, nzi va mbhetisa, zonake nzi ta maha lixaka la hombe ha wena, leli li ta ngava ni ntamu ku hunza vona! Ekso. 32:10
13Mosi aku ka Jehova: VaGipite va ta zizwa, hakuva wena u humesile lava vanhu hi ntamu wa wena u va tisa seno.
14Na vona va ta byela a vaaki va tiko legi. Vona va zwile lezaku wena Jehova u tshama xikari ka lava vanhu, ni lezaku wena wa kombisa a nghohe ya wena, ni lezaku a refu ga wena gi tshama hehla kabye, ni lezaku laha hlikanhini u famba mahlweni kabye hi refu, ni laha wusikwini kambe u kona hi mhinga ya nzilo.
15Makunu loku wena u daya lava vanhu khwatsi hi munhu munwe, a vamatiko lava va zwileko wudumo ga wena, va taku ngalo:
16Jehova i tsanzekile ku enghenisa a vanhu ka tiko legi a nga wa hlambayile lezaku i ta va nyika, makunu i va dele le xiwuleni. Deut. 9:28
17Hikwalaho nza ku kombela, lezaku ngha a Hosi yi kombisa a wukulu ga ntamu wa yona, kota lezi u wulileko ku ngalo:
18Jehova wa nonoka ku zangara, i tele hi wuxinji, wa tsetselela a zionho ni zihambuko; kanilezi a vaonhi a nga va khomi kota lava va nga hiko ni nanzu, kanilezi wa tlhelisela kuonha ka vadadani hehla ka vanana vabye, kala ka xizukulwana xa wunharu ni xa wumune.
19Tsetselela lava vanhu a kuonha kabye hi wukulu ga wuxinji ga wena, kota lezi u va tsetselelako lava vanhu kusukela Gipite kala laha.
20Zonake Jehova aku: Nzi va tsetselele kota lezi u wulileko.
21Kanilezi hakunene kota lezi nzi hanyako, a kungangamela ka Jehova ku ta tata misava yontlhe.
22Hakuva vontlhe lava vanhu va wonileko kungangamela ka mina ni zihlamaliso lezi nzi mahileko le Gipite, ni lomu xiwuleni, va nzi ringileko khume ga zikhati, kanilezi a va ingisi gezu ga mina.
23Hikwalaho lava vanhu cima va nga ta wona a tiko legi nzi hlambanyileko ka vararu vabye lezaku nzi ta va nyika gona. Cima a nga kona ni munwe wa lava va nzi kanyisileko, a ta nga wona tiko lego.
24Kanilezi a nanza ga mina Kalebi, loyi a nga ni wunwani moya, loyi a lanzelako hi zinene a ndlela ya mina, nzi ta mu enghenisa ka lego tiko a yako ka gona, gi tava gakwe ni pswalo wakwe.
25Kota lezi vaAmaleki ni vaKanani va akileko lomu nzhelelweni, manziko nwina mu ta tlhela muya xiwuleni hi ndlela ya le Bimbini go Pswhuka.
26Anzhako ka lezo Jehova i lo wulawula ka Mosi na Aroni, aku:
27Ku ta kala rini nzi timisela hi tlhangano lowu wo biha, va ta maha gujeguje kala rini? Mina nzi zwile a kumonya ka vanana va ka Israeli lava va nzi mahelako gujeguje.
28U ta va byela ku ngalo: Kota lezi nzi hanyako, ku wula Jehova, nzi ta mu mahela kota lezi mu wulileko tindleveni ta mina.
29A zirumbi za nwina zi tawa lomu xiwuleni. Nwina nwentlhe lava mu hlayilweko, kusukela ka lava va 20 wa malembe ni kuya mahlweni, lava mu nzi monyileko, Mitse. 32:11; Maheb. 3:17
30cima mu nga ta enghena ka tiko legi nzi hlambanyileko lezaku nzi ta mu veka ka gona, ntsena Kalebi a nʼwana wa Jefuna, na Joxua a nʼwana wa Nuni.
31Kanilezi a vanana va nwina lava mu nga ku ngalo va ta khomiwa hi valala va nwina, lavoke nzi ta va enghenisa kasi va fela ku tiva a tiko lego nwina mu gi alileko.
32Kanilezi nwina a zirumbi za nwina zi tawa lomu xiwuleni.
33Zonake a vanana va nwina va ta nzulanzula lomu xiwuleni 40 wa malembe, na va kari va rwala a nanzu wa ku nga tsumbeki ka nwina, kala ku mbhela a zirumbi za nwina lomu xiwuleni.
34Kota lezi mu mbhetileko 40 wa masiku hi ku hlola a tiko, mu ta rwala milanzu ya nwina 40 wa malembe, a lembe ginwe i siku; kasi mu fela ku zi tiva ku ngalo kuhambana ka mina ko yiniyini!
35Mina Jehova nzi wulile zona, nzi ta maha zalezo ka tlhangano lowu wo biha lowu wu tlhanganako kulwa na mina, va ta mbhela lomu xiwuleni va fela kona.
36Zonake a vavanuna lava Mosi a nga wa va rumile ku ya hlola tiko, lava va nga wa nehile a mubiko wo biha va kucetela mutlhangano wontihe ku monya mahlweni ka Jehova hi ku kanyisa a tiko,
37lava va nga nehile a mubiko wo kanyisa a tiko, va lofa hi tseku mahlweni ka Jehova.
38Kanilezi Joxua a nʼwana wa Nuni, na Kalebi a nʼwana wa Jefuna, lava va nga wa yile ni lava vanhu ku ya hlola tiko, va lo sala va hanya.
39Mosi i lo hlawutela tontlhe timhaka leti ka vanana vontlhe va ka Israeli; zonake a vanhu va lo rila hi hlomulo wa hombe.
40Zonake va lo vuka ni mixo va famba, va kanziha hehla ka xitsunga, vaku: Hi laha! hi lava ku kanziha hiya ka wutshamu lego Jehova a gi wulileko, hakuva hina hi onhile. Deut. 1:41
41Zonake Mosi aku: Mu hambunyetela yini kuleletela ka Jehova? Cima mu nga ta humelela!
42Mu nga kanzihi, hakuva Jehova a nga kona xikari ka nwina; mu nga ya lamatwa hi valala va nwina;
43hakuva a vaAmaleki ni vaKanani va kona mahlweni ka nwina; nwina mu tawa hi wutlha ga matlhari, hakuva mu fularele Jehova; na Jehova a nga tava zinwe na nwina.
44Kanilezi va lo ti kurumeta, va kanziha le hehla ka xitsunga; a nghaxa ya xivumelwano xa Jehova yi wa sele na Mosi, yi wa nga sukangi xikari ka wugovelo.
45A vaAmaleki, ni vaKanani, lava va akileko ka lexo xitsunga, va lo relela ya talwa navo, va lo va hlula va va mbheta, va va hlongola kala va chikela le Horma.
Currently Selected:
Mitsengo 14: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
Mitsengo 14
14
A gujeguje ga vanhu.
1Wontihe tlhangano wu lo tlakusa a gezu wu kanyuluka, ni vanhu va lo rila mihloti lego wusiku.
2Vontlhe a vanana va ka Israeli va lo ngurela Mosi na Aroni, a tlhangano wontihe wuku ngalo: Mawako ku fela tikweni ga le Gipite, hambu ku fela lomu xiwuleni! Ekso. 16:3; Deut. 1:26
3Xana Jehova i hi nehele yini tikweni legi kasi hi tawa hi matlhari, ni lezaku a vasati va hina, ni vanhanyana va hina va ta khomiwa? A hi chukwana a kuva hi tlhelela Gipite ke?
4Va lo wulawula, munwe ni munwani, vaku: A hi ti yimiseleni a murangeli, hi ta tlhela hiya Gipite.
5Zonake Mosi na Aroni va lowa lahasi hi tinghohe tabye mahlweni ka tlhangano wontihe wa vanana va ka Israeli.
6Zonake Joxua a nʼwana wa Nuni, na Kalebi a nʼwana wa Jefuna, va nga lava va nga yile ku ya hlola tiko, va lo hanzula tinguwo tabye;
7va wulawula ni tlhangano wontihe wa vanana va ka Israeli, vaku: A tiko lego hi yileko hi ya gi hlola, gi sasekile nguvunguvu.
8Loku Jehova a xalala ha hina, i ta hi enghenisa ka tiko lego, a gi nyika ka hina, gi nga tiko gi khulungako a masi ni wulombe.
9Ntsena mu nga ti alisi mu vukela Jehova; kambe mu nga chavi a vanhu va tiko lego, hakuva vona va ta kuva kuga ka hina. A va na wuponelo, hilezi Jehova i na hina; mu nga va chavi.
10A tlhangano wontihe wu lo lava ku va gandla hi maribye. Kanilezi a kungangamela ka Jehova ku lo woneka hehla ka tenda ga mutlhangano, a mahlweni ka vanana vontlhe va ka Israeli.
11Zonake Jehova aku ka Mosi: A vanhu lava va ta nzi kanyisa kala rini ke? Kala rini na va nga nzi tsumbi, hambu loku nzi mahile a zihlamaliso zontlhe lezi xikari kabye?
12Nzi ta va lamata hi ntungu, nzi va mbhetisa, zonake nzi ta maha lixaka la hombe ha wena, leli li ta ngava ni ntamu ku hunza vona! Ekso. 32:10
13Mosi aku ka Jehova: VaGipite va ta zizwa, hakuva wena u humesile lava vanhu hi ntamu wa wena u va tisa seno.
14Na vona va ta byela a vaaki va tiko legi. Vona va zwile lezaku wena Jehova u tshama xikari ka lava vanhu, ni lezaku wena wa kombisa a nghohe ya wena, ni lezaku a refu ga wena gi tshama hehla kabye, ni lezaku laha hlikanhini u famba mahlweni kabye hi refu, ni laha wusikwini kambe u kona hi mhinga ya nzilo.
15Makunu loku wena u daya lava vanhu khwatsi hi munhu munwe, a vamatiko lava va zwileko wudumo ga wena, va taku ngalo:
16Jehova i tsanzekile ku enghenisa a vanhu ka tiko legi a nga wa hlambayile lezaku i ta va nyika, makunu i va dele le xiwuleni. Deut. 9:28
17Hikwalaho nza ku kombela, lezaku ngha a Hosi yi kombisa a wukulu ga ntamu wa yona, kota lezi u wulileko ku ngalo:
18Jehova wa nonoka ku zangara, i tele hi wuxinji, wa tsetselela a zionho ni zihambuko; kanilezi a vaonhi a nga va khomi kota lava va nga hiko ni nanzu, kanilezi wa tlhelisela kuonha ka vadadani hehla ka vanana vabye, kala ka xizukulwana xa wunharu ni xa wumune.
19Tsetselela lava vanhu a kuonha kabye hi wukulu ga wuxinji ga wena, kota lezi u va tsetselelako lava vanhu kusukela Gipite kala laha.
20Zonake Jehova aku: Nzi va tsetselele kota lezi u wulileko.
21Kanilezi hakunene kota lezi nzi hanyako, a kungangamela ka Jehova ku ta tata misava yontlhe.
22Hakuva vontlhe lava vanhu va wonileko kungangamela ka mina ni zihlamaliso lezi nzi mahileko le Gipite, ni lomu xiwuleni, va nzi ringileko khume ga zikhati, kanilezi a va ingisi gezu ga mina.
23Hikwalaho lava vanhu cima va nga ta wona a tiko legi nzi hlambanyileko ka vararu vabye lezaku nzi ta va nyika gona. Cima a nga kona ni munwe wa lava va nzi kanyisileko, a ta nga wona tiko lego.
24Kanilezi a nanza ga mina Kalebi, loyi a nga ni wunwani moya, loyi a lanzelako hi zinene a ndlela ya mina, nzi ta mu enghenisa ka lego tiko a yako ka gona, gi tava gakwe ni pswalo wakwe.
25Kota lezi vaAmaleki ni vaKanani va akileko lomu nzhelelweni, manziko nwina mu ta tlhela muya xiwuleni hi ndlela ya le Bimbini go Pswhuka.
26Anzhako ka lezo Jehova i lo wulawula ka Mosi na Aroni, aku:
27Ku ta kala rini nzi timisela hi tlhangano lowu wo biha, va ta maha gujeguje kala rini? Mina nzi zwile a kumonya ka vanana va ka Israeli lava va nzi mahelako gujeguje.
28U ta va byela ku ngalo: Kota lezi nzi hanyako, ku wula Jehova, nzi ta mu mahela kota lezi mu wulileko tindleveni ta mina.
29A zirumbi za nwina zi tawa lomu xiwuleni. Nwina nwentlhe lava mu hlayilweko, kusukela ka lava va 20 wa malembe ni kuya mahlweni, lava mu nzi monyileko, Mitse. 32:11; Maheb. 3:17
30cima mu nga ta enghena ka tiko legi nzi hlambanyileko lezaku nzi ta mu veka ka gona, ntsena Kalebi a nʼwana wa Jefuna, na Joxua a nʼwana wa Nuni.
31Kanilezi a vanana va nwina lava mu nga ku ngalo va ta khomiwa hi valala va nwina, lavoke nzi ta va enghenisa kasi va fela ku tiva a tiko lego nwina mu gi alileko.
32Kanilezi nwina a zirumbi za nwina zi tawa lomu xiwuleni.
33Zonake a vanana va nwina va ta nzulanzula lomu xiwuleni 40 wa malembe, na va kari va rwala a nanzu wa ku nga tsumbeki ka nwina, kala ku mbhela a zirumbi za nwina lomu xiwuleni.
34Kota lezi mu mbhetileko 40 wa masiku hi ku hlola a tiko, mu ta rwala milanzu ya nwina 40 wa malembe, a lembe ginwe i siku; kasi mu fela ku zi tiva ku ngalo kuhambana ka mina ko yiniyini!
35Mina Jehova nzi wulile zona, nzi ta maha zalezo ka tlhangano lowu wo biha lowu wu tlhanganako kulwa na mina, va ta mbhela lomu xiwuleni va fela kona.
36Zonake a vavanuna lava Mosi a nga wa va rumile ku ya hlola tiko, lava va nga wa nehile a mubiko wo biha va kucetela mutlhangano wontihe ku monya mahlweni ka Jehova hi ku kanyisa a tiko,
37lava va nga nehile a mubiko wo kanyisa a tiko, va lofa hi tseku mahlweni ka Jehova.
38Kanilezi Joxua a nʼwana wa Nuni, na Kalebi a nʼwana wa Jefuna, lava va nga wa yile ni lava vanhu ku ya hlola tiko, va lo sala va hanya.
39Mosi i lo hlawutela tontlhe timhaka leti ka vanana vontlhe va ka Israeli; zonake a vanhu va lo rila hi hlomulo wa hombe.
40Zonake va lo vuka ni mixo va famba, va kanziha hehla ka xitsunga, vaku: Hi laha! hi lava ku kanziha hiya ka wutshamu lego Jehova a gi wulileko, hakuva hina hi onhile. Deut. 1:41
41Zonake Mosi aku: Mu hambunyetela yini kuleletela ka Jehova? Cima mu nga ta humelela!
42Mu nga kanzihi, hakuva Jehova a nga kona xikari ka nwina; mu nga ya lamatwa hi valala va nwina;
43hakuva a vaAmaleki ni vaKanani va kona mahlweni ka nwina; nwina mu tawa hi wutlha ga matlhari, hakuva mu fularele Jehova; na Jehova a nga tava zinwe na nwina.
44Kanilezi va lo ti kurumeta, va kanziha le hehla ka xitsunga; a nghaxa ya xivumelwano xa Jehova yi wa sele na Mosi, yi wa nga sukangi xikari ka wugovelo.
45A vaAmaleki, ni vaKanani, lava va akileko ka lexo xitsunga, va lo relela ya talwa navo, va lo va hlula va va mbheta, va va hlongola kala va chikela le Horma.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.