Mitsengo 10
10
1Jehova i lo byela Mosi, aku:
2Ti mahele mipunzu mimbiri ya siliva; u yi maha hi siliva yi fulilweko. U ta vitana ha yona a hlengeletano, ni ku andlamukisa wugovelo.
3Ku taku loku yi biwa, a hlengeletano wontihe wu tsombana ka wena le nyangweni ya tenda ga mutlhangano.
4Kanilezi loku ku biwa punzu munwe basi, ku ta tsombana tihosana, ti nga tinduna ta matala ya ka Israeli.
5Ku taku loku ku biwa mipunzu, lava va goveleko le Mutsuwuka-gambo va suka.
6Ni loku muba mipunzu a khati ga wumbiri, lava va goveleko le Dzongeni va ta suka. Ku ta biwa mipunzu loku wugovelo gi lava ku suka.
7Kanilezi loku mu vitana a hlengeletano, mu taba mipunzu, kanilezi hi ginwani bela.
8Mbapristi, a vana va Aroni, lava va ta ngaba mipunzu. Lexo xi tava xileletelo xa kala kupinzuka ka zizukulwana za nwina.
9Ni loku mu hloma yimpi lomu tikweni ga nwina a ku yalwa ni valala va nwina lava va mu vukelako, mu taba mipunzu yo hlomisa, zonake mu ta alakanywa mahlweni ka Jehova, Nungungulu wa nwina, mu hlangutwa mandleni ya valala va nwina.
10Hambu masikwini ya nwina ya kutsaka, ni lomu mibuzweni ya nwina, ni kusanguleni ka hweti, mu taba mipunzu, na mu kari mu nyikela miphahlelo ya kuhiswa ni ya kubonga yi maha lezaku mu alakanyiwa mahlweni ka Nungungulu wa nwina. Hi mina Jehova, Nungungulu wa nwina. Va ka Israeli va andlamuka le Sinai.
11Ku te hi lembe ga wumbiri, ka hweti ya wumbiri, hi siku ga 20, a refu gi suka le hehla ka tabemakeli ga wumboni.
12Zonake a vanana va ka Israeli va lo andlamuka le xiwuleni xa Sinai, va famba hi mipfhuka yabye; zonake a refu gi loya yima le xiwuleni xa Parani.
13Va lo sangulisa a pfhumba gabye hi kulaya ka Jehova, kota lezi a leleteleko Mosi.
14Va lo rangelwa hi nghapa ya wugovelo ga ka Juda; va lo andlamuka hi mabutho yabye. A yimpi ya ka Juda yi lo rangelwa hi Naxoni a nʼwana wa Aminadaba;
15a nduna ya yimpi ya lixaka la vanana va ka Isakari hi Netaneli, a nʼwana wa Zuari;
16ni nduna ya yimpi ya lixaka la ka Zabuloni hi Eliabe a nʼwana wa Heloni.
17Zonake a tabemakeli gi tlhatlhiwa, ni vanana va ka Gerxoni, ni vanana va ka Merari va lo suka na va rwele a tabemakeli.
18Zonake ku lo suka a mabutho ya wugovelo ga ka Rubeni na ma rangelwa hi nghapa yabye. Eliazura a nʼwana wa Xedura i wa hi nduna ya yimpi leyo.
19A nduna ya yimpi ya lixaka la vanana va ka Simeoni hi Xelumieli a nʼwana wa Zurixadayi;
20a nduna ya yimpi ya vanana va ka Gadi hi Eiiasafa a nʼwana wa Deueli.
21Zonake ava ka Kohati, a varwali va zibya zo basa, va lo andlamuka; a vo ranga va lo yimisa a tabemakeli va longisela a kuta kabye.
22Ku lo suka mabutho ya wugovelo ga va ka Efraime na va rangelwa hi nghapa yabye. Elixima a nʼwana wa Amihudi i wa hi nduna wa yimpi leyo.
23A nduna ya yimpi ya lixaka la vanana va ka Manase hi Gamalieli a nʼwana wa Pedazura.
24Ni nduna ya yimpi ya lixaka la vanana va ka Benjamini hi Abidani a nʼwana wa Gideoni.
25Ku lo suka a mabutho ya wugovelo ga ka Dani, hi lenzhako ka wontihe magovelo, na va rangelwa hi nghapa yabye. Ahiezere a nʼwana wa Amixadayi i wa hi nduna ya yimpi leyo.
26Ni nduna ya yimpi ya lixaka la vanana va ka Axeri hi Pagieli a nʼwana wa Okrani.
27A nduna ya yimpi ya lixaka la vanana va ka Naftali hi Ahira a nʼwana wa Enani.
28Ma wa hi ya ku maha lezo a mafambela ya tiyimpi ta vanana va ka Israeli, loku va andlamuka.
29Mosi i te ngalo ka Hobaba, a nʼwana wa Reueli, a muMidiani, a muxade wa Mosi: Hina hiya tikweni legi Jehova a nga ku ngalo: Nzi ta mu nyika gona. A hi fambe hontlhe; hina hi ta ku khoma khwatsi, hakuva Jehova i wulawulile kusasa ha Israeli.
30Hobaba i lo hlamula, aku kakwe: Mina nzi nga ta famba; kanilezi nzi ta tlhelela tikweni ga hina, ni le maxakeni ya mina.
31Mosi aku ngalo: U nga hi siyi, mina nza ku kombela, kota lezi u tivako mipfhuka ya hina lomu xiwuleni, wena u tava mahlo ya hina.
32Loku wena u famba na hina, a kusasa loku Jehova a ta nga ku maha ka hina, hinawu hi ta ku maha ka wena.
33Va lo andlamuka hi le xitsungeni xa Jehova, va famba a pfhuka wa masiku manharu, ni nghaxa ya xivumelwano xa Jehova yi wa famba mahlweni kabye a pfhuka wa masiku manharu, a ku lava a wutshamu ga kuhumula.
34A refu ga Jehova gi wa hi hehla kabye laha hlikanhini, a kusukeni kabye hi le wugovelweni.
35A kusukeni ka nghaxa, Mosi aku ngalo:
Vuka, Jehova! A valala va wena a va hangalaswe,
Lava va ku vengako a va panzanywe mahlweni ka wena. 2 Kro. 6:41; Tis. 68:2
36Ni kurulweni ka yona, i waku:
Tlhela, Jehova,
Ka mazana ya mazana ya ka Israeli.
Currently Selected:
Mitsengo 10: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
Mitsengo 10
10
1Jehova i lo byela Mosi, aku:
2Ti mahele mipunzu mimbiri ya siliva; u yi maha hi siliva yi fulilweko. U ta vitana ha yona a hlengeletano, ni ku andlamukisa wugovelo.
3Ku taku loku yi biwa, a hlengeletano wontihe wu tsombana ka wena le nyangweni ya tenda ga mutlhangano.
4Kanilezi loku ku biwa punzu munwe basi, ku ta tsombana tihosana, ti nga tinduna ta matala ya ka Israeli.
5Ku taku loku ku biwa mipunzu, lava va goveleko le Mutsuwuka-gambo va suka.
6Ni loku muba mipunzu a khati ga wumbiri, lava va goveleko le Dzongeni va ta suka. Ku ta biwa mipunzu loku wugovelo gi lava ku suka.
7Kanilezi loku mu vitana a hlengeletano, mu taba mipunzu, kanilezi hi ginwani bela.
8Mbapristi, a vana va Aroni, lava va ta ngaba mipunzu. Lexo xi tava xileletelo xa kala kupinzuka ka zizukulwana za nwina.
9Ni loku mu hloma yimpi lomu tikweni ga nwina a ku yalwa ni valala va nwina lava va mu vukelako, mu taba mipunzu yo hlomisa, zonake mu ta alakanywa mahlweni ka Jehova, Nungungulu wa nwina, mu hlangutwa mandleni ya valala va nwina.
10Hambu masikwini ya nwina ya kutsaka, ni lomu mibuzweni ya nwina, ni kusanguleni ka hweti, mu taba mipunzu, na mu kari mu nyikela miphahlelo ya kuhiswa ni ya kubonga yi maha lezaku mu alakanyiwa mahlweni ka Nungungulu wa nwina. Hi mina Jehova, Nungungulu wa nwina. Va ka Israeli va andlamuka le Sinai.
11Ku te hi lembe ga wumbiri, ka hweti ya wumbiri, hi siku ga 20, a refu gi suka le hehla ka tabemakeli ga wumboni.
12Zonake a vanana va ka Israeli va lo andlamuka le xiwuleni xa Sinai, va famba hi mipfhuka yabye; zonake a refu gi loya yima le xiwuleni xa Parani.
13Va lo sangulisa a pfhumba gabye hi kulaya ka Jehova, kota lezi a leleteleko Mosi.
14Va lo rangelwa hi nghapa ya wugovelo ga ka Juda; va lo andlamuka hi mabutho yabye. A yimpi ya ka Juda yi lo rangelwa hi Naxoni a nʼwana wa Aminadaba;
15a nduna ya yimpi ya lixaka la vanana va ka Isakari hi Netaneli, a nʼwana wa Zuari;
16ni nduna ya yimpi ya lixaka la ka Zabuloni hi Eliabe a nʼwana wa Heloni.
17Zonake a tabemakeli gi tlhatlhiwa, ni vanana va ka Gerxoni, ni vanana va ka Merari va lo suka na va rwele a tabemakeli.
18Zonake ku lo suka a mabutho ya wugovelo ga ka Rubeni na ma rangelwa hi nghapa yabye. Eliazura a nʼwana wa Xedura i wa hi nduna ya yimpi leyo.
19A nduna ya yimpi ya lixaka la vanana va ka Simeoni hi Xelumieli a nʼwana wa Zurixadayi;
20a nduna ya yimpi ya vanana va ka Gadi hi Eiiasafa a nʼwana wa Deueli.
21Zonake ava ka Kohati, a varwali va zibya zo basa, va lo andlamuka; a vo ranga va lo yimisa a tabemakeli va longisela a kuta kabye.
22Ku lo suka mabutho ya wugovelo ga va ka Efraime na va rangelwa hi nghapa yabye. Elixima a nʼwana wa Amihudi i wa hi nduna wa yimpi leyo.
23A nduna ya yimpi ya lixaka la vanana va ka Manase hi Gamalieli a nʼwana wa Pedazura.
24Ni nduna ya yimpi ya lixaka la vanana va ka Benjamini hi Abidani a nʼwana wa Gideoni.
25Ku lo suka a mabutho ya wugovelo ga ka Dani, hi lenzhako ka wontihe magovelo, na va rangelwa hi nghapa yabye. Ahiezere a nʼwana wa Amixadayi i wa hi nduna ya yimpi leyo.
26Ni nduna ya yimpi ya lixaka la vanana va ka Axeri hi Pagieli a nʼwana wa Okrani.
27A nduna ya yimpi ya lixaka la vanana va ka Naftali hi Ahira a nʼwana wa Enani.
28Ma wa hi ya ku maha lezo a mafambela ya tiyimpi ta vanana va ka Israeli, loku va andlamuka.
29Mosi i te ngalo ka Hobaba, a nʼwana wa Reueli, a muMidiani, a muxade wa Mosi: Hina hiya tikweni legi Jehova a nga ku ngalo: Nzi ta mu nyika gona. A hi fambe hontlhe; hina hi ta ku khoma khwatsi, hakuva Jehova i wulawulile kusasa ha Israeli.
30Hobaba i lo hlamula, aku kakwe: Mina nzi nga ta famba; kanilezi nzi ta tlhelela tikweni ga hina, ni le maxakeni ya mina.
31Mosi aku ngalo: U nga hi siyi, mina nza ku kombela, kota lezi u tivako mipfhuka ya hina lomu xiwuleni, wena u tava mahlo ya hina.
32Loku wena u famba na hina, a kusasa loku Jehova a ta nga ku maha ka hina, hinawu hi ta ku maha ka wena.
33Va lo andlamuka hi le xitsungeni xa Jehova, va famba a pfhuka wa masiku manharu, ni nghaxa ya xivumelwano xa Jehova yi wa famba mahlweni kabye a pfhuka wa masiku manharu, a ku lava a wutshamu ga kuhumula.
34A refu ga Jehova gi wa hi hehla kabye laha hlikanhini, a kusukeni kabye hi le wugovelweni.
35A kusukeni ka nghaxa, Mosi aku ngalo:
Vuka, Jehova! A valala va wena a va hangalaswe,
Lava va ku vengako a va panzanywe mahlweni ka wena. 2 Kro. 6:41; Tis. 68:2
36Ni kurulweni ka yona, i waku:
Tlhela, Jehova,
Ka mazana ya mazana ya ka Israeli.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.