Nahume 2
2
A kulobyiswa ka Niniva.
1Loyi a fayetelako i chikele mahlweni ka wena; hlayisa a makhokhola, rinzela a ndlela, boha ziwunu za wena, u ti tiyiseta hi ntamu.
2Hakuva Jehova wa tlhelisela a wukulu ga Jakobe ni wukulu ga Israeli; hakuva a vaphangi va phangile, va gohetele a maravi ya vina wabye.
3A zitlhangu za tinhenha takwe zi pswhukile, a tinghwazi ti ambele ziwunguwungu; a ziketse za tikareta za hatima khwatsi i nzilo a siku lego a ti longiselako kulwa, ni matlhari ma ninginizwa nguvu.
4A tikareta ta tsutsuma hi xihatla lomu tindleleni, ti tsutsuma ti siyisana lomu magonzweni; ti woneka kota zihlahle, ti radamuka khwatsi xingwalangwanza.
5A hosi yi alakanya tinhenha ta yona; ti khunguvanyeka kufambeni ka tona, ti tsutsumela khurisini ga muti, ti longisa xivikelo.
6A tinyangwa ta micongo ti vululiwa, lomu ndlwini ya wuhosi ku na ni xigirimuka.
7Zi tiyisilwe, a muti wu funungulwe, vanhu va yiswa kule; a malanza yakwe ya xisati maba nkosi hi magezu yo fanana ni ya matuva, na vaba zifuva zabye.
8Ni kale Niniva i wa ku khwatsi i tiva ga mati; kanilezi va tsutsuma, vaku: Yimani, yimani! Kanilezi a ngakona ni munwe a cuwukako nzhako.
9Phangani siliva, mu phanga ni nzalama, hakuva a titshomba a ti na ku mbheta lomu bakweni; a wukosi ga yontlhe a nhunzu ya lisima.
10I phanga, a nga na nchumu, i hahlulwe. A timbilu ta nyeka, a madzolo ma dzudzumela, a tinyonga ta bayisa, a tinghohe ta vona vontlhe ti hunzukile. Isa. 13:7; Joeli 2:6
11A nzawu wa tinghala wu kwihi, lomu a tinghalana ti nga gela kona, laha a matsune ni nkati wa nghala zi nga etlela kona ni zinghalana za kona, zi nga dzuxiwi hi nchumu?
12A nghala leyi yi wa hanzulela zo xurisa a zivanana za yona, yi dayela a mapswele ya yona, yi tata a mi nzawu ya yona hi nyama, ni minkele ya yona hi zirumbi.
13Languta, nzi ta ku vukela, ku wula Jehova wa tiyimpi; nzi ta hisa tikareta ta wena, ti maha musi; a supado yi ta lovisa a tinghalana ta wena. Nzi ta susa misaveni lezi u zi phangileko, ni magezu ya mitsumi ya wena ma nga ta ha zwala kambe.
Currently Selected:
Nahume 2: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
Nahume 2
2
A kulobyiswa ka Niniva.
1Loyi a fayetelako i chikele mahlweni ka wena; hlayisa a makhokhola, rinzela a ndlela, boha ziwunu za wena, u ti tiyiseta hi ntamu.
2Hakuva Jehova wa tlhelisela a wukulu ga Jakobe ni wukulu ga Israeli; hakuva a vaphangi va phangile, va gohetele a maravi ya vina wabye.
3A zitlhangu za tinhenha takwe zi pswhukile, a tinghwazi ti ambele ziwunguwungu; a ziketse za tikareta za hatima khwatsi i nzilo a siku lego a ti longiselako kulwa, ni matlhari ma ninginizwa nguvu.
4A tikareta ta tsutsuma hi xihatla lomu tindleleni, ti tsutsuma ti siyisana lomu magonzweni; ti woneka kota zihlahle, ti radamuka khwatsi xingwalangwanza.
5A hosi yi alakanya tinhenha ta yona; ti khunguvanyeka kufambeni ka tona, ti tsutsumela khurisini ga muti, ti longisa xivikelo.
6A tinyangwa ta micongo ti vululiwa, lomu ndlwini ya wuhosi ku na ni xigirimuka.
7Zi tiyisilwe, a muti wu funungulwe, vanhu va yiswa kule; a malanza yakwe ya xisati maba nkosi hi magezu yo fanana ni ya matuva, na vaba zifuva zabye.
8Ni kale Niniva i wa ku khwatsi i tiva ga mati; kanilezi va tsutsuma, vaku: Yimani, yimani! Kanilezi a ngakona ni munwe a cuwukako nzhako.
9Phangani siliva, mu phanga ni nzalama, hakuva a titshomba a ti na ku mbheta lomu bakweni; a wukosi ga yontlhe a nhunzu ya lisima.
10I phanga, a nga na nchumu, i hahlulwe. A timbilu ta nyeka, a madzolo ma dzudzumela, a tinyonga ta bayisa, a tinghohe ta vona vontlhe ti hunzukile. Isa. 13:7; Joeli 2:6
11A nzawu wa tinghala wu kwihi, lomu a tinghalana ti nga gela kona, laha a matsune ni nkati wa nghala zi nga etlela kona ni zinghalana za kona, zi nga dzuxiwi hi nchumu?
12A nghala leyi yi wa hanzulela zo xurisa a zivanana za yona, yi dayela a mapswele ya yona, yi tata a mi nzawu ya yona hi nyama, ni minkele ya yona hi zirumbi.
13Languta, nzi ta ku vukela, ku wula Jehova wa tiyimpi; nzi ta hisa tikareta ta wena, ti maha musi; a supado yi ta lovisa a tinghalana ta wena. Nzi ta susa misaveni lezi u zi phangileko, ni magezu ya mitsumi ya wena ma nga ta ha zwala kambe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.