Marku 8
8
Jesu a gisa 4,000 wa vanhu.
1Hi ka lawo masiku laha ku nga hi kona kambe a xidlemo xa hombe, na xi nga hi na nchumu xa kuga, Jesu i lo vitana vapizani vakwe, aku ka vona: Mat. 15:32
2Nza xi zwela wusiwana a xidlemo, hakuva hi masiku manharu makunu na va tshamile na mina, na va nga hi na zakuga.
3Loku nzi va tlhelisa makaya kabye na va hi ni ndlala, va nga sika ndleleni; hakuva vanwani va vona vata hi le kule.
4A vapizani vakwe va lo mu hlamula, vaku: Hi nga va kumela kwihi a zibaba laha xiwuleni za ku va xurisa lava vanhu ke?
5I lo va wutisa aku: Zibaba zingani mu nga nazo ke? Vona va te ngalo: I ntlhanu ni zimbiri. Mat. 15:34
6I lo laya xidlemo ku tshama hasi; zonake i lo teka a ntlhanu wa zibaba ni zimbiri, a khesa, a zi khema, a nyika ka vapizani vakwe, kasi ku avela ka vanhu; va lo zi veka mahlweni ka xidlemo.
7Va wa hi ni zidluwani zi tsongwani; na a zi katekisile, i lo laya a kuva na zona zi avelwa kabye. Mat. 14:19; Xip. 6:41
8Vona va loga va xura, zonake ku lo rolelwa a matlhatlha ma seleko, ku tala ntlhanu wa zirunzu ni zimbiri.
9Lava va ngaga va wa hi Xipimo xa 4,000 wa vanhu. Yena i lo va fambisa.
10Zonake i lo enghena ngalaveni ni vapizani vakwe, va loya tlhelweni ga Dalmanuta. Mat. 15:39
A comelo ga vaFarisi.
11Ku lota a vaFarisi, va ta sangula ku kanetisana naye, na va kombela a xiwoniso xa le tilweni, na va mu ringa. Mat. 12:38; 16:1; Joh. 6:30
12Yena i lo keta moyeni wakwe, aku ngalo: Xana lexi xizukulwana xi lava xiwoniso hikuyini ke? Hizinene nziku ka nwina: Lexi xizukulwana xi nga ta nyikiwa xiwoniso.
13I lo va siya, a enghena kambe ngalaveni, aya tlhatuko.
14Kanilezi a vapizani va wa rivele ku teka zibaba; lomo ngalaveni va wa hi ni xibaba xinwe ntsena. Mat. 16:5
15I lo va laya, aku: Tlharihani, mu ti wonela a comelo ga vaFarisi ni comelo ga ka Herodi.
16Va lo wulawulisana xikari kabye, vaku: A hi na zibaba.
17Jesu na a zi tiva aku kabye: Hi yini mu wulawulisanako hilezi mu nga hiko na zibaba ke? A mu se ku tiva, hambu ni ku pima ke? A timbilu ta nwina ta ha nonohisile lezi ke? Xip. 6:52
18Lezi mu nga ni mahlo, a mu woni ke? Ni tindleve mu nato, a mu zi koti kuzwa? A mu alakanyi nchumu ke?
19Laha nzi nga khemelela a ntlhanu wa zibaba xikari ka 5,000 wa vanhu, zirunzu zingani mu nga tata hi matlhatlha ke? Vaku kakwe: I khume ni zimbiri. Mat. 14:20; Lu. 9:17; Joh. 6:13
20Ni laha nzi nga khemelela a ntlhanu ni zimbiri xikari ka 4,000 wa vanhu, zirunzu zingani mu nga tata hi matlhatlha ke? Vaku kakwe: I ntlhanu ni zimbiri. Mat. 15:37
21Yena aku ngalo kabye: A mu se nga pima ke? Xip. 6:52
Jesu a hanyisa xikhumu le Betsaida.
22Zonake va lo chikela le Betsaida. Ku lo nehiwa ka yena a xikhumu, va mu khongotela lezaku a xi khumba.
23Yena i lo khoma a xikhumu hi canja, a xi humesa mutini; laha na a phelele a mahlo ya xona, i lo tlhateka mandla yakwe hehla ka xona, a xi wutisa, aku: Wa wona nchumu ke? Xip. 7:33
24Xi lo cuwuka hehla, xiku: Nzi wona vanhu, nzo va wona kota tisinya ti fambako.
25I lo engeta a tlhateka mandla mahlweni ya xona; xi lo cuwuka, xi hanyiswa, xi wona zilo zontlhe khwatsi.
26Jesu i lo xi rumela kaya ka xona, aku: U nga engheni laha mutini. Mat. 8:4; Xip. 5:43
A wumboni ga Pedro.
27Zonake Jesu i lo famba mitini ya le Kesaria Filipi, zinwe ni vapizani vakwe. Laha ndleleni i lo wutisa vapizani vakwe, aku: A vanhu ve hi mina mani ke? Mat. 16:13; Lu. 9:18
28Va lo mu byela vaku: Johani Mubapatizi; ni vanwani vaku, Elija; kanilezi vanwani vaku, U munwe wa vaprofeti. Mat. 14:2
29I lo va wutisa, aku: Kanilezi nwina mu ngalo hi mina mani ke? Pedro i lo hlamula aku kakwe: Wena U Kristu. Mat. 16:16; Joh. 6:69; 11:27
30Yena i lo va laya lezaku va nga wuli lezo ha yena ka munhu ni munwe.
Jesu a tivisa hi kufa kakwe.
31Zonake i lo sangula ku va gonzisa lezaku a Nʼwana wa munhu i: yimelwe hi ku xaniseka nguvu, a aliwa hi masingalakati ni vapristi va hombe ni vatsali, a dawa, a tlhela a vuka hi siku ga wunharu. Mat. 16:21; 17:22; Lu. 9:22
32A mhaka leyi i lo yi wulawula yiku dlunya. Pedro i lo mu yisa tlhelweni, a sangula ku mu kawuka.
33Kanilezi na hunzuluka, a wona vapizani vakwe, i lo kawuka Pedro, aku: Suka ka mina Satani, hakuva a ku alakanyi hi za Nungungulu, kanilezi hi za vanhu.
34I lo vitana a xidlemo zinwe ni vapizani vakwe, aku ngalo kabye: Loku munhu a ranza ku nzi lanzela, a ti tsike, a rwala xihambano xakwe, a nzi lanzela. Mat. 10:38; 16:24; Lu. 9:23
35Hakuva loyi a ranzako ku hlayisa a kuhanya kakwe, i ta lahlekelwa ha kona; ni loyi a lahlekelwako hi kuhanya kakwe hi kota ya mina ni ya ivangeli, i ta ku lonzowota. Joh. 12:25
36Hakuva zi ta mu vuna yini munhu a ku bhinzula tiko gontlhe, loku a lahlekelwa hi muhefemulo wakwe ke?
37Hakuva a munhu i ta humesa yini ku tekisa muhefemulo wakwe ke?
38Hakuva loyi a nga ni tingana ha mina ni timhaka ta mina xizukulwaneni lexi xa wubhayi ni kuonha, a Nʼwana wa munhu kambe i tava ni tingana ha yena, laha a ta nga wuya hi kungangamela ka Raru wakwe, zinwe ni tingelosi to basa. Mat. 10:33; Lu. 9:26; 2 Tim. 1:8
Currently Selected:
Marku 8: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
Marku 8
8
Jesu a gisa 4,000 wa vanhu.
1Hi ka lawo masiku laha ku nga hi kona kambe a xidlemo xa hombe, na xi nga hi na nchumu xa kuga, Jesu i lo vitana vapizani vakwe, aku ka vona: Mat. 15:32
2Nza xi zwela wusiwana a xidlemo, hakuva hi masiku manharu makunu na va tshamile na mina, na va nga hi na zakuga.
3Loku nzi va tlhelisa makaya kabye na va hi ni ndlala, va nga sika ndleleni; hakuva vanwani va vona vata hi le kule.
4A vapizani vakwe va lo mu hlamula, vaku: Hi nga va kumela kwihi a zibaba laha xiwuleni za ku va xurisa lava vanhu ke?
5I lo va wutisa aku: Zibaba zingani mu nga nazo ke? Vona va te ngalo: I ntlhanu ni zimbiri. Mat. 15:34
6I lo laya xidlemo ku tshama hasi; zonake i lo teka a ntlhanu wa zibaba ni zimbiri, a khesa, a zi khema, a nyika ka vapizani vakwe, kasi ku avela ka vanhu; va lo zi veka mahlweni ka xidlemo.
7Va wa hi ni zidluwani zi tsongwani; na a zi katekisile, i lo laya a kuva na zona zi avelwa kabye. Mat. 14:19; Xip. 6:41
8Vona va loga va xura, zonake ku lo rolelwa a matlhatlha ma seleko, ku tala ntlhanu wa zirunzu ni zimbiri.
9Lava va ngaga va wa hi Xipimo xa 4,000 wa vanhu. Yena i lo va fambisa.
10Zonake i lo enghena ngalaveni ni vapizani vakwe, va loya tlhelweni ga Dalmanuta. Mat. 15:39
A comelo ga vaFarisi.
11Ku lota a vaFarisi, va ta sangula ku kanetisana naye, na va kombela a xiwoniso xa le tilweni, na va mu ringa. Mat. 12:38; 16:1; Joh. 6:30
12Yena i lo keta moyeni wakwe, aku ngalo: Xana lexi xizukulwana xi lava xiwoniso hikuyini ke? Hizinene nziku ka nwina: Lexi xizukulwana xi nga ta nyikiwa xiwoniso.
13I lo va siya, a enghena kambe ngalaveni, aya tlhatuko.
14Kanilezi a vapizani va wa rivele ku teka zibaba; lomo ngalaveni va wa hi ni xibaba xinwe ntsena. Mat. 16:5
15I lo va laya, aku: Tlharihani, mu ti wonela a comelo ga vaFarisi ni comelo ga ka Herodi.
16Va lo wulawulisana xikari kabye, vaku: A hi na zibaba.
17Jesu na a zi tiva aku kabye: Hi yini mu wulawulisanako hilezi mu nga hiko na zibaba ke? A mu se ku tiva, hambu ni ku pima ke? A timbilu ta nwina ta ha nonohisile lezi ke? Xip. 6:52
18Lezi mu nga ni mahlo, a mu woni ke? Ni tindleve mu nato, a mu zi koti kuzwa? A mu alakanyi nchumu ke?
19Laha nzi nga khemelela a ntlhanu wa zibaba xikari ka 5,000 wa vanhu, zirunzu zingani mu nga tata hi matlhatlha ke? Vaku kakwe: I khume ni zimbiri. Mat. 14:20; Lu. 9:17; Joh. 6:13
20Ni laha nzi nga khemelela a ntlhanu ni zimbiri xikari ka 4,000 wa vanhu, zirunzu zingani mu nga tata hi matlhatlha ke? Vaku kakwe: I ntlhanu ni zimbiri. Mat. 15:37
21Yena aku ngalo kabye: A mu se nga pima ke? Xip. 6:52
Jesu a hanyisa xikhumu le Betsaida.
22Zonake va lo chikela le Betsaida. Ku lo nehiwa ka yena a xikhumu, va mu khongotela lezaku a xi khumba.
23Yena i lo khoma a xikhumu hi canja, a xi humesa mutini; laha na a phelele a mahlo ya xona, i lo tlhateka mandla yakwe hehla ka xona, a xi wutisa, aku: Wa wona nchumu ke? Xip. 7:33
24Xi lo cuwuka hehla, xiku: Nzi wona vanhu, nzo va wona kota tisinya ti fambako.
25I lo engeta a tlhateka mandla mahlweni ya xona; xi lo cuwuka, xi hanyiswa, xi wona zilo zontlhe khwatsi.
26Jesu i lo xi rumela kaya ka xona, aku: U nga engheni laha mutini. Mat. 8:4; Xip. 5:43
A wumboni ga Pedro.
27Zonake Jesu i lo famba mitini ya le Kesaria Filipi, zinwe ni vapizani vakwe. Laha ndleleni i lo wutisa vapizani vakwe, aku: A vanhu ve hi mina mani ke? Mat. 16:13; Lu. 9:18
28Va lo mu byela vaku: Johani Mubapatizi; ni vanwani vaku, Elija; kanilezi vanwani vaku, U munwe wa vaprofeti. Mat. 14:2
29I lo va wutisa, aku: Kanilezi nwina mu ngalo hi mina mani ke? Pedro i lo hlamula aku kakwe: Wena U Kristu. Mat. 16:16; Joh. 6:69; 11:27
30Yena i lo va laya lezaku va nga wuli lezo ha yena ka munhu ni munwe.
Jesu a tivisa hi kufa kakwe.
31Zonake i lo sangula ku va gonzisa lezaku a Nʼwana wa munhu i: yimelwe hi ku xaniseka nguvu, a aliwa hi masingalakati ni vapristi va hombe ni vatsali, a dawa, a tlhela a vuka hi siku ga wunharu. Mat. 16:21; 17:22; Lu. 9:22
32A mhaka leyi i lo yi wulawula yiku dlunya. Pedro i lo mu yisa tlhelweni, a sangula ku mu kawuka.
33Kanilezi na hunzuluka, a wona vapizani vakwe, i lo kawuka Pedro, aku: Suka ka mina Satani, hakuva a ku alakanyi hi za Nungungulu, kanilezi hi za vanhu.
34I lo vitana a xidlemo zinwe ni vapizani vakwe, aku ngalo kabye: Loku munhu a ranza ku nzi lanzela, a ti tsike, a rwala xihambano xakwe, a nzi lanzela. Mat. 10:38; 16:24; Lu. 9:23
35Hakuva loyi a ranzako ku hlayisa a kuhanya kakwe, i ta lahlekelwa ha kona; ni loyi a lahlekelwako hi kuhanya kakwe hi kota ya mina ni ya ivangeli, i ta ku lonzowota. Joh. 12:25
36Hakuva zi ta mu vuna yini munhu a ku bhinzula tiko gontlhe, loku a lahlekelwa hi muhefemulo wakwe ke?
37Hakuva a munhu i ta humesa yini ku tekisa muhefemulo wakwe ke?
38Hakuva loyi a nga ni tingana ha mina ni timhaka ta mina xizukulwaneni lexi xa wubhayi ni kuonha, a Nʼwana wa munhu kambe i tava ni tingana ha yena, laha a ta nga wuya hi kungangamela ka Raru wakwe, zinwe ni tingelosi to basa. Mat. 10:33; Lu. 9:26; 2 Tim. 1:8
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.