Marku 6
6
Jesu a gonzisa le Nazareta.
1Zonake i lo suka laho, aya tikweni ga le kabye, a vapizani vakwe va mu lanzela. Mat. 2:23; Lu. 4:16
2Hi siku ga sabado i lo gonzisa lomo sinagogeni; a vanyingi lava va nga muzwa va lo hlamala, vaku: Xana inaloyi i zi kumile kwihi lezi ke? Niku: Kutlhariha ka kuyini a nyikilweko kona, ni zirewukiso zi mahiwako hi mandla yakwe zita hi kwihi ke? Joh. 6:42
3Loyi a hi yena muvatli, nʼwana Maria, ni nakulobye wa Jakobe, na Jose, na Juda, na Simoni ke? Ni vamakabye va xisati a va kona laha na hina ke? Va lo hlamuka ha yena. Mat. 11:6; Gal. 1:19
4Jesu i te ngalo kabye: A muprofeti a nga vumali kudzunziwa, a handle ka lomu tikweni gabye, ni xikari ka maxaka yakwe, hi le ndlwini yabye. Mat. 13:57; Joh. 4:44
5I wa nga zi koti ku maha xirewukiso laho, saseka ku tlhateka mandla yakwe ka vababyi va tsongwani, a va hanyisa.
6I lo hlamala hi kota ya kungakholwi kabye. Zonake i lo nzulanzula mitaneni na a gonzisa. Isa. 59:16; Mat. 9:35; Lu. 13:22
Jesu a ruma vapostoli.
7I lo vitana a vakhume ni vambiri, a sangula ku va ruma hi vambiri-vambiri, a va nyika ntamu wo humesa mimoya ya kubiha. Mat. 10:1; Lu. 9:1
8I lo va laya lezaku va nga teki nchumu lwenzweni labye, saseka nhonga ntsena; ge ni timbuva, hambu a xikhwama, hambu ni mali mabhandini yabye;
9va boha zilato, kanilezi va nga ambali mabhaji mambiri. Miti. 12:8
10I te ngalo kabye: Kani hi kwihi laha mu enghenako lomu ndlwini, tshamani kona mu kala mu suka wutshanwini lego. Mat. 10:11; Lu. 9:4; 10:7, 8
11Ni ka gihi wutshamu va ta nga kala va nga mu amukeli, va nga mu ingisi, laha mu sukako kona, phuhunhani a ntshuri wa mikonzo ya nwina, kasi kuva wukustumunyu ka vona. Mat. 10:14; Lu. 10:10; Miti. 13:51
12Va lo andlamuka, va ya kanela lezaku ngha vanhu va hunzuluka.
13Va lo hlongola madimoni manyingi, ni ku va tota hi mafura lava va nga babya, va va hanyisa. Jak. 5:14
A kufa ka Johani Mubapatizi.
14Hosi Herodi yi lozwa ha Jesu, hakuva a vito gakwe gi wa zwakala; aku ngalo: Johani Mubapatizi i vukile hi ka vafileko, hikwalaho leyi mintamu yi tira ka yena. Mat. 14:1; Lu. 9:7
15Kanilezi a vanwani vaku ngalo: Hi Elija. Vanwani vaku: Muprofeti, wo kota munwe wa vaprofeti. Mat. 16:14; Xip. 8:28
16Kanilezi laha Herodi na zi zwile, i te ngalo: Hi Johani, loyi nzi nga mu tsema hloko, i vukile hi ka vafileko. Mat. 14:2; Lu. 3:19
17Hakuva Herodi i wa rumele ku ya khoma Johani, a mu khotsela paxweni hi kota ya Herodia, a sati wa nakulobye Filipu; hakuva i wa mu tekile.
18Hakuva Johani i wa te ngalo ka Herodi: A zi faneli ka wena ku teka a sati wa nakuloni. Levi 18:16
19Herodia i lo mu pika, a lava ku mu daya, kanilezi i wa nga zi koti,
20hakuva Herodi i lo chava Johani, hi ku mu tiva lezaku i munhu a lulamileko ni kubasa, i lo mu lonzowota; Laha a ngazwa a kuwulawula ka Johani, i lo kanganyiseka nguvu, hambu zi hi tano i lo muzwa hi kutsaka. Mat. 14:5; 21:26
21Laha xi nga chikele a xikhati xi nene, laha Herodi a nga mahela a manghanakana ni tinduna ta yimpi ni vahombe va le Galilea a mubuzo wa ku alakanya a siku ga kubelekiwa kakwe; Gen. 40:20
22a nhanyana wa Herodia i lo enghena a kina, a tsakisa Herodi ni lava va nga tshamile naye kugeni; ni hosi yi te ngalo ka nhanyana: Nzi kombele ni xihi u xi ranzako, nzi ta ku nyika xona.
23A engeta a mu hlambanyela, aku: Nzi ta ku nyika ni xihi u xi kombelako, hambu ni khihlanya ga mufumo Wa mina. Estere 5:3, 6; 7:2
24A nhanyana i lo huma a ya wutisa nyine wakwe, aku: Nzi ta kombela yini ke? Yena aku: A hloko ya Johani Mubapatizi.
25Zonake i lo wuya le hosini hi kuhatlisa, a ta kombela aku: Nzi ranza lezaku u nzi nyika zalezi lomu ngelweni a hloko ya Johani Mubapatizi.
26A hosi yi lo xaniseka nguvu; kanilezi i wa nga lavi ku mu alela hi kota ya kuhlambanya kakwe, na hi kota ya lava va nga tshamile kugeni. Mat. 14:9
27Zalezo yi lo rumela ginwe ga masochwa yakwe, yi gi laya ku neha hloko ya Johani; gi lo famba gi ya mu tsema hloko lomo paxweni,
28gi neha hloko yakwe hi ngelo, gi yi nyika ka nhanyana; a nhanyana a yi nyika nyine wakwe.
29Laha vapizani va Johani na va zi zwile, va lo ta teka xirumbi xakwe, va ya xi lahla nkeleni.
Jesu a gisa 5,000 wa vavanuna.
30A vapostoli va lo tsombana ka Jesu, va mu hlawutela zontlhe lezi va zi mahileko, ni zontlhe lezi va zi gonzisileko vanhu. Lu. 9:10
31Yena aku kabye: Tanani, hiya xiwuleni, hi ya tshama hoce, kasi ma humula kutsongwani. Hakuva ku wa hi kona vanyingi va ngata ni ku famba, laha kaku vapizani va nga kumi ni xikhati xa kuga. Mat. 14:13; Xip. 3:20
32Va lo famba hi ngalava wutshanwini ga xiwula va hi voce. Mat. 14:13
33Kanilezi vanhu va lo va wona ni ku famba, a vanyingi va lo va tiva, va tsutsumela kona hi muhanza hi le mitini yontlhe, va rangela Jesu ni vapizani.
34Laha Jesu a nga huma ngalaveni i lo wona a xidlemo xa hombe, a va zwela wusiwana, hakuva va wa kota tiyivu ti nga hiko na murisi; i lo sangula ku va gonzisa timhaka to tala. Mat. 9:36; 14:14; Lu. 9:11
35Laha siku gi ngaya kupeleni, a vapizani va lo tshinela kakwe, vaku: A wutshamu xiwula, ni siku gi lava ku mbhela;
36va tlhelise, kasi va fela ku famba masinwini ni zimitaneni zi hi ranzeleko, va ya ti xavela zakuga.
37Kanilezi i lo hlamula aku ngalo kabye: Va heni nwina zakuga. Vaku ngalo kakwe: Hi famba hi ya xava a zibaba za 200 wa macheleni, hi va nyika vaga ke? Mitse. 11:13, 22; 2 Tih. 4:43
38Aku kabye: Mu na ni zibaba zingani? Fambani mu ya wona. Loku va zi tivile, vaku: I ntlhanu, ni zidluwani zimbiri. Mat. 14:17; Lu. 9:13; Joh. 6:9
39Yena i lo va laya lezaku a va tshame vontlhe hi mitlawa ka byanyi go nyuka.
40Va lo tshama lahasi hi mitlawa ya 100 ni ya 50.
41Jesu i lo teka a ntlhanu wa zibaba ni zidluwani zimbiri, a cuwuka tilweni, a zi katekisa ni ku khema zibaba; zonake i lo nyika ka vapizani ku zi avela ka vanhu, ni zidluwani zimbiri i lo zi avanyisa xikari ka vona vontlhe. 1 Sam. 9:13; Mat. 26:26
42Vontlhe va loga, va xura.
43Ku lo rolelwa matlhatlha, ku tala 12 wa zirunzu zinwe ni ya zidluwani.
44Lava va ngaga va wa hi 5,000 wa vavanuna.
Jesu a famba hehla ka mati.
45Zonake Jesu i lo hatla a kurumeta a vapizani vakwe ku khilela ngalaveni, a kuva va ranga vaya tlhatuko wa le Betsaida, yena a sala kala a tlhelisa xidlemo. Mat. 14:22; Joh. 6:17
46Anzhako na onekene naxo i loya xitsungeni ku ya khongela.
47Laha na gi hlwile, a ngalava yi wa hi xikari ka bimbi, yena na sele ha yece muhanzeni. Mat. 14:23; Joh. 6:16, 17
48I lo va wona ha va karateka hi ku bonza makasiya, hakuva a mheho yi wa hambene navo; hi xirinzo xa wumune xa wusiku i lota kabye na famba hehla ka bimbi; na a ngha a ku khwatsi ku va hunza.
49Kanilezi laha va nga mu wona na a famba hehla ka bimbi, va lo alakanya vaku xigono, vaba huwa;
50hakuva vontlhe va lo mu wona, va rurumela. Kanilezi i lo wulawula navo, aku kabye: Tiyani hlana, hi mina; mu nga chavi.
51I lo enghena ka vona ngalaveni, ni mheho yi lo gawuka; vona va wa la su nchu hi kuhlamala,
52hakuva a va pimangi hi lezi zi nga maheka hi zibaba, hakuva a timbilu tabye ti wa nonohile. Xip. 8:17, 18; 16:14
53Laha na va tlhatukile, va lo chikela tikweni ga Genesareta, va rikha fungwini. Mat. 14:34
54Na va humile ngalaveni a vanhu va lo mu tiva,
55va tsutsumela tikweni gontlhe ga leyo, va sangula ku rwala hi masango yabye lava va nga babya, va va yisa laho va ngazwa lezaku i kona.
56Ni kontlhe a nga enghena kona, zimitaneni kutani mitini, ni le masinwini, va lo veka a vababyi laha maphangweni, va mu khongotela lezaku va fela ku khumba machakafula ya nguwo yakwe; ni vontlhe lava va nga mu khumba va lo hanyiswa. Mat. 9:20; Xip. 5:27; Miti. 19:12
Currently Selected:
Marku 6: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
Marku 6
6
Jesu a gonzisa le Nazareta.
1Zonake i lo suka laho, aya tikweni ga le kabye, a vapizani vakwe va mu lanzela. Mat. 2:23; Lu. 4:16
2Hi siku ga sabado i lo gonzisa lomo sinagogeni; a vanyingi lava va nga muzwa va lo hlamala, vaku: Xana inaloyi i zi kumile kwihi lezi ke? Niku: Kutlhariha ka kuyini a nyikilweko kona, ni zirewukiso zi mahiwako hi mandla yakwe zita hi kwihi ke? Joh. 6:42
3Loyi a hi yena muvatli, nʼwana Maria, ni nakulobye wa Jakobe, na Jose, na Juda, na Simoni ke? Ni vamakabye va xisati a va kona laha na hina ke? Va lo hlamuka ha yena. Mat. 11:6; Gal. 1:19
4Jesu i te ngalo kabye: A muprofeti a nga vumali kudzunziwa, a handle ka lomu tikweni gabye, ni xikari ka maxaka yakwe, hi le ndlwini yabye. Mat. 13:57; Joh. 4:44
5I wa nga zi koti ku maha xirewukiso laho, saseka ku tlhateka mandla yakwe ka vababyi va tsongwani, a va hanyisa.
6I lo hlamala hi kota ya kungakholwi kabye. Zonake i lo nzulanzula mitaneni na a gonzisa. Isa. 59:16; Mat. 9:35; Lu. 13:22
Jesu a ruma vapostoli.
7I lo vitana a vakhume ni vambiri, a sangula ku va ruma hi vambiri-vambiri, a va nyika ntamu wo humesa mimoya ya kubiha. Mat. 10:1; Lu. 9:1
8I lo va laya lezaku va nga teki nchumu lwenzweni labye, saseka nhonga ntsena; ge ni timbuva, hambu a xikhwama, hambu ni mali mabhandini yabye;
9va boha zilato, kanilezi va nga ambali mabhaji mambiri. Miti. 12:8
10I te ngalo kabye: Kani hi kwihi laha mu enghenako lomu ndlwini, tshamani kona mu kala mu suka wutshanwini lego. Mat. 10:11; Lu. 9:4; 10:7, 8
11Ni ka gihi wutshamu va ta nga kala va nga mu amukeli, va nga mu ingisi, laha mu sukako kona, phuhunhani a ntshuri wa mikonzo ya nwina, kasi kuva wukustumunyu ka vona. Mat. 10:14; Lu. 10:10; Miti. 13:51
12Va lo andlamuka, va ya kanela lezaku ngha vanhu va hunzuluka.
13Va lo hlongola madimoni manyingi, ni ku va tota hi mafura lava va nga babya, va va hanyisa. Jak. 5:14
A kufa ka Johani Mubapatizi.
14Hosi Herodi yi lozwa ha Jesu, hakuva a vito gakwe gi wa zwakala; aku ngalo: Johani Mubapatizi i vukile hi ka vafileko, hikwalaho leyi mintamu yi tira ka yena. Mat. 14:1; Lu. 9:7
15Kanilezi a vanwani vaku ngalo: Hi Elija. Vanwani vaku: Muprofeti, wo kota munwe wa vaprofeti. Mat. 16:14; Xip. 8:28
16Kanilezi laha Herodi na zi zwile, i te ngalo: Hi Johani, loyi nzi nga mu tsema hloko, i vukile hi ka vafileko. Mat. 14:2; Lu. 3:19
17Hakuva Herodi i wa rumele ku ya khoma Johani, a mu khotsela paxweni hi kota ya Herodia, a sati wa nakulobye Filipu; hakuva i wa mu tekile.
18Hakuva Johani i wa te ngalo ka Herodi: A zi faneli ka wena ku teka a sati wa nakuloni. Levi 18:16
19Herodia i lo mu pika, a lava ku mu daya, kanilezi i wa nga zi koti,
20hakuva Herodi i lo chava Johani, hi ku mu tiva lezaku i munhu a lulamileko ni kubasa, i lo mu lonzowota; Laha a ngazwa a kuwulawula ka Johani, i lo kanganyiseka nguvu, hambu zi hi tano i lo muzwa hi kutsaka. Mat. 14:5; 21:26
21Laha xi nga chikele a xikhati xi nene, laha Herodi a nga mahela a manghanakana ni tinduna ta yimpi ni vahombe va le Galilea a mubuzo wa ku alakanya a siku ga kubelekiwa kakwe; Gen. 40:20
22a nhanyana wa Herodia i lo enghena a kina, a tsakisa Herodi ni lava va nga tshamile naye kugeni; ni hosi yi te ngalo ka nhanyana: Nzi kombele ni xihi u xi ranzako, nzi ta ku nyika xona.
23A engeta a mu hlambanyela, aku: Nzi ta ku nyika ni xihi u xi kombelako, hambu ni khihlanya ga mufumo Wa mina. Estere 5:3, 6; 7:2
24A nhanyana i lo huma a ya wutisa nyine wakwe, aku: Nzi ta kombela yini ke? Yena aku: A hloko ya Johani Mubapatizi.
25Zonake i lo wuya le hosini hi kuhatlisa, a ta kombela aku: Nzi ranza lezaku u nzi nyika zalezi lomu ngelweni a hloko ya Johani Mubapatizi.
26A hosi yi lo xaniseka nguvu; kanilezi i wa nga lavi ku mu alela hi kota ya kuhlambanya kakwe, na hi kota ya lava va nga tshamile kugeni. Mat. 14:9
27Zalezo yi lo rumela ginwe ga masochwa yakwe, yi gi laya ku neha hloko ya Johani; gi lo famba gi ya mu tsema hloko lomo paxweni,
28gi neha hloko yakwe hi ngelo, gi yi nyika ka nhanyana; a nhanyana a yi nyika nyine wakwe.
29Laha vapizani va Johani na va zi zwile, va lo ta teka xirumbi xakwe, va ya xi lahla nkeleni.
Jesu a gisa 5,000 wa vavanuna.
30A vapostoli va lo tsombana ka Jesu, va mu hlawutela zontlhe lezi va zi mahileko, ni zontlhe lezi va zi gonzisileko vanhu. Lu. 9:10
31Yena aku kabye: Tanani, hiya xiwuleni, hi ya tshama hoce, kasi ma humula kutsongwani. Hakuva ku wa hi kona vanyingi va ngata ni ku famba, laha kaku vapizani va nga kumi ni xikhati xa kuga. Mat. 14:13; Xip. 3:20
32Va lo famba hi ngalava wutshanwini ga xiwula va hi voce. Mat. 14:13
33Kanilezi vanhu va lo va wona ni ku famba, a vanyingi va lo va tiva, va tsutsumela kona hi muhanza hi le mitini yontlhe, va rangela Jesu ni vapizani.
34Laha Jesu a nga huma ngalaveni i lo wona a xidlemo xa hombe, a va zwela wusiwana, hakuva va wa kota tiyivu ti nga hiko na murisi; i lo sangula ku va gonzisa timhaka to tala. Mat. 9:36; 14:14; Lu. 9:11
35Laha siku gi ngaya kupeleni, a vapizani va lo tshinela kakwe, vaku: A wutshamu xiwula, ni siku gi lava ku mbhela;
36va tlhelise, kasi va fela ku famba masinwini ni zimitaneni zi hi ranzeleko, va ya ti xavela zakuga.
37Kanilezi i lo hlamula aku ngalo kabye: Va heni nwina zakuga. Vaku ngalo kakwe: Hi famba hi ya xava a zibaba za 200 wa macheleni, hi va nyika vaga ke? Mitse. 11:13, 22; 2 Tih. 4:43
38Aku kabye: Mu na ni zibaba zingani? Fambani mu ya wona. Loku va zi tivile, vaku: I ntlhanu, ni zidluwani zimbiri. Mat. 14:17; Lu. 9:13; Joh. 6:9
39Yena i lo va laya lezaku a va tshame vontlhe hi mitlawa ka byanyi go nyuka.
40Va lo tshama lahasi hi mitlawa ya 100 ni ya 50.
41Jesu i lo teka a ntlhanu wa zibaba ni zidluwani zimbiri, a cuwuka tilweni, a zi katekisa ni ku khema zibaba; zonake i lo nyika ka vapizani ku zi avela ka vanhu, ni zidluwani zimbiri i lo zi avanyisa xikari ka vona vontlhe. 1 Sam. 9:13; Mat. 26:26
42Vontlhe va loga, va xura.
43Ku lo rolelwa matlhatlha, ku tala 12 wa zirunzu zinwe ni ya zidluwani.
44Lava va ngaga va wa hi 5,000 wa vavanuna.
Jesu a famba hehla ka mati.
45Zonake Jesu i lo hatla a kurumeta a vapizani vakwe ku khilela ngalaveni, a kuva va ranga vaya tlhatuko wa le Betsaida, yena a sala kala a tlhelisa xidlemo. Mat. 14:22; Joh. 6:17
46Anzhako na onekene naxo i loya xitsungeni ku ya khongela.
47Laha na gi hlwile, a ngalava yi wa hi xikari ka bimbi, yena na sele ha yece muhanzeni. Mat. 14:23; Joh. 6:16, 17
48I lo va wona ha va karateka hi ku bonza makasiya, hakuva a mheho yi wa hambene navo; hi xirinzo xa wumune xa wusiku i lota kabye na famba hehla ka bimbi; na a ngha a ku khwatsi ku va hunza.
49Kanilezi laha va nga mu wona na a famba hehla ka bimbi, va lo alakanya vaku xigono, vaba huwa;
50hakuva vontlhe va lo mu wona, va rurumela. Kanilezi i lo wulawula navo, aku kabye: Tiyani hlana, hi mina; mu nga chavi.
51I lo enghena ka vona ngalaveni, ni mheho yi lo gawuka; vona va wa la su nchu hi kuhlamala,
52hakuva a va pimangi hi lezi zi nga maheka hi zibaba, hakuva a timbilu tabye ti wa nonohile. Xip. 8:17, 18; 16:14
53Laha na va tlhatukile, va lo chikela tikweni ga Genesareta, va rikha fungwini. Mat. 14:34
54Na va humile ngalaveni a vanhu va lo mu tiva,
55va tsutsumela tikweni gontlhe ga leyo, va sangula ku rwala hi masango yabye lava va nga babya, va va yisa laho va ngazwa lezaku i kona.
56Ni kontlhe a nga enghena kona, zimitaneni kutani mitini, ni le masinwini, va lo veka a vababyi laha maphangweni, va mu khongotela lezaku va fela ku khumba machakafula ya nguwo yakwe; ni vontlhe lava va nga mu khumba va lo hanyiswa. Mat. 9:20; Xip. 5:27; Miti. 19:12
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.