Marku 12
12
A mufananiso va varimi ca xivina.
1Zonake i lo sangula ku kanela kabye hi mifananiso, aku: A munhu i lo byala xivina, a xi bhiyela lihlavu, a kehla a xigowolo xo hlutela vinya, ni ku aka tshala; zonake i lo xi nyikela ka varimi, aya matikweni. Mat. 21:33; Lu. 20:9
2Hi nguva ya kona i lo rumela a nanza ka varimi, kasi ga fela ku amukela a xipanze xa mihanzu ya xivina ka vona.
3Kanilezi va lo gi khoma va giba, va gi tlhelisa na gi nga hi na nchumu.
4I lo va rumela a ginwani nanza; kanilezi gona va gi balesa hloko, va gi wisa tingana.
5I lo ruma ginwani, kanilezi va lo gi daya; nj manwani ya kutala; ku biwa vanwani, vanwani va dawa.
6Yena i wa ha hi ni nʼwana munwe a ranzekako; hi kugumesa a mu ruma ka vona, aku: Va tava ni xichawo ka nʼwana wa mina.
7Kanilezi a varimi va lo wulawulisana xikari kabye, vaku: Hi yena mugi wa tshomba, ngonani hi ta mu daya, higa tshomba yakwe.
8Va lo mu khoma, va mu daya, va mu hoxa lahandle ka xivina.
9I ta maha yini a nwinyi wa xivina ke? I tata a ta lovisa lavo varimi, a nyika xivina ka vanwani.
10A mu se ku gonza a mutsalo lowu wu nge ngalo:
A ribye legi gi nga aliwa hi vaaki,
Gi mahile a hloko ya magumo; Tis. 118:22
11Lexi xi mahilwe hi Hosi,
Xa hlamalisa mahlweni ya hina.
12Va lo lava ku mu khoma, kanilezi va chava xidlemo; hakuva va wa zi tiva lezaku a mufananiso lowu i wulawula ha vona; va lo mu siya, va famba. Mat. 21:45, 46; Joh. 7:25, 30, 44
Ku riha nzhuvo ka Kesari.
13Zonake va lo ruma ka yena a vokari va vaFarisi ni va ka Herodi, lezaku va fela ku ya mu hika kuwulawuleni. Mat. 22:15; Lu. 20:20
14Va lota, va taku kakwe: Mugonzisi, ha zi tiva lezaku u wula zinene, a ku chavi munhu, hakuva a ku cuwuki a xiyimo xa vanhu, kanilezi u gonzisa a ndlela ya Nungungulu hi zinene. Xana zi fanele ku yisa nzhuvo ka Kesari, kutani a hi zona ke? Hi luva, kutani hi nga luvi ke?
15Kanilezi yena na a tiva a wuxengeteli gabye, aku ngalo ka vona: Mu nzi ringela yini ke? Nehani a denario, kasi nzi fela ku yi wona.
16Va yi neha. I te ngalo kabye: Ngwa mani a mufananiso lowu ni kutsala loku ke? Vaku ngalo kakwe: Za Kesari.
17Jesu aku kabye: Tlheliseni ka Kesari lezi zi nga za Kesari, ni ka Nungungulu lezi zi nga za Nungungulu. Va lo hlamala nguvu ha yena.
A mhaka ya ku vuka hi ka vafileko.
18Zonake ku lota ka yena a vaSadusi, lava va nge ngalo a ku kona kuvuka hi ka vafileko; va ta mu wutisa, vaku: Mat. 22:23; Lu. 20:27; Miti. 23:8
19Mugonzisi, Mosi i lo hi tsalela le? zaku loku nakulobye wa munhu afa, a siya sati, na a nga hi na nʼwana, a nakulobye i ta hlambela sati wakwe, kasi ku mu vuxela mbeleko. Deut. 25:5
20Ku wa hi kona a ntlhanu wa vanakulobye ni vambiri; a nhonzwa yi lo teka sati, yifa na yi nga siyangi nʼwana;
21ni wa wumbiri i lo mu hlambela, a sufa, na a nga siyangi nʼwana; zinghaho ni wa wunharu.
22A vantlhanu ni vambiri a va siyangi vana; hi magumo ya vontlhe afa ni wasati.
23A kuvukeni ka vafileko, i ta maha sati wa mani xikari ka vona, hakuva i wa mahile sati wa vona: vontlhe va ntlhanu ni Vambiri?
24Jesu aku ngalo ka vona: Xana a mu lahlekangi, hilezi mu nga yi tiviko mitsalo, hambu ni ntamu wa Nungungulu ke?
25Hakuva loku va vukile hi ka vafileko, a va ha teki, hambu ni ku tekiwa, kanilezi va ta kota tingelosi ta le tilweni. 1 Kor. 15:42, 49, 52
26Kanilezi hi kukumbuka a kuvuxiwa hi ka vafileko, a mu gonzangi bhukwini ga Mosi, hi wutshamu gi wulawulako hi xihlahla, lezaku Nungungulu i lo wulawula kakwe, aku: Nzi Nungungulu wa Abrahama, ni Nungungulu wa Isaka, ni Nungungulu wa Jakobe? Ekso. 3:6
27Yena a hi Nungungulu wa vafileko, kanilezi ngwa vahanyako. Mu lahlekile nguvu!
A nayo lowu wa hombe.
28Ku lo tshinela munwe wa vatsali, loyi a nga vazwa na va kari va wutisana, na a zi tiva lezaku Jesu i va hlamulile khwatsi, i lo mu wutisa, aku: Hi wihi a nayo wo ranga ka yona yontlhe ke? Mat. 22:35
29Jesu i lo hlamula, aku: A nayo wa kuranga hi lowu wu nge ngalo: Ingisa, Israeli! A Hosi Nungungulu wa wena i Hosi yinwe. Deut. 6:4; Lu. 10:27
30U ta ranza Hosi Nungungulu wa wena hi mbilu ya wena yontlhe, ni muhefemulo wa wena wontihe, ni kupima ka wena kontlhe, ni ntamu wa wena wontihe.
31Ni wa wumbiri hi lowu: U ta ranza wakelene na wena kota lezi u ti ranzako wena. A wu kona nayo munwani wa hombe ku hunza leyi. Levi 19:18; Mat. 22:39; Gal. 5:14
32A mutsali aku ngalo ka yena: Hi zona, Mugonzisi, u wulile khwatsi lezaku i Nungungulu munwe; a ku na munwani ahandle ka yena. Deut. 4:39; Isa. 45:6, 14; 46:9
33Ni ku mu ranza yena hi mbilu yontlhe, ni kupima kontlhe, ni ntamu wontihe, ni ku ranza wakelene kota munhu a ti ranzako wutsumbu, za hunza nguvu minyikelo yontlhe yo hiswa ni miphahlo. 1 Sam. 15:22; Hos. 6:6
34Laha Jesu na a wonile lezaku i hlamule hi kupima, aku ngalo kakwe: Wena a ku kule ni mufumo wa Nungungulu. Zonake ku wa nga hi na munhu a nga tiya ku mu wutisa nchumu. Mat. 22:46
Kristu i nʼwana mani?
35Laha Jesu a nga kari a gonzisa lomo tempeleni, i lo wutisa, aku: Hikuyini a vatsali va wulako lezaku Kristu i Nʼwana Davida ke? Mat. 22:41; Lu. 20:41
36Kasi Davida i wulile hi Moya wa ku Basa, aku:
Hosi yi te ngalo ka Hosi ya mina,
Tshama hi le reveni ga mina ga xinene,
Kala nzi veka a valala va wena a kuva xikhegetelo xa mikonzo ya wena. 2 Sam. 23:2; Tis. 110:1
37Loku Davida wutsumbu a mu vitana aku Hosi, makunu i nʼwana wakwe hikuyini ke? A xidlemo xa vanhu xi lo muzwa hi kutsaka.
Jesu, a tlharihisa vanhu hi kota ya vatsali.
38A kugonziseni kakwe aku ngalo: Tlharihani hi vatsali, lava va ranzako ku famba na va ambele a tinguwo to leha ni ku losiwa lomu maphangweni, Mat. 23:1; Lu. 11:43; 20:46
39ni zitshamu za le mahlweni lomu masinagogeni, ni matshamu ya le mahlweni le mibuzweni;
40kanilezi na va phanga a tiyindlu ta tinoni, a xikhati va mahako mikhongelo yo leha. Vona va ta tsayiswa hi tsayiselelo wa hombe. Mat. 23:14
A munyikelo wa noni.
41I lo tshama kusuhani ni laha va nga wa nyikela minyikelo, a wona lezi a xidlemo xi nyikelisako zona a mali xikhwameni xa minyikelo; ni vanyingi va fumileko va wa chela yo tala. 2 Tih. 12:9; Lu. 21:1
42Ku lota a noni ya xisiwana, yi ta chela a malana mambiri ma ringanako ni dezana.
43Jesu i lo vitana vapizani vakwe, aku kabye: Hizinene nziku ka nwina: A noni leyi ya xisiwana yi chelile ku hunza vontlhe lava va chelako xikhwameni xa minyikelo; 2 Kor. 8:12
44hakuva vona vontlhe va chelile na zita hi ka leʼzinyingi zabye, kanilezi yena hi kuvumala kakwe i chelile zontlhe lezi a nga hi nazo a nga tsumba ku hanya hi zona.
Currently Selected:
Marku 12: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
Marku 12
12
A mufananiso va varimi ca xivina.
1Zonake i lo sangula ku kanela kabye hi mifananiso, aku: A munhu i lo byala xivina, a xi bhiyela lihlavu, a kehla a xigowolo xo hlutela vinya, ni ku aka tshala; zonake i lo xi nyikela ka varimi, aya matikweni. Mat. 21:33; Lu. 20:9
2Hi nguva ya kona i lo rumela a nanza ka varimi, kasi ga fela ku amukela a xipanze xa mihanzu ya xivina ka vona.
3Kanilezi va lo gi khoma va giba, va gi tlhelisa na gi nga hi na nchumu.
4I lo va rumela a ginwani nanza; kanilezi gona va gi balesa hloko, va gi wisa tingana.
5I lo ruma ginwani, kanilezi va lo gi daya; nj manwani ya kutala; ku biwa vanwani, vanwani va dawa.
6Yena i wa ha hi ni nʼwana munwe a ranzekako; hi kugumesa a mu ruma ka vona, aku: Va tava ni xichawo ka nʼwana wa mina.
7Kanilezi a varimi va lo wulawulisana xikari kabye, vaku: Hi yena mugi wa tshomba, ngonani hi ta mu daya, higa tshomba yakwe.
8Va lo mu khoma, va mu daya, va mu hoxa lahandle ka xivina.
9I ta maha yini a nwinyi wa xivina ke? I tata a ta lovisa lavo varimi, a nyika xivina ka vanwani.
10A mu se ku gonza a mutsalo lowu wu nge ngalo:
A ribye legi gi nga aliwa hi vaaki,
Gi mahile a hloko ya magumo; Tis. 118:22
11Lexi xi mahilwe hi Hosi,
Xa hlamalisa mahlweni ya hina.
12Va lo lava ku mu khoma, kanilezi va chava xidlemo; hakuva va wa zi tiva lezaku a mufananiso lowu i wulawula ha vona; va lo mu siya, va famba. Mat. 21:45, 46; Joh. 7:25, 30, 44
Ku riha nzhuvo ka Kesari.
13Zonake va lo ruma ka yena a vokari va vaFarisi ni va ka Herodi, lezaku va fela ku ya mu hika kuwulawuleni. Mat. 22:15; Lu. 20:20
14Va lota, va taku kakwe: Mugonzisi, ha zi tiva lezaku u wula zinene, a ku chavi munhu, hakuva a ku cuwuki a xiyimo xa vanhu, kanilezi u gonzisa a ndlela ya Nungungulu hi zinene. Xana zi fanele ku yisa nzhuvo ka Kesari, kutani a hi zona ke? Hi luva, kutani hi nga luvi ke?
15Kanilezi yena na a tiva a wuxengeteli gabye, aku ngalo ka vona: Mu nzi ringela yini ke? Nehani a denario, kasi nzi fela ku yi wona.
16Va yi neha. I te ngalo kabye: Ngwa mani a mufananiso lowu ni kutsala loku ke? Vaku ngalo kakwe: Za Kesari.
17Jesu aku kabye: Tlheliseni ka Kesari lezi zi nga za Kesari, ni ka Nungungulu lezi zi nga za Nungungulu. Va lo hlamala nguvu ha yena.
A mhaka ya ku vuka hi ka vafileko.
18Zonake ku lota ka yena a vaSadusi, lava va nge ngalo a ku kona kuvuka hi ka vafileko; va ta mu wutisa, vaku: Mat. 22:23; Lu. 20:27; Miti. 23:8
19Mugonzisi, Mosi i lo hi tsalela le? zaku loku nakulobye wa munhu afa, a siya sati, na a nga hi na nʼwana, a nakulobye i ta hlambela sati wakwe, kasi ku mu vuxela mbeleko. Deut. 25:5
20Ku wa hi kona a ntlhanu wa vanakulobye ni vambiri; a nhonzwa yi lo teka sati, yifa na yi nga siyangi nʼwana;
21ni wa wumbiri i lo mu hlambela, a sufa, na a nga siyangi nʼwana; zinghaho ni wa wunharu.
22A vantlhanu ni vambiri a va siyangi vana; hi magumo ya vontlhe afa ni wasati.
23A kuvukeni ka vafileko, i ta maha sati wa mani xikari ka vona, hakuva i wa mahile sati wa vona: vontlhe va ntlhanu ni Vambiri?
24Jesu aku ngalo ka vona: Xana a mu lahlekangi, hilezi mu nga yi tiviko mitsalo, hambu ni ntamu wa Nungungulu ke?
25Hakuva loku va vukile hi ka vafileko, a va ha teki, hambu ni ku tekiwa, kanilezi va ta kota tingelosi ta le tilweni. 1 Kor. 15:42, 49, 52
26Kanilezi hi kukumbuka a kuvuxiwa hi ka vafileko, a mu gonzangi bhukwini ga Mosi, hi wutshamu gi wulawulako hi xihlahla, lezaku Nungungulu i lo wulawula kakwe, aku: Nzi Nungungulu wa Abrahama, ni Nungungulu wa Isaka, ni Nungungulu wa Jakobe? Ekso. 3:6
27Yena a hi Nungungulu wa vafileko, kanilezi ngwa vahanyako. Mu lahlekile nguvu!
A nayo lowu wa hombe.
28Ku lo tshinela munwe wa vatsali, loyi a nga vazwa na va kari va wutisana, na a zi tiva lezaku Jesu i va hlamulile khwatsi, i lo mu wutisa, aku: Hi wihi a nayo wo ranga ka yona yontlhe ke? Mat. 22:35
29Jesu i lo hlamula, aku: A nayo wa kuranga hi lowu wu nge ngalo: Ingisa, Israeli! A Hosi Nungungulu wa wena i Hosi yinwe. Deut. 6:4; Lu. 10:27
30U ta ranza Hosi Nungungulu wa wena hi mbilu ya wena yontlhe, ni muhefemulo wa wena wontihe, ni kupima ka wena kontlhe, ni ntamu wa wena wontihe.
31Ni wa wumbiri hi lowu: U ta ranza wakelene na wena kota lezi u ti ranzako wena. A wu kona nayo munwani wa hombe ku hunza leyi. Levi 19:18; Mat. 22:39; Gal. 5:14
32A mutsali aku ngalo ka yena: Hi zona, Mugonzisi, u wulile khwatsi lezaku i Nungungulu munwe; a ku na munwani ahandle ka yena. Deut. 4:39; Isa. 45:6, 14; 46:9
33Ni ku mu ranza yena hi mbilu yontlhe, ni kupima kontlhe, ni ntamu wontihe, ni ku ranza wakelene kota munhu a ti ranzako wutsumbu, za hunza nguvu minyikelo yontlhe yo hiswa ni miphahlo. 1 Sam. 15:22; Hos. 6:6
34Laha Jesu na a wonile lezaku i hlamule hi kupima, aku ngalo kakwe: Wena a ku kule ni mufumo wa Nungungulu. Zonake ku wa nga hi na munhu a nga tiya ku mu wutisa nchumu. Mat. 22:46
Kristu i nʼwana mani?
35Laha Jesu a nga kari a gonzisa lomo tempeleni, i lo wutisa, aku: Hikuyini a vatsali va wulako lezaku Kristu i Nʼwana Davida ke? Mat. 22:41; Lu. 20:41
36Kasi Davida i wulile hi Moya wa ku Basa, aku:
Hosi yi te ngalo ka Hosi ya mina,
Tshama hi le reveni ga mina ga xinene,
Kala nzi veka a valala va wena a kuva xikhegetelo xa mikonzo ya wena. 2 Sam. 23:2; Tis. 110:1
37Loku Davida wutsumbu a mu vitana aku Hosi, makunu i nʼwana wakwe hikuyini ke? A xidlemo xa vanhu xi lo muzwa hi kutsaka.
Jesu, a tlharihisa vanhu hi kota ya vatsali.
38A kugonziseni kakwe aku ngalo: Tlharihani hi vatsali, lava va ranzako ku famba na va ambele a tinguwo to leha ni ku losiwa lomu maphangweni, Mat. 23:1; Lu. 11:43; 20:46
39ni zitshamu za le mahlweni lomu masinagogeni, ni matshamu ya le mahlweni le mibuzweni;
40kanilezi na va phanga a tiyindlu ta tinoni, a xikhati va mahako mikhongelo yo leha. Vona va ta tsayiswa hi tsayiselelo wa hombe. Mat. 23:14
A munyikelo wa noni.
41I lo tshama kusuhani ni laha va nga wa nyikela minyikelo, a wona lezi a xidlemo xi nyikelisako zona a mali xikhwameni xa minyikelo; ni vanyingi va fumileko va wa chela yo tala. 2 Tih. 12:9; Lu. 21:1
42Ku lota a noni ya xisiwana, yi ta chela a malana mambiri ma ringanako ni dezana.
43Jesu i lo vitana vapizani vakwe, aku kabye: Hizinene nziku ka nwina: A noni leyi ya xisiwana yi chelile ku hunza vontlhe lava va chelako xikhwameni xa minyikelo; 2 Kor. 8:12
44hakuva vona vontlhe va chelile na zita hi ka leʼzinyingi zabye, kanilezi yena hi kuvumala kakwe i chelile zontlhe lezi a nga hi nazo a nga tsumba ku hanya hi zona.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.