Mateu 22
22
A mubuzo wa muchado.
1Jesu i lo engeta a kanela kabye hi mifananiso, aku: Lu. 14:16; Kuv. 19:7, 9
2A mufumo wa tilo wu fanana ni hosi yo kari, leyi yi nga mahela a nʼwana wa yona a mubuzo wa muchado.
3Yi lo rumela a malanza ya yona a ku ya vitana lava va rambilweko mubuzweni; kanilezi va lo ala kuta.
4Yi lo engeta yi ruma manwani malanza, yiku: Byelani lava va rambilweko, muku: Nzi longisile a zakuga za mina; a tinkavi ta mina ni zifuyo za mina zi nonileko zi tlhabyilwe; zontlhe zi longile. Tanani mubuzweni.
5Kanilezi va lo honisa, va ti fambela; munwani masinwini yakwe, ni munwani mabhinzwini yakwe.
6A vanwani va lo khoma malanza, va ma wisa tingana, va ma daya.
7Zonake a hosi yi lo zangara; yi lo rumela tiyimpi ta yona, ti ya lovisa vadayi lavo, ni ku hisa muti wabye. Dan. 9:26; Lu. 19:27
8Zonake yiku ka malanza ya yona: A mubuzo wu longile, kanilezi lava va nga rambilwe va wa nga faneli. Xip. 10:11, 13; Miti. 13:46
9Hikwalaho fambani mahanzakanyeni ya tindlela, mu ya ramba vontlhe lava mu ta nga va kuma.
10A malanza lawo ma lo famba tindleleni, ma ya tsombanyisa vontlhe lavo ma va kumako, a va kubiha, ni vo saseka ni yindlu ya mubuzo yi lo tala hi lava va tshamileko kugeni.
11Kanilezi na yi enghenile hosi a ku wona lava va tshamileko kugeni, yi lo wona a munhu loyi a nga ambalangiko a nguwo ya muchado. 2 Kor. 5:3; Efe. 4:24; Kuv. 3:4
12Yi te ngalo kakwe: Xaka, u enghenisile kuyini laha na u nga hi na nguwo ya muchado ke? Yena a su kaye.
13Zonake a hosi yi te ngalo ka malanza: Mu boheni mawoko ni milenge, mu mu hoxa munyameni wa lahandle, laha ku ta ngava ni mikosi ni kugetsela ka meno.
14Hakuva mbanyingi va rambilweko, kanilezi va tsongwani va hlawulilweko.
Ku humesa nzhuvo ka Kesari.
15Zonake a vaFarisi va lo famba va ya tsema khungo lezaku va ta mu dembelisa kuyini kuwulawuleni kakwe. Mar. 12:13; Lu. 20:20
16Va lo ruma ka yena a vapizani vabye zinwe ni va ka Herodi, va yaku: Mugonzisi, ha zi tiva lezaku wena u wa zinene, u gonzisa a ndlela ya Nungungulu hi zinene; a ku khatali hi munhu, hakuva a ku cuwuki a xiyimo xa vanhu.
17Hikwalaho, hi nga hi byela, U alakanya lezaku hi fanele ku yisa nzhuvo ka Kesari, kutani hi nga yisi ke?
18Kanilezi Jesu i lo tiva a kubiha kabye, aku: Mu nzi ringela yini, nwina vaxengeteli?
19Ma nga nzi kangetani a mali ya nzhuvo. Va lo tisa kakwe a denario.
20I lo va wutisa, aku: Ngwa mani a mufananiso lowu ni mutsalo lowu ke?
21Vaku ka yena: Za Kesari. Zonake i te ngalo kabye: Tlhelisani ka Kesari lezi zi nga za Kesari, ni ka Nungungulu lezi zi nga za Nungungulu. Xip. 17:25; Rom. 13:7
22Laha na va zi zwile va lo hlamala, va mu siya, va ti fambela.
A mhaka ya kuvuka hi ka vafileko.
23Gwalego siku ku lota kakwe a vaSadusi, lava va nge ngalo a ku kona kuvuka hi ka vafileko. Va lo mu wutisa, Mar. 12:18; Lu. 20:27; Miti. 23:8
24vaku: Mugonzisi, Mosi i te ngalo: Loku munhu afa na a nga hi na vana, a nakulobye i ta hlambela sati wakwe kasi ku vuxela nakulobye a mbeleko. Deut. 25:5
25Makunu ku wa hi kona ka hina a ntlhanu wa vanakulobye ni vambiri; loyi wa nhonzwa i lo teka sati, a sufa. Lezo a nga kala a nga hi na nʼwana, i lo siya sati wakwe ka nakulobye;
26i lo maha lezo a wa wumbiri kambe, ni wa wunharu, ku kala ka vantlhanu ni vambiri.
27Anzhako ka vona vontlhe ku lofa ni wasati wa kona.
28Lezi a nga mahile sati wabye vontlhe, laha kuvukeni ka vafileko i ta maha sati wa mani ka lava va ntlhanu ni vambiri?
29Jesu i lo hlamula, aku ngalo kabye: Nwina mu lahlekile, lezi mu nga tiviko mitsalo, hambu ni ntamu wa Nungungulu. Joh. 20:9
30Hakuva a kuvukeni ka vafileko a va nga ta teka hambu hi ku tekiwa, kanilezi va ta kota tingelosi ta le tilweni. 1 Joh. 3:2
31Kanilezi hi ku kumbuka a kuvuka hi ka vafileko, a mu gonzangi lezi zi nga wulawuliwa ka nwina hi Nungungulu ke, aku:
32Mina nzi Nungungulu wa Abrahama, ni Nungungulu wa Isaka, ni Nungungulu wa Jakobe? Nungungulu a hi Nungungulu wa vafileko, kanilezi ngwa vahanyako. Ekso. 3:6, 18; Lu. 20:38
33Laha zidlemo na zi zwile, zi lo hlamaliswa hi kugonzisa kakwe.
A tshinya ga milayo.
34Laha a vaFarisi va ngazwa lezaku i miyetile a vaSadusi, va lo tsombana khatiginwe. Mar. 12:28
35A munwe wa vona, loyi a nga hi mugonzisi wa nayo, i lo wutisa Jesu hi ku mu ringa, aku: Lu. 10:25
36Mugonzisi, a nayo wa hombe milayweni yontlhe hi wihi?
37I te ngalo kakwe: U ta ranza Hosi Nungungulu wa wena hi mbilu ya wena yontlhe, ni muhefemulo wa wena wontihe, ni kupima ka wena kontlhe. Deut. 6:5; Lu. 10:27
38Lowu hi nayo wa hombe ni wa kuranga.
39Ni wa wumbiri wu fananako na wona, hi lowu: U ta ranza wakelene na wena kota lezi u ti ranzako wena. Levi 19:18; Gal. 5:14; Jak. 2:8
40A milayo leyi mimbiri hi tshinya ga milayo yontlhe ni vaprofeti.
Kristu i Nʼwana wa mani?
41Makunu na va ha tsombene a vaFarisi, Jesu i lo va wutisa, Mar. 12:35; Lu. 20:41
42aku: Mu alakanya yini nwina hi Kristu? I nʼwana mani ke? Vaku ngalo kakwe: I nʼwana Davida.
43Aku ngalo kabye: Loku zi hi tano, hikuyini Davida a wulako hi Moya a mu vitana Hosi, aku:
44A Hosi yi te ngalo ka Hosi ya mina:
Tshama hi le reveni ga mina ga xinene;
Kala nzi veka a valala va wena lahasi ka mikonzo ya wena? Tis. 110:1; Miti. 2:34; 1 Kor. 15:25
45Loku Davida a mu vitana aku Hosi, i nʼwana wakwe hikuyini ke?
46Ku wa nga hi na munhu a zi kotako ku mu hlamula nchumu, ku wa nga hi kona ni munwe a nga tiya ku mu wutisa nchumu kusukela siku lego. Lu. 14:6; Mar. 12:34
Currently Selected:
Mateu 22: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
Mateu 22
22
A mubuzo wa muchado.
1Jesu i lo engeta a kanela kabye hi mifananiso, aku: Lu. 14:16; Kuv. 19:7, 9
2A mufumo wa tilo wu fanana ni hosi yo kari, leyi yi nga mahela a nʼwana wa yona a mubuzo wa muchado.
3Yi lo rumela a malanza ya yona a ku ya vitana lava va rambilweko mubuzweni; kanilezi va lo ala kuta.
4Yi lo engeta yi ruma manwani malanza, yiku: Byelani lava va rambilweko, muku: Nzi longisile a zakuga za mina; a tinkavi ta mina ni zifuyo za mina zi nonileko zi tlhabyilwe; zontlhe zi longile. Tanani mubuzweni.
5Kanilezi va lo honisa, va ti fambela; munwani masinwini yakwe, ni munwani mabhinzwini yakwe.
6A vanwani va lo khoma malanza, va ma wisa tingana, va ma daya.
7Zonake a hosi yi lo zangara; yi lo rumela tiyimpi ta yona, ti ya lovisa vadayi lavo, ni ku hisa muti wabye. Dan. 9:26; Lu. 19:27
8Zonake yiku ka malanza ya yona: A mubuzo wu longile, kanilezi lava va nga rambilwe va wa nga faneli. Xip. 10:11, 13; Miti. 13:46
9Hikwalaho fambani mahanzakanyeni ya tindlela, mu ya ramba vontlhe lava mu ta nga va kuma.
10A malanza lawo ma lo famba tindleleni, ma ya tsombanyisa vontlhe lavo ma va kumako, a va kubiha, ni vo saseka ni yindlu ya mubuzo yi lo tala hi lava va tshamileko kugeni.
11Kanilezi na yi enghenile hosi a ku wona lava va tshamileko kugeni, yi lo wona a munhu loyi a nga ambalangiko a nguwo ya muchado. 2 Kor. 5:3; Efe. 4:24; Kuv. 3:4
12Yi te ngalo kakwe: Xaka, u enghenisile kuyini laha na u nga hi na nguwo ya muchado ke? Yena a su kaye.
13Zonake a hosi yi te ngalo ka malanza: Mu boheni mawoko ni milenge, mu mu hoxa munyameni wa lahandle, laha ku ta ngava ni mikosi ni kugetsela ka meno.
14Hakuva mbanyingi va rambilweko, kanilezi va tsongwani va hlawulilweko.
Ku humesa nzhuvo ka Kesari.
15Zonake a vaFarisi va lo famba va ya tsema khungo lezaku va ta mu dembelisa kuyini kuwulawuleni kakwe. Mar. 12:13; Lu. 20:20
16Va lo ruma ka yena a vapizani vabye zinwe ni va ka Herodi, va yaku: Mugonzisi, ha zi tiva lezaku wena u wa zinene, u gonzisa a ndlela ya Nungungulu hi zinene; a ku khatali hi munhu, hakuva a ku cuwuki a xiyimo xa vanhu.
17Hikwalaho, hi nga hi byela, U alakanya lezaku hi fanele ku yisa nzhuvo ka Kesari, kutani hi nga yisi ke?
18Kanilezi Jesu i lo tiva a kubiha kabye, aku: Mu nzi ringela yini, nwina vaxengeteli?
19Ma nga nzi kangetani a mali ya nzhuvo. Va lo tisa kakwe a denario.
20I lo va wutisa, aku: Ngwa mani a mufananiso lowu ni mutsalo lowu ke?
21Vaku ka yena: Za Kesari. Zonake i te ngalo kabye: Tlhelisani ka Kesari lezi zi nga za Kesari, ni ka Nungungulu lezi zi nga za Nungungulu. Xip. 17:25; Rom. 13:7
22Laha na va zi zwile va lo hlamala, va mu siya, va ti fambela.
A mhaka ya kuvuka hi ka vafileko.
23Gwalego siku ku lota kakwe a vaSadusi, lava va nge ngalo a ku kona kuvuka hi ka vafileko. Va lo mu wutisa, Mar. 12:18; Lu. 20:27; Miti. 23:8
24vaku: Mugonzisi, Mosi i te ngalo: Loku munhu afa na a nga hi na vana, a nakulobye i ta hlambela sati wakwe kasi ku vuxela nakulobye a mbeleko. Deut. 25:5
25Makunu ku wa hi kona ka hina a ntlhanu wa vanakulobye ni vambiri; loyi wa nhonzwa i lo teka sati, a sufa. Lezo a nga kala a nga hi na nʼwana, i lo siya sati wakwe ka nakulobye;
26i lo maha lezo a wa wumbiri kambe, ni wa wunharu, ku kala ka vantlhanu ni vambiri.
27Anzhako ka vona vontlhe ku lofa ni wasati wa kona.
28Lezi a nga mahile sati wabye vontlhe, laha kuvukeni ka vafileko i ta maha sati wa mani ka lava va ntlhanu ni vambiri?
29Jesu i lo hlamula, aku ngalo kabye: Nwina mu lahlekile, lezi mu nga tiviko mitsalo, hambu ni ntamu wa Nungungulu. Joh. 20:9
30Hakuva a kuvukeni ka vafileko a va nga ta teka hambu hi ku tekiwa, kanilezi va ta kota tingelosi ta le tilweni. 1 Joh. 3:2
31Kanilezi hi ku kumbuka a kuvuka hi ka vafileko, a mu gonzangi lezi zi nga wulawuliwa ka nwina hi Nungungulu ke, aku:
32Mina nzi Nungungulu wa Abrahama, ni Nungungulu wa Isaka, ni Nungungulu wa Jakobe? Nungungulu a hi Nungungulu wa vafileko, kanilezi ngwa vahanyako. Ekso. 3:6, 18; Lu. 20:38
33Laha zidlemo na zi zwile, zi lo hlamaliswa hi kugonzisa kakwe.
A tshinya ga milayo.
34Laha a vaFarisi va ngazwa lezaku i miyetile a vaSadusi, va lo tsombana khatiginwe. Mar. 12:28
35A munwe wa vona, loyi a nga hi mugonzisi wa nayo, i lo wutisa Jesu hi ku mu ringa, aku: Lu. 10:25
36Mugonzisi, a nayo wa hombe milayweni yontlhe hi wihi?
37I te ngalo kakwe: U ta ranza Hosi Nungungulu wa wena hi mbilu ya wena yontlhe, ni muhefemulo wa wena wontihe, ni kupima ka wena kontlhe. Deut. 6:5; Lu. 10:27
38Lowu hi nayo wa hombe ni wa kuranga.
39Ni wa wumbiri wu fananako na wona, hi lowu: U ta ranza wakelene na wena kota lezi u ti ranzako wena. Levi 19:18; Gal. 5:14; Jak. 2:8
40A milayo leyi mimbiri hi tshinya ga milayo yontlhe ni vaprofeti.
Kristu i Nʼwana wa mani?
41Makunu na va ha tsombene a vaFarisi, Jesu i lo va wutisa, Mar. 12:35; Lu. 20:41
42aku: Mu alakanya yini nwina hi Kristu? I nʼwana mani ke? Vaku ngalo kakwe: I nʼwana Davida.
43Aku ngalo kabye: Loku zi hi tano, hikuyini Davida a wulako hi Moya a mu vitana Hosi, aku:
44A Hosi yi te ngalo ka Hosi ya mina:
Tshama hi le reveni ga mina ga xinene;
Kala nzi veka a valala va wena lahasi ka mikonzo ya wena? Tis. 110:1; Miti. 2:34; 1 Kor. 15:25
45Loku Davida a mu vitana aku Hosi, i nʼwana wakwe hikuyini ke?
46Ku wa nga hi na munhu a zi kotako ku mu hlamula nchumu, ku wa nga hi kona ni munwe a nga tiya ku mu wutisa nchumu kusukela siku lego. Lu. 14:6; Mar. 12:34
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.