Mateu 14
14
A kufa ka Johani Mubapatizi,
1Hi lexo xikhati Herodi loyi a nga hi mwamangulu i lozwa wudumo ga Jesu, Mar. 6:14; Lu. 9:7
2aku ngalo ka malanza yakwe: Loyi hi Johani Mubapatizi; i vukile hi ka vafileko; hikwalaho a mintamu leyi yi hlamalisako yi tira ha yena:
3Hakuva Herodi i wa khomile Johani, a mu boha, a mu valela paxweni hi kota ya Herodia, a sati wa nakulobye Filipu. Mar. 6:17; Lu. 3:19, 20
4Hakuva Johani i wa te ngalo kakwe: A ku fanelangi a ku mu teka.
5Laha a nga ngha a lava ku mu daya, i lo chava vanhu, hakuva va waku muprofeti.
6Kanilezi hi siku ga kupswalwa ka Herodi, a nhanyana wa Herodia i lo kina mahlweni ka vanhu, a tsakisa Herodi,
7laha kakuva a mu tsumbisa hi kuhlambanya a ku mu nyika ni xihi lexi a ta nga xi kombela.
8A nhanyana na a kucetelwe hi nyine wakwe, aku: Nzi nyike lomu ngelweni lowu a hloko ya Johani Mubapatizi.
9A hosi yi lo xaniseka, kanilezi hi kota ya kuhlambanya kakwe ni ya lava a nga hi navo mezeni, i lo laya a kuva a nyikiwa yona.
10I lo rumela mhaka paxweni, lezaku ku tsemiwa a hloko ya Johani.
11A hloko yakwe yi lo nehiwa hi ngelo, yi nyikiwa ka nhwana; yena i lo yi yisa ka nyine wakwe.
12A vapizani vakwe va lo ta teka xirumbi xakwe, va xi lahla; va lo famba va ya bikela Jesu.
Jesu a phamela 5,000 wa vanhu.
13Laha Jesu na zi zwile, i lo suka laho hi ngalava, aya wutshanwini ga xiwula na hi yece. Kanilezi laha zidlemo na zi zwile, zi lo mu lanzela hi milenge zita hi le mitini.
14Loku a huma ngalaveni a wona a xidlemo xa hombe, i lo xi zwela wusiwana, a hanyisa vababyako vabye. Xip. 9:36; Mar. 6:34
15Laha gambyeni a vapizani va lota kakwe, va taku: A wutshamu legi xiwula, ni gambo gi pelile; tlhelisa zidlemo, kasi zi fela kuya mitini, zi ya ti xavela zakuga. Mar. 6:35; Lu. 9:12; Joh. 6:5
16Kanilezi Jesu aku ngalo kabye: A zi laveki a kuva va famba, va heni zakuga nwina.
17Va te ngalo kakwe: A hi na nchumu laha, saseka ntlhanu wa zibaba ni zidluwani zimbiri.
18Aku ngalo; Zi neheni laha ka mina.
19Loku a byelile zidlemo a ku tshama lahasi byanyini, i lo teka a ntlhanu wa zibaba ni zidluwani zimbiri, a cuwuka tilweni a zi katekisa, a khema zibaba a zi nyika ka vapizani, a vapizani va avela zidlemo.
20Vontlhe va loga va xura. Zonake ku lo rolelwa a matlhatlha ma seleko, ku tala khume ga zirunzu ni zimbiri.
21Lava va ngaga i 5,000 wa vavanuna, ku nga hlayiwi a vavasati ni vanana.
Jesu a famba hehla ka mali.
22Zalezo Jesu i lo kurumeta a vapizani ku enghena ngalaveni, va ranga va tlhatuka, yena a sala a kala a tlhelisa zidlemo.
23Laha na a tlhelisile zidlemo, i loya xitsungeni na hi yece ku ya khongela. Gi lohlwa na hi kwalaho yece. Mar. 6:46; Joh. 6:16
24Kanilezi a ngalava yi wa hi xikari ka bimbi, na yi ndlengandlengiswa hi mabyandlati; hakuva a mheho yi wa hambene navo.
25Hi xirinzo xa wumune xa wusiku Jesu i lota kabye, na a famba hehla ka mati.
26Laha vapizani va nga mu wona na a famba hehla ka mati, va lo dzuka, vaku: Xigono; vaba huwa hi kuchava. Joba 8:8
27Kanilezi Jesu a hatla a va byela, aku: Tiyani-hlana, hi mina; mu nga chavi.
28Pedro i le mu hlamula, aku: Hosi, loku u ngha u hi wena, nzi vitane nzita ka wena hehla ka mati.
29Aku ngalo: Tana. Pedro i lo chika hi lomo ngalaveni, a famba hehla ka mati, aya ka Jesu.
30Kanilezi pa a wona mheho yi tshinga, i lo chava; zonake loku a sangula ku wela i loba huwa, aku: Hosi, nzi ponise.
31Zalezo Jesu i lo nawuluta a canja gakwe, a mu khoma, aku: Wena wa, kukholwa ku tsongwani, hi yini u kanakanako ke?
32Laha na va enghenile ngalaveni a mheho yi lo gawuka.
33Ni lava va nga hi lomu ngalaveni va lo mu khizamela, vaku: Hizinene u Nʼwana wa Nungungulu. Tis. 2:7; Lo. 4:41; Rom. 1:4
34Laha na va tlhatukile, va lo chikela le Genesareta. Mar. 6:53
35Ni laha vanhu va kona na va mu tivile, va lo rumisa tikweni lego gontlhe, lezaku va neha kakwe vontlhe lava va nga kari va babya.
36Va lo mu khongotela lezaku va fela ku khumba machakafula ya nguwo yakwe, ni vontlhe lava va nga ma khumba va lo hanyiswa.
Currently Selected:
Mateu 14: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
Mateu 14
14
A kufa ka Johani Mubapatizi,
1Hi lexo xikhati Herodi loyi a nga hi mwamangulu i lozwa wudumo ga Jesu, Mar. 6:14; Lu. 9:7
2aku ngalo ka malanza yakwe: Loyi hi Johani Mubapatizi; i vukile hi ka vafileko; hikwalaho a mintamu leyi yi hlamalisako yi tira ha yena:
3Hakuva Herodi i wa khomile Johani, a mu boha, a mu valela paxweni hi kota ya Herodia, a sati wa nakulobye Filipu. Mar. 6:17; Lu. 3:19, 20
4Hakuva Johani i wa te ngalo kakwe: A ku fanelangi a ku mu teka.
5Laha a nga ngha a lava ku mu daya, i lo chava vanhu, hakuva va waku muprofeti.
6Kanilezi hi siku ga kupswalwa ka Herodi, a nhanyana wa Herodia i lo kina mahlweni ka vanhu, a tsakisa Herodi,
7laha kakuva a mu tsumbisa hi kuhlambanya a ku mu nyika ni xihi lexi a ta nga xi kombela.
8A nhanyana na a kucetelwe hi nyine wakwe, aku: Nzi nyike lomu ngelweni lowu a hloko ya Johani Mubapatizi.
9A hosi yi lo xaniseka, kanilezi hi kota ya kuhlambanya kakwe ni ya lava a nga hi navo mezeni, i lo laya a kuva a nyikiwa yona.
10I lo rumela mhaka paxweni, lezaku ku tsemiwa a hloko ya Johani.
11A hloko yakwe yi lo nehiwa hi ngelo, yi nyikiwa ka nhwana; yena i lo yi yisa ka nyine wakwe.
12A vapizani vakwe va lo ta teka xirumbi xakwe, va xi lahla; va lo famba va ya bikela Jesu.
Jesu a phamela 5,000 wa vanhu.
13Laha Jesu na zi zwile, i lo suka laho hi ngalava, aya wutshanwini ga xiwula na hi yece. Kanilezi laha zidlemo na zi zwile, zi lo mu lanzela hi milenge zita hi le mitini.
14Loku a huma ngalaveni a wona a xidlemo xa hombe, i lo xi zwela wusiwana, a hanyisa vababyako vabye. Xip. 9:36; Mar. 6:34
15Laha gambyeni a vapizani va lota kakwe, va taku: A wutshamu legi xiwula, ni gambo gi pelile; tlhelisa zidlemo, kasi zi fela kuya mitini, zi ya ti xavela zakuga. Mar. 6:35; Lu. 9:12; Joh. 6:5
16Kanilezi Jesu aku ngalo kabye: A zi laveki a kuva va famba, va heni zakuga nwina.
17Va te ngalo kakwe: A hi na nchumu laha, saseka ntlhanu wa zibaba ni zidluwani zimbiri.
18Aku ngalo; Zi neheni laha ka mina.
19Loku a byelile zidlemo a ku tshama lahasi byanyini, i lo teka a ntlhanu wa zibaba ni zidluwani zimbiri, a cuwuka tilweni a zi katekisa, a khema zibaba a zi nyika ka vapizani, a vapizani va avela zidlemo.
20Vontlhe va loga va xura. Zonake ku lo rolelwa a matlhatlha ma seleko, ku tala khume ga zirunzu ni zimbiri.
21Lava va ngaga i 5,000 wa vavanuna, ku nga hlayiwi a vavasati ni vanana.
Jesu a famba hehla ka mali.
22Zalezo Jesu i lo kurumeta a vapizani ku enghena ngalaveni, va ranga va tlhatuka, yena a sala a kala a tlhelisa zidlemo.
23Laha na a tlhelisile zidlemo, i loya xitsungeni na hi yece ku ya khongela. Gi lohlwa na hi kwalaho yece. Mar. 6:46; Joh. 6:16
24Kanilezi a ngalava yi wa hi xikari ka bimbi, na yi ndlengandlengiswa hi mabyandlati; hakuva a mheho yi wa hambene navo.
25Hi xirinzo xa wumune xa wusiku Jesu i lota kabye, na a famba hehla ka mati.
26Laha vapizani va nga mu wona na a famba hehla ka mati, va lo dzuka, vaku: Xigono; vaba huwa hi kuchava. Joba 8:8
27Kanilezi Jesu a hatla a va byela, aku: Tiyani-hlana, hi mina; mu nga chavi.
28Pedro i le mu hlamula, aku: Hosi, loku u ngha u hi wena, nzi vitane nzita ka wena hehla ka mati.
29Aku ngalo: Tana. Pedro i lo chika hi lomo ngalaveni, a famba hehla ka mati, aya ka Jesu.
30Kanilezi pa a wona mheho yi tshinga, i lo chava; zonake loku a sangula ku wela i loba huwa, aku: Hosi, nzi ponise.
31Zalezo Jesu i lo nawuluta a canja gakwe, a mu khoma, aku: Wena wa, kukholwa ku tsongwani, hi yini u kanakanako ke?
32Laha na va enghenile ngalaveni a mheho yi lo gawuka.
33Ni lava va nga hi lomu ngalaveni va lo mu khizamela, vaku: Hizinene u Nʼwana wa Nungungulu. Tis. 2:7; Lo. 4:41; Rom. 1:4
34Laha na va tlhatukile, va lo chikela le Genesareta. Mar. 6:53
35Ni laha vanhu va kona na va mu tivile, va lo rumisa tikweni lego gontlhe, lezaku va neha kakwe vontlhe lava va nga kari va babya.
36Va lo mu khongotela lezaku va fela ku khumba machakafula ya nguwo yakwe, ni vontlhe lava va nga ma khumba va lo hanyiswa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.