Mateu 10
10
Jesu a hlawula 12 wa vapizani.
1I lo vitana a vapizani vakwe va khume ni vambiri, a va nyika ntamu wa ku hlula a mimoya ya kubiha ni ku yi humesa; ni ku chuma tontlhe tixaka ta tinghumbe ni tixaka tontlhe ta mababyi. Mar. 3:13, 14; 6:7; Lu. 6:13
2A mavito ya vapostoli va khume ni vambiri hi lawa: A wo ranga hi Simoni, a vitwako Pedro, na Andreu nakulobye; na Jakobe a nʼwana Zabedi, na Johani nakulobye; Joh. 1:42
3Filipu, na Bartolomeu; Tomasi, na Mateu muhlengisi; Jakobe a nʼwana Alfeu, na Tadeu;
4na Simoni muKanani, na Judasi Iskarioti, loyi a nga tokometa Jesu. Lu. 6:15; Miti. 1:13; Joh. 13:26
5Jesu i lo ruma lava va khume ni vambiri, a va laya, aku: Mu ngayi ka vamatiko, hambu ku enghena ka muti wa vaSamaria. 2 Tih. 17:24; Xip. 4:15
6Kanilezi yanani ka tiyivu ti lahlekileko ta yindlu ya ka Israeli. Isa. 53:6; Miti. 13:46
7Kufambeni ka nwina kanelani muku: A mufumo wa tilo wu tshinele. Lu. 9:2; Xip. 3:2
8Hanyisani lava va babyako, mu vuxa a vafileko, mu basisa tihlokonho, mu humesa madimoni. Mu amukele hi matsenya, nyikani hi matsenya.
9Mu nga weleli mali ya nzalama ni siliva ni suku lomu mabhandeni ya nwina. Mar. 6:8; Lu. 9:3; 10:4
10Mu nga teki kwama pfhumbeni ga nwina, hambu mabhaji mambiri, hambu zilato ni nhonga; hakuva a xitiri xi fanelwe hi kuga ka xona. Lu. 10:7; 1 Kor. 9:7; 1 Tim. 5:18
11Kani hi wihi muti ni mutana mu to enghena ka wona, mu ta wutisa lezaku himani a faneleko ku mu amukela; tshamani ka yena mu kala mu suka.
12Laha na mu enghenile ndlwini mu ta yi losetela.
13Loku a yindlu yi fanele, a kurula ka nwina a ku tshame ka yona; kanilezi loku yi nga faneli, ngha kurula ka nwina ku tlhelela ka nwina.
14Kani hi wihi a ta nga kala ku mu amukela, hambu ku ingisa a timhaka ta nwina, a xikhati mu humako ka yindlu leyo kutani muti lowo, phumunhani a ntshuri wa mikonzo ya nwina. Mar. 6:11; Miti. 13:51
15Hizinene nziku ka nwina: Hi siku ga kulamula a kutsayiswa ka muti lowo ku ta hunza ka Sodoma ni Gomora.
16Langutani, nza mu ruma na mu fanana ni tiyivu xikari ka timhisi; hikwalaho, tlharihani kota tinyoka, mu ku khwatsi mu matuva, mu ngavi na wumbyori. Lu. 10:3; Rom. 16:19; 1 Kor. 14:20
17Ti woneleni hi vanhu, hakuva va ta mu nyikela tihubyeni, va mu xupula masinagogeni yabye. Mar. 13:9; Lu. 12:11; Miti. 5:40
18Ina, mu ta yisiwa mahlweni ka vafumeli ni tihosi hi kota ya mina, a kuva mu kustumunya ha mina ka vona ni ka vamatiko.
19Kanilezi loku va mu nyikela kabye, mu nga kanakani muku mu ta wulawulisa kuyini niku zini mu ta nga wulawula, hakuva zi ta nyikiwa ka nwina hi xikhati lexi mu ta nga wulawula. Ekso. 4:12; Mar. 13:11-13; Lu. 12:11
20Hakuva a hi nwina mu ta nga wulawula, kanilezi hi Moya wa Raru wa nwina wu to wulawula hi nwina. 2 Sam. 23:2; Miti. 4:8
21A munhu i ta nyikela nakulobye kufeni, ni raru i ta nyikela nʼwana wakwe; a vanana va ta vukela vabeleki vabye, va va dayisa.
22Mu ta vengiwa hi vanhu vontlhe hi kota ya vito ga mina; kanilezi loyi a timiselako kala magumo, hi yena a ta nga hanyiswa. Lu. 21:17; Mar. 13:13
23Kanilezi loku va mu xanisa mutini wo kari, chavelani ka munwani; hakuva hizinene nziku ka nwina: Mu nga ta kala mu mbheta a miti ya vaIsraeli, na Nʼwana wa munhu a nga se ku chikela. Miti. 8:1; Xip. 16:28
24Mupizani a nga hunzi mugonzisi wakwe, ni nanza a gi hunzi a hosi ya gona.
25Zi ringene a mupizani loku a kota mugonzisi wakwe, ni nanza loku gi kotisa hosi ya gona. Loku va vitanile a nwinyi wa yindlu vaku hi Belzebuba, a va ngango wakwe va ta hunzeleta ku vitaniswa lezo. Mar. 3:22; Lu. 11:15
26Kanilezi mu nga va chavi; hakuva a ku na xilo xi fenengetilweko, xi ta nga kala ku funungulwa, ni xi fihlilweko xi ta nga kala ku tibyiwa. Mar. 4:22; Lu. 8:17
27Lezi nzi mu byelako munyameni, zi wulawuleni kuwonekeleni; ni lezi zi hlebyiwako tindleveni ta nwina, banani hungu ha zona le hehla ka tiyindlu.
28Mu nga chavi lava va dayako miri, na va nga hi na ntamu a ku daya muhefemulo; kanilezi chavani loyi a nga ni ntamu a ku lovisa a muhefemulo ni miri le Gehena. Lu. 12:4; 1 Ped. 3:14
29A vamanjingiri vambiri a va xaviswi hi capawu ke? Kasi lezo a nga kona ni munwe wa vona a wako hasi loku a nga zi ranzi a Dadani wa nwina.
30Kanilezi nwina, hambu ni misisi ya tihloko ta nwina yi hlayilwe. 2 Sam. 14:11; Lu. 21:18; Miti. 27:34
31Hikwalaho mu nga chavi, ma va hunza nguvu a vamanjingiri vanyingi.
32Kani hi mani loyi a ta nga nzi vumela mahlweni ka vanhu, minawu nzi ta mu vumela mahlweni ka Dadani wa mina loyi a nga le tilweni. Lu. 12:8; Rom. 10:9, 10; Kuv. 3:5
33Kanilezi loyi a ta nga nzi ala mahlweni ka vanhu, minawu nzi ta mu ala mahlweni ka Dadani wa mina loyi a nga le tilweni.
34Mu nga alakanyi muku nzi tile a ku neha kurula misaveni; a nzi telangi ku neha kurula, kanilezi a supado. Lu. 12:49-53
35Hakuva nzi tele ku ta hambanyisa a munhu ni raru wakwe, a nhanyana ni mamani wakwe, a katamwane ni nwingi wakwe; Mika 7:6
36ni va le ngangweni wa munhu va ta maha valala vakwe. Tis. 41:9; Joh. 13:18
37Loyi a ranzako raru kutani nyine a ku hunza mina a nga nzi faneli; ni loyi a ranzako mufana wakwe kutani nhanyana wakwe a ku hunza mina a nga nzi faneli.
38Loyi a nga rwaliko a xihambano xakwe a nzi lanzela, a nga nzi faneli. Xip. 16:24; Mar. 8:34; Lu. 9:23
39Loyi a hlayisako a kuhanya kakwe i ta lahlekelwa ha kona; kanilezi loyi a lahlekelweko hi kuhanya kakwe hi kota ya mina i ta ku kuma. Lu. 17:33; Joh. 12:25
40Loyi a mu amukelako, wa nzi amukela mina, ni loyi a nzi amukelako wa amukela loyi a nzi rumileko. Lu. 9:48; Joh. 12:44; Gal. 4:14
41Loyi a amukelako muprofeti hi ku mu tiva lezaku muprofeti, i ta amukela a nchachazelo wa muprofeti; ni loyi a amukelako munhu wo lulama hi ku mu tiva lezaku i munhu wo lulama, i ta amukela a nchachazelo wa munhu wo lulama.
42Kani hi mani a nyikako ka munwe wa lava va tsongwani a khokho ga mati yo titimela ntsena, hi ku tiva lezaku mupizani, hizinene nziku ka nwina, a nga ta lahlekelwa hi nchachazelo wakwe. Mar. 9:41; Maheb. 6:10
Currently Selected:
Mateu 10: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
Mateu 10
10
Jesu a hlawula 12 wa vapizani.
1I lo vitana a vapizani vakwe va khume ni vambiri, a va nyika ntamu wa ku hlula a mimoya ya kubiha ni ku yi humesa; ni ku chuma tontlhe tixaka ta tinghumbe ni tixaka tontlhe ta mababyi. Mar. 3:13, 14; 6:7; Lu. 6:13
2A mavito ya vapostoli va khume ni vambiri hi lawa: A wo ranga hi Simoni, a vitwako Pedro, na Andreu nakulobye; na Jakobe a nʼwana Zabedi, na Johani nakulobye; Joh. 1:42
3Filipu, na Bartolomeu; Tomasi, na Mateu muhlengisi; Jakobe a nʼwana Alfeu, na Tadeu;
4na Simoni muKanani, na Judasi Iskarioti, loyi a nga tokometa Jesu. Lu. 6:15; Miti. 1:13; Joh. 13:26
5Jesu i lo ruma lava va khume ni vambiri, a va laya, aku: Mu ngayi ka vamatiko, hambu ku enghena ka muti wa vaSamaria. 2 Tih. 17:24; Xip. 4:15
6Kanilezi yanani ka tiyivu ti lahlekileko ta yindlu ya ka Israeli. Isa. 53:6; Miti. 13:46
7Kufambeni ka nwina kanelani muku: A mufumo wa tilo wu tshinele. Lu. 9:2; Xip. 3:2
8Hanyisani lava va babyako, mu vuxa a vafileko, mu basisa tihlokonho, mu humesa madimoni. Mu amukele hi matsenya, nyikani hi matsenya.
9Mu nga weleli mali ya nzalama ni siliva ni suku lomu mabhandeni ya nwina. Mar. 6:8; Lu. 9:3; 10:4
10Mu nga teki kwama pfhumbeni ga nwina, hambu mabhaji mambiri, hambu zilato ni nhonga; hakuva a xitiri xi fanelwe hi kuga ka xona. Lu. 10:7; 1 Kor. 9:7; 1 Tim. 5:18
11Kani hi wihi muti ni mutana mu to enghena ka wona, mu ta wutisa lezaku himani a faneleko ku mu amukela; tshamani ka yena mu kala mu suka.
12Laha na mu enghenile ndlwini mu ta yi losetela.
13Loku a yindlu yi fanele, a kurula ka nwina a ku tshame ka yona; kanilezi loku yi nga faneli, ngha kurula ka nwina ku tlhelela ka nwina.
14Kani hi wihi a ta nga kala ku mu amukela, hambu ku ingisa a timhaka ta nwina, a xikhati mu humako ka yindlu leyo kutani muti lowo, phumunhani a ntshuri wa mikonzo ya nwina. Mar. 6:11; Miti. 13:51
15Hizinene nziku ka nwina: Hi siku ga kulamula a kutsayiswa ka muti lowo ku ta hunza ka Sodoma ni Gomora.
16Langutani, nza mu ruma na mu fanana ni tiyivu xikari ka timhisi; hikwalaho, tlharihani kota tinyoka, mu ku khwatsi mu matuva, mu ngavi na wumbyori. Lu. 10:3; Rom. 16:19; 1 Kor. 14:20
17Ti woneleni hi vanhu, hakuva va ta mu nyikela tihubyeni, va mu xupula masinagogeni yabye. Mar. 13:9; Lu. 12:11; Miti. 5:40
18Ina, mu ta yisiwa mahlweni ka vafumeli ni tihosi hi kota ya mina, a kuva mu kustumunya ha mina ka vona ni ka vamatiko.
19Kanilezi loku va mu nyikela kabye, mu nga kanakani muku mu ta wulawulisa kuyini niku zini mu ta nga wulawula, hakuva zi ta nyikiwa ka nwina hi xikhati lexi mu ta nga wulawula. Ekso. 4:12; Mar. 13:11-13; Lu. 12:11
20Hakuva a hi nwina mu ta nga wulawula, kanilezi hi Moya wa Raru wa nwina wu to wulawula hi nwina. 2 Sam. 23:2; Miti. 4:8
21A munhu i ta nyikela nakulobye kufeni, ni raru i ta nyikela nʼwana wakwe; a vanana va ta vukela vabeleki vabye, va va dayisa.
22Mu ta vengiwa hi vanhu vontlhe hi kota ya vito ga mina; kanilezi loyi a timiselako kala magumo, hi yena a ta nga hanyiswa. Lu. 21:17; Mar. 13:13
23Kanilezi loku va mu xanisa mutini wo kari, chavelani ka munwani; hakuva hizinene nziku ka nwina: Mu nga ta kala mu mbheta a miti ya vaIsraeli, na Nʼwana wa munhu a nga se ku chikela. Miti. 8:1; Xip. 16:28
24Mupizani a nga hunzi mugonzisi wakwe, ni nanza a gi hunzi a hosi ya gona.
25Zi ringene a mupizani loku a kota mugonzisi wakwe, ni nanza loku gi kotisa hosi ya gona. Loku va vitanile a nwinyi wa yindlu vaku hi Belzebuba, a va ngango wakwe va ta hunzeleta ku vitaniswa lezo. Mar. 3:22; Lu. 11:15
26Kanilezi mu nga va chavi; hakuva a ku na xilo xi fenengetilweko, xi ta nga kala ku funungulwa, ni xi fihlilweko xi ta nga kala ku tibyiwa. Mar. 4:22; Lu. 8:17
27Lezi nzi mu byelako munyameni, zi wulawuleni kuwonekeleni; ni lezi zi hlebyiwako tindleveni ta nwina, banani hungu ha zona le hehla ka tiyindlu.
28Mu nga chavi lava va dayako miri, na va nga hi na ntamu a ku daya muhefemulo; kanilezi chavani loyi a nga ni ntamu a ku lovisa a muhefemulo ni miri le Gehena. Lu. 12:4; 1 Ped. 3:14
29A vamanjingiri vambiri a va xaviswi hi capawu ke? Kasi lezo a nga kona ni munwe wa vona a wako hasi loku a nga zi ranzi a Dadani wa nwina.
30Kanilezi nwina, hambu ni misisi ya tihloko ta nwina yi hlayilwe. 2 Sam. 14:11; Lu. 21:18; Miti. 27:34
31Hikwalaho mu nga chavi, ma va hunza nguvu a vamanjingiri vanyingi.
32Kani hi mani loyi a ta nga nzi vumela mahlweni ka vanhu, minawu nzi ta mu vumela mahlweni ka Dadani wa mina loyi a nga le tilweni. Lu. 12:8; Rom. 10:9, 10; Kuv. 3:5
33Kanilezi loyi a ta nga nzi ala mahlweni ka vanhu, minawu nzi ta mu ala mahlweni ka Dadani wa mina loyi a nga le tilweni.
34Mu nga alakanyi muku nzi tile a ku neha kurula misaveni; a nzi telangi ku neha kurula, kanilezi a supado. Lu. 12:49-53
35Hakuva nzi tele ku ta hambanyisa a munhu ni raru wakwe, a nhanyana ni mamani wakwe, a katamwane ni nwingi wakwe; Mika 7:6
36ni va le ngangweni wa munhu va ta maha valala vakwe. Tis. 41:9; Joh. 13:18
37Loyi a ranzako raru kutani nyine a ku hunza mina a nga nzi faneli; ni loyi a ranzako mufana wakwe kutani nhanyana wakwe a ku hunza mina a nga nzi faneli.
38Loyi a nga rwaliko a xihambano xakwe a nzi lanzela, a nga nzi faneli. Xip. 16:24; Mar. 8:34; Lu. 9:23
39Loyi a hlayisako a kuhanya kakwe i ta lahlekelwa ha kona; kanilezi loyi a lahlekelweko hi kuhanya kakwe hi kota ya mina i ta ku kuma. Lu. 17:33; Joh. 12:25
40Loyi a mu amukelako, wa nzi amukela mina, ni loyi a nzi amukelako wa amukela loyi a nzi rumileko. Lu. 9:48; Joh. 12:44; Gal. 4:14
41Loyi a amukelako muprofeti hi ku mu tiva lezaku muprofeti, i ta amukela a nchachazelo wa muprofeti; ni loyi a amukelako munhu wo lulama hi ku mu tiva lezaku i munhu wo lulama, i ta amukela a nchachazelo wa munhu wo lulama.
42Kani hi mani a nyikako ka munwe wa lava va tsongwani a khokho ga mati yo titimela ntsena, hi ku tiva lezaku mupizani, hizinene nziku ka nwina, a nga ta lahlekelwa hi nchachazelo wakwe. Mar. 9:41; Maheb. 6:10
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.